اخوتى الاحبه متابعى يوميات السطوحى الغشيم ومراته محاسن الان موعدنا مع الجزء الرابع من اليوميات
4

بعد ما ربنا كرم العيله بالعجل الجديد واتملى البيت بروح حلوه وكل العيله مبسوطه
وطبعا بعد الولاده كان طبعا عمكم السطوحى تعبان وحب ياخد دش واهو بالمره
بقى يحلل حق السخان فراح فتح الدولاب عشان يجيب هدومه مهو مش معقول حيقول
لمحاسن هاتيلى غيارات ليه هى هزلت
ولو كانت تعرف محاسن ايه اللى حيحصل كانت قالت ياريتنى قمت جبتله هدومه
ايه بقى اللى حصل
عمكم السطوحى بيجيب هدومه وبيشد جلابيه من الدولاب فلقى رزمة فلوس وقعت من بين الهدوم وعدهم لقاهم 225 جنيه فنادى لمحاسن وقالها
يامحاسنانت يا وليه انت
ايوه يا سطوحى بتزعق ليه هى الدنيا طارت
لا بس شكلها كده حتطير
ايوه نعم عايز ايه
ايه دول يا محاسن
حيكونو ايه فلوس ياسطوحى
والله بجد انا فكرت انهم ورق كوتشينه
لا والله طول عمرك دمك خفيف يا سطوحى
بتاعة مين الفلوس دى يا محاسن وايه اللى جابهم فى الدولاب
دول فلوسى
فلوسك !!!! منين بقى الفلوس دى
دى فلوس موفراهم من العيد ومن مصروف البيت للزنقه
يعنى بتخنصرى من ورايا يا محاسن
وليه بتسميها خنصره
وهو ليها اسم تانى يا محاسن
الحق عليا انى بوفر يعنى ياسطوحى وقلبى على البيت
طيب مهو احنا كنا مزنوقين اليومين دول ما طلعتيهمش ليه
اولا انا مش عايناهم لزنقه بالشكل ده يا سطوحى
السخان انت جبته وكتر خيرك انك جبته وولادة الجموسه مقدور عليها وابو حمزه 2 فكها عليك يعنى ربنا مسهلها اليومين دول
لكن افرض حد من العيال عيى وللا جراله حاجه نبقى نعمل ايه ونجيب فلوس منين
ياستى ربنا بيدبرها وبيحلها من عنده
ونعم بالله بس ايه المانع اننا نرتب امورنا يا سطوحى
انت عندك حق يا محاسن بس ما تنسيش انك حرقتى قلوبنا بالكشرى والبرنجان المقلى
يعنى اللى انت بتوفريه هو ده اللى حيجيب المرض لعيالنا
طيب انا عايزه اسالك سؤال يا سطوحى
قولى يا محاسن اسالى
ما سالتش نفسك ليه فاطمه بنتك ما عادتش بتطلب مصاريف الكتب منك
والله الموضوع ده ما جه على بالى ابدا
الفلوس دى كانت 300 جنيه
ياسطوحى لحد انهاره اديت لفاطمه مصاريف الكتب وجبت الفرخه اللى احنا
اتغدينا بيها انهارده وللا انت كنت سايبلى فلوس يعنى اجيب بها حاجه
لا ماكنتش سايبلك فلوس
بس انا عايز اعرف حاجه لما انت قلبك على البيت وعلى العيال وعليا امال على طول شايلانا على دماغك وزاعقه ليه يا محاسن
الدنيا بقى ياسطوحى والعيال بيديقو خلقى وانت على طول بره البيت وما بلاقيش حد افش فيه غلى اموت مفروسه يعنى ياسطوحى
لا ربنا يخليك لينا يا محاسن خدى الفلوس اهى عينيهم بمعرفتك
يعنى انت مش زعلان يا سطوحى
لا انا مش زعلان بس عايز استحمى
حروح انا الحمام استحمى وروحى انت شوفى العيال لياكلو العجل دول ولادى ويعملوها
انت يابت يافاطمه انتم فين انت واخواتك
احنا هنا اهو ياما بنلعب بالعجل
تعالى هنا يابنت انت وهم هو العجل ده لعبه
طيب جايين اهو
ايه ياعزيزه عاجبك العجل
حلو اوى يا اما ينفع ينام معايا فى الاوضه بتاعتنا
لا بس عليك انت اللى تنامى معاه فى الزريبه هههههههههه بس الخوف لنغلط فيكم انتم الاتنين
فرد عبده الرايق بقى وقال ايه نبقى نكتب اسم عزيزه على ايدها يا اما
هههههههههههههههه
وردت عزيزه ام لسان طويل وقالتلهم ونكتب اسم عبده على رجل العجل
كده طيب والله ما انا عاتقك تعالى بقى
جرت عزيزه من اخوها ولقت ابوها طالع من الحمام اتحامت فيه من اخوها عبده
وكلهم فضلو يضحكو عليهم وكان يوم حلو على عيلة السطوحى الغشيم ومراته محاسن

وبكره نكمل مهاهم ايامهم ان شاء الله

 

جميله قوى يابو حمزة تسلم ايدك
بس انت خلتنى ظنيت سوء فى الست محاسن
وهى طلعت اصيله وبنت ناس
وقلبها على المصلحه
ههههههههههههههههههههههه
فى انتظار الباقى

 

بصراحة هى دى وحهة نظرى فى الست البرمباليه
احيانا متعبه بس فى وقت الجد بتكون ب 100 راجل



اهو انا بسحب ناعم اهو يا جدعان الستات على راسنا من فوق
هههههههههههههههههههههههههه
شكرا على مروركى عنقاء

 

العنقاء كتب:

الفكرة اللى انا اتوقعتها فى القصه
ان الست محاسن نكديه
وماعندهاش رضا باللى ربنا قسمهولها
ربنا يكفيك شر الست النكديه
هههههههههههههههههه

محاسن ايه الى نكديه منتى مش بتقرائى ولا ايه القصه كل كلامها ان محاسن طالع عينها من السطوحى وم العيال عنديه ايه بقى ده لو جبل مكانها كان نطق وقال كفاااااااااااايه [ندعوك للتسجيل في المنتدى أو التعريف بنفسك لمعاينة هذه الصورة]

 

M.Mousa كتب:

العنقاء كتب:

الفكرة اللى انا اتوقعتها فى القصه
ان الست محاسن نكديه
وماعندهاش رضا باللى ربنا قسمهولها
ربنا يكفيك شر الست النكديه
هههههههههههههههههه

محاسن ايه الى نكديه منتى مش بتقرائى ولا ايه القصه كل كلامها ان محاسن طالع عينها من السطوحى وم العيال عنديه ايه بقى ده لو جبل مكانها كان نطق وقال كفاااااااااااايه [ندعوك للتسجيل في المنتدى أو التعريف بنفسك لمعاينة هذه الصورة]

انا شايفك معجب قوى بمحاسن لنت تعرفها وللا معجب بيها
ما تنساش انها متجوزه

 

والله يا بو حمزة انت بتجيب من الآخر ... كلمتين فيهم الشفا

ربنا ينصرك علي من يعاديك يا رب العالمين

 

اية يابو حمزة القصة الحلوة


انا منتظر باقي القصة


بس القصة فلاحي وجميلة

 

الأخ / أبو حمزة الجمل

يومياتك الجميلة الطريفة اضفت على المنتدى لمسة فكاهة جميلة كان فى حاجة اليها وأضاءت لنا فى شخصيتك

جانب من الطرافة اضافة الى مواضيعك الجادة والهامة السابقة ,فتحيتى لك على تنوعك الجميل وجهدك المتواصل

وهذا من أحد اهم أسباب نجاح منتدانا الجميل .

على حسن على

(اعرف اننى وعدتك بوضع صورة لى فى المنتدى فلا تعلق وتأكد أننى سأفى بوعدى )

 

أبو أدهم كتب:

والله يا بو حمزة انت بتجيب من الآخر ... كلمتين فيهم الشفا

ربنا ينصرك علي من يعاديك يا رب العالمين

انا متشكر يا ابو ادهم على متابعتك المستمره وارجو ان اليوميات تكون عاجباك
وشكرا على مرورك

 

محمد محمد جاد كتب:

اية يابو حمزة القصة الحلوة


انا منتظر باقي القصة


بس القصة فلاحي وجميلة

انا عملت اليوميات دى لبرمبال من برمبال وحلاوتها انها فلاحى القصص الرومانسيه والبوليسيه ماليه المنتديات التانيه لكن دى عامله زى السمكه لو طلعت من منتدانا تموت
وشكرا على متابعتك ومرورك اخى محمد

 

ahassan كتب:

الأخ / أبو حمزة الجمل

يومياتك الجميلة الطريفة اضفت على المنتدى لمسة فكاهة جميلة كان فى حاجة اليها وأضاءت لنا فى شخصيتك

جانب من الطرافة اضافة الى مواضيعك الجادة والهامة السابقة ,فتحيتى لك على تنوعك الجميل وجهدك المتواصل

وهذا من أحد اهم أسباب نجاح منتدانا الجميل .

على حسن على

(اعرف اننى وعدتك بوضع صورة لى فى المنتدى فلا تعلق وتأكد أننى سأفى بوعدى )

كلمات اتشرف ان تكون فى حقى انا اخى على وارجو ان اكون دائما عند حسن ظن الجميع
وفى انتظار صورتك جايز نطلع قرايب ياعم
ههههههههههههههههه
شكرا لمتابعتكا خى على

 

جميلة اليوميات يابو حمزه بس لى وقفة عند الفرخة الى محاسن جيباهه ياريت تسألها منين
(هتقولك من عندرضا ابو احمد (محل عالم الطيور) ووخداهه خرج واسمها موجود فى الدفتر
وعلشان خاطر ابوحمزه والى من طرفه هشطب اسم محاسن من الدفتر مساعده منى لهاعلشان
المجدعه والامانه وصاينه جوزها وعيالها ولانها برمباليه صح الصح

 

انا حاسس انى عارفك وجايز لو شفت صورتك الشخصيه اعرفك بجد وانت بتقول انك ابو احمد احمد ده كان اقرع وهو صغير
لو اقرع يبقى عرفتك
وبعدين من باب اولى يا عم رضا بدل ما تشطب محاسن من الدفتر اشطبنى انا دا انا غلبان

وبعدين ياعم انا لما بقول اسماء المحلات الناس بتزعل وبتقول انا بعمل اعلانات

وشرفنى مرورك وياريت نشوف صورتك الشخصيه
اخوك ابو حمزه 2

 

ياابو حمزه كلك زوق وكلامك الحلو ده بيمسكنى باليوميات اكتر ومافوتش حلقه منها ويارب يقدرك
بكل يوم حلقه وبالاستمرار فيها لانها بجد طبق الفاكهه فى المنتدى
امابخصوص احمد وحلاقته ده كان بيحلق كابوريا وطقيه كاريه وانته معدى من على المشروع
بتشوفه بالجنب تفكر انه حالق ولكن طول عمره نزيه وما بيحلقش اقرعه ههههههههههههههههه
اما بخصوص الصورة ان شاء الله بس الشعر يطول لانى حالق قرعه هههههههههههههههه