اخواتى نكمل مع بعض بقية يوميات عمكم السطوحى وعشان ما اطولش معاكم فى موضوع السخان ححكيلكم بس ايه اللى حصل بعد ما السخان ركب
صلو بينا على النبى

عمكم السطوحى لما رجع ومعاه الكهربائى عشان يركب السخان عمل العيال فرح فى البيت ومحاسن كان هاين عليها تتحزم وترقص
المهم خلص الكهربائى تركيب السخان واتاكد ان السخان شغال ميه ميه واخد من عمكم السطوحى اللى فيه القسمه وروح على بيته
العيال كل واحد منهم جرى وجاب الهدوم وعايز يجرب السخان ويكون او حد يجربه
بس محاسن طلعت بقرار وواجب التنفيز انها اول حد حيجرب السخان ودخلت الاوضه
وجابت الفوطه والهدوم بتاعتها بس لقت عمكم السطوحى قاعد سرحان وبيفكر
ففهمت الناصحه انه متدايق من الدين بتاع السخان فحبت تغيظه فبدات تغنى
وطبعا كان عمكم السطوحى بيحبها تغنى عشان يوفر فلت واهو بيطفش النموس وخلاص
قالت ايه محاسن (الطشط قالى الطشط قالى يا حلوه ياللى قومى استحمى) فمن غيظه عمكم السطوحى قالها اكيد الطشط شم ريحتك

سكتت محاسن وقالت كفايه عليه كده وراحت استحمت ورجعت وبكده جه ميعاد النوم وسكت البيت

واذن الديك وقامو وحصل بينهم الحوار بتاع كل يوم بس انهارده حنسرح مع عمكم السطوحى ونشوف بقى سموه الغشيم ليه
عدى السطوحى على السيد ابو احمد وراحم على غيط ابو حمزه 2

انت ركبت السخان يا حاج سيد
ايوه ياعم مهو الكهربائى عدى عليا ركبه بعد ما خلص عندك
وجربته
انا ما بحبش الميه السخنه عشان لما بطلع فى السقعه باخد برد
امال جبته ليه بقى
اهو عشان خاطر العيال وكمان الهم الكبير سنيه المفتريه
انت كمان يا حاج سيد
اعمل ايه يعنى يا سطوحى تعب ساعه ولا كل ساعه واهو اخلص من زنها
ياراجل والله ما انا عارف اعمل ايه فى محاسن لا بيعجبها العجب ولا الصيام فى رجب
ياسيدى النسوان كلهم كده
لا زى محاسن مافيش دى تطلق الجمل من مراته
بس بدل ما ابو حمزه يسمعك ويزعل منك
ياعم ما يزعل وللا يتفلق هو احنا يعنى خدامين عنده
والله انت ياسطوحى اللى لا يعجبك العجب ولا الصيام فى رجب
ياعم دا ماسابش حد الا اما قاله على يوم ما العربيه غرزت فى الربه
هههههههههههه مهو انت اللى غلطان يا سطوحى تنزل العربيه فى الارض وهى لسه مرويه
وهو انا يعنى اعمل ايه اشيل على ظهرى يعنى
لا بوظ للراجل ارضه وكمان انت اللى زعلان واحد غيره كان خصم منك حق اللى خسرته

ووصلو الارض هما الاتنين وكان شغلهم فى اليوم ده حش دريس وفضلو يحشم هما الاتنين وشويه لقى الواد عبده ابنه جاى بيجرى من بعيد ويقول يابا يابا
ايه اللى جايبك ياد ومرحتش المدرسه ليه ياد امك ماتت
لا لسه بس الجموسه بتولد وامى جت خدتنى من المدرسه عشان اجى اقولك
بتولد طيب اجرى روح للدكتور ابو المعاطى حاته بسرعه وقوله ابويا اللى باعتنى
طيب بس هات جنيه لما اخد تكتك وللا حروح عند المزلقان مشى
روح يابن .........مافيش معايا فلوس
يوووووووووووو طيب والله ما انا جارى

ما تيجى نلحق الجموسه يا حاج سيد عشان ربنا يسترها
يللا ياعم نروح
وفى الوقت ده جه بقى ابو حمزه 2 وقالهم على فين يارجاله خير
دى جموسة السطوحى بتولد وعايزين نلحقها
طيب سيب الحمار هنا يا سطوحى وتعالى ورايا على المتوسيكل اوديك والحاج سيد يبقى يجيب الحمار على مهله
كتر خيرك يا ابو حمزه
ولا يهمك يا سطوحى انا فى الخدمه
وصل عمكم السطوحى البيت وشويه وجه الدكتور ابو المعاطى ومحاسن طبعا قلقانه اصل دى الولاده الاولى للجموسه وبتبقى صعبه شويه
ربنا كرمهم بعجل صغير والحمد لله تمت الولاده على خير
وطبعا ابو حمزه راح جاب فلوس للسطوحى مش جدعنه دى فلوس الاسبوع اللى اشتغله السطوحى عنده وحاسب عمكم السطوحى الدكتور ابو المعاطى
والفرحه ما بقاتش سايعه محاسن مين قدها حيبقى عندها فى البيت لبن وحتاكل كمان خنشوره
اوعدنا يارب وناكل خنشوره
وجه السيد ابو احمد وجاب الحمار للسطوحى وهناه على المولود الجديد وروح
وساب بقى السطوحى بيرتب الزريبه عشان يعمل حته للعجل ينام فيها
وروح على بيته


ونبقى نكمل اليوميات مع بعض ان شاء الله عشان ما اطولش عليكم
انتظرونى

 

الوئتي ياسي الأستاذ ابوحمزه انت بتؤول ان السطوحي طلع غلبان مهوش غشيم اكمنه يعني مجوز محاسن طيب مش دي نئاوته ولا حد كان ضربه علي ايده يبقي غشيم ولا مهوش غشيم ولا اكمنها معاها دبلون تبقي عروسه لؤطه وبعدين ياسيدي السخان ايجه برزؤه أهو الجموسه ولدت وهيسدد الأأساط من اللبن بس المهم يأكل الجموسه ربه خضرا اليومين دول وميبخلش عليها لأني عارفه اذر وبيموت علي الجنيه

 

فى الكلام اللى انت بتقوله عندك حق هو فعلا غشيم شايف الراجل بيغلط فيا ازاى وانا برده اكرمته فى الاخر
يللا احنا نعمل الخير ونرميه فى خلقته الواطى
بس انت برده شكلك خايف تنضم للجمعيه يا ابو حمزه ياعم افصل النت عن الحكومه واشترك واعمل زيى
بس انا لحد دلوقتى مش عارف لما النت يوصل ابقى اخلى وصيتى مع مين

 

انت عارف ياسي الاستاذ يابتاع الجمعيه احنا كَنا عايشين في وهم كبير أبل الجواز وكنا بنؤؤل لو المَرَه فتحت حَنَكها هتاخد علي بوزها وتِكَرَش علي دار ابوها لحد ما تتأدب كَل واحد فينا كان مفكر نفسه الاستاذ احمد أبوعبدالجواد ومراته هتبأي الست أمينه ربنا يرحمهم ويديك طولة العمر بس بعدين بأي لئينا ان الواحد يعيش أرنب سعيد أحسن ميبأي اسد حزين هشان كده الله يسترها معاك ماعدتش تحدتني عن الجمعية بتاعتك دي وشوف مصالحك وغيطك وبهايمك وانسي الخرابيت دي

 

والله عندك حأ يا سى الأستاذ -كنا بنقول لو بمبكت هتسيب البيت وتروح عند ابوها -بص علينا دلوقتى احنا اللى سيبنا الدوله بحالها دوله ايه دى القاره كمان ربنا يسترها علينا

 

ههههههههههههههههههههههههههههههههههه
تسلم يا باشا
و فى انتظار البقية

 

 

القصه ليست من وحى الخيل كما قلت لكن انما هى من واقع الريف المصرى مع التغير فقط فى اسماء الابطال وانت وكلنا نعلم ذالك

 

رشاد رشدى كتب:

القصه ليست من وحى الخيل كما قلت لكن انما هى من واقع الريف المصرى مع التغير فقط فى اسماء الابطال وانت وكلنا نعلم ذالك

اخى رشاد ارجو توضيح لوجهة نظرك كى لا يلتبس الامر لدى
واشكرك على مرورك

 

يا رجاله معلهش ممكن انتم بقى تعملو الجمعيه مع بعض من غيرى
معلهش ياجماعه النت اشتغل عن الوليه وجايلى تهديدات انا مش قدها
وللا تحبو ان اخرة ابو حمزه الجمل تبقى فى شوية اكياس مرميه على شط المشروع
انا راجل والراجل اللى يعترف بغلطه وانا بعترف انى مش قد الحكومه
ادعولى

 

عمرو كتب:

ههههههههههههههههههههههههههههههههههه
تسلم يا باشا
و فى انتظار البقية

كم اسعدنى مرورك اخى عمرو وان شاء الله باقى اليوميات تكون عند حسن ظنك ان شاء الله

 

madoo.ibda3 كتب:

شكرااااااااااااااااا يا ابو حمزه ويا رب التواصل

اسف لعم تواجدى


دخول متقطع امتحانات


اخوك محمد

كم يسعدنى مرورك اخى محمد دائما وربنا يوفقك فى امتحاناتك ونسمع عنك اخبار كويسه ان شاء الله

 

ههههههههههههههههههههههههههههههههههههههههههههههههههه
متشكرين ياحيلي عالاصة الحلوة دي حدالله فكرة جميلة علولي فيها بعدش ضحك حلوين روح ينورلك طريقك ويصلح حالك يا امير يبن الامرا
مستنيييييين الباق ياضنايا
هههههههههههههههههههههههههههههههههههههههههههههههههه

 

ويا ترى نوع المتوسيكل ايه
وكاش ولا قسط
وطلعت لك بقسطين لبن من العالم الجعانه دي ولا لا