بسم الله الرحمن الرحيم
اخوتى الاعزاء متابعى يوميات السطوحى الغشيم ومراته محاسن
انتم الان مع الموعد مع الحلقه الخامسه من اليوميا اتمنى ان تحوز اعجابكم

5

بعدما قضت العيله يوم جميل وسعيد مليان ضحك دخل عليهم الليل ونامو كلهم
بس حصل حاجه غريبه قبل الفجر خبط باب البيت تخبيط شديد
طك طك طك طك طك
قام السطوحى مجعوز من نومه وصحى محاسن
قومى يامحاسن الباب بيخبط
طيب وانا اعمل ايه يعنى اقوم افتح انا يعنى
لا تفتكرى مين اللى حيجيلنا فى الوقت ده
لو فتحت الباب حتعرف ياسطوحى سيبنى عايزه انام
يووووو نامى ياختى نوم الظالم عباده
اتلم فى ليلتك دى خليها تعدى ياسطوحى
طيب ياختى
وطلع السطوحى من الاوضه وقال مين اللى على الباب
رد عليه واحد من بره الباب وقاله
افتح مباحث
مباحث استر يارب
سمعت محاسن كلمة مباحث سترت نفسها باى حاجه وطلعت تجرى وتقول للسطوحى عملت ايه يامنيل
انا عارف ياوليه هو فى ايه
فتح الباب لقى ظابط واقف على الباب وبيقوله
انت السطوحى الغشيم
ايوه انا ياباشا فى ايه
اقبضو عليه وفتشو البيت
قالت محاسن فى ايه بس ياحضرة الظابط فهمنى بس
جوزك متهم بسرقة بهايم ابو حمزه 1
عملتها ياسطوحى
بس يا مره عملت ايه حتودينى فى داهيه الله يخرب بيتك
يعنى انت عارفه انه كان ناوى يسرق البهايم
لا بس يعملها ده انا ماستبعدش عنه حاجه ده عليه يكون جاسوس لاسرائل يا حاضرة الظابط
كمان دا انت يومك مش فايت
والله مظلوم ياناس
يعنى ابو حمزه 1 بيتبلى عليك
هو حاططنى فى دماغه من يوم حكاية البقره السوده
وايه اللى حصل بقى ياروح امك عشان يتبلى عليك
انا اللى اقولك يا حضرة الظابط بذمتك ياحضرة الظابط عمرك سمعت عن حد يحلب بقره لحد ما يجيلها جفاف
نعم جفاف يخرب بيتك ياسطوحى دا انا حعدمك دا انت حتشوف معايا ايام زى عمايلك
طيب وانا اعمل ايه ابو حمزه 1 هو اللى قالى نفسى لبن البقره يزيد اجيبله منين
تزود اللبن تقوم تجيبلها جفاف والله ما انا عاتقك هاتوه
شايف حضرة الظابط لسه شايفك دلوقتى ومش طايقك امال انا اعمل ايه اللى عايشه معاك 12 سنه دا انا المفروض اخد جايزه على عيشتى معاك
طول عمرك قليلة الاصل يا محاسن ومش جديده عليك
يللا خده من هنا يا حضرة الظابط خلينا نرتاح من خلقته
خدوه على البكس
برئ ما سرقتش البهايم ما سرقتش البهايم
سطوحى سطوحى بهايم ايه ياسطوحى
محاسن هو انا فين
سلامتك ياراجل انت نايم فى سريرك
امال فين الظابط
ظابط ايه وبهايم ايه اللى انت بتحلم بيها
بحلم وهو ده كان حلم دا لو انا كنت بحلم يبقى ده كابوس مش حلم
ههههههههههههههه جعزتنى منك لله ياسطوحى
ما هى دى اخرة الشغل مع ابو حمزه
انهو فيهم 1 وللا 2
الاتنين مهما عاملين زى بعض
والله انت اللى مافى زيك ياسطوحى دول لو ادولك صوابعهم العشره شمع مش حيعجبك
ياشيخه بلا هم سيبينى بقى عشان الحق اناملى شويه
نام ياسطوحى نام اهو ده اللى انت فالح فيه دايما تجيب سيرة الناس بالوحش وتنسى الخير اللى بيعملوه نام ياسطوحى نام


وبكده نام السطوحى وبكره بقى نعرف ايه اللى حيحصل للسطوحى مع مراته ان شاء الله

انتظرونى

 

 

احلى حاجه فى القصه دى الكوميديا اللى بين محاسن وجوزها
والاحلى منهم طبعا القلم اللى كتب الموضوع
هههههههههههههههههههههههه
تسلم ايدك يابو حمزة على مجهودك الرائع

 

ابو تسنيم كتب:

ههههههههههههههههه
الله ينور يا شقيق
[ندعوك للتسجيل في المنتدى أو التعريف بنفسك لمعاينة هذه الصورة]

اشكرك على متابعتك المستمره اخى ابو تسنيم

 

العنقاء كتب:

احلى حاجه فى القصه دى الكوميديا اللى بين محاسن وجوزها
والاحلى منهم طبعا القلم اللى كتب الموضوع
هههههههههههههههههههههههه
تسلم ايدك يابو حمزة على مجهودك الرائع

شكرا على المجامله اللطيفه وكم يسعدنى متابعتكا المستمره لليوميات

 

اولا احب ان اشكر كل من يتابع اليوميات
واخص بالشكر المتابعون اليوميين اللذين يضيفون التعليقات وينقدون احيانا
وهذا ما يشعرنى بقيمة العمل
ويدفعنى الى ان ابزل كل ما فى وسعى لاستكمال اليوميات بالشكل اللذى يرضى ازواق اعضاء منتدانا الجميل
وادعو من يتابع اليوميات بطرح اقتراحاتهم ورؤياهم وافكارهم كى تكون اليوميات ملك كل شخص وليست ملك كاتبها فقط
ولكم منى جزيل الشكر اخوتى واخواتى
ابو حمزه 2