الرئيسيةبحـثالتسجيلالمجموعاتدخول

نتشرف بزيارتكم
سيتم التحويل خلال 10 ثوانى


 

    منتدى شباب برمبال القديمة والرياض | Shabab Bermbal & Elriad :: •.♥.•°¨'*·~-.¸¸,.-~ واحة الإبداع الحر ~-.¸¸,.-~*'°•.♥.•° :: !{ إبداع القصة والمقال ..

  
شاطر | 
 
 

 يوميات السطوحى الغشيم ومراته محاسن .. الحلقه التاسعه

استعرض الموضوع السابق استعرض الموضوع التالي اذهب الى الأسفل 
كاتب الموضوعمحتوى الموضوع

ابوحمزه الجمل

avatar

...::|برمبالى برونزى|::...



جـنـسـى : ذكر

بــــــلادى :

جنسيتى :

هــــوايتى :

وظــيفتى :

عــــــمرى : 34

مـــــزاجى : ب أ م أ ح

عدد مساهماتى : 1768

تاريخ ميلادى : 01/01/1984





معاينة صفحة البيانات الشخصي للعضو http://www.shabab-bermbal.com/rss http://www.facebook.com/shabab.bermbal

مُساهمةموضوع: يوميات السطوحى الغشيم ومراته محاسن .. الحلقه التاسعه   الأحد يناير 16, 2011 6:44 pm

اخوتى الاحبه متابعى يوميات السطوحى الغشيم ومراته محاسن الان موعدكم مع الحلقه التاسعه من اليوميات واعدكم انها ستعجنكم ان شاء الله
والان مع اليوميات

9


بعد ما روح عمكم السطوحى بالتليفون الجديد للبيت حصل بينه وبين مراته محاسن مناوشات ومناورات وعمليات انتحاريه وبعد كده عملو هدنه واتفق معاها انه بعد ما يطلع زرعة البصل حيجيبلها واحد
وانتهت مشكلة التليفون بالنسبه لعمكم السطوحى بس بعد كام يوم كده حصل اللى ما كنش عمكم السطوحى ومراته محاسن عاملين حسابه
فى يوم بعد ما رجع عمكم السطوحى من الغيط وفضل ينادى على محاسن فملقاهاش فى البيت ولقى مفتاح البيت فى المكان اللى هما متفقين يعينوه لبعض فيه فعرف انها راحت مشوار فعمل شوية مصالح فى الزريبه للبهايم وعلفهم وظبط حاله وطلع بقى عشان يستحمى عما يشوف بقى محاسن رجعت وللا لسه

شويه ورجعت محاسن بس وشها مقلوب ومش بحالتها فسالها عمكم السطوحى
ايه يا محاسن كنتى فين
مفيش كنت فى الاجزخانه
خير مالك
مافيش مصدعه شويه بس يا سطوحى
لا سلامتك ياستى
طيب انا راحه الحمام وجايه
دخلت محاسن الحمام بس طولت فيه شويه فقلق السطوحى عليها
ايه يا محاسن فى ايه انت تعبانه قوى وللا ايه
لا انا كويسه طالعه اهو يا سطوحى
انت متاكده
فوقتها فتحت محاسن الحمام وطلعت بس شكلها بقى اسوا من الاول والسطوحى قلق اكتر
فى ايه مالك يامره انت عامله كده ليه عرفينى ولو عايزه تروحى تكشفى اخدك اكشف عليك فى ايه يابنتى
مش مستاهله يا سطوحى انا عرفت خلاص ايه اللى تاعبنى
خير مالك بس
انا مش عارفه اقولك ايه ياسطوحى
ما تقولى يابنت الحلال اعصابى تلفانه لواحدها ومش ناقص خلصى وقولى
سطوحى !!!!!!!!!!!! انا !!!!!! حامل
ايه وازاى
هو ايه ازاى ما تحاسب على كلامك
لا مش قصدى اقصد عرفتى ازاى
انا تعبانه من يومين وبحس بهبوط وتعب فى بطنى فحسيت انى حامل فحبيت اتاكد رحت الاجزخانه وجبت شريط اختبار وعملت اختبار دلوقتى وطلعت حامل
بس انت مش عامله حسابك
ايوه بس ده قدر ربنا بقى اعمل ايه
الحمد لله اللى يجيبه ربنا كويس
يعنى مش زعلان ياسطوحى
ويفيد بايه الزعل يا محاسن وايه اللى حيزعلنى
يعنى انت مش ناقص مصاريف زياده
ياستى كل مولود بيتولد برزقه وما فيش حد ليه فى نفسه حاجه
طيب الحمد لله انا كنت خايفه قوى انك تزعل وتعملها حكايه

مش مستاهله يابنت الحلال ربنا يقدرنا ونربي العيال احسن تربيه ان شاء الله

وفى الوقت ده كانو رجعو العيال من المدرسه وابوهم وامهم قالو لهم على الخبر
العيال اتغدو ودخلو اوضتهم وعملو اجتماع فى غاية السريه مع منع دخول الصحافه والتليفزيون
بس انا بقى عملت فيها كرومبو واخدت البلطو والنظاره المعظمه اللى مش عارف بيعمل بيها ايه كرومبو ده وسجلت كل الحوار اللى حصل فى القمة الثلاثيه بين الاولاد وحصريا فى اليوميات

وده اللى حصل بينهم

فاطمه : انت ايه رايك يا عبده فى الموضوع ده
عبده :والله انا قلقان يا فاطمه
فاطمه :يعنى زى حالاتى
فاطمه :وانت يا ام لسان طويل رايك ايه
عزيزه :انا بقى مبسوطه
عبده :وايه بقى اللى باسطك كده يا ختى
عزيزه :اخيرا حلاقى حد اتامر عليه وابقى اخته الكبيره اشمعنى انتم يعنى بتتامرو عليا
فاطمه :اما صحيح عيله
عبده : لا وعبيطه كمان
عزيزه :وليه بقى يا فتك وايه اللى مزعلك انت بقى
عبده:يا ناصحه انت ما شفتيش فيلم عبود على الحدود
عزيزه :شفته بتاع احمد السقا صح
فاطمه :احمد السقا يا ناصحه سيبك منها ياعبده كمل عايز تقول ايه

عبده :ياستى لو المولود ده طلع ولد حيحصل ايه
عزيزه :ايه يا نطل
فاطمه :ما تاطمى بقى يابت انت وخليه يكمل
عبده : سيبك منها يا ستى المولود ده لو طلع ولد يبقى انا حدخل الجيش
فاطمه :تصدق صح
عزيزه :طيب وايه يعنى عشان تبقى راجل
عبده :وهو انا مش راجل يابت
عزيزه :انت ما بتعملش راجل غير عليا دى فاطمه بتضربك
فاطمه : يووووووووووووو بقى يا عزيزه انت حتاطمى بقى وللا لا
عزيزه : سكت اهو
عبده :وايه بقى اللى مدايقك يا فاطمه
عزيزه :اكيد حتدخل الجيش هى كمان
فاطمه :كده طيب والله لانت مضروبه
عزيزه جرت وطلعت من الاوضه تتحامى فى ابوها وامها راحت فاطمه راجعه وقافله الاوضه وكملت كلامها بقى مع عبده
عبده : كملى يا فاطمه عايزه تقولى ايه
فاطمه :دلوقتى لما المولود ده ييجى ولد وللا بنت مين اللى حياخد باله منه وامك مش موجوده
عبده :اكيد انت طبعا يا فاطمه
فاطمه :بالظبط ويا سلام بقى لو طلع بلسان طويل زى القرده بتاعتنا دى كمان
عبده : دى تبقى مصيبه لو بقى فى بيتنا حد تانى زى عزيزه
فاطمه :عرفت بقى ايه اللى مستنينى يعنى ولا لعب ولا راحة بال وعلى طول شايله همه
اغسله واحميه واغيرله واسكته لو عيط وهم طول النهار
عبده : صحيح عندك حق والله
بس مش بادينا حاجه وفى الاخر برده بمزاجنا او غصب عننا حيبقى اخونا او اختنا
فاطمه : على رايك لما يبقى ييجى نبقى نشوف

وبكده خلص المؤتمر السرىبس انتم نسيتو حاجه ام لسان طويل راحت فين
طبعا راحت لابوها وامها تتحامى فيهم وسالوها عن اللى حصل عشان اختها تجرى وراهل عشان تضربها
وطبعا ام لسان طويل ما بيتبلش فى بقها فوله وادتهم تفاصيل الاجتماع وكشفت عن التنظيم السرى اللى فى البيت ومن غير تعذيب كمان
فضلت محاسن تضحك على ولادها وطلعت من حالة الغم اللى كانت فيها هى وعمكم السطوحى

وعدى الموضوع لحد دلوقتى على خير بس فى حاجه شاغله تفكير محاسن دلوقتى
هو جوزها حيجيبلها محمول ازاى وهو حيبقى محتاج فلوس للولاده

فعلا ست ولا فى الاحلام
وللحديث بقيه ان شاء الله





 
الرجوع الى أعلى الصفحة اذهب الى الأسفل

SAAD.BASHA

avatar

...::|برمبالى برونزى|::...



جـنـسـى : ذكر

بــــــلادى :

جنسيتى :

هــــوايتى :

وظــيفتى :

عــــــمرى : 29

مـــــزاجى : الحمد لله

عدد مساهماتى : 1655

تاريخ ميلادى : 03/02/1989





معاينة صفحة البيانات الشخصي للعضو http://www.shabab-bermbal.com/rss http://www.facebook.com/shabab.bermbal

مُساهمةموضوع: رد: يوميات السطوحى الغشيم ومراته محاسن .. الحلقه التاسعه   الأحد يناير 16, 2011 7:25 pm

ههههههههههههههههههههههههههههههههههههههه


فون عنيك يامعنم


مستنى الحلقة العاشرة ان شاء الله

بارك الله فيك وربنا يقوم محاسن بالسلامة





 
الرجوع الى أعلى الصفحة اذهب الى الأسفل

هاني البسطويسي



...::|برمبالى مميز|::...



جـنـسـى : ذكر

بــــــلادى :

جنسيتى :

هــــوايتى :

وظــيفتى :

عدد مساهماتى : 545





معاينة صفحة البيانات الشخصي للعضو http://www.shabab-bermbal.com/rss http://www.facebook.com/shabab.bermbal

مُساهمةموضوع: رد: يوميات السطوحى الغشيم ومراته محاسن .. الحلقه التاسعه   الأحد يناير 16, 2011 8:16 pm

رائع ياجمل
حلقة اخرى مميزة
مافيش فايدة الست هتكلف جوزها مصاريف الحمل والولادة وبرده عينها على الموبايل
الله يعين السطوحي هيلاقيها منين ولامنين
وبعدين هي عايزة الموبايل ليه عندها محاضرة في الجامعة ولاهي فراغة عين
صح ياجمل ست ولافي الاحلام





 
الرجوع الى أعلى الصفحة اذهب الى الأسفل

ابو تسنيم

avatar

...::|برمبالى برونزى|::...



جـنـسـى : ذكر

بــــــلادى :

هــــوايتى :

وظــيفتى :

عدد مساهماتى : 1840





معاينة صفحة البيانات الشخصي للعضو http://www.shabab-bermbal.com/rss http://www.facebook.com/shabab.bermbal

مُساهمةموضوع: رد: يوميات السطوحى الغشيم ومراته محاسن .. الحلقه التاسعه   الإثنين يناير 17, 2011 9:43 am

اقتباس :
عبده :وايه بقى اللى مدايقك يا فاطمه
عزيزه :اكيد حتدخل الجيش هى كمان
هههههههههههههههههههههه
عسل والله يا ابو حمزه انت كل شويه بتشوقنا تعبت اعصاب اهلى هههههههههههه
متنزل بالحلقات كلها بقى يا عم ههههه
فى انتظار الحلقه العاشره يا برنس





 
الرجوع الى أعلى الصفحة اذهب الى الأسفل

seifelromy

avatar

...::|برمبالى جديد|::...



جـنـسـى : ذكر

بــــــلادى :

جنسيتى :

هــــوايتى :

وظــيفتى :

عدد مساهماتى : 23





معاينة صفحة البيانات الشخصي للعضو http://www.shabab-bermbal.com/rss http://www.facebook.com/shabab.bermbal

مُساهمةموضوع: رد: يوميات السطوحى الغشيم ومراته محاسن .. الحلقه التاسعه   الإثنين يناير 17, 2011 11:00 pm

هههههههههههههههههههه
النسوان غلبوين
منتظرين الحلقه القادمة
وربنا يستر علينا من زن الحريم
والله واحد متجوز من شويه وبيكلمني وقعد ينصحني ويوقلي ابعد عن الجوووووووووواز
قلتله ده مصير محتوم لا بد منه





 
الرجوع الى أعلى الصفحة اذهب الى الأسفل

ابوحمزه الجمل

avatar

...::|برمبالى برونزى|::...



جـنـسـى : ذكر

بــــــلادى :

جنسيتى :

هــــوايتى :

وظــيفتى :

عــــــمرى : 34

مـــــزاجى : ب أ م أ ح

عدد مساهماتى : 1768

تاريخ ميلادى : 01/01/1984





معاينة صفحة البيانات الشخصي للعضو http://www.shabab-bermbal.com/rss http://www.facebook.com/shabab.bermbal

مُساهمةموضوع: رد: يوميات السطوحى الغشيم ومراته محاسن .. الحلقه التاسعه   الثلاثاء يناير 18, 2011 9:51 am

SAAD.BASHA كتب:
ههههههههههههههههههههههههههههههههههههههه


فون عنيك يامعنم


يعنى ايه ده
انجليزى ده يا مرسى





 
الرجوع الى أعلى الصفحة اذهب الى الأسفل

ابوحمزه الجمل

avatar

...::|برمبالى برونزى|::...



جـنـسـى : ذكر

بــــــلادى :

جنسيتى :

هــــوايتى :

وظــيفتى :

عــــــمرى : 34

مـــــزاجى : ب أ م أ ح

عدد مساهماتى : 1768

تاريخ ميلادى : 01/01/1984





معاينة صفحة البيانات الشخصي للعضو http://www.shabab-bermbal.com/rss http://www.facebook.com/shabab.bermbal

مُساهمةموضوع: رد: يوميات السطوحى الغشيم ومراته محاسن .. الحلقه التاسعه   الثلاثاء يناير 18, 2011 9:55 am

هاني البسطويسي كتب:
رائع ياجمل
حلقة اخرى مميزة
مافيش فايدة الست هتكلف جوزها مصاريف الحمل والولادة وبرده عينها على الموبايل
الله يعين السطوحي هيلاقيها منين ولامنين
وبعدين هي عايزة الموبايل ليه عندها محاضرة في الجامعة ولاهي فراغة عين
صح ياجمل ست ولافي الاحلام

شكلك بتتبسط فى المصايب
هههههههههههههههههههههههههههههههه
على العموم انا مبسوط ان الحلقه دى عجبتك ومن غير اعلانات كمان اهو يا باشا
ههههههههههههههههههههههههههههههه
انا سعيد بمتابعتك لليوميات اخى هانى
[ندعوك للتسجيل في المنتدى أو التعريف بنفسك لمعاينة هذه الصورة]
bi





 
الرجوع الى أعلى الصفحة اذهب الى الأسفل

ابوحمزه الجمل

avatar

...::|برمبالى برونزى|::...



جـنـسـى : ذكر

بــــــلادى :

جنسيتى :

هــــوايتى :

وظــيفتى :

عــــــمرى : 34

مـــــزاجى : ب أ م أ ح

عدد مساهماتى : 1768

تاريخ ميلادى : 01/01/1984





معاينة صفحة البيانات الشخصي للعضو http://www.shabab-bermbal.com/rss http://www.facebook.com/shabab.bermbal

مُساهمةموضوع: رد: يوميات السطوحى الغشيم ومراته محاسن .. الحلقه التاسعه   الثلاثاء يناير 18, 2011 10:02 am

seifelromy كتب:
هههههههههههههههههههه
النسوان غلبوين
منتظرين الحلقه القادمة
وربنا يستر علينا من زن الحريم
والله واحد متجوز من شويه وبيكلمني وقعد ينصحني ويوقلي ابعد عن الجوووووووووواز
قلتله ده مصير محتوم لا بد منه

يعنى انت مش متجوز يا عم سيف بكره نفرح فيك انت كمان وتنضم لقائمة المجاهدين
وبكره بقى ودانك تتعود على كلام عمرك ما كنت تفكر فيه
الزيت خلص
عايزه اغير الانبوبه
فين مصروف البيت وللا انت ملكش نفس تتعشى
ربنا يعينا يارب دا اخنا غلابه
شكرا لمرورك





 
الرجوع الى أعلى الصفحة اذهب الى الأسفل

seifelromy

avatar

...::|برمبالى جديد|::...



جـنـسـى : ذكر

بــــــلادى :

جنسيتى :

هــــوايتى :

وظــيفتى :

عدد مساهماتى : 23





معاينة صفحة البيانات الشخصي للعضو http://www.shabab-bermbal.com/rss http://www.facebook.com/shabab.bermbal

مُساهمةموضوع: رد: يوميات السطوحى الغشيم ومراته محاسن .. الحلقه التاسعه   الثلاثاء يناير 18, 2011 4:01 pm

ابوحمزه الجمل كتب:
seifelromy كتب:
هههههههههههههههههههه
النسوان غلبوين
منتظرين الحلقه القادمة
وربنا يستر علينا من زن الحريم
والله واحد متجوز من شويه وبيكلمني وقعد ينصحني ويوقلي ابعد عن الجوووووووووواز
قلتله ده مصير محتوم لا بد منه

يعنى انت مش متجوز يا عم سيف بكره نفرح فيك انت كمان وتنضم لقائمة المجاهدين
وبكره بقى ودانك تتعود على كلام عمرك ما كنت تفكر فيه
الزيت خلص
عايزه اغير الانبوبه
فين مصروف البيت وللا انت ملكش نفس تتعشى
ربنا يعينا يارب دا اخنا غلابه
شكرا لمرورك
ربنا يستر علينا ويرزقنا زوجه صالحة تسعدنا دنيا وآخرة
ويرزق جميع الشباب بزواج طيب





 
الرجوع الى أعلى الصفحة اذهب الى الأسفل
 

يوميات السطوحى الغشيم ومراته محاسن .. الحلقه التاسعه

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1
  

 

  
 كلمات دلالية كلمات دلالية
يوميات السطوحى الغشيم ومراته محاسن .. الحلقه التاسعه منتدى شباب برمبال القديمة والرياض | Shabab Bermbal & Elriad , يوميات السطوحى الغشيم ومراته محاسن .. الحلقه التاسعه منتدى شباب برمبال القديمة والرياض | Shabab Bermbal & Elriad , يوميات السطوحى الغشيم ومراته محاسن .. الحلقه التاسعه , يوميات السطوحى الغشيم ومراته محاسن .. الحلقه التاسعه منتدى شباب برمبال القديمة والرياض | Shabab Bermbal & Elriad , يوميات السطوحى الغشيم ومراته محاسن .. الحلقه التاسعه منتدى شباب برمبال القديمة والرياض | Shabab Bermbal & Elriad , يوميات السطوحى الغشيم ومراته محاسن .. الحلقه التاسعه منتدى شباب برمبال القديمة والرياض | Shabab Bermbal & Elriad , يوميات السطوحى الغشيم ومراته محاسن .. الحلقه التاسعه منتدى شباب برمبال القديمة والرياض | Shabab Bermbal & Elriad , يوميات السطوحى الغشيم ومراته محاسن .. الحلقه التاسعه
 Konu Linki رابط الموضوع
 
  
Powered by ahlamontada ® phpBB
Copyright © 2009- 2014, Shabab Bermbal & Alriyad
حقوق التأليف والنشر © 2014 shabab-bermbal.com جميع الحقوق محفوظة
للتواصل المباشر مع الإدارة أو طلب المساعدة : i.eltouhami@yahoo.com
جميع المواضيع والمشاركات المكتوبه لا تعبر بالضروره عن وجهة نظر الموقع وإنما عن وجهة نظر الاعضاء وكاتبها

PageRank 

Alexa Certified Traffic Ranking for shabab-bermbal.com