الرئيسيةبحـثالتسجيلالمجموعاتدخول

نتشرف بزيارتكم
سيتم التحويل خلال 10 ثوانى


 

    منتدى شباب برمبال القديمة والرياض | Shabab Bermbal & Elriad :: •.♥.•°¨'*·~-.¸¸,.-~ واحة الإبداع الحر ~-.¸¸,.-~*'°•.♥.•° :: !{ إبداع القصة والمقال ..

  
شاطر | 
 
 

 يوميات السطوحى الغشيم ومراته محاسن:الحلقه الخامسة عشر

استعرض الموضوع السابق استعرض الموضوع التالي اذهب الى الأسفل 
كاتب الموضوعمحتوى الموضوع

ابوحمزه الجمل

avatar

...::|برمبالى برونزى|::...



جـنـسـى : ذكر

بــــــلادى :

جنسيتى :

هــــوايتى :

وظــيفتى :

عــــــمرى : 34

مـــــزاجى : ب أ م أ ح

عدد مساهماتى : 1768

تاريخ ميلادى : 01/01/1984





معاينة صفحة البيانات الشخصي للعضو http://www.shabab-bermbal.com/rss http://www.facebook.com/shabab.bermbal

مُساهمةموضوع: يوميات السطوحى الغشيم ومراته محاسن:الحلقه الخامسة عشر   الثلاثاء فبراير 22, 2011 7:30 pm

اخوتى متابعى يوميات السطوحى الغشيم ومراته محاسن الان موعدكم مع حلقه جديده من اليوميات ارجو ان تنال اعجابكم
كما انوه اننى سوف ادخل فى اليوميات الاحداث الجاريه فى مصر ولكن بشكل تدريجى كى لا تتفكك الاحداث
وان شاء الله ساقوم بكل ما استطيع لتوالى وتتبابع الاحداث دون فجوات ان شاء الله

والان موعدكم مع الحلقه رقم

15

طلع نهار يوم جديد على عيلة السطوحى وقامت محاسن بالعافيه من النوم عشان تجهز فطار السطوحى وتجهزله حاجته اللى حياخدها معاه الغيط
هتقولو هو يعنى السطوحى ما بياخدش يوم اجازه يعنى من الغيط ده ابدا
الرد تلاقوه عند كل فلاح فى برمبال
اللى عنده بهايم ما يجيلوش نوم وهما جعانين واكلهم فى الغيط
واى حد يقولك انا اتحمل اجوع بس بهايمى تشبع

المهم سرح عمكم السطوحى الغيط ونبه على محاسن وبنته فاطمه انهم يروحو لامه يجهزوا معاها الحاجه عشان لما يرجع من الغيط يبقى يعدى عليهم ويجيب الحاجه ويجيب امه وتقعد معاهم فى البيت
وسرح الغيط ومش بيفكر فى حاجه غير الامتحانات اللى المفروض عبده يحضرها وما عادش باقى عليها غير اسبوع واحد وبيفكر حيحضرها ازاى ورجله متجبسه
ورجع السطوحى على البيت واتطمن على عبده ونزل الربه وعلف البهايم وظبط الزريبه واخد الحمار بالعربيه بتاعته
وراح على بيت امه الحاجه منيره عشان يجيبها تعيش معاه وهناك بقى نلاقى مشهد فعلا ما نشوفوش غير برمبال
كل الجيران اللى فى الحاره ملمومين عند بيت امه ولقاهم بيعيطو حتى هو فكر ان امه جرالها حاجه ونزل جرى دخل البيت
لقى امه قاعده ومعاها الجيران زعلانين عشان حتسيبهم وتنقل وتعيش مع ابنها ولما شافها لقط نفسه وقال الحمد لله
قالتله امه
مالك ياضنايا بتجرى على ايه
مافيش يااما انا اتجعزت لما لقيت الناس ملمومه وبتعيط قلت ليكون حصل حاجه
لا يا حبيبى دول الجيران جم يسلمو عليا قبل ما امشى
فيكم الخير يا جماعه والله -بس يعنى هى مش حتروح بعيد وان شاء الله يكون الود موصول

طبعا هما صعبان عليهم الحاجه منيره عشان كانت ست طيبه وكانو بيعتبروها زى امهم

ومن الناس اللى جت تسلم على الحاجه منيره الحاج دسوقى ومراته وبنته منى وابنه ابراهيم
لانهم طبعا اقرب جيران ليهم
وساعدوهم الناس فى تحميل الحاجه بتاعتها وهى يعنى الحاجات الضروريه وسابو الحاجات الكبيره لوقت تانى يبقو يجيبوها براحتهم
وعشان ما اطولش روحو الجماعه البيت وكانت محاسن عامله حسابها وطبخت قبل ما تروح لحماتها فلما رجعم سخنت الاكل على السريع واتغدو كلهم وعبده والبنات نسو اليوم اللى فات وخصوصا عبده دى نينته حتسكن معاهم فى البيت وهو عنده نينته احب الناس ليه
بس عمكم السطوحى سال عبده
هيه يا عبده رجلك عامله ايه دلوقتى
الحمد لله يابا الوجع راح بس مبقدرش ادوس عليها
اتجدعن عشان الامتحانات
ان شاء الله بس حروح المدرسه ازاى
ان شاء الله ربنا يدبرها
ردت محاسن وقالتلهم
انتم شايلين هم الموضوع ده ليه بس الحكايه بسيطه
بسيطه ازاى يا محاسن
ياسطوحى شوف حد من سواقين التكاتك فى الحاره واتفق مع واحد منهم يا خد العيال يوديهم امتحاناتهم ويجيبهم فى ميعاد المرواح ومش حيكلفك كتير
والله هى فكره كويسه واشوف حد واتفق معاه وربنا يقدم اللى فيه الخير

وفرحت ام لسان طويل طبعا وقالتلهم
يعنى انا حروح المدرسه كل يوم بالتك تك
يومين الامتحانات بس يافالحه وبعد الاجازه تعملى حسابك حتركبى رجليك
يووو تانى
ايوه يا ختى تانى وللا انت مفكره نفسك يعنى بنت لواء واحنا فى سنك يا ختى كنا بنروح دكرنس بالعجله
وهو انت فى ايامكم يعنى يابا كان فى عربيات
لا كان فى عربيات بس ما كانش فى فلوس
ازاى يعنى
شوفى يابنتى زمان كان الحلاق يفضل يحلق للناس من غير فلوس وييجى فى الموسم يشترى حمار ويلف على زباينه ويلم منهم رز فى موسم الرز وفول فى موسم الفول او غله
وكنا زمان لما نعوز نشترى حلاوه وللا حاجه حلوه ما كناش ناخد فلوس عشان نشتريها
امال كنتم بتاخدو ايه
كنا ناخد طبق رز ونروح الدكان وندى لصاحب الدكان الرز ويجيبلنا 3 حبيات كرمله ولا قرطاظ لب
يابنتى العيشه زمان كانت صعبه
ردت فاطمه وقالت يا با والنبى احكلنا شويه
يابنتى انا تعبان وعايز اريح شويه وبعدين المفروض تذاكرو عشان الامتحانات مش كفايه ما رحتوش المدرسه انهارده
والنبى يابا احكيلنا شويه وحنقوم نذاكر والله
طيب خلاص ححكيلكم
صلو على النبى
عليه الصلاة والسلام
زمان ياولاد كانت الدنيا بسيطه بس العيشه صعبه لان كل الناس زمان كانو شغالين فلاحين يعنى كل حاجه بيعملوها على الموسم يحلق على الموسم
يتجوز على الموسم
يبنى بيته على الموسم
بس كانت الناس بتحب بعضها عن دلوقتى يعنى نينتكم دى لما ولدتنى فضلت واحده جارتها تنام معاه اكتر من 3 ليالى عشان ترضعنى
دلوقتى ما تلاقيش حاجه زى دى
كنا زمان لو الواحد غلط ما كانش يتضرب بعصايه او بالكف دى حاجات ما كانوش ابهاتنا يعرفو عنها حاجه
انا فاكر ان فى مره غلطت فى الغيط ابويا جرى ورايا بالفرقله من الغيط لحد ما وصلت البيت وامى هى اللى شالت ابويا عنى فاكره يا اما
ايوه يابنى فاكره بس انت عارف ابوك كان بيعمل كده ليه انت دلوقتى كبرت وخلفت وزمانك دلوقتى حاسس بابوك وعازره على ده
يا اما انا ما بقولش ان ابويا وحش لا سمح الله انا عارف ان تربية ابويا دى هى اللى خلتنى راجل
المهم كملنا يابا كمل والنبى
طيب حكمل يا فاطمه اهو
شوفو يا ولاد كان زمان الواحد كان ممكن يتجوز ب 100 جنيه بس ال100 جنيه دول ما كانش حد بيلاقيهم
كان كل الناس غلابه وبعدين المبلغ ده كان بيبقى ايراد ارض بس كانت العيشه بسيطه برده يعنى كان البيت يكون فيه 4 اخوات كل واحد منهم يتجوز فى اوضه وكلهم فى بيت واحد مش زى دلوقتى اللى يروح يخطب واحده لازم يكون مجهز شقه وسيراميك وستاير وبانيو
كنت ممكن تلاقى قاعد على صينية الاكل 12 او 15 نفر ام واب وولادهم ونسوان ولادهم واولاد ولادهم
دلوقتى لو لقيتى على الصينيه 3 او4 يبقو كتير
بس كان زمان فى بركه كانت اقل حاجه تكفى الناس وتعيشهم وكانت الناس راضيه ومبسوطه
يللا بقى كان زمن حلو
كفايه عليكم كده بقى قلبتو عليا المواجع وقومو بقى عشان تذاكرو عشان اللى حينجح ويجيب درجات عاليه حجيبله اللى هو عايزه
قامو الاولاد وهو شال عبده ودخله الاوضه مع اخواته وراح هو يريح شويه لان اليومين اللى فاتو دول كانو تقال قوى عليه

واسيبكم لحد كده وان شاء الله ساتيكم بحلقه جديده قريبا ان شاء الله
انتظرونى





 
الرجوع الى أعلى الصفحة اذهب الى الأسفل

*نجمة في سماء الاسلام

avatar

...::|برمبالى جديد|::...



جـنـسـى : انثى

بــــــلادى :

جنسيتى :

هــــوايتى :

وظــيفتى :

مـــــزاجى : آلحمد لله

عدد مساهماتى : 208





معاينة صفحة البيانات الشخصي للعضو http://www.shabab-bermbal.com/rss http://www.facebook.com/shabab.bermbal

مُساهمةموضوع: رد: يوميات السطوحى الغشيم ومراته محاسن:الحلقه الخامسة عشر   الأربعاء فبراير 23, 2011 1:34 pm

ياسطوحى شوف حد من سواقين التكاتك فى الحاره واتفق مع واحد منهم يا خد العيال يوديهم امتحاناتهم
ويجيبهم فى ميعاد المرواح ومش حيكلفك كتير

وعلي ايه ماهو توك توك المنتدي موجود ...شوفلهم اخي سعد يوديهم واكيييييد هيقبض فلوس كتير هههههه

جرى ورايا بالفرقله

يعني ايه الفرقلة اخي ابو حمزة ؟

الحلقة متميزة كالعادة واجمل شئ فيها الحنين للماضي وايامه الجميلة
فعلا والله ايام زمان غير دلوقتي خالص وكل انسان فينا جواه حنين للماضي ولاجمل ذكريات عايشة جواه

تسلم ايديك اخي ابو حمزة
في انتظار الحلقة القادمة ان شاء الله





 
الرجوع الى أعلى الصفحة اذهب الى الأسفل

ابوحمزه الجمل

avatar

...::|برمبالى برونزى|::...



جـنـسـى : ذكر

بــــــلادى :

جنسيتى :

هــــوايتى :

وظــيفتى :

عــــــمرى : 34

مـــــزاجى : ب أ م أ ح

عدد مساهماتى : 1768

تاريخ ميلادى : 01/01/1984





معاينة صفحة البيانات الشخصي للعضو http://www.shabab-bermbal.com/rss http://www.facebook.com/shabab.bermbal

مُساهمةموضوع: رد: يوميات السطوحى الغشيم ومراته محاسن:الحلقه الخامسة عشر   الأربعاء فبراير 23, 2011 4:26 pm

اختى الغليه
اشكركى على مروركى الكريم اللذى زادنى شرف
وبعدين الفرقله دى هى الكرباج بس بالطريقه الفلاحى لو بتشوفى حد سارح الغيط ومعاه بهايم تلاقيه ماسكها فى موسم زراعة الرز لانه بيسوق البهايم بتاعته بيها ولو انت بيتكم جنب ارض بتلاقيهم بيفرقعو بيها فى الهوا عشان يخوفو العصافير وما تنزلش على القمح او الرز وتبهدله

وبعدين كل المواقف اللى ذكرتها عن زمان دى مواقف فعلا حصلت لان شخصية الحاجه منيره دى مستوحاه من شخصية جدتى رحمة الله عليها وفعلا كانت لها جاره كانت تبيت معها لتقوم بارضاع خالى فى اول 3 او 4 ايام من الولاده
وباقى المواقف فعلا من واقع بلدنا
وارجو ان اكون قد وفيت فى الشرح
اخوك ابو حمزه 2





 
الرجوع الى أعلى الصفحة اذهب الى الأسفل

redaaswelam

avatar

...::|برمبالى أساسى|::...



جـنـسـى : ذكر

بــــــلادى :

جنسيتى :

هــــوايتى :

وظــيفتى :

عدد مساهماتى : 856





معاينة صفحة البيانات الشخصي للعضو http://www.shabab-bermbal.com/rss http://www.facebook.com/shabab.bermbal

مُساهمةموضوع: رد: يوميات السطوحى الغشيم ومراته محاسن:الحلقه الخامسة عشر   الأربعاء فبراير 23, 2011 11:04 pm

جميل ياابوحمزه وربنا يوفقق ويعينك على التكملة ان شاء الله علشان تطلعنا من الضغط
الايام الى فاتت بحلوها ومرها ومشكور على الابداع





 
الرجوع الى أعلى الصفحة اذهب الى الأسفل

*نجمة في سماء الاسلام

avatar

...::|برمبالى جديد|::...



جـنـسـى : انثى

بــــــلادى :

جنسيتى :

هــــوايتى :

وظــيفتى :

مـــــزاجى : آلحمد لله

عدد مساهماتى : 208





معاينة صفحة البيانات الشخصي للعضو http://www.shabab-bermbal.com/rss http://www.facebook.com/shabab.bermbal

مُساهمةموضوع: رد: يوميات السطوحى الغشيم ومراته محاسن:الحلقه الخامسة عشر   الخميس فبراير 24, 2011 6:21 pm

ابوحمزه الجمل كتب:
اختى الغليه
اشكركى على مروركى الكريم اللذى زادنى شرف
وبعدين الفرقله دى هى الكرباج بس بالطريقه الفلاحى لو بتشوفى حد سارح الغيط ومعاه بهايم تلاقيه ماسكها فى موسم زراعة الرز لانه بيسوق البهايم بتاعته بيها ولو انت بيتكم جنب ارض بتلاقيهم بيفرقعو بيها فى الهوا عشان يخوفو العصافير وما تنزلش على القمح او الرز وتبهدله

وبعدين كل المواقف اللى ذكرتها عن زمان دى مواقف فعلا حصلت لان شخصية الحاجه منيره دى مستوحاه من شخصية جدتى رحمة الله عليها وفعلا كانت لها جاره كانت تبيت معها لتقوم بارضاع خالى فى اول 3 او 4 ايام من الولاده
وباقى المواقف فعلا من واقع بلدنا
وارجو ان اكون قد وفيت فى الشرح
اخوك ابو حمزه 2
الله يكرمك اخي الكريم ابو حمزة
انما الشرف لي بمروري علي موضوعك

اهاااااااا يعني الفرقلة هي الكرباج ....اول مرة اسمعها بس عرفتها
شكرا اخي

الله يرحمها يارب ويرحم كل أموات المسلمين ...حقيقي مفيش احلي من ايام زمان
ايام كلها كانت خير وبركة وصلة رحم
لكن دلوقتي تلاشت _الا من رحم ربي_ كل الصفات الجميلة دي !!!





 
الرجوع الى أعلى الصفحة اذهب الى الأسفل

ابوحمزه الجمل

avatar

...::|برمبالى برونزى|::...



جـنـسـى : ذكر

بــــــلادى :

جنسيتى :

هــــوايتى :

وظــيفتى :

عــــــمرى : 34

مـــــزاجى : ب أ م أ ح

عدد مساهماتى : 1768

تاريخ ميلادى : 01/01/1984





معاينة صفحة البيانات الشخصي للعضو http://www.shabab-bermbal.com/rss http://www.facebook.com/shabab.bermbal

مُساهمةموضوع: رد: يوميات السطوحى الغشيم ومراته محاسن:الحلقه الخامسة عشر   الجمعة فبراير 25, 2011 8:41 pm

اختى الكريمه نجمه فى سماء الاسلام
لو انت عايزه تعرفى لغة بلدنا القديمه ادخلى على الموضوع ده وانت تلاقى العجب وكمان حتلاقى ولادة شخصية السطوحى الغشيم
وده الرابط
[ندعوك للتسجيل في المنتدى أو التعريف بنفسك لمعاينة هذا الرابط]





 
الرجوع الى أعلى الصفحة اذهب الى الأسفل

*نجمة في سماء الاسلام

avatar

...::|برمبالى جديد|::...



جـنـسـى : انثى

بــــــلادى :

جنسيتى :

هــــوايتى :

وظــيفتى :

مـــــزاجى : آلحمد لله

عدد مساهماتى : 208





معاينة صفحة البيانات الشخصي للعضو http://www.shabab-bermbal.com/rss http://www.facebook.com/shabab.bermbal

مُساهمةموضوع: رد: يوميات السطوحى الغشيم ومراته محاسن:الحلقه الخامسة عشر   السبت فبراير 26, 2011 4:00 pm

يارتني مادخلت اخي ابو حمزة
هههه ايه ده؟؟

انا دخلت بس طلعت تاني بسرعة
لاني نسيت آخد مترجم معايا

نص الكلام مش فاهماه والباقي بفهم معناه من سياق الجملة

حلو اوي كلامنا ايام زمان ...بس معظم _ان لم يكن كل _ الكلام ده اختفي الايام دي





 
الرجوع الى أعلى الصفحة اذهب الى الأسفل

SAAD.BASHA

avatar

...::|برمبالى برونزى|::...



جـنـسـى : ذكر

بــــــلادى :

جنسيتى :

هــــوايتى :

وظــيفتى :

عــــــمرى : 29

مـــــزاجى : الحمد لله

عدد مساهماتى : 1655

تاريخ ميلادى : 03/02/1989





معاينة صفحة البيانات الشخصي للعضو http://www.shabab-bermbal.com/rss http://www.facebook.com/shabab.bermbal

مُساهمةموضوع: رد: يوميات السطوحى الغشيم ومراته محاسن:الحلقه الخامسة عشر   الأحد فبراير 27, 2011 7:02 am

هههههههههههههههههههههههههههههههههههه

حبيب هارتى ياأبو حمزة يامدلعنا انتة

استمر ياباشا ..... خلينا نستمتع والله انته فله ياأبوحمزة متفكرش بقولك كدة

علشان التوك توك لا ههههههههههههههههههههه ... تسلم ايدك يامعنمى

ba ba ba ba ba





 
الرجوع الى أعلى الصفحة اذهب الى الأسفل

ابوحمزه الجمل

avatar

...::|برمبالى برونزى|::...



جـنـسـى : ذكر

بــــــلادى :

جنسيتى :

هــــوايتى :

وظــيفتى :

عــــــمرى : 34

مـــــزاجى : ب أ م أ ح

عدد مساهماتى : 1768

تاريخ ميلادى : 01/01/1984





معاينة صفحة البيانات الشخصي للعضو http://www.shabab-bermbal.com/rss http://www.facebook.com/shabab.bermbal

مُساهمةموضوع: رد: يوميات السطوحى الغشيم ومراته محاسن:الحلقه الخامسة عشر   الأحد فبراير 27, 2011 7:07 pm

*نجمة في سماء الاسلام كتب:
يارتني مادخلت اخي ابو حمزة
هههه ايه ده؟؟

انا دخلت بس طلعت تاني بسرعة
لاني نسيت آخد مترجم معايا

نص الكلام مش فاهماه والباقي بفهم معناه من سياق الجملة

حلو اوي كلامنا ايام زمان ...بس معظم _ان لم يكن كل _ الكلام ده اختفي الايام دي

انت لو اخدتى مترجمين العالم كلهم ما نفعوك فى حاجه
انت عايزه معجزه عشان تعرفى كل اللى فيه
هههههههههههههههههههههههه





 
الرجوع الى أعلى الصفحة اذهب الى الأسفل

ابوحمزه الجمل

avatar

...::|برمبالى برونزى|::...



جـنـسـى : ذكر

بــــــلادى :

جنسيتى :

هــــوايتى :

وظــيفتى :

عــــــمرى : 34

مـــــزاجى : ب أ م أ ح

عدد مساهماتى : 1768

تاريخ ميلادى : 01/01/1984





معاينة صفحة البيانات الشخصي للعضو http://www.shabab-bermbal.com/rss http://www.facebook.com/shabab.bermbal

مُساهمةموضوع: رد: يوميات السطوحى الغشيم ومراته محاسن:الحلقه الخامسة عشر   الأحد فبراير 27, 2011 7:12 pm

وانت يا واد يا استاذ سعد على طول تاعب هارتى معاك كده
ومخلى عنيا فى وسط الهد بتاعى
على افرى واى انا متسانكس ليك جدا على مرورك
يور براذر ابو حمزه 2





 
الرجوع الى أعلى الصفحة اذهب الى الأسفل

مصطفي سمارت

avatar

...::|برمبالى برونزى|::...



جـنـسـى : ذكر

بــــــلادى :

جنسيتى :

هــــوايتى :

وظــيفتى :

عــــــمرى : 23

مـــــزاجى : МЯ.ЅМдЯЋ™

عدد مساهماتى : 1398

تاريخ ميلادى : 28/05/1995





معاينة صفحة البيانات الشخصي للعضو http://www.shabab-bermbal.com/rss http://www.facebook.com/shabab.bermbal

مُساهمةموضوع: رد: يوميات السطوحى الغشيم ومراته محاسن:الحلقه الخامسة عشر   الجمعة مارس 04, 2011 8:21 am

ههههههههههه

يا ريتك يا ابو زيد ما غزيت





 
الرجوع الى أعلى الصفحة اذهب الى الأسفل
 

يوميات السطوحى الغشيم ومراته محاسن:الحلقه الخامسة عشر

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1
  

 

  
 كلمات دلالية كلمات دلالية
يوميات السطوحى الغشيم ومراته محاسن:الحلقه الخامسة عشر منتدى شباب برمبال القديمة والرياض | Shabab Bermbal & Elriad , يوميات السطوحى الغشيم ومراته محاسن:الحلقه الخامسة عشر منتدى شباب برمبال القديمة والرياض | Shabab Bermbal & Elriad , يوميات السطوحى الغشيم ومراته محاسن:الحلقه الخامسة عشر , يوميات السطوحى الغشيم ومراته محاسن:الحلقه الخامسة عشر منتدى شباب برمبال القديمة والرياض | Shabab Bermbal & Elriad , يوميات السطوحى الغشيم ومراته محاسن:الحلقه الخامسة عشر منتدى شباب برمبال القديمة والرياض | Shabab Bermbal & Elriad , يوميات السطوحى الغشيم ومراته محاسن:الحلقه الخامسة عشر منتدى شباب برمبال القديمة والرياض | Shabab Bermbal & Elriad , يوميات السطوحى الغشيم ومراته محاسن:الحلقه الخامسة عشر منتدى شباب برمبال القديمة والرياض | Shabab Bermbal & Elriad , يوميات السطوحى الغشيم ومراته محاسن:الحلقه الخامسة عشر
 Konu Linki رابط الموضوع
 
  
Powered by ahlamontada ® phpBB
Copyright © 2009- 2014, Shabab Bermbal & Alriyad
حقوق التأليف والنشر © 2014 shabab-bermbal.com جميع الحقوق محفوظة
للتواصل المباشر مع الإدارة أو طلب المساعدة : i.eltouhami@yahoo.com
جميع المواضيع والمشاركات المكتوبه لا تعبر بالضروره عن وجهة نظر الموقع وإنما عن وجهة نظر الاعضاء وكاتبها

PageRank 

Alexa Certified Traffic Ranking for shabab-bermbal.com