بدأت احس ان فيه ماسورتين انفجروا ماسورة مرشحين لمجلس الشعب وماسوره مرشحات ، يعني من الرياض لما توصل المنصوره بيقابلك 3 دواير بس
دايرة منية النصر ودايرة دكرنس ودايرة المنصوره قسم تاني
انا استغربت ايه كمية المرشحين والمرشحات دول في 3 دواير بس اكيد الموضوع فيه إنه


ندااااا ندااااااااااا باركيلي شكلنا هنقب على وش الدنيا


هنقب منين انت مفيش وراك الا الكلام وبس يا خالد يا حبيبي


لا متقلقيش احنا في موسم انتخابات وانا قررت اترشح لمجلس الشعب


يالهوووووووووي تترشح مين دول ناس معاها فلوس واحنا غلابه وكمان لا ورانا عيله ولا حزب


وهو كمية المترشحين دوول وراهم عيله ولا حزب ولا فلوس


امااااااااااااااااال نازلين يهزروا


لا انا درست الموضوع لقيت مش معقول كل اللى نازل مفكر نفسه هيكسب دا هما اتنين اللى هيكسبوا ومترشح ييجي 30 واحد عندنا بس


وبعدييييييييييييييييييييييين


فانا اكتشفت انه موسم ننزل نعمل فرقعه ونعمل يفطتين وجايز حد يعرض عليه مبلغ كويس


يفطتين مين دا فيه ناس عمله يفط جلد ويفط الوان ويفط كمبيوتر احنا هنروح من دول فين لا يا خالد خلينا جمب الحيط احسن


اسمعي بس الكلام احنا هنعمل كم يفطه ورق ونحط كام شعار من اللى هما



شعار ايه يا اخويه


فيه ناس حاطه شعار لانه خدم كأنه بيزلنا ،وناس حاطه شعار منكم وبكم كأن الباقيين اغراب ،وناس حاطه شعارات ابن الديره ههههههههه ،احنا ننقي كم شعار حلو وننزل كم يفطه


طب ما اليفط دي عاوزة فلوس


متقلقيش انا ميزانيتي الفين جنيه هيظبطوا العمليه ،ومحدش عارف جايز الطوبه تيجي في المعطوبه وانجح وتبقي مرات النائب العضو


يسمع من بقك ربنا يا خلوووووودي

 

بعيدا عن خلوووووووووودي الا متنفعش تتقال لسياده النائب

بجد خطوه جريئه منك يا خالد
ايوه كده هي دي سياسه هات القرش ولو هيكلك قرش
ويا سيدي بلاش يفط جلد وكمبيوتر لان دي لها ناسها
خلينا في القماش الا أخده طالقتين في النص دي مع ان الالفين جنيه بتوعك دول تمن القماش بس
ربنا معاكي يا ندا الفتره دي
وياريت تفتكر أبناء دايرتك باي حاجه اذا نجحت يا عم خالد


ويبقي الامل موجود

 

 

الامل موجود كتب:

بعيدا عن خلوووووووووودي الا متنفعش تتقال لسياده النائب

بجد خطوه جريئه منك يا خالد
ايوه كده هي دي سياسه هات القرش ولو هيكلك قرش
ويا سيدي بلاش يفط جلد وكمبيوتر لان دي لها ناسها
خلينا في القماش الا أخده طالقتين في النص دي مع ان الالفين جنيه بتوعك دول تمن القماش بس
ربنا معاكي يا ندا الفتره دي
وياريت تفتكر أبناء دايرتك باي حاجه اذا نجحت يا عم خالد


ويبقي الامل موجود

 

يعجبنى فيك التفائل الى مليك يا سيادة النائب
الا صحيح الالفين جنيه مش هيكفم
اليفط ولا الرشاوى اللى هتديها للى هيرشحوك
انا عن نفسى هرشحك ببلاش
بس اسال باقى المتابعين
واوعه تطلب من ندا تسلفك اصل تكتبك شيكات
اصل تلاقى ندا بتعمل بمبدا يا مامن الرجال يا مامن الميه فى الغربال
متابعه معاكم
رفيف

 

بس انجح بس وهتشوفي هعمل ايه فيهم



ربنا يستر


بس احنا وراك وكله بتمنه

ويبقي الامل موجود

 

رفيف الروح كتب:

يعجبنى فيك التفائل الى مليك يا سيادة النائب
الا صحيح الالفين جنيه مش هيكفم
اليفط ولا الرشاوى اللى هتديها للى هيرشحوك
انا عن نفسى هرشحك ببلاش
بس اسال باقى المتابعين
واوعه تطلب من ندا تسلفك اصل تكتبك شيكات
اصل تلاقى ندا بتعمل بمبدا يا مامن الرجال يا مامن الميه فى الغربال
متابعه معاكم
رفيف

 

كلزار كتب:

ههههههههههههههههههههههههههههههه


هقول حاجه حصلت
بما ان انا صيدلانيه
وفي منطقه الله لا يوريكم
طلبوا مني اترشح عن مقعد السيدات
قلت مين
انا
لا طبعا
على راي ندي امشي جنب الحيط

وطبعا الترشيح لمجلس الشعب مالوش مقياس تعليمى
بلا مؤهلات بلا بتاع
تعرفوا انا شوفت واحد بينفخ عجل كاوتش
داخل الانتخابات
قلت وماله بس جاب الفلوس منين والتامين اللى بيتدفع الاول
مع ان الراجل ما بيعرفشي يقول كلمتين على بعض
دا يدل على ان في فوضي عارمه في البلد
وعلى راي المثل
القوالب نامت والنصاص قامت ههههههههههههههههههههههه

انا ما بقصدشي حد معين

بس بجد بقت مهزله سياسيه

ويلا يا خالد انت وندي اترشحوا وتبقوا بخيت وعديله

والرمز الجردل والكنكه
دا هزار اوعوا تزعلو

بس لو نجحت ابقي قابلنى
بس لو عملت اى اشاعه تفرقع الدنيا هتلاقي نفسك على كرسي الرياسه مش الرلمان
بلد بتاع شهادات صحيح

ومتابعه للحلقه الجايه
بس ماحدش يحدف طووووووووووووووووووووب

 

 

كلزار كتب:

دانت داخل على طمع

والله الانتخابات دي
لعبه حقيرة اسفه في اللفظ بس هى فعلا كدا
والحكومه اللى هي عاوزاه بتنجحه
ودي عن تجربه جربتها مرتين

وانصح كل من يقترب من كرسي البرلمان يبقي فهلوي بتاع التلاث ورقات
اما انا كلا البته

شوف لك ممول تانى يا خالد
دانا لسه بقول ياهادي
ابعد عيون خالد الناحيه دي ههههههههههههههههه


ادخل انت وندي وعملوا الاعلانات على ورق كرتون
ابقي اتفرج على بخيت وعديله

ال انتخابات ال
هزلت