الامل موجود كتب:

بجد أنا مستمتعه لقراءه هذه اليوميات الشيقه

وأجمل ما فيها لغه الحوار الا موجوده ما بينهم (اي أن كانت نوعها بقي)
لاننا قد نفقدها في بعض الاوقات
أدام الله عليهم هذا الحوارات الممتعه لكي نستمتع أكتر وأكثر
شكرا لتواجدك وفي انتظار التكمله000000



تفائل بالخير تجده00000
برمباليه متفائله00000

أشكر لكي حسن كلماتك عزيزتي الامل موجود

ولكن

كنت اطمع منك عزيزتي ومن كل من يتابعنا ان يشاركنا بمساهماته وتعليقاته وملاحظته تماما كما يفعل كلزار والدميري ونعينع ،والا يتوقف بعضنا عند المتابعه والشكر فقط او المساهمه مره واحده


الا تشعرين احيانا ان ندا صاحبة شخصية قويه وذات نفوذ على خالد بالمنزل ام ان خالد هاديء الطباع اكثر من اللازم

 

mawgood كتب:

5


ندا لما صعب عليها ان الزمالك اتغلب وانا هيصت شويه خلتني نايم وقامت
مشغله المكنسه وقال ايه بتنظف الساعه 1.30 الصبح انا بيني وبينكم مبصحاش
برضه فالظاهر هي مصممه تصحيني
فقامت كالعاده برضه خلت زلازل ضرب السرير بس كان بقوه 7 ريختر لانى كنت
نايم مقتوووول

خالد خالد خااااااالد



ايه ايه يا ندا خير حصل ايه



قوم اصحى ايد المكنسه اتكسرت



فداك يا حبيتي ولا يهمك




فدايه ايه هو انا بصحيك عشان تقولي فدايه




طب امال عاوزه ايه بس




قوم اتصرف عاوزه انضف




يعني يا ندااا بذمتك تصحيني دلوقتي عشان تنضفي هو ده وقته




يعني عجبك منظر الشقه من ازازه اللب وقشر الفول من ساعه الماتش




طب خلاص بكره الصبح




لا بكره الجمعه وهتنام مش هتقوم الا قبل الصلاه




طب انا اعمل ايه دلوقتي اقولك استخدمي المقشه على ما ابقه اشتري ايد جديده للمكنسه السكه الىل انتى جيباها في عزالك دي




نعم نعم هي بقالها سنتين شغاله وجاى تقولي دلوقتي سكه




ليه هو احنا بقالنا سنتين متجوزين (تداركا للموقف ومخافه ان تقع مشكله ) تصدقي عدو عليه هوا من حلاوتهم يا حبيبتي هي كده الايام الحلوه بتخلص بسرعه





اممممممممم ماشي هعديها عشان الكلمتين الحلوين دول بس اعمل حسابك تتصرف وتشوف موضوع المكنسه ده ،انا معنديش استعداد اكسر ضهري واشتغل بالمقشه كتير







لازم تكون سياسي وتعرف تخلص نفسك من اى مشكله قبل وقوعها والا هيحصل ما لا يحمد عقباه ودى اهم حاجه اتعلمتها من الجيش عشان كده بيقولوا الجيش بيقولك اتصرف [ندعوك للتسجيل في المنتدى أو التعريف بنفسك لمعاينة هذه الصورة]

لنا تكمله

الله يعينك يا خالد ويا طول صبرك

فعلا اتضح ان الستات بيتضحك عليها
احييييك علي هذا الاسلووووب

 

[quote="mawgood"]

كلزار كتب:

mawgood كتب:

4




معلشي بقي يا ندا


الزمالك بقي محتاس
لاخد ولا دوري ولا كاس

وومعادشي عارف يبقي زي الناس

والاهلي فوق الراس


وبيب بيب

اهلي[ندعوك للتسجيل في المنتدى أو التعريف بنفسك لمعاينة هذه الصورة]

[size=29]واضح ان حضرتك اهلاويه متعصبه غريبه

وبعدين مدرسه مسكونه ايه ،تعرفي حاسس انك تعرفي ندا وشكلك بتضربي اسفين بيني وبينها وهتقوليلها كل حاجه

لو انتى حريصه على متابعه السلسله رجاء متجبيش سيره لحد اسمه ندا تعرفيه خالص [ندعوك للتسجيل في المنتدى أو التعريف بنفسك لمعاينة هذه الصورة]

اعتذر عن انقطاع النت عندي ولسه شايفه ردك دا

اانايا سيدي الفاضل اهلاويه ابا عن جد [ندعوك للتسجيل في المنتدى أو التعريف بنفسك لمعاينة هذه الصورة] لولم اكون اهلاويا لوددت ان اكون اهلاويه [ندعوك للتسجيل في المنتدى أو التعريف بنفسك لمعاينة هذه الصورة]

ولي صولات وجولات مع والدي والمتابعه الكرويه العالميه والمحليه ولكن توقفت لبعدي عن والدي [ندعوك للتسجيل في المنتدى أو التعريف بنفسك لمعاينة هذه الصورة]


اما عن معرفتي بي مدام ندا لاتقلق فان لا اعرف اي حد بهذا الاسم ولا لي اصدقاء تبدا اسمائهم بحرف النون


تحياتي لحضرتك