الرئيسيةبحـثالتسجيلالمجموعاتدخول

نتشرف بزيارتكم
سيتم التحويل خلال 10 ثوانى


 

    منتدى شباب برمبال القديمة والرياض | Shabab Bermbal & Elriad :: •.♥.•°¨'*·~-.¸¸,.-~ واحة الإبداع الحر ~-.¸¸,.-~*'°•.♥.•° :: !{ إبداع القصة والمقال ..

  
شاطر | 
 
 

 يوميات السطوحى الغشيم ومراته محاسن:الحلقه السادسة عشر

استعرض الموضوع السابق استعرض الموضوع التالي اذهب الى الأسفل 
كاتب الموضوعمحتوى الموضوع

ابوحمزه الجمل

avatar

...::|برمبالى برونزى|::...



جـنـسـى : ذكر

بــــــلادى :

جنسيتى :

هــــوايتى :

وظــيفتى :

عــــــمرى : 34

مـــــزاجى : ب أ م أ ح

عدد مساهماتى : 1768

تاريخ ميلادى : 01/01/1984





معاينة صفحة البيانات الشخصي للعضو http://www.shabab-bermbal.com/rss http://www.facebook.com/shabab.bermbal

مُساهمةموضوع: يوميات السطوحى الغشيم ومراته محاسن:الحلقه السادسة عشر   الخميس مارس 10, 2011 10:51 pm

اخوتى اعضاء منتدانا الغالى متابعى يوميات السطوحى الغشيم ومراته محاسن انتم اليوم على موعد مع حلقه جديده من اليوميات ارجو من الله ان تنال اعجابكم

انتم الان مع الحلقه رقم

16

شوفو يا جماعه بقى بالصلى على النبى كده عدت فترة الامتحانات على خير بالنسبه لعبده واخواته
مهو انا ما فلتلكوش ان عمكم السطوحى اتفق مع سعد باشا صاحب التك تك على توصيل العيال واتغرم عمكم السطوحى مبلغ وقدره فى الاسبوعين بتوع الامتحانات دول
بس ييجى بفايده
وفى يوم بقى شغال عمكم السطوحى فى الغيط ومعاه طبعا الحاج سيد ابو احمد كالعاده ما هما ما بيفارقوش بعض وحصل بينهم بقى الحوار ده

انت شفت الاخبار امبارح يا حاج سيد
ايوه ياسطوحى شفتها ومن ساعتها وانا عقلى شاتت
هى حاجه تمخول برده المظاهرات دى وياترى حترسى على ايه
والله ما حدش عارف ياسطوحى
بس المظاهرات دى حتعمل ايه يعنى مهم ياما عملو مظاهرات وفى الاخر الحكومه بتعمل اللى هى عايزاه
المظاهرات دى شكلها كده فيها حاجه غير اللى قبلها ياسطوحى
ازاى يعنى يا حاج متغيره ازاى يعنى
الاول المظاهرات كانت بتبقى عشان فلسطين او العراق وقليل لو حد عمل مظاهره عشان البلد
تصدق صح الاول كانت المظاهرات عشان فلسطين او غزه يعنى بالذات او العراق ايام حرب العراق ودى اول مره اشوف مظاهره عشان البلد يا اخى
لا وانت عارف ايه اللى فى المظاهرات دى مستغربه
ايه هو ده
ان المظاهرات دى ولا الاخوان ولا المعارضه ليها دعوه بيها دى الشباب اللى لمو بعضهم وعملو مظاهره
بس بيقولو المظاهرات دى يا حاج سيد مش فى القاهره بس دى السويس والاسكندريه وسمعت ان فى ناس فى المنصوره كمان هما رتبوها ازاى دى ولمو بعض ازاى وكلهم فى يوم واحد
بيقولو على النت مش فاكر اسمه ايه كده بوك
هو النت حاجه جامده برده بس حيعرفو يعملو ايه يعنى قدامالجيش ابو عصايه
هما دلوقتى عايزين يبقو زى تونس طبعا
طيب مش تونس الجيش بتاعها هو اللى عمل انقلاب
ايوه الجيش هو اللى عمل الانقلاب
طيب والغلابه دول حيعملو ايه يا عينى والداخليه ما بترحمش
دا انا سمعت ان فى متصابه بالهبل
وهو انت ما تعرفش ان فى ناس ماتت وللا ايه
لا ما اعرفش امته ده
امبارح يا حاج سيد ده مات ناس كتير
لا حول ولا قوة الا بالله ازاى ده
بيقولو ياسيدى الشرطه بتضرب رصاص حى وفى مقتل كمان
لا ياراجل ازاى ده دى عمرها ما حصلت
اه والله انا سمعت كده بس مش على التليفزيون المصرى انا جبت قناة العربيه واتفرجت
لا انا كنت بتابع على قناة الفضائيه
وهما يعنى امته قالو الحقيقه
بس على كلامك كده ياسطوحى الموضوع يبقى كبير ومش حيخلص على خير
ربنا يستر علينا وعلى البلد فى اليومين دول يا حاج سيد
امين يارب

روح عمكم السطوحى بيته هو والحاج سيد واول ما خلص عمكم السطوحى مصالحه واستحمى وكانت جهزت محاسن الغدا واتفرجو على الاخبار زيهم زى اى حد مصرى اليومين دول

ونشرة الاخبار بتقول
(صرح مصدر امنى ان المظاهرات التى قام بها مجموعه من الشباب المخربين قيد الصيطره وسوف يرد عليهم بكل حزم وشده
كما صرح ان الحالات التى قتلت فى المظاهرات انما كان خيار اخيرا قد اتخذناه دفاعا عن انفسنا امام المخربين)

شايفه يا محاسن بيقولو ايه والله ما حد عارف نصدق مين
طيب انت عامل فى نفسك كده ليه انت بايدك ايه تعملو يعنى
يابنت الحلال الفضائيه بتقول مخربين واللى بنشوفه على القنوات التانيه بيقول غير كده حتى ما شفناش حد فى ايده طوبه حتى عشان نقول مخربين
شفت الناس اللى ماتو ياسطوحى كلهم شباب يا عينى وبيقولو فيهم عيال صغيره
انا سمعت فى الاخبار بس ما شفتهمش
دول جابو صورهم وهما فى المستشفى انهارده ويشكلهم يصعب على الكافر
شكلها كده الحاج سطوحى حيكون عنده حق ومش حتعدى على خير واللى مضايقنى وكل ده والرئيس ما طلعش قال ولا كلمه
طيب وهو حيطلع يقول ايه يعنى ياسطوحى
اى حاجه يعرف الناس ايه اللى بيحصل

وعدى كام يوم وجه يوم الخميس والسطوحى قاعد فى البيت ومتابع الاخبار هو ومراته والعيال
بس اليوم ده كان يوم غريب فعلا
الاخبار فى لقاء بين مزيع نشرة الاخبار بالتليفون وبين احد لواءات الشرطه المتقاعدين وبيدور بينهم الحوار ده

(سيادة اللواء...... بما تعلل اختفاء قوات الشرطه المفاجئ من شوارع البلد فى كل المحافظات وظاهرة البلطجيه اللذين اجتاحو كل جزء من مصر وبما تفسر موقف الجيش من المظاهرات المتفرقه فى جميع انحاء الجمهوريه

والله اخى العزيز لا اجد تفسير الا انه هناك مؤامرة على البلد ولكن من اللذى يدعم هذه المؤامره هذا ما ستظهره الايام
فلم نرى من قبل مثل هذا الامر فجاه تختفى الشرطه من الشوارخع بل ومن اقسام الشرطه ايضا وفرار السجماء من عدة سجون هذا اخطر ما قد يصل اليه الامور
وادعو كل الشعب المصرى فى كل مكان لعمل لجان شعبيه لحماية الممتلكات والارواح


اعتذر سيادة اللواء ولكن لدينا خبر عاجل
لقد قامت مجموعه من السجناء الفارين من السجون بمحاولة اقتحام لمستشفى 57357 الان ولكن قد تصدى اليهم مجموعة من الاطباء والممرضين وبعض من اهالى المنطقه)


لا حول ولا قوة الا بالله هما يعنى مش بنى ادمين دول رايحين عايزين ايه من المستشفى اللى بتعالج العيانين
ربنا يلطف ياسطوحى
والله المفروض وزير الداخليه ده يتشنق فى ميدان قدام الناس
شوف ياسطوحى كده قناة الجزيره كده بتقول ايه
مهى قناة الجزيره خلاص اتقفلت
اتقفلت ليه
ياشيخه دى مخليه كل الشعب المصرى بلطجيه وعملاء لامريكا
منهم لله

وفجاه خبط الحاج سيد ابو احمد وبينده
ياسطوحى تعالى بسرعه الحق
خير يا حاج سيد فى ايه
اطلع ياراجل انت نايم ومش دارى باللى بيحصل حوالينا
هو ايه اللى حصل يا اخى طمنى
قاله................


فى الحلقه الجايه ان شاء الله نعرف اللى قاله الحاج سيد ان شاء الله

انتظرونى





 
الرجوع الى أعلى الصفحة اذهب الى الأسفل

هاني البسطويسي



...::|برمبالى مميز|::...



جـنـسـى : ذكر

بــــــلادى :

جنسيتى :

هــــوايتى :

وظــيفتى :

عدد مساهماتى : 545





معاينة صفحة البيانات الشخصي للعضو http://www.shabab-bermbal.com/rss http://www.facebook.com/shabab.bermbal

مُساهمةموضوع: رد: يوميات السطوحى الغشيم ومراته محاسن:الحلقه السادسة عشر   الجمعة مارس 11, 2011 10:57 am

ماشاء الله أبوحمزة سردك للامور وربطها مميزجدا
وزي مااخونا الشرقاوي قال ابوحمزة السيناريست
كمل ياجمل مية مية





 
الرجوع الى أعلى الصفحة اذهب الى الأسفل

ابوحمزه الجمل

avatar

...::|برمبالى برونزى|::...



جـنـسـى : ذكر

بــــــلادى :

جنسيتى :

هــــوايتى :

وظــيفتى :

عــــــمرى : 34

مـــــزاجى : ب أ م أ ح

عدد مساهماتى : 1768

تاريخ ميلادى : 01/01/1984





معاينة صفحة البيانات الشخصي للعضو http://www.shabab-bermbal.com/rss http://www.facebook.com/shabab.bermbal

مُساهمةموضوع: رد: يوميات السطوحى الغشيم ومراته محاسن:الحلقه السادسة عشر   الجمعة مارس 11, 2011 2:11 pm

ربنا يخليك يا اخى هانى ويكرمك
بس قالها امته انا ما شفتهاش
طيب عرفنى مكانها حتى اشكره


شكرا على مرورك الكريم اخى العزيز





 
الرجوع الى أعلى الصفحة اذهب الى الأسفل

هاني البسطويسي



...::|برمبالى مميز|::...



جـنـسـى : ذكر

بــــــلادى :

جنسيتى :

هــــوايتى :

وظــيفتى :

عدد مساهماتى : 545





معاينة صفحة البيانات الشخصي للعضو http://www.shabab-bermbal.com/rss http://www.facebook.com/shabab.bermbal

مُساهمةموضوع: رد: يوميات السطوحى الغشيم ومراته محاسن:الحلقه السادسة عشر   الجمعة مارس 11, 2011 2:20 pm

كتبها في القسم العام وابداع الاقلام
موضوع رصاصات كلها رحمة

بالمناسة الموضوع موجود ولكن تم غلقه بناء على رغبة الشرقاوي





 
الرجوع الى أعلى الصفحة اذهب الى الأسفل

redaaswelam

avatar

...::|برمبالى أساسى|::...



جـنـسـى : ذكر

بــــــلادى :

جنسيتى :

هــــوايتى :

وظــيفتى :

عدد مساهماتى : 856





معاينة صفحة البيانات الشخصي للعضو http://www.shabab-bermbal.com/rss http://www.facebook.com/shabab.bermbal

مُساهمةموضوع: رد: يوميات السطوحى الغشيم ومراته محاسن:الحلقه السادسة عشر   الجمعة مارس 11, 2011 7:58 pm

الف حمد لله على سلامة علىالرجوع الى الكتابة واسناريوهات البرمبالية الروعه ايوه كده امتعنا
ياابو حمزه وحشتنا والملحوظ ان انته دخلت فى الغويط للمسلسلات لتتزامن مع احداث هذه
الايام التى نعيشها وبالتوفيق ومستنين اكثر من ذلك وربنا يكرمك يامبدع





 
الرجوع الى أعلى الصفحة اذهب الى الأسفل

ابوحمزه الجمل

avatar

...::|برمبالى برونزى|::...



جـنـسـى : ذكر

بــــــلادى :

جنسيتى :

هــــوايتى :

وظــيفتى :

عــــــمرى : 34

مـــــزاجى : ب أ م أ ح

عدد مساهماتى : 1768

تاريخ ميلادى : 01/01/1984





معاينة صفحة البيانات الشخصي للعضو http://www.shabab-bermbal.com/rss http://www.facebook.com/shabab.bermbal

مُساهمةموضوع: رد: يوميات السطوحى الغشيم ومراته محاسن:الحلقه السادسة عشر   الجمعة مارس 11, 2011 8:43 pm

redaaswelam كتب:
الف حمد لله على سلامة علىالرجوع الى الكتابة واسناريوهات البرمبالية الروعه ايوه كده امتعنا
ياابو حمزه وحشتنا والملحوظ ان انته دخلت فى الغويط للمسلسلات لتتزامن مع احداث هذه
الايام التى نعيشها وبالتوفيق ومستنين اكثر من ذلك وربنا يكرمك يامبدع

ربنا يكرمك يا ابو احمد
وانا سعيد انك متابع معايا والله
وشكرا على كلامك الجميل ده وشكرا على مرورك المستمر





 
الرجوع الى أعلى الصفحة اذهب الى الأسفل

SAAD.BASHA

avatar

...::|برمبالى برونزى|::...



جـنـسـى : ذكر

بــــــلادى :

جنسيتى :

هــــوايتى :

وظــيفتى :

عــــــمرى : 29

مـــــزاجى : الحمد لله

عدد مساهماتى : 1655

تاريخ ميلادى : 03/02/1989





معاينة صفحة البيانات الشخصي للعضو http://www.shabab-bermbal.com/rss http://www.facebook.com/shabab.bermbal

مُساهمةموضوع: رد: يوميات السطوحى الغشيم ومراته محاسن:الحلقه السادسة عشر   الأحد مارس 13, 2011 7:20 am

اشطة عليك ياابو حمزة 2 يامعنمى انتة يامعنمى

تسلم والله ياأبو حمزة ومستنى الحلقة القادمة


على قناه حمزاوى تى فى لايف ان برمبال اون لاين ضات البحر الجديد com





 
الرجوع الى أعلى الصفحة اذهب الى الأسفل

ابوحمزه الجمل

avatar

...::|برمبالى برونزى|::...



جـنـسـى : ذكر

بــــــلادى :

جنسيتى :

هــــوايتى :

وظــيفتى :

عــــــمرى : 34

مـــــزاجى : ب أ م أ ح

عدد مساهماتى : 1768

تاريخ ميلادى : 01/01/1984





معاينة صفحة البيانات الشخصي للعضو http://www.shabab-bermbal.com/rss http://www.facebook.com/shabab.bermbal

مُساهمةموضوع: رد: يوميات السطوحى الغشيم ومراته محاسن:الحلقه السادسة عشر   الأحد مارس 13, 2011 7:14 pm

شكرا على مرورك يا عم سعد
وياريت تبعتلى التردد الجديد اصل القناة دى اتمسحت من عندى
ههههههههههههههه





 
الرجوع الى أعلى الصفحة اذهب الى الأسفل

ابوحمزه

avatar

...::|المراقب العام|::...



جـنـسـى : ذكر

بــــــلادى :

هــــوايتى :

وظــيفتى :

عــــــمرى : 43

عدد مساهماتى : 3146

تاريخ ميلادى : 04/05/1975





معاينة صفحة البيانات الشخصي للعضو http://www.shabab-bermbal.com/rss http://www.facebook.com/shabab.bermbal

مُساهمةموضوع: رد: يوميات السطوحى الغشيم ومراته محاسن:الحلقه السادسة عشر   الأربعاء مارس 16, 2011 5:59 pm

متأخذنيش يا دي الأستاذ اني متأخر عليك بس بصراحة أني مليش عين أكلمك لأني نزلت البلد وشوفت البصل جنب الربه وبصراحه وشي منك في الأرض علي العموم ربنا يكرمك وتسامحنا





 
الرجوع الى أعلى الصفحة اذهب الى الأسفل

ابوحمزه الجمل

avatar

...::|برمبالى برونزى|::...



جـنـسـى : ذكر

بــــــلادى :

جنسيتى :

هــــوايتى :

وظــيفتى :

عــــــمرى : 34

مـــــزاجى : ب أ م أ ح

عدد مساهماتى : 1768

تاريخ ميلادى : 01/01/1984





معاينة صفحة البيانات الشخصي للعضو http://www.shabab-bermbal.com/rss http://www.facebook.com/shabab.bermbal

مُساهمةموضوع: رد: يوميات السطوحى الغشيم ومراته محاسن:الحلقه السادسة عشر   الأربعاء مارس 16, 2011 6:27 pm

ابوحمزه كتب:
متأخذنيش يا دي الأستاذ اني متأخر عليك بس بصراحة أني مليش عين أكلمك لأني نزلت البلد وشوفت البصل جنب الربه وبصراحه وشي منك في الأرض علي العموم ربنا يكرمك وتسامحنا

ياراجل عيب عليك
هو احنا برده بيننا الكلام ده المره دى عندك بكره تبقى عندى
وفوتلى افوتلك
ههههههههههههههههههههههه
اسعدنى مرورك والله يا ابو حمزه





 
الرجوع الى أعلى الصفحة اذهب الى الأسفل
 

يوميات السطوحى الغشيم ومراته محاسن:الحلقه السادسة عشر

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1
  

 

  
 كلمات دلالية كلمات دلالية
يوميات السطوحى الغشيم ومراته محاسن:الحلقه السادسة عشر منتدى شباب برمبال القديمة والرياض | Shabab Bermbal & Elriad , يوميات السطوحى الغشيم ومراته محاسن:الحلقه السادسة عشر منتدى شباب برمبال القديمة والرياض | Shabab Bermbal & Elriad , يوميات السطوحى الغشيم ومراته محاسن:الحلقه السادسة عشر , يوميات السطوحى الغشيم ومراته محاسن:الحلقه السادسة عشر منتدى شباب برمبال القديمة والرياض | Shabab Bermbal & Elriad , يوميات السطوحى الغشيم ومراته محاسن:الحلقه السادسة عشر منتدى شباب برمبال القديمة والرياض | Shabab Bermbal & Elriad , يوميات السطوحى الغشيم ومراته محاسن:الحلقه السادسة عشر منتدى شباب برمبال القديمة والرياض | Shabab Bermbal & Elriad , يوميات السطوحى الغشيم ومراته محاسن:الحلقه السادسة عشر منتدى شباب برمبال القديمة والرياض | Shabab Bermbal & Elriad , يوميات السطوحى الغشيم ومراته محاسن:الحلقه السادسة عشر
 Konu Linki رابط الموضوع
 
  
Powered by ahlamontada ® phpBB
Copyright © 2009- 2014, Shabab Bermbal & Alriyad
حقوق التأليف والنشر © 2014 shabab-bermbal.com جميع الحقوق محفوظة
للتواصل المباشر مع الإدارة أو طلب المساعدة : i.eltouhami@yahoo.com
جميع المواضيع والمشاركات المكتوبه لا تعبر بالضروره عن وجهة نظر الموقع وإنما عن وجهة نظر الاعضاء وكاتبها

PageRank 

Alexa Certified Traffic Ranking for shabab-bermbal.com