| يوميات السطوحى الغشيم ومراته محاسن:الحلقه السابعة عشر | |
|
كاتب الموضوع | محتوى الموضوع |
---|
| موضوع: يوميات السطوحى الغشيم ومراته محاسن:الحلقه السابعة عشر الأربعاء مارس 16, 2011 7:46 pm |
| اخوتى اعضاء المنتدى المميز باعضائه الكرام متابعى يوميات السطوحى الغشيم ومراته محاسن الان موعدكم مع حلقه جديده من اليوميات ارجو من الله ان تنال اجباكم الان موعدكم مع الحلقه رقم
17
لما عمكم السطوحى قام على نديه الحاج سيد مجعوز قاله فى ايه يا حج سيد ايه اللى جرى اطلع يا سطوحى وهات اى حاجه معاك حاجة ايه وعشان ايه ياعم البلطجيه طلعوا من السجون وبيخربوا فى البلاد اللى حوالينا ازاى ده مش البلطجيه دول فى مصر بس لا يا عم دى شكلها كده البلد اتباعت ياسطوحى هات اى حاجه فى ايدك وتعالى الرجاله والشباب فى البلد بيجمعوا بعض وفى ناس راحت على الجوامع عشان يجمعوا الناس طيب دقيقه واحده اغير هدومى واجيب اى حاجه واجيلكم
دخل السطوحى البيت واهل بيته قلقانين وبيقولوله فى ايه يا جماعه بيقولوا ان البلطجيه جايين على البلد ردت محاسن وقالت ياساتر يارب وحتعملو ايه حنسيبهم يدخلوا البلد فى حاله واحده بس على جثثنا ربنا يسترها علينا وعلى البلد كلها ان شاء الله ان شاء الله
وطلع السطوحى لقى كل رجالة البلد وشبابها ماليين الشوارع وبدات الجوامع تذيع وتنادى على الناس تطلع على مداخل البلد وتقف وما تخليش حد غريب يدخل وكان فى حاجه حلوه فى البلد ما شفناهاش قبل كده الناس نسوا كل المشاكل والخلافات اللى بينهم واتجمعوا على حاجه واحده بس وهى حماية البلد من اى شر
وكان السطوحى من الناس اللى واقفه على كوبرى البحر الجديد وفى ناس راحت عند مدخل البلد من نحية الرياض وفى ناس راحو عند المحطه وفضلت الناس دى طول الليل لحد الصبح
والحمد لله الليله دى عدت على خير ورجع السطوحى بيته هلكان من قلة النوم وقال يريح شويه ويقوم يصلى الجمعه والعصر يبقى يجيب اكل البهايم مافيش قدامه غير كده
وبعد ما صحى من النوم وصلى الجمعه ورجع عشان يتغدى ويسرع على الغيط كان بيتفرج على الاخبار زيه زى اى حد فى مصر ويشوف ايه اخر الاخبار وكانت الاخبار مركزه على ميدان التحرير ومبنى ماسبيرو وقصر الرياسه لما بدات الناس تتجمهر قدامه
وكانت برده كل الناس مقسمه بعضها ورديات حراسه على مداخل البلد ولكن لقى السطوحى حاجه غريبه فى نبرة الاخبار فى اليوم ده كل اللى بيتكلم فى الاخبار بيتكلم وكانه عارف حاجه لكن مش عايز يقولها دلوقتى ولقى فى اعلان بان عمر سليمان نائب الرئيس حيطلع يقول بيان مهم على التليفزيون وده اللى خلى السطوحى يصرف نظر عن الغيط وقال يخلى البهايم تقضيها باى حاجه انهارده لان الوضع كده شكله فى حاجه مهمه وقعدت العيله كلها قدام التليفزيون وطلع عمر سليمان بالبيان اللى خلى كل الناس حتموت من الفرح والقلق فى نفس الوقت وطلعت الناس فى الشوارع تهتف وتنشد الاناشيد الوطنيه فى شوارع القاهره والتجمعات اللى كانت قدام ماسبيرو اتفضت فى ثوانى لكن كان ميدان التحرير زى ما هو فى انتظار البيان الرسمى من المجلس الاعلى للقوات المسلحه وطلع البيان وتانى يوم انفضت المظاهرات من ميدان التحرير وبدا الشباب فى الميدان بتنظيفه وبدا عصر جديد لمصر ولبرمبال وفى الحلقه اللى جايه ان شاء الله حنشوف سوا ايه هى التغييرات والنتايج للثوره فى برمبال وعلى عيلة السطوحى
انتظرونى
|
|
| |
| موضوع: رد: يوميات السطوحى الغشيم ومراته محاسن:الحلقه السابعة عشر الأربعاء مارس 16, 2011 8:09 pm |
| تسلم ايدك يابو حمزة عودتنا على ان كل حلقه وفيها مفاجاه وانا بهنيك على انك قدرت تربط اليوميات بالاحداث الحاليه وبالرغم من انك متغرب لكن حكيت الاحداث وكانك موجود فى مصر فى انتظار باقى الحلقات
|
|
| |
ابوحمزه...::| المراقب العام|::... جـنـسـى :
بــــــلادى :
هــــوايتى :
وظــيفتى :
عــــــمرى : 48
عدد مساهماتى : 3146
تاريخ ميلادى : 04/05/1975 | موضوع: رد: يوميات السطوحى الغشيم ومراته محاسن:الحلقه السابعة عشر الأربعاء مارس 16, 2011 8:13 pm |
| علي فكره يا سي الأستاذ احنا كنا فريق يقوم بحمايه حارة النعانعة من أمام مسجد النعانعة ناحية بيت الاستاذ محمد السباعي والمفاجأه أن البيوت اللي خلف الجامع اتسرقت واحنا قاعدين نحرس الحارة من أمام الجامع يعني الشارع اللي ورانا فالحمد لله أن البلطجيه مهجموش علي البلد لأن كانوا هيلاقوا فيها رجاله مصحصحه لهم
|
|
| |
| موضوع: رد: يوميات السطوحى الغشيم ومراته محاسن:الحلقه السابعة عشر الخميس مارس 17, 2011 10:30 am |
| - العنقاء كتب:
- تسلم ايدك يابو حمزة
عودتنا على ان كل حلقه وفيها مفاجاه وانا بهنيك على انك قدرت تربط اليوميات بالاحداث الحاليه وبالرغم من انك متغرب لكن حكيت الاحداث وكانك موجود فى مصر فى انتظار باقى الحلقات اشكركى على كلماتك الرقيقه ويسعدنى عودتك لمتابعة اليوميات
|
|
| |
| موضوع: رد: يوميات السطوحى الغشيم ومراته محاسن:الحلقه السابعة عشر الخميس مارس 17, 2011 10:34 am |
| - ابوحمزه كتب:
- علي فكره يا سي الأستاذ احنا كنا فريق يقوم بحمايه حارة النعانعة من أمام مسجد النعانعة ناحية بيت الاستاذ محمد السباعي والمفاجأه أن البيوت اللي خلف الجامع اتسرقت واحنا قاعدين نحرس الحارة من أمام الجامع يعني الشارع اللي ورانا
فالحمد لله أن البلطجيه مهجموش علي البلد لأن كانوا هيلاقوا فيها رجاله مصحصحه لهم ههههههههههههه طمنتنى على البلد فى غيابى يا ابو حمزه اهو انا كده انام هنا وانا متطمن على حمزه
شكرا لمرورك واسعدنى عودتك للمشاركه معى فى اليوميات
|
|
| |
| موضوع: رد: يوميات السطوحى الغشيم ومراته محاسن:الحلقه السابعة عشر الجمعة مارس 18, 2011 4:45 am |
| |
|
| |
| موضوع: رد: يوميات السطوحى الغشيم ومراته محاسن:الحلقه السابعة عشر الجمعة مارس 18, 2011 4:10 pm |
| - SAAD.BASHA كتب:
[ندعوك للتسجيل في المنتدى أو التعريف بنفسك لمعاينة هذه الصورة]
اشطة عليك يامعنمى كما حدث بالضبط .. تسلم عصيتك ياابو حمزة
بقى انتة ياراجل الناس واقفة تحمى البلد وانتة عمال تشرب عصير قصب من معصرة المروة
ينفع كدة وله دة البور لازم تشربة عشان تعرف تسهر وتضرب البلطجية هههههههههههههههه شرفنى مرورك يا عم سعد وبعدين انا ما كنتش فى البلد اساسا بس كنت سايب حمزه ابنى يحمى البلد على اما ابقى ارجع ههههههههههههههه ما تخافش البلد فى ايد امينه ولو امينه مش فاضيه حنلاقى امنيه اهو اى واحده ليها ايد وخلاص هههههههههههههه
|
|
| |
| يوميات السطوحى الغشيم ومراته محاسن:الحلقه السابعة عشر | |
|
صفحة 1 من اصل 1 |
|