| موضوع: يوميات السطوحى الغشيم ومراته محاسن:الحلقه التاسعة عشر الثلاثاء أبريل 05, 2011 6:20 pm |
| اخوتى اعضاء منتدانا الكريم متابعى يوميات السطوحى الغشيم ومراته محاسن تحية من عند الله مباركة طيبهانتم الان مع موعد مع حلقه جديده من اليوميات ارجو ان تنال اعجابكم ان شاء الله فانتم الان على موعد مع الحلقه رقم
19
بعدما روح عمكم السطوحى بيته وعما ظبط البهايم بتاعته كانو العيال رجعو من المدرسه ومراته جهزت الغدا وقعدو اتغدو كلهم وطبعا زى ما انتم فاكرين امه الحاجه مجيده كمان معاهم واللى عايز يتطمن على عبده احب اطمنه الواد عبده بقى كويس دلوقتى وفك الجبس وعاد بيمشى كويس على رجله
وبعد ما اتغدو وشربو الشاىوحب بقى عمكم السطوحى يريح شويه ودخلت وراه بقى مين ..........طبعا قدره وعمله الابيض محاسن وقالتله انت حتنام ياسطوحى ايوه عايزه حاجه قبل ما انام ايوه عايزه اقولك على حاجه خير فى حاجه كنت عايزه اروح اكشف خير تعبانه وللا ايه لا بس انا كنت.....عايزه ......اشوف اللى فى بطنى ولد وللا بنت نعم يا اختى ايه بس يا سطوحى فيها ايه وانت عايزه تعرفى ليه اهو ابقى عارفه وخلاص والمعرفه دى لازمتها ايه يا محاسن وانت زعلان ليه كده بس لان انا مابحبش الحاجات دى ليه هى حرام يعنى الحاجات دى مش حكاية حرام وحلال لكن انا مابشفش منفعه فى الحكايات دى واهو انت عارفه المشاكل اللى حصلت قبل كده لناس فى البلد دول ناس عقلهم صغير وانت بقى اللى عقلك كبير ياختى انت حتغلط وللا ايه وما اغلطش ليه يا ختى..... دلوقتى بقى كل واحد يقول اللى فى نفسه ما بلاش ياسطوحى بدل ما اقول انا كمان وانا يعنى بخاف قولى يا اختى هاتى اللى عندك جرى ايه ياسطوحى انت ناسى ان انا الحكومه وللا ايه كان زمان يا ضنايا دلوقتى الشعب خلع الحكومه خافى على نفسك وهو انا برده ياسطوحى زى الحكومه الهايفه دى انا حاجه تانيه هههههههههههههه ماشى ياست الحكومه هيه قلت ايه ياسطوحى حرورح وللا ايه يامحاسن سيبك من الحاجات دى يا محاسن والنبى .....ولما يتولد ان شاء الله حنعرف هو ولد وللا بنت طيب براحتك يا سطوحى
وهما بيتكلمو سمعو دوشه بره والعيال يتجرى وبتزعق فى البيت قالها قومى سكتى العيال دى خلينى انام شويه طيب قايمه اهو وقامت شخطت فى العيال.......بس يابنت انت وهو احنا مش كنا مرتاحين ورجلك متجبسه يعنى انت كنت عايزانى افضل مجبس رجلى على طول يا اما بس بقى اسكتو عشان ابوكم عايز ينام ولو ما سكتوش حيطلعلكم وانتم عارفين بقى لو طلع حيعمل ايه
ردت الحاجه مجيده ايه مالك يا محاسن فى ايه ما فيش يا نينه لا فى شكلك كده فى حاجه مضايقاك طي بس اسكت العيال دهى واجيلك يانينه طيب يا حبيبتى
وجتلها محاسن وقعدت جنبها والحاجه مجيده قالتلها مالك يا محاسن فى ايه كنت بكلم السطوحى يانينه انى اروح اكشف وما رضاش ليه كده ومارضاش ليه.......وبعدين انت تعبانه وللا ايه لا انا مش تعبانه الحمد لله بس انا كنت عايزه اكشف تليفزيون عشان اعرف اللى فى بطنى ولد وللا بنت اللى يشوفك كده يا محاسن يقول انك اول مره تحملى حتى انت يا نينه يا محاسن انت عارفه ان السطوحى ما بيحبش الحاجات دى مهو خلاص مش راحه خلاص يا محاسن ماتزعليش ..........انت لسه قدامك كام شهر وتولدى لسه على حسابى شهرين طيب يا اختى ربنا ينتعك بالسلامه وتقومى بالسلامه ان شاء الله يارب طيب بصى روحى انت لجوزك دلوقتى وسيبيلى الموضوع ده وانا حخلى السطوحى هو اللى يقولك روحى شوفيه يا محاسن بجد يا نينه وهو انت عارفه انى بهزر يا محاسن ربنا يخليك لينا يانينه ويديلك طولة العمر يللا بقى يابت انت حتقرعى عليا كده برده يانيه يعنى انت مش عارفه انى بحبك طيب ياختى روحى لجوزك ليكون عايز حاجه ولما يقوم انا حبقى اكلمه انا طيب ماشى عايزه حاجه قبل ما امشى لا سلامتك بس ناديلى على الواد عبده ييجى يسندنى ادخل الاوضه اريح انا كمان شويه طيب ما ادخلك انا لا انا عايزه عبده انا ما برتاحش غير معاه ههههههههههه طيب يا اختى ربنا يهنى سعيد بسعيده
يا عبده تعالى لنينتك عايزاك طيب جاى اهو
وبكده كل اللى فى البيت دخلو ينامو وكمان انا بقى حروح انام ولما ابقى اصحى حبقى اكتبلكو بقى الحلقه الجايه ان شاء الله سلام بقى عشان الحق اخطفلى ساعتين عشان اقدر اسهر بقى سلام نسيت اقولكم على حاجه
انتظرونى
|
|
| موضوع: رد: يوميات السطوحى الغشيم ومراته محاسن:الحلقه التاسعة عشر الثلاثاء أبريل 05, 2011 7:01 pm |
| منتظرين طبعا حوارك الدرامى الممتع وحلقاتك المميزة،بالنسبة لى يا أبو حمزة الموضوع موش قصة درامية بتمتع بحوارها وبس،لكن صدقنى بتعلم كتير أوى منها،أولا اللكنة البرمبالية،ثانيا بعض عادات الأسرة فى برمبال،جزيل الشكر لك على حلقاتك المميزة والممتعة ومنتظرين يوميات شاب عايز يتجوز،عارفة مجهود عليك بس انت اللى شوقتنا بقى،دمت بكل خير وحفظك الله ورعاك.
[ندعوك للتسجيل في المنتدى أو التعريف بنفسك لمعاينة هذه الصورة]
|
|
| موضوع: رد: يوميات السطوحى الغشيم ومراته محاسن:الحلقه التاسعة عشر الثلاثاء أبريل 05, 2011 7:07 pm |
| - فاطمة كتب:
منتظرين طبعا حوارك الدرامى الممتع وحلقاتك المميزة،بالنسبة لى يا أبو حمزة الموضوع موش قصة درامية بتمتع بحوارها وبس،لكن صدقنى بتعلم كتير أوى منها،أولا اللكنة البرمبالية،ثانيا بعض عادات الأسرة فى برمبال،جزيل الشكر لك على حلقاتك المميزة والممتعة ومنتظرين يوميات شاب عايز يتجوز،عارفة مجهود عليك بس انت اللى شوقتنا بقى،دمت بكل خير وحفظك الله ورعاك.
[ندعوك للتسجيل في المنتدى أو التعريف بنفسك لمعاينة هذه الصورة]
والله انت متابعتك انت وباقى الناس لليوميات بيشجعنى انى اعمل على قد ما اقدر حلقات جديده واحاول انها تكون على المستوى ان شاء الله وان شاء الله قريب يكون فى حلقه جديده ليوميات شاب عايز يتجوزشرفنى متابعتك ومرورك المستمر اختى فاطمه
|
|
| موضوع: رد: يوميات السطوحى الغشيم ومراته محاسن:الحلقه التاسعة عشر الثلاثاء أبريل 05, 2011 7:19 pm |
| دايما مبدع ياابوحمزة حلقه جميله ومميزة وزى ماعودتنا خفه الدم المصريه حتى فى الدراما تسلم ايدك وماتتاخرش علينا بالحلقات القادمه
|
|
| موضوع: رد: يوميات السطوحى الغشيم ومراته محاسن:الحلقه التاسعة عشر الثلاثاء أبريل 05, 2011 7:31 pm |
| - العنقاء كتب:
- دايما مبدع ياابوحمزة
حلقه جميله ومميزة وزى ماعودتنا خفه الدم المصريه حتى فى الدراما تسلم ايدك وماتتاخرش علينا بالحلقات القادمه لكى منى جزيل الشكر والتقدير على كلماتك الرقيقه واشكرك على متابعتك الدائمه المستمره ومرورك العطر
|
|