| يوميات السطوحى الغشيم ومراته محاسن:الحلقه الثامنة عشر | |
|
كاتب الموضوع | محتوى الموضوع |
---|
| موضوع: يوميات السطوحى الغشيم ومراته محاسن:الحلقه الثامنة عشر الأربعاء مارس 30, 2011 7:22 pm |
| اخوتى اعضاء منتدانا الغالى متابعى يوميات السطوحى الغشيم ومراته محاسن السلام عليكم ورحمة الله وبركاته الان موعدكم مع حلقة جديده من اليوميات ارجو ان تنال اعجابكم
فالان موعدكم مع الحلقه رقم
18
اخوتى الاعزاء بعد ما انتهت الثوره والناس عرفت مين معاهم ومين عليهم وفاق كل اللى كان متلخبط بين ان كان اللى فى ميدان التحرير بيهدمو البلد وللا عايزين يصلحوها وبقت الاحوال هاديه فى البلد (برمبال) وحست الناس شويه بالامان والحكومه الجديده مسكت البلد وبتحاول تعمل اللى الناس عايزاه
وكالعاده عمكم السطوحى فى الغيط هو والحاج السيد ابو احمد وزى ما اتعودنا دايما بيشتغلو وهم بيتكلمو ونشوف ايه الحوار اللى حصل
ياترى يا حاج سيد الايام الجايه دى مخبيه لينا ايه والله العلم عند الله بس انا حاسس ان اللى جاى ان شاء الله حيبقى احسن ياريت يا حاج سيد والله خلى الغلابه يعرفو يعيشو فى البلد دى على رايك والله ياسطوحى الغلابه فى البلد دى مش عايشين انت مش بتشوف اللى فى التليفزيون مع اسمه ايه ده اللى بيقدم برنامج اسمه واحد من الناس بيجيب الناس عايشه ازاى والله يا حاج سيد انا لما بشوف اللى هو بيجيبهم دول انا ببوس ايدى وش وضهر يا اخى والله حاجه تقطع القلب الله يكون فى عون الناس يا سطوحى ان شاء الله انا حاسس كده يا حاج سيد اننا لو كنا فضلنا كمان كام سنه كده كنا زماننا بقينا زيهم على رايك ياسطوحى شوف الاسعار عامله ايه اليومين دول الكيماوى والتقاوى والمبيدات والاهم يا حاج سيد ان لما تيجى تبيع المحصول ما تعرفش تبيعه وتبيعه بكام لازم حتخسر فيه ياسطوحى بس انا سمعت فى الاخبار امبارح يا حاج سيد ان الحكومه الجديده دى بتاعة احمد شفيق بيقولو انهم حيعدلو المسائل دى ياريت ياسطوحى ويرجعونا لايام زمان بقى ايوه فاكر ايام الجنزورى يا حاج سيد والله كانت ايام حلوه بس اهو الراجل لما بدا يظبط البلد شويه مشوه من الحكومه مهو الحلو فى بلدنا يا حاج سيد مالوش مكان طيب انت عرفت اخر الاخبار كمان ياسطوحى خير انت عرفت ثروة مبارك كام اكيد ملايين ههههههههههههه ملايين ياسطوحى ليه هو لسه عيل صغير يعنى ايه يا حاج سيد يعنى ثروة مبارك ياسيدى بيقولو طلعت ( 000 000 000 70انا عرفت اكتبه صح)70 مليار دولار كم يعنى كام دول يعنى 70 الف مليون يا خراب البلد وابن ............بيقول البلد مافيهاش فلوس وغيره كمان جمال ابنه برده مش عارف كام مليار والحوت الكبير بقى احمد عز احمد عز ده ربنا حينتقم منه اهو مسكوه هو وكام واحد بس ياترى حيعملو معاه ايه وحتوصل لايه انت تعرف مين اللى نفسى اشوف فيه يوم يا حاج سيد مين يا سطوحى وزير الداخليه اه ربنا ينتقم منهم كلهم وبالذات ده ساب البلد للبلطجيه يخربو فيها ويقتلو فى الناس كانهم فراخ انت شفت الفيديو بتاع العربيه اللى كانت ماشية بتدوس على الناس دول عربيات يا سطوحى تعرف العيال بيقولو شافو على النت فيديوهات كتير زى دى وكذا عربيه مش عربيه واحده بس حيكون مين اللى ورى الحكايات دى يا سطوحى حيبان يا حاج سيد حيبان اليومين دول مافيش حاجه بتستخبى على رايك والله يا سطوحى بس اليومين دول لو عايز تعرف كل حاجه تعرفها من على النت طيب ونعرفها ازاى تجيب كمبيوتر وتوصل نت واكيد العيال حيعرفو يشغلوه ما حينفعش اليومين دول محاسن قربت تولد وحكون فى احتياج كل تعريفه ربنا ينتعها بالسلامه اهو الواد اللى جاى ده حيبقى احسن واد فى عيالك ياسطوحى اشمعنى يعنى حيبقى هو الوحيد فيهم اللى ما حيشوفش مبارك على رايك والله هههههههههههههه والله الواحد ما هو عارف يضحك وللا يبكى ياسيدى اضحك دول حتى اللى فى ميدان التحرير كانو بيقولو نكت ما هو احنا كده يا سطوحى يبقى الواحد فى عز همه وبرضه يضحك ايوه والله يا حاج سيد اضحك للدنيا تضحكلك
وروحم كل واحد على بيته والضحكه مرسومه على شفايفهم ومع الضححكه دى تيجى نهاية الحلقه مع وعد بتكملة الاحداث فى الحلقات القادمه ان شاء الله
انتظرونى
|
|
| |
| موضوع: رد: يوميات السطوحى الغشيم ومراته محاسن:الحلقه الثامنة عشر الأربعاء مارس 30, 2011 9:45 pm |
| حلقه مميزة يابو حمزة تسلم ايدك وفى انتظار الجديد ويارب الايام الجايه تبقى احلى من اللى فاتت
|
|
| |
| موضوع: رد: يوميات السطوحى الغشيم ومراته محاسن:الحلقه الثامنة عشر الخميس مارس 31, 2011 1:40 am |
| ميه ميه ياحاج الله يعينك على التواصل اهى الاحداث كترت اهيه معدلكش حجه يعنى ماطولش متنعسناش جنبك انته عارف احنا بنستنى اليوميات دى ومشكوووووووووووور على ذلك
|
|
| |
| موضوع: رد: يوميات السطوحى الغشيم ومراته محاسن:الحلقه الثامنة عشر الخميس مارس 31, 2011 3:49 pm |
| - العنقاء كتب:
- حلقه مميزة يابو حمزة تسلم ايدك
وفى انتظار الجديد ويارب الايام الجايه تبقى احلى من اللى فاتت شكرا على مرورك عنقاء ويسعدنى متابعتك لليوميات
|
|
| |
| موضوع: رد: يوميات السطوحى الغشيم ومراته محاسن:الحلقه الثامنة عشر الخميس مارس 31, 2011 4:04 pm |
| - redaaswelam كتب:
- ميه ميه ياحاج الله يعينك على التواصل اهى الاحداث كترت اهيه معدلكش حجه يعنى ماطولش
متنعسناش جنبك انته عارف احنا بنستنى اليوميات دى ومشكوووووووووووور على ذلك شرفتنى يا عم رضا وانا ما بتاخرش بمزاجى يا عم والله ظروف الشغل وكمان المزاج هههههههههههههه ان شاء الله ححاول ما اتاخرش عليكم باذن الله
|
|
| |
| موضوع: رد: يوميات السطوحى الغشيم ومراته محاسن:الحلقه الثامنة عشر الجمعة أبريل 01, 2011 12:39 pm |
| شكرا لتميزك أخى الفاضل(أبـــو حـــمــزة الجمل)،ربطت فى الأحداث بين القديم والتطورات الحالية،أرى فى الحوار وجهات نظر خاصة وأتمنى من الله تحقيقها،فهى بالتأكيد مطلب لآغلب الشعب المصرى،فما السطوحى الا شخصية من داخلنا،نعبر بها عن الرأى العام،دامت لنا ابداعاتك،ودام السطوحى رمز لأحلام البسطاء،فى انتظار الجديد دائما. [ندعوك للتسجيل في المنتدى أو التعريف بنفسك لمعاينة هذه الصورة]
|
|
| |
| موضوع: رد: يوميات السطوحى الغشيم ومراته محاسن:الحلقه الثامنة عشر الجمعة أبريل 01, 2011 8:52 pm |
| - فاطمة كتب:
شكرا لتميزك أخى الفاضل(أبـــو حـــمــزة الجمل)،ربطت فى الأحداث بين القديم والتطورات الحالية،أرى فى الحوار وجهات نظر خاصة وأتمنى من الله تحقيقها،فهى بالتأكيد مطلب لآغلب الشعب المصرى،فما السطوحى الا شخصية من داخلنا،نعبر بها عن الرأى العام،دامت لنا ابداعاتك،ودام السطوحى رمز لأحلام البسطاء،فى انتظار الجديد دائما. [ندعوك للتسجيل في المنتدى أو التعريف بنفسك لمعاينة هذه الصورة]
اليوميات نورت باول زياره ليك اخت فاطمه وان شاء الله اكون عند حسن ظنك وظن متابعى اليوميات ان شاء الله مع جزيل الشكر لمرورك العطر
|
|
| |
| موضوع: رد: يوميات السطوحى الغشيم ومراته محاسن:الحلقه الثامنة عشر السبت أبريل 02, 2011 5:54 pm |
| فعلا جميلة اوي اليوميات دى انا اول مرة اشوفها بس بعد ما قرأت مأكد هتابعها دايما
|
|
| |
| موضوع: رد: يوميات السطوحى الغشيم ومراته محاسن:الحلقه الثامنة عشر السبت أبريل 02, 2011 6:03 pm |
| - nonacool كتب:
- فعلا جميلة اوي اليوميات دى انا اول مرة اشوفها بس بعد ما قرأت مأكد هتابعها دايما
اهلا بكى اختى الكريمه متابعه لليوميات لكن ان احببتى متابعة اليوميات عليك قراءتها من اولها كى تكون الاحداث متسلسله ويكون عندك معلومات عن الاشخاص الموجودين فى اليومياتشرفنى مرورك ويشرفنى متابعتك ابو حمزه 2
|
|
| |
| موضوع: رد: يوميات السطوحى الغشيم ومراته محاسن:الحلقه الثامنة عشر السبت أبريل 02, 2011 6:44 pm |
| شكرا لك ابو حمزة الجمل لتميزك وابداعك وقدرتك علي ربط الاحداث بمانعيشه هذه الأيام بجد جميلة جدا انافي انتظار كل ماهو جديد من ابداعاتك تقبل مروري
|
|
| |
| موضوع: رد: يوميات السطوحى الغشيم ومراته محاسن:الحلقه الثامنة عشر السبت أبريل 02, 2011 7:11 pm |
| - فيروز كتب:
- شكرا لك ابو حمزة الجمل لتميزك وابداعك وقدرتك علي ربط الاحداث بمانعيشه هذه الأيام بجد جميلة جدا انافي انتظار كل ماهو جديد من ابداعاتك تقبل مروري
اشكرك اختى العزيزه على كلماتك الرقيقه وانصحكى وانصح كل من بدا متابعة اليوميات قريبا بقراءة الحلقات الاولى من اليوميات ليحصل على تسلسل الاحداث وعلمه بابطال الحلقاتواخيرا كيف لا اقبل مروركى اختى الكريمه فمروركى يزيدنى شرفاابو حمزه 2
|
|
| |
| يوميات السطوحى الغشيم ومراته محاسن:الحلقه الثامنة عشر | |
|
صفحة 1 من اصل 1 |
|