يوميات السطوحى الغشيم ومراته محاسن :الحلقه العشرون

تاريخ ميلادى : 01/01/1984

[ندعوك للتسجيل في المنتدى أو التعريف بنفسك لمعاينة هذه الصورة]
اخوتى اعضاء منتدانا الافاضل
تحية من عند الله مباركة طيبه
الى كل متابعى يوميات السطوحى الغشيم ومراته محاسن انتم اليوم على موعد مع حلقه جديده من اليوميات ارجو ان تنال اعجابكم
فانتم الان على موعد مع الحلقه رقم

20

شوفو يا جماعه عمكم السطوحى بعد الثوره بقى غير عمكم السطوحى قبل الثوره
ازاى بقى
دلوقتى عمكم السطوحى عاد بيهتم بالسياسه وعاد شايف ان البلد مش بس حكومه دى بقت شعب وحكومه ولكن الحكومه ايه بقى على مزاج الشعب
ودى حاجه ما كانش يحلم بيها عمكم السطوحى ولا اى حد غيره

بس عمكم السطوحى متضايق حبتين اليومين دول ومحتار يمشى وراء مين

او يمشى مع مين ومين اللى يهمه فعلا مصلحة البلد

وعشان نكون واضحين مع عمكم السطوحى احب اقولكم احنا انهارده امته
احنا انهارده الجمعه تانى يوم بعد اول اجتماع لرابطة شباب برمبال
وهو دلوقتى قاعد فى البيت بعد صلاة الجمعه وسالته محاسن............
ماقلتليش ياسطوحى عملتم ايه فى الاجتماع اللى انت كنت فيه امبارح
ولا حاجه يا محاسن ما وصلناش لحاجه
طب وليه كده
لسه الناس مش عارفه هى عايزه ايه يامحاسن
ازاى يعنى فهمنى
شوفى ياستى امبارح كان كل واحد عايز يبين انه هو اللى قلبه على مصلحة البلد
وبعدين
كل واحد كان محضر كلمه قالها وبعد كده كل واحد بقى بدا يتهم الحزب الفولانى انه فاسد والتانى شايف ان الجماعه الفولانيه هى اللى جايبه البلد لورا وكانت حتوصل ان الناس حتمسك فى بعضها يا محاسن
وخلص على ايه يعنى
اتفقو انهم حيعملو اجتماع كل خميس وكل اللى عايز يحضر يحضر
طيب وانت شايف ان الاجتماعات دى حتجيب فايده
والله يا محاسن هى حاجه كويسه يعنى امته كان اهل البلد بيجتمعو مع بعض ويفكرو فى حل المشاكل اللى فى البلد
اه والله عندك حق عمرها ما حصلت
وكمان ياستى كانت الناس الاول بتستنى عضو مجلس الشعب انه يعملهم الحاجه وهم نايمين
يعنى انت شايف انها حتجيب فايده
والله الاجتماع الجاى هو اللى حيبين كل حاجه
وناوى تروح ياسطوحى
طبعا يا محاسن حروح يعنى لما كل واحد يقول انا مالى مين اللى حيعمل ومين اللى حيدور علينا
طيب وفى مكان للحريم
لا بس ممكن بعدين يكون فى
طيب ربنا يصلح الامور يا اخى عشان حتى العيال ما يشوفوش اللى احنا شفناه
ان شاء الله

وهنا سال عبده ابوه........
انا عليا اجى معاك يا با
وماله يا عبده تعالى اهو تشوف الدنيا ماشيه ازاى
مش انت بتقول ان كان فى خناق حتاخد الواد معاك ليه
لا ياستى ما وصلتش لخناق بس الناس بس اللى عليك تقولى متحمسه شويه بس
يعنى ايه
يعنى ان شاء الله الاجتماع الجاى يكون خير
طيب وايه راى الحاج سيد فى الموضوع ده
اهو رايه من رايى بيقول نصبر لحد الاجتماع التانى ونشوف

وعدى الاسبوع ده بحلوه وبمره واخباره واوجاعه وسجون ومعتقلات وكل حاجه فى مصر بتتقلب وحتى برمبال بقى فيها تغيير وخصوصا هوس الناس بالوظايف الجديده
وجه ميعاد الاجتماع التانى اخد عمكم السطوحى عبده معاه وراح هو والحاج سيد ابو احمد وراحم سوا الاجتماع
ولما رجع طبعا نام على طول عشان يقدر يقوم يروح على شغله الصبح
وقعد مع محاسن نفس القعده اللى فاتت لكن كان الوضع متغير عن المره اللى فاتت
وكان بيتكلم وهو متفائل اكتر من الاول
وسالته طبعا محاسن ...............
هيه ياسطوحى عملتم ايه امبارح
والله فى خير جاى يا محاسن ان شاء الله
يعنى الوضع بقى كويس
هو طبعا مش ميه ميه لكن هو احسن من المره اللى فاتت وان فضل يتحسن كده كل مره عن المره اللى قبلها اكيد حيكون فى خير كبير للبلد ان شاء الله
طيب خير الحمد لله
هيه ربنا يسهل بس ان شاء الله ويتحقق اللى اتفقو على ايه
هم اتفقو على ايه
حينتخبو مجلس اداره للرابطه ورئيس مجلس اداره وحيبداو بحل مشكلة الزباله فى البلد كبداية يعنى بس حيبدؤو امته الله اعلم لسه
طب وانت
طبعا معاهم فى اى حاجه مادام فى الصالح
ربنا يوفق الجميع
وبكده فعلا بقت البلد فى الاتجاه السليم ان شاء الله

وبكده اكون خلصت الحلقه انهارده وان شاء الله يكون فى حلقات جديده تعجبكم ان شاء الله

انتظرونى

عدل سابقا من قبل ابوحمزه الجمل في الأحد مايو 01, 2011 5:49 pm عدل 1 مرات

حياك الله أبا حمزة
ووافر الشكر والتحية على الحلقة الرائعة
ويومياتك المميزة المواكبة للأحداث على الساحة البرمبالية
-مع اعتراضى على التأخير الذى يسبقه تشويق للقادم-
لكن أسأل الله لك العون وموفور الصحة والعافية ومزيد
من التألق والابداع

[ندعوك للتسجيل في المنتدى أو التعريف بنفسك لمعاينة هذه الصورة]

تاريخ ميلادى : 01/01/1984

فاطمة كتب:: حياك الله أبا حمزة

ووافر الشكر والتحية على الحلقة الرائعة
ويومياتك المميزة المواكبة للأحداث على الساحة البرمبالية
-مع اعتراضى على التأخير الذى يسبقه تشويق للقادم-
لكن أسأل الله لك العون وموفور الصحة والعافية ومزيد
من التألق والابداع

[ندعوك للتسجيل في المنتدى أو التعريف بنفسك لمعاينة هذه الصورة]

اشكرك اختى الفاضله فاطمه على كلماتك
ولكنى احب ان اوضح انى لم اجد التشجيع الذى يعطينى الدفعه على الكتابه
ولكنى احاول استجماع افكارى للخروج باحداث تعجب الجميع وتتماشى مع الاحداث الجاريه فى برمبال
وادعو الله ان يوفقنى فى ذلك

اشكر مرورك العطر اختى فاطمه

جزاك الله خيرا يابو حمزة
احنا متابعين الحلقات وفى انتظار الجديد
بس ياريت ماتتاخرش علينا
بالتوفيق

تاريخ ميلادى : 01/01/1984

العنقاء كتب:: جزاك الله خيرا يابو حمزة
احنا متابعين الحلقات وفى انتظار الجديد
بس ياريت ماتتاخرش علينا
بالتوفيق

بارك الله فيك عنقاء
ويسعدنى متابعتك المستمره ويشرفنى ذلك
وان شاء الله احاول ما اتاخرش دايما
شكرا لمرورك

يووووووووووووووووووووه انته لسه فاكر ياابوحمزه انى كنت نسيت السطوحى افندى ده من التاخير بتاعك ياعم مينفعش الكلام ده ظبط الامور علشان المنتجين زعلانين وعاوزين نراضيهم بناكل من وراهم عيش هههههههههههههههه عالعموم كل تاخيره ولها خيره علشان تسوى الاحداث على نار هاديه ومشكور على بذللك لهذا الجهد العظيم وبالتوفيق

تاريخ ميلادى : 01/01/1984

redaaswelam كتب:: يووووووووووووووووووووه انته لسه فاكر ياابوحمزه انى كنت نسيت السطوحى افندى ده من التاخير بتاعك ياعم مينفعش الكلام ده ظبط الامور علشان المنتجين زعلانين وعاوزين نراضيهم بناكل من وراهم عيش هههههههههههههههه عالعموم كل تاخيره ولها خيره علشان تسوى الاحداث على نار هاديه ومشكور على بذللك لهذا الجهد العظيم وبالتوفيق

ربنا يكرمك يا عم رضا
والله انا بس اللى كنت مشغول شويه وان شاء الله احاول ما اتاخرش تانى
وزعل المنتجين ده على راسى من فوق
مع انى ما شفتش من المنتجين دول قرش تعريفه حتى يفتح نفسى
على العموم لما اقابلهم يبقى لينا معاهم كلام تانى
شرفنى مرورك يا ابو احمد

تاريخ ميلادى : 04/05/1975

أخي العزيز أبوحمزه الجمل
في تعليق لكم ذكرتم أنكم لم تجدوا التشجيع الكافي للكتابه ولهذا أحب أن أقول لكم لا تنتظر التشجيع طالما أنك مقتنع بما تكتب ومقتنع بأن ما تكتبه من رأسك فسر في طريقك ولا تتراجع سواء وجدت من يشجعك أو لم تجد

تاريخ ميلادى : 01/01/1984

ابوحمزه كتب:: أخي العزيز أبوحمزه الجمل
في تعليق لكم ذكرتم أنكم لم تجدوا التشجيع الكافي للكتابه ولهذا أحب أن أقول لكم لا تنتظر التشجيع طالما أنك مقتنع بما تكتب ومقتنع بأن ما تكتبه من رأسك فسر في طريقك ولا تتراجع سواء وجدت من يشجعك أو لم تجد

اشكرك اخى ابو حمزه على النصيحه وان شاء الله حعمل بيها
وان شاء الله مكمل وربنا يوفقنا جميعا ان شاء الله

واسعدنى مرورك اخى الغالى