عشانك يا نشوى
رسالة
من أب إلى ابنته المغتربة :

بحسّّّ بأنك طبعت طباعى
وإنك صفاتى وكل انطباعى
وإنك ودايما أحس بهدوئك
وأحسّ بصمتك وعقلك وذوقك
وحبك لربك عاهدته كتير
صلاتك وصومك
حيائك وصوتك
يترجم إيمانك
وينعش طريقك بأجمل عبير

ودايما كلامك بيبدأ ببسمة
تنوّر وتكبر وتختم بضحكة
رقيقة وصافية وعذبة وهادية
عشان الصفات دى بحبك يانشوى
وبعدك دا عنّا بيفرق كتير

وعمرو يا نشوى اتخلق لك بطبعك
هدوؤه ورزانته وتواضعه دا شكلك
وحتى ابتسامته تنور قلوبنا
وتطرح محبة ونسمة ندية
عشانك دا كان لك أجمل هدية
وكله تفانى وأمانى وتهانى
ودايما بكل الصفات دى كبير
لأن طباعك طباعه
حياتك حياته أميرة وأمير

سلامى وسلام الأمومة إليك
و إخواتك يانشوى وحتى الجيران
ووالدك ياعمرو وأخوك والأمومة
وكل الحبايب .. ورواد المساجد
الكل بحرارة بيسلم عليك

والدك : محمود البسيونى

 

ربنا يقرب البعيد ويجمع الشمل ولكن هذه سنة الحياة استاذنا الفاضل

 

وانا ايضا اسلم على نشوى

 

ربنا ما يحرمك من بابا يانشوى....... ويخليكى ليه امييييييييين

 

ربنا يخليها لك ويطرح فى احفادك البركة

 

شكرى الموصول لك

عزيزى الأستاذ / انتصار السعيد .