فيه لواء شرطة سابق وعضو بالبرلمان بيطالب المتخلفين من الخدمة العسكرية بدفع

مبلغ خمسون ألف جنيها لخزينة الدولة كحل لمشكلة البطالة .
والناس زعلانة منه وبيهاجموه !!
طيب انا متفق مع الناس اللي بيهاجموه علشان تصريحاته لحل مشكلة سبع مليون بطالة في مصر!!
وهسألهم سؤال :
اللي مش متخلف عن الخدمة العسكرية وأدي الخدمة العسكرية بالفعل وحصل علي شهادة آداء الخدمة العسكرية

وكانت درجته قدوة حسنة : وقاعد من غير شغل ومن ضمن السبعة مليون بطالة اللي في مصر

ياتري عندكم حلول له؟!!! وياتري الحلول دي شكلها إيه؟!!
بس ماتقوليش يروح يشتغل في اي حاجة أو يدور علي شغل - كده هتكون عقيم في تفكيرك وهحط رايك

في سلة المهملات علشان نكون متفقين .
................................................
وطبعا لو قلتلك حلول من عندي
1- عودة المرأة العاملة إلي منزلها واحلال الشباب والذي طالته يد الإهمال - للعمل بدلا منها
وطبعا هتقول عليا رجعي ومتخلف - انا بقولك ده كلام ربنا (وقرن في بيوتكن)
2- فيه ناس بتتقاضي رواتب فوق ال3000 جنيه وفيه ناس معاهم نفس المؤهلات ومش

بيخدوا ولا مليم ليه مايعطوش مثلا للي بياخد 3000 / 2000 جنيه و1000 للي مش بيشتغل
عن طريق صندوق التضامن الاجتماعي (نواية تسند الزير)
هتقولي ويقبض فلوس ومش بيشتغل هقولك شغله وهقولك كمان (فين عدل ربنا ؟!!)
وطبعا انا مش بتكلم عن نفسي أنا بتكلم عن شريحة في المجتمع طالتها يد الإهمال وادت بشريحة
كبيرة من الشباب الي اليأس والإحباط والإتجاه الي طرق الاتجار بالمخدرات وقطع الطرق والإدمان
مصر فيها حلول كتيرة وفيها خير كتير ولكن مفيش حد عايز يفكر ومفيش ورانا غير الجدل العقيم.
علي سبيل المثال : حد كان يصدق ان فيه منظومة زي منظومة الخبز تتعمل بالشكل ده وبالنجاح ده
وخاصة الايام دي اللي مصر بتمر فيها بأسوأ ظروفها والكل يعلم ذلك
*- السؤال هنا لماذا لم يتم عمل مثل هذه المنظومة أيام مبارك؟!! معني ذلك إن كان فيه حلول ولم تطبق

الا في الايام دي وهذا يعني أيضا إنه كان فيه اهمال وفساد بالاضافة نجاح فكرة التموين.
2- علي سبيل المثال لا الحصر (معاش السادات) آخر معاش كان ايام مبارك 70 جنيه كانت الزيادة
كل سنة 10 جنيهات وثورة يناير بقالها حوالي اربع سنوات تقريبا والمعاش 323 جنيه حاليا يعني
زيادة في خلال اربع سنوات يعني 253 جنيه زيادة تقريبا بمعدل 65 جنيه زيادة سنوية . يعني فيه

حلول لكن كان فيه اهمال ناهيك عن الكوسة و المحسوبية اللي بدلت حقوق أصحابها الي غير أصحابها

في الوظائف والمسابقات المفتعلة لحساب جهات اعتبارية وأشخاص مقربين .
للأسف كل واحد معاه شهادة واصبحت لديه فرصة عمل لم يجدها غيره بينتقد غيره لما بيطالب بحقه في
عيشة كريمة وحقه في فرصة عمل تكون بمثابة مصدر رزق له وإستقرارا لمعيشته هو وأسرته .علي الرغم ان
هو نفسه كان بيمر بنفس الظروف ولكن الظروف خدمته.
زي اللي راكب القطار طالما وجد كرسي له يجلس عليه مش مهم الشخص اللي واقف علي رجليه اهم حاجة

هو يجلس وخلاص !!! للاسف دي ثقافة شعوبنا او بالاحري شعبنا
مشكلتنا كدولة إننا هنظل نبكي علي اللبن المسكوب.

[ندعوك للتسجيل في المنتدى أو التعريف بنفسك لمعاينة هذه الصورة]

 

على أساس ان سعادته  ( الباشا) دخل ابنه الجيش و ما توسطش له لكي يخرج من الجيش او ينام في البيت او يكون باشا زي سعادته