قرية اوليمبية في برمبال

لا تستغرب من الاسم ،فبرمبال كان يتواجد بها فعلا نموذج مصغر لقرية أوليمبية تقع مقابل مسجد النعانعه وحتى المشروع الذي تم ردمه وعلى مساحه تتعدى 5 فدادين وكانت تسمى الجنينه

الجنينه كانت ملكا للاستاذ / الهادي سويلم
كانت الجنينة نموذج مصغر للقرية الاوليمبية لانها كانت تحوي ملعب رئيسي كبير و4 ملاعب فرعية

كان الملعب الكبير الرئيسي ناحية شاطيء المشروع وكانت كثيرا ما تقع الكره في المشروع فيتوقف الشباب لاصطياد الكره من المشروع بالطوب والغاب في ثواني ثم يستمر اللعب بسلاسه ومتعه

اما الملاعب الفرعيه فكانت للمراحل السنية المختلفة من لا يستطيعون حجز مكان بالملعب الرئيسي مع الكبار

فيقع ملعب خلفي قد يكون نصف مساحة الملعب الرئيسي ولكنه بالعرض وكان الملعب الفرعي الاول هذا يتميز بان له مرمي من الشجر بعكس الملعب الرئيسي الذي كان المرمي فيه من الطوب والشباشب

ويوجد ملعب فرعي رقم اثنين امام الجراجات المتهالكه والتي في احد الايام سقط سقفها بمن عليها وعادة ما كانت تمارس فيه كرة السلة

ثم يوجد ملعب فرعي رقم ثلاثه ولكن ارضيته لم تكن نظيفه لانها كانت مليئة بالطوب والزلط احيانا ولا يتم اللعب فيه الا اذا كانت الملاعب كلها ممتلئة بالشباب والبراعم ، وعادة كان يمارس فيه الكره الطائرة

ثم يوجد ملعب فرعي رابع واخير فوق البياره وهو ملعب صغير الحجم لا يسع الا ست لاعبين او ثمانيه من الفريقين وكانت الكره كثيرا ما تدخل البياره فيحضرها اللاعبين الصغار ثم يعاودون اللعب ثانيه

كانت الجنينه بملاعبها تجمع اكثر من 100 شاب وطفل

كانت تمارس فيها العاب كثيره مثل كره القدم والسله والطائرة والكونغ فو والكارتيه

تخرج من الجنينه اجيال كثيرة ولكن معظم اجيال الجنينه يتركز في حارات النعانعه والمباني والسعوديه

كانت الجنينه تتميز بانها في وسط البلد كما انها تتميز بعدم وجود اسلاك كهرباء او صرف صحي

يتواجد بالجنينه نخلتين يطرحان بلح ولكن ذلك البلح لا تجده قبل ان ينمو لان الطوب يتعامل معه مبكرا

عادة اذا سألت اى شخص نشأ وترعرع في الجنينه سيقول لك انه اصيب في راسه من الطوب سواء عن غير قصد (طوبه بنيران صديقة )من احد زملائه ،او طوبه من احد الجيران الذين يتأذون من الصراخ ولعب عدد يفوق 150 شاب وطفل في الجنينه

تخرج من الجنينه شباب الان يعمل دكتور ومهندس ومحاسب وفنيين وعمال كلهم تجمعهم روح الحب على ذكريات عاشوها في الجنينه

اتمنى من كل من عاصر الجنينه ان يكتب لنا ولو موقف او يسجل نفسه كشاب رأى الجنينه وعرفها

تاريخ ميلادى : 01/10/1986

الكلام ده كان امته وسنة كام

اهلا بيك يا سمير انا عن نفسي ممكن حضرت الجنينه في الفتره من سنه 85 حتى سنه 95 او 96 قبل ان يتم بنائها الآن

تاريخ ميلادى : 03/03/1990

كل ده كان موجود

داحنا الوقتى مش لاقيين حته نلعب فيها
حتى النادى مليان زجاج فى ارض الملعب

تاريخ ميلادى : 04/05/1975

السلام عليكم

أخي عبدالمنعم لماذا حرمتنا من هذا الابداع طيلة الفتره الماضيه اشكرك علي هذه الذكريات الجميله
وأنا من الذين مروا بكل هذه المراحل من الملاعب الصغيره الي الملاعب الكبيره الجنينة كانت بالنسبه لنا هي المتنفس الأكبر لتخريج طاقاتنا وكانت مكان تجمعنا ومكان لعبنا حتي أحيانا كانت مكان لحروبنا فالجنينه تعتبر جزء من تاريخنا وجزء هام جدا لانها هي التي كانت تربط الأجيال ببعضهم وان بناؤها أثر بشكل كبير علي ترابط الأجيال اللاحقه لانه لايوجد مايجمعهم وكنت أتمني أن يظل هذا المكان لكي تجد الاجيال مكانا ينفسون فيه عن أنفسهم ويمارسون رياضاتهم التي يحبونها وهناك من المواقف مايفتح له مجلدات سأذكر لك منها بعضا والان نبدأ بالحكايه الاولي طبعا كان عندما نسمع كلمة الهادي ايجه ياله كنا نقوم بالهروب من اي مكان قريب لنا وكانت الجنينه مغلقة من ناحية المشروع بسور عالي وحدثت فتحه في السور من اسفله كانت كفيله بهروبنا فكنا عندما نسمع عن قدوم الهادي وذات يوم كان يلعب معنا ابن اخو الهادي نفسه وكان بدين وسمين جدا فعندما سمعنا بقدوم الهادي جرينا نحو الفتحه لنهرب وجري معنا هذا الولد ودخل الي الفتحه وانحشر بها ولم يستطيع الباقي الهرب وكنا ننادي عليه ان يخرج بسرعه ولكنه انحشر ولا نعرف لماذا هرب وهو صاحب الملعب ولكنه فعل مثلما فعلنا وأخذنا في البحث عن طريقه هروب أخري وطبعا كان أول شئ نفعله قبل الهرب أن نجري باتجاه الشباشب ليأخذ كل واحد شبشبه أولا وان شاء الله هناك مواقف أخري سنحكيها لاحقا

تاريخ ميلادى : 21/07/1983

طب انا عاصرتها قبل ماتباع اراضى وتتبنى وكنا بنجيب النار ونحرق الشجر فيها وكان اياميها انا فاكر كان فيه اعتقاد يقولك البياره دى فيه افعى تعبان كبير وكل واحد بيشغل خياله

والله يرحم ايامه فتحى سويلم مافيش واحد فيك يابرمبال طوبه فتحى ماعدتش عليه كان ابن لذينه عليه حدفة طوبه هاتيجى مهما عملت موجهه بالليزر

وكنت فاكر الدورات اللى بتتعمل فيها ايام امجد باشا والشله دى ايام حلوه

تاريخ ميلادى : 21/07/1983

بس ياريت ياعبده ماتنساش فسحاية السولمه لها دور جامد كييييييييك

تاريخ ميلادى : 10/09/1986

فى البدايه احب اشكر الاستاذ عبد المنعم على طرحه لهذا الموضوع الرائع
يمكن انا محضرتش الجنينه بهذا الوصف الذى وصفه الاستاذ عبد المنعم
ولكنى حضرته فى الفتره الاخيره ،، وسمعت عنها كثيرا وكثيرا
كنا نحن اطفال حارة النعانعه نذهب الى هناك مع الاستاذ خالد رزق
والاستاذ احمد عبد الفتاح الله يرحمه ،، والاستاذ اسامه السقا ،،
وكانوا يقومون بتنظيم العديد من الفقرات الترفيهيه لنا هناك
بداية من لعب كرة القدم ،، وعمل مسابقات بين الاطفال
واقامة بعض المسرحيات الكوميديه ،،
كانت الجنينه عباره عن المكان الذى يأوى اليه معظم شباب القريه
وكذلك الاطفال ،، فكنا عندما نذهب الى هناك ونجد الكبار يلعبون
كنا نغضب شديدا لانهم لايسمحون لنا بلعب الكره ،،، فكنا نذهب بجوار
البياره التى هناك ونلعب بعض الالعاب الطفوليه ،،،
بجد كانت ايامها غاية فى الجمال ،،، وللاسف الاجيال الحاليه محضرتش
حاجه زى الجنينه ،،، ولا حضروا اى حاجه ممكن يتجمعوا فيها مع بعض
ياريت كلنا نشارك فى الموضوع ده ،،، واللى يعرف حاجه عن الجنينه ياريت يحكهالنا

و اكيد ابو حمزه عنده معلومات كتيره جدا عن الموضوع ده
فياريت ياابو حمزه متحرمناش من تفاصيل هذا الموضوع
ومنتظرينك تحكيلنا عن كل حاجه باستفاضة

تاريخ ميلادى : 04/05/1975

السلام عليكم
أخي ابراهيم نعينع لا أستطيع أن أرفض لك طلبا فأنت مثال للشاب النشيط المحب والمخلص لبلده لذل سأحكي لك ماكان يحدث معنا وأنت الذي ذكرتني بذلك بخصوص غلاسه الكبار عندما كانوا لايسمحون لنا باللعب فكنا نري أننا أصحاب الحق في اللعب لأننا أبناء حارة النعانعة وكان الصف الأول في هذا التوقيت من المباني وكانوا يخرجوننا من الملعب ليلعبوا وكنا لانقوي علي الاعتراض فكنا نطيع الأمر وننسحب من الملعب ولكن لم ينته الأمر علي ذلك فكيف لنا أن نسكت نحن أصحاب الأرض فكنا نأتي في الليل ونذهب الي الجنينه ونحضر معنا المساحي والعووايق ونحفر الجنينه وننشر الطوب في جميع أنحاء الملعب حتي يصبح الملعب غير صالح لممارسه اللعب وعندما يأتي اليوم الثاني ويحضر رجال الصف الأول ويجدوا الملعب هكذا لا يجدوا الا الانسحاب والرحيل وكنا ننتظر عدة أيام الي ان نتأكد أن الكبار لن يحضروا وكنا نصلح ما أفسدناه وننظف الملعب ونردم الحفر ويعود الملعب الي طبيعته الاولي ونلعب نحن الي ان ينتشر الخبر ويعود الكبار مرة اخري للاستيلاء علي الملعب وطردنا منه ثم نعاود افساده مره اخري وهكذا وهنا اذكر شركائي في افساد الملعب من ابناء جيلي علي سبيل المثال وليس الحصر اذكر أمجد فتحي باشا-هاني عبدالمنعم الجزار -حماده الجزار-حازم الجزار-منصور حسن دويدار -محمد سعد عبدالحميد

تاريخ ميلادى : 04/05/1975

أذكر أيضا ان من نشاطاتنا الرياضيه غير كرة القدم كنا نعمل ملعب للكره الطائرة ولكن كان هناك لاعب يجعلنا نكره هذه اللعبه وهو صديقي العزيز الأستاذ ابراهيم السقا لانه كان كل اللاعبين وكان المدرب يريد كل كره له هو وهو الذي يغير اللاعبين ويخرج هذا ويأمر بنزول هذا في الوقت الذي لم ينصبه أحد ولكننا كنا نسمع كلامه لاننا كنا نحبه وعليك أن لاتغلط في اللعب لأن الاستاذ ابراهيم سوف يحتد عليك وربما يخرجك من اللعب وكان دائما يلعب ضد الأستاذ عبدالمنعم ديبو وكنا نتمني في التقسيمه أن نكون في فريق الأستاذ عبدالمنعم ديبو حتي لا نلعب مع الأستاذ ابراهيم الذي كان غلس في اللعب يعني اذا كان في قانون الكره الطائرة للفريق ثلاث لمسات متتاليه كان لو صح ان يلعب الثلاثه وحده لفعلها لذلك كنا نخشي اللعب معه وعلي ايه حال لم يزعل احد من الاخر لان الحب كان شعارنا

تاريخ ميلادى : 10/09/1986

الله عليك ياابو حمزه ،،، بجد جميل اوى انك بتفكرنا بالحاجات الحلوه دى
وبشكر الاستاذ عبد المنعم على فتح باب النقاش فى هذا الموضوع
بس الظاهر ان الاستاذ ابراهيم السقا ،، كان حريف كرة طايره
انا كنت بشوفه بيلعب هو والاستاذ محمد السقا وجميع شباب حارة النعانعه
بس فعلا هو كان صعب اوى فى موضوع الكره الطايره ،،،وديما كنت بشوفه هو
كابتن الفريق ،،، ومع كل ده كان بيتغلب برده ،،، معرفش ايه السبب

سلام الله عليكم

بشكركم كلكم جدا لتجاوبكم مع الموضوع
بس ياجماعه الجنينه فيها حواديت ياما
على فكره يا ابو حمزه انتوا مكنتوش بتلعبوا في الملعب الكبير بسبب الكبار وكنتوا شايفين ان ليكم الحق ،بس دي زي ما تقول دايره وبتلف لانكم برضه كبرتم واحنا كنا بنضايق منكم هههههههههه لاننا عاوزين نلعب في الملعب الكبير يعني الايام لفت وبقيتم انتوا الكبار

ابراهيم نعينع: خالك ابراهيم السقا كان احد المؤسسين مع الاستاذ عبده ديبو في كره الطائره فعلا الا انه فعلا كان بيحب يلعب على الشبكه عشان يشووط هههههههههه بس كان خفيف الدم خاصة اذا اضاع احدنا النقطه

انت الظاهر يا ابو حمزه ملعبتش البوسه والسن او في روايه اخرى التيرو بالجنينه ههههههههههه

للحديث بقيه

تاريخ ميلادى : 10/09/1986

ههههههههههههههههههههههههههههه
عبد المنعم ايه البوسه دى ،،، وايه التيرو
ده اللى هو الجواعييييييييير ولا ايه
احنا شكلنا هنستضيف الاستاذ ابراهيم السقا
عشان نشوف ايه موضوع الطايره دى
ونسأله ليه هو برده كان بيصمم انه يقف جمب الشبكه
ومكنش بيرضى يرجع ورى

أحتجـــــــــــــــــــــــــــــــــــــــــاج

احب اشكر كاتب الموضوع اولا
الموضوع كبير قوي ياجماعة موش عارف هبدأ منين هبدأ بوصف الخنينة عشان اللي موش عرفها ولا ندخل علي طول

نعرفها بطريقة سريعة وبسيطة
الجنينة كانت عبارة عن مساحة ارض كبيرة يحيطها صور عالا ارتفاعه لا يقل عن 5 امتار تقريبا ويوجد بها ثلاث بوابات تقريبا علي ما اتزكر بوابة ناحية المشروع الطريق العام وكانت مغلقة دائما وبوابة ناحية وسط البلد مقابل منزل او شكمة الدكتورة ومكان هذه البوابة حاليا شارع بين منزل الاستاذ محمد طاحون والدكتور اسامة السباعي

ومنزل الاستاز محمد طاحون كان مكانه مايعرف بالجراجات ومنزل الدكتور / اسامة السباعي كان مكانه النخلتين التي كانت ترمي بالحجارة فيتساقط منها كميات هائلة من الحجارة وفي مقابل النخلتين منزل الهادي وكان مقابل النخلتين بلاكونة الهادي كلما فتح البلاكونة جمع ملا يقل عن شكارة ظلط وطوب مما يجعله اشد غيظا
ويمتد سور الجنينة من بيت الحاج عبده ابو احمد الي بيت عائلة بروم
ومن طريق البحر من بيت عائلة سمير النجار الي ورشة المعلم مشعل طبعا هتقولولي مشعل مين اكيد الناس القديمة عرفاه مشعل ده اول ورشة لحام وتصليح متسكلات وكان امام هذه المحلات يقع بعض الحوادث مما تسبب عنها بعض الخرافات وذلك لعدم وجود اضاءة ليلا وكانت بجوار هذه المحلات من داخل الجنينة ساحة كبيرة بجوار البيارة تصلح للعب وبجوار البيارة يوجد غرفة تشبه الكشك تم تدميرها لكثرة الشائعات عنها زي ملقي العشاء ليلا وخرفات اخري مقابل هذه الغرفة يوجد جراج صغير كانت توضع فيه سيارة الاستاذ المحامي ....... والله منا فاكر اسمه انا نسيته الوقتي هو من عائلة الهادي بيته بجوار مسجد الطحنة خلف مكتبة شرين

وكان يوجد حول ملعب الجنينة من جميع الجهات مجموعة من الاشجار الكافور وبعض اشجار الفواكة مثل الليمون والبرتقال
هذا وصف بسيط بسيط قوي

ولسة بحتج علي الكلام اللي حصل علي اخي ابراهيم ولي تعليق وتفصيل للموضوع بس انا مشغول شوية

وللحديث بقية

تاريخ ميلادى : 04/05/1975

السلام عليكم

طبعا ياأستاذ عبدالمنعم انا حكيت لما كنا صغار ولسه هاحكي ان شاء الله لما كبرنا وهاعترف اننا كنا بنعمل مع الجيل اللاحق ماكان يفعله معنا الجيل السابق تماما والايام دول زي زمان لما كنا عيال بنلعب الشارع وكان يطلع عمك السادات ابوشلبي الله يرحمه ويمشينا كنا نزعل منه قوي واحنا دلوقتي بنعمل مع العيال زي ماكان بيعمل معانا بالظبط وفعلا الجنينه حواديتها كتير ابعد من الرياضه بس الواحد مينفعش يحكي كله مره واحده لان ده تاريخ لازم يتحكي بتسلسل وبالنسبه لاحتجاج ابوعبدالرحمن فده احتجاج مرفوض لان الاستاذ ابراهيم هو اللي لازم يسجل معانا ويحتج بنفسه وساعتها هارفض احتجاجه برضه لانه السبب اني مبقتش لاعب كره طائرة لانه كرهني في اللعبه اللي عمري ماحبتها

abdelmun3em كتب:

طبعا انا انتظرت للآخر عشان أستمتع أكتر بحديث أحبائي ورفقتي في الطفولة وأهل بلدي
وفعلا إستمتعت ولكن منتظرين المشاركات أكثر وأكثر ولنا انتقاد بس هنخليه للآخر .......

[img][ندعوك للتسجيل في المنتدى أو التعريف بنفسك لمعاينة هذه الصورة][/img]

ROMANTIC كتب:

abdelmun3em كتب:

طبعا انا انتظرت للآخر عشان أستمتع أكتر بحديث أحبائي ورفقتي في الطفولة وأهل بلدي
وفعلا إستمتعت ولكن منتظرين المشاركات أكثر وأكثر ولنا انتقاد بس هنخليه للآخر .......

[img][ندعوك للتسجيل في المنتدى أو التعريف بنفسك لمعاينة هذه الصورة][/img]

ايه يامنعم تهديد ده ولا ايه الباشا بيقولك بعدين بيهدد سعته

سيبه يا عاشق الجنه ياخد له يومين اصل هو في البيت بيتك متضبط

انا لو منه يقووووول هناك " انا مش هكلم الا في وجود المحامي بتاعي "

عـــــــــــــــدنا

طبعا هقولكم مغمرتنا في القرية الالمبية

اول مغامرة كنا بالصف الرابع الابتدائي تقريبا وكنا بنلعب فين عند الجزء الجنب البيارة طبعا انا شرحتلكم اماكن الجنينة فكنا بنلعب عند البيارة بجانب مشعل وكان لية اصدقاء مبنسهمش ابدا من ايمها الله يجزيهم خير منهم

محمد عبد الله الحداد صاحب اول كورة من السعودية ابوه كان جيبهاله من السعودية

والكبتن النجم وليد الخضر كان نجم يجماعة والله وكان عسراوي جامد
وتقريبا الكبتن محمد غنيم والدكتر اسلام باشا
المهم كل يوم نروح نلعب بعد خرجنا من المدرسة طبعا احنا كنا بنطلق علي اي حد قريب الهادي نقول الهادي جه يالاه اجري

المهم محمد عبد الله الحداد جاب الكورة وبنلعب جه الهادي الهادي مين كان المحامي اللي زكرته سابقا كانت الكورة معايا جري عليا انا وساب الباقي فضلت اجري اجري بتجاه البحر ومسبنيش غير الا لماسبتله الكورة وخدها وراح حطتها في شنطة العربية بتعته اللي بيحطها في الجراش اللي قولتلكم علي بالجنينة

المهم تكررت العملية اكتر من مرة وجه يوم العيال فتحت الجراج لانه كان باب مخلع وفتحم شنطة العربية وجدم بداخل الشنطة ملا يقل عن خمسة عشر كورة وعيش حياتك ومحمد عبد الله مخدش كرته برده

كبرنا ولعبنا مع الكبار بس كنا لسة اصغر منهم طبعا كبرنا هنلعب بالملعب الكبير اللي كله مشاكل مع الهادي خرمنا خرم صغير بالسور من ناحية البحر طبعا كنا خيفين ومع الوقت الخرم اتسع شوية شوية لحد السور وقع دي طبعا علي مراحل
كنا بنروح نلعب الهادي يجي يجري ورانا غلب غلبه حرث الجنينة تاني يوم فورنا نزلنا جرار هشام بدران والقصابية بتعته اتسوية الارض وبعد الحرث والتسوية ارضية الجنينة بقت مية مية تالت يوم لقنا الارض محفورة نقر نقر كبيرة والارض كلها طوب طبعا انا كنت مفكر ان الهادي هو اللي عملها لحد امس امبارح بس عرفت لما اعترف ابو حمزة انه والرجالة بتعنا هم اللي كانوا فحرين الارض مرت الايام والهادي سكت ولا بيشتم ولابيجي يجري وري حد بالعكس عملنا دورات رمضانية وشباك وعرض لفترة سنتين العصر كورة قدم واليل كنغ فو وكرتيه ودنية واليكم ترتيب المدربين حسب المهارة والاقدمية

الاستاز نصر من المباني كان جسمه مليان بس خفيف جدا مهرات علية
الاستاز البسيوني حارة النعانعة جسمه خفيف ومهراته علية
الكبتن رشدي الهواري والشيخ حاليا

بالاضافة الي حرب الحارات بالصواريخ الترابية والقنابل الترابية عبارة عن شيكارة كبيرة مفتوحة الجانبين معبأة تراب يتم حدقها علي العدو مصيبة كنا نروح بيتنا نتسحب واذا اتمسكت فعلا ابويا او امي يقولولي ايه يابني انت كنت بتحارب والله انت لو كنت بتحارب متجي كدة

الظريف احنا كنا بنحارب طارق السقا وعزمي الجزار واخواته ومسكوني اسير عندهم بس جيه هاني الجزار وطارق قال سيبه عشان اخو صحبنا والحرب كانت اشبه بالحرب الحقيقية

وكفاية كدة نكمل بعدين

تاريخ ميلادى : 04/05/1975

السلام عليكم

علي فكره يامنعم كان هناك ملعب آخر يشهد علي طفولتنا بجانب الجنينه وهو المسطاح

أبوحمزه كتب:: السلام عليكم

علي فكره يامنعم كان هناك ملعب آخر يشهد علي طفولتنا بجانب الجنينه وهو المسطاح

هههههههههههههه

جمدة قوي يابو حمزة انا كمان كنت بروح العب فيه

عاشق الجنــــــــة كتب:

أبوحمزه كتب:: السلام عليكم

علي فكره يامنعم كان هناك ملعب آخر يشهد علي طفولتنا بجانب الجنينه وهو المسطاح

هههههههههههههه

جمدة قوي يابو حمزة انا كمان كنت بروح العب فيه

ولا عمره هوب عاشق الجنه ناحيه المسطاح لانه المسطاح بس للنعنعاويه وبس
انا عارف يا ابو حمزة ان المسطاح بس لسه قدام شويه خاصة ان الكور بتاعتنا كانت بتقطع كتير هناك وانت عارف مين بيقطعها هنقول بس قدااام

تاريخ ميلادى : 01/01/1987

[ندعوك للتسجيل في المنتدى أو التعريف بنفسك لمعاينة هذه الصورة]

تاريخ ميلادى : 04/05/1975

السلام عليكم

ياعم عبدالمنعم مش عايزين مشاكل مع حارة المكنه أبوعبدالرحمن نعنعاوي برضه وأخوه كان الريس بتاعنا في الطايره بس ومكنش بيعرف في حاجه تانيه غير الطايره

انا ما شفتش الجنيه دى لا على وضعها الوقتى
وكنا بنروح بنلعب فيها بس احنا خلينا اسمها بطن الزير
وكنا بنسطرها بالجبس وكان مافيش حد بقول لنا حاجه
بس كانت على طول الكره بتقع فى المشروع غير كده كان عربيه الكوره تيجى تحتاه
الى جمب بيت الاستاذ ايهاب واكيد كا بيفرج علينا
وياريت الى عنده صوره للجنينه يا ريت ينزلها على المنتدى

عدل سابقا من قبل elkomande mohamed في الإثنين ديسمبر 28, 2009 2:46 pm عدل 1 مرات