امال حازم مرضش ليه ؟!!

 

 

متهربش يا حازم .

 

Fenak ya Hazem???

 

اقتباس :

امال حازم مرضش ليه ؟!!

اقتباس :

مستعجل علي ايه يامصطفى
حازم النهارده فى سفر ،،، وان شاء الله راجع بكره
وهيحكلنا عن يومه فى الاجازه ،،، ويوم اخر فى العمل

اقتباس :

متهربش يا حازم .

اقتباس :

Fenak ya Hazem???

آسف ياشباب اتأخرت عليكم ان شاء الله انا معاكم بس حخلص شغل وراجع تانى

 

بسم الله الرحمن الرحيم

استعنا على الشقى بالله

يوم الخميس فقت الساعه 5:30 بعد ما رن موبايلي بمجرد ما اقوم من على السرير انا وحظى اخبط فى الحائط فى الباب فى الكرسى لغايه لما اغسل وجهى وأكيد اتوضيت وصليت

بعد الصلاه دخلت المطبخ اجهز الفطار واذا بالمفاجأه الكبرى..... عصام(تونس) وهوصديق لى ويسكن معى بنفس الغرفه موجود فى المطبخ وبيجهز الفطار على غير عادته لانه دايما بيصحى متأخر حوالى الساعه 10 فسألته ليه انت صاحى بدرى النهارده... قالى اصل انا اخدت اجازه النهارده وقولت اصحى بدرى ( يعنى لما يكون عنده شغل يصحى متأخر وفى الاجازه يصحى من النجمه ) فطرنا مع بعض وسالنى اى اكله احب انه يعملها على العشا فطبعا قولتله يعملنا..... (اكله تونسيه لا داعى لذكر اسمها)

احترت حلبس ايه لأن اليوم موعدي مع احد المسؤولين بـجمعية النهضه النسائية .. أخيرا قررت ألبس ملابس انيقة جدا وبسيطه وألوانها غامقه لأنها من أصول المقابلة في العمل >> يا عيني على اللي بيفهم

المهم انطلقت في مشواري واتصلت بـالسائق الساعه 7 لاسأله عن سبب تأخره فأخبرنى انه ينتظرنى من عشر دقايق. نزلت وفعلا لقيته مستنينى تحت بس كان لازم اقول ان انا اللى مستنيه وانطلق السائق للعمل بسرعه 140 كم/الساعه (طبعا اول موصلت للشغل حمدت ربنا ان احنا وصلنا بالسلامه)

وصلت الشركه ودخلت المكتب فتحت الكبيوتر وعلى الايميل الخاص بالعمل ودخلت موقع الشركه المهم شيكت على الايميل وطبعت بعض الاوراق واخذت فكره عن طلبات اليوم على السريع لان الموردين بيوصلوا حوالى الساعه 8 ولازم احدد الكميات اللى حنحتاجها منهم النهارده .

بعد وصول الموردين حددت لكل واحد نوع الزهور المطلوبه منه وكمان الكميه واستلمت منهم البضاعه وطلبت من العمال ينقلوها لمكانها المخصص.

الساعه 9 ببدأ اخلص شغل الحسابات وطبعا فى الوقت ده من غير ما اطلب بيكون الفريد مجهزلى النسكافيه... خلاص دلوقتى كله تمام وخلصت حساباتى وللاسف مع النسكافيه لازم ادخن(عاده سيئه بحاول اتخلص منها)

دلوقتى بفتح المنتدى واتابع المواضيع اللى عليه وشويه شغل وشويه كده

الساعه 12 فى مسجد بجوار العمل اروحله اصلى وانا راجع بعدى على المطعم طلبت منه يجهزلى حاجه خفيفه كده علشان اقدر اكمل اليوم ورجعت المكتب وتابعت النت شويه

الساعه 2 عندى ميعاد مع احد المسؤلين بجمعية النهضه النسائيه لان فى مؤتمر يوم السبت ومحتاجين يجهزوا القاعه بكل مايلزم. روحتلها واتفقت معاها على كل شئ ورجعت تانى للشغل وصلت حوالى 4 فتحت الايميلات علشان لو فى رسايل من حد ولا حاجه.. ومتفهموش غلط هما ايميلين بس واحد دوت كوم للشتاء وواحد نص كوم للصيف.

وقضيت بقية اليوم شويه شغل وشويه نت لحد ما انتهى الدوام الساعه 11....نسيت احكيكم على موقف خنقنى جدا ولا بلاش احسن.


وصلت البيت حوالى 11:15 ولقيت عصام محضرلنا اكله ملهاش حل وكنت جعان جدا بس قلنا نستنى بقية الشباب علشان ناكل مع بعض , مراد (جزائرى) وعبد الرحمن (لبنان) اصلنا فى السكن عاملين وحده عربيه من كل بلد واحد.فاستغلينا الفرصه انا وعصام وطلعنا الجيم نتمرن شويه على اما يوصل الشباب

الساعه 12 وصل الشباب والحمد لله. بعد الاكل عبد الرحمن اقترح اننا ننزل نقعد فى الكافيه( فرصه لان بكره الجمعه وشغلى بيبدأ الساعه 4 فى اليوم ده)

نزلنا الكافيه وطلبت شاى كشرى وكان الجو فى غاية الروعه والرومانسية وتكلمنا فى مواضيع كتير من ضمنها مبارة مصر والجزائر القادمه ولما سالت مراد عن رد فعله لو مصر صعدت لكأس العالم رد عليا وقالى طبعا حكون اول واحد يشجعها قبل منك انت كمان (طبعا بيهزر)
اكتر حاجه بتعجبنى لما الجلسه تتقلب من عربى لفرنساوى منها الواحد بيحسن من نطقه للغه الفرنسية ومنها بيكتسب كلمات جديده وشباب المغرب العربى عندهم الفرنساوى زى السلامو عليكم.
الساعه 3 نطلع على البيت انا وعصام على غرفتنا ومراد وعبد الرحمن على غرفتهم وتصبحوا على خير.

ياريت محدش يقلقنى علشان ان نايم دلوقتى

ملحوظه
(كده يا هيما انا براءه وبالتفصيل زى ما طلبت وانا اخترت طبيب الحب يكون العضو اللى عليه الدور يمكن يعرف يداوى جروحنا)

 

لا لسه مش براءه
طبعا انت معانا لو فى اى عضو ليه اسئله او اى استفسار

 

لا لسه مش براءه

طبعا انت معانا لو فى اى عضو ليه اسئله او اى استفسار

خلاص نشوف محامى ونعمل استئناف يمكن يطلعنى براءة



وكمان عاوزك تقلى
ايه الاكله التونسيه اللى عصام عملهالك لما رجعت
وهل هى حلوه ولا لا

بلاش احسن بدل ماحد يفهمنى غلط وحقولك اسمها على الخاص وبصراحه انت لو اكلتها لازم تعد صوابعك بعد الاكل علشان تتأكد انهم لسه مكانهم


ماهى طبيعة شغلك بالظبط ،،، محاسب ،،، ام مسئول عن المشتريات

مسئول عن الاداره عموما من مبيعات ومشتريات وغيره بالاضافه لعملى كمحاسب بالشركه



لماذا لا تتوقف عن تلك العاده السيئه التى تمارسها وانت تشرب النسكافيه ؟؟

no comment



ماهو شعور مراد لو مصر كسبت ،،،، وماهو شعورك لو الجزائر كسبت ؟؟

بالنسبه لنا انا ومراد طبعا فوز اى من الفريقين لن يقضى على علاقة الصداقه التى
بيننا وكل منا بالطبع يتمنى فوز فريقه واذا صعد اى فريق منهم فسنشجعه
معا....وللعلم مراد اثناء مباريات منتخب مصر للشباب كان يشاهد مبارايات
مصر معى واعتقد انك لن تصدق انه كان اكثر حماسا منى لدرجة انه بعد مباراة
كوستاريكا انهار فى البكاء وانا اللى كنت بخفف عنه وعصام التونسي علق على
الموضوع ده وسألنا هو مين فيكم حازم ومين مراد

 

اية ياعم السؤال العجيب دة!!!!!!! اصدك اليورو ولا الدولار (ميصحش).

hazem انت فى فرنسا? فين فى فرنسا?

 

انت فين في فرنسا ؟

 

hazem انت فى فرنسا? فين فى فرنسا?[/quote]

اقتباس :

انت فين في فرنسا ؟

يا شباب انتم فهمتم كلامى غلط مش لازم لما نتكلم فرنساوى نكون فى فرنسا.الشباب معايا اللغه الفرنسيه عندهم ليها الغلبه بمعنى انهم بطبيعتهم اتعودوا عليها واثناء حوارنا بينقلب لمحادثة بالفرنسية عن غير قصد فبنضطر نجاريهم.
وعلى العموم انا مكان عملى بدبى وبقبض بالدولار

 

طب ما تقولنا رقمك نتصل عليك يا عم حازم ولا مش عاوز حد من اعضاء المنتدى يتصل بيك
احنا جيرانك يعنى وعيب قوى لما منطمنش على بعض ...؟ مش كدة ولا اية ؟؟؟[ندعوك للتسجيل في المنتدى أو التعريف بنفسك لمعاينة هذه الصورة]
اخوك محمــــد غنيــــــم

 

كوماندوا البحر الجديد كتب:

طب ما تقولنا رقمك نتصل عليك يا عم حازم ولا مش عاوز حد من اعضاء المنتدى يتصل بيك
احنا جيرانك يعنى وعيب قوى لما منطمنش على بعض ...؟ مش كدة ولا اية ؟؟؟[ندعوك للتسجيل في المنتدى أو التعريف بنفسك لمعاينة هذه الصورة]
اخوك محمــــد غنيــــــم

ازاى بس يااستاذ محمد اتفضل يا عم
00971507790601
00971556626900
وياريت رقمك انت كمان