الرئيسيةبحـثالتسجيلالمجموعاتدخول

نتشرف بزيارتكم
سيتم التحويل خلال 10 ثوانى


 

    منتدى شباب برمبال القديمة والرياض | Shabab Bermbal & Elriad :: •.♥.•°¨'*·~-.¸¸,.-~ واحة الإبداع الحر ~-.¸¸,.-~*'°•.♥.•° :: !{ إبداع القصة والمقال ..

  
شاطر | 
 
 

 يوم من طفولتنا

استعرض الموضوع السابق استعرض الموضوع التالي اذهب الى الأسفل 
كاتب الموضوعمحتوى الموضوع

ahmed yousef



...::|برمبالى جديد|::...



جـنـسـى : ذكر

هــــوايتى :

وظــيفتى :

عدد مساهماتى : 71





معاينة صفحة البيانات الشخصي للعضو http://www.shabab-bermbal.com/rss http://www.facebook.com/shabab.bermbal

مُساهمةموضوع: يوم من طفولتنا   الأحد نوفمبر 15, 2009 3:28 pm




السلام عليكم ورحمة الله وبركاته
لقد خطر ببالى هذا الموضوع فتذكر معى يوما من طفولتك

يبتدى يومك من الساعه السادسه صباحا وتصحى على صوت والدتك اللى بتقول ..قوم يابنى اتاخرت على مدرستك..
تصحى وانت مش شايف قدامك تصلى وتلبس وماما تقولك يلا نفطر تقولها هفطر فى المدرسه
وتلف السندوتشين الجبنه ..النيستون.. والمربى ..فيجيتار
وتاخد المصروف وبالسلامه على مدرستك الحريه
تطلع من المنشيه هتعدى على الشئون الاجتماعيه (جنب الوحده المحليه اللى هى بتفتح وانت مروح)
تلاقى الناس قاعده كانهم بايتين فى المكان تسال واحد صاحبك بيعملوا ايه الناس دى يقولك دول بتوع المعاشات جايين يقبضوا توصل مدرستك بعد نص ساعه تروح تفطر فطارك المعتاد قبل ما الجرس يضرب ..دره فشار محروق مملح..ومعاه واحده جيلاتى الوان والباقى من المصروف تجيب بيه لبان سحرى تاكله وانت مروح ومعاها النوجه اللى بفول سودانى
كل ده وانت لسه مش فايق تقف فى الطابور تسمع فى الميكرفون الاستاذ محمد عيد بيقول صفا انتباه تفوق غصبا عنك
يبتدى يومك الدراسى بقى تدخل فصلك تلاقى جرس الفسحه ضرب ونفس المدرس لسه عليك تسال اللى جنبك ليه كده يقولك اصل هو شرح عربى وعلوم ودراسات ثلاثه فى واحد يعنى
تطلع بقى تاكل السندوتشين بتوعك ولو ملكش مزاج للمربى النهارده غيره مع صاحبك هتلاقى معاه سندوتش بيض
وتسيب علبه البسكوت المحروق اللى اتوزعت عليك لما تروح تاكلها مع كبايه شاى وتلعب شويه فى حوش المدرسه
تنتهى الفسحه تدخل فصلك تلاقى نفس المدرس تسال ليه كده يقولك مدرس الحساب غايب وهو هيشرح مكانه مفيش مشاكل
ويخلص يومك الدراسى علشان مدرسة المشتركه هتدخل بعدك
تاخدلك نص ساعه فى الطريق تقف شويه عند نقطه الشرطه تشوف الجديد ايه
بعدها بشويه تقابلك الوحده المحليه تقف عندها شويه تشوف فتحت ولا لسه توصل بقى عن الشئون تشوف المعاشات اخدت القبض بتاعها ولا لسه وبعدين تكمل لبيتك بقى
بمجرد وصولك لعتبة بيتكم عائدا من المدرسة.. ترمى قطعة اللبان السحري, «super magic » متذكرا أنها قد تتسبب في حرمانك من المصروف..
إن رأت أمك لسانك المصطبغ بالألوان الاصطناعية مرة أخري.. عازم انها لو سالتك اشتريت ايه بالمصروف انا جبت بسكوت سامبا
بمجرد دخولك المنزل قاذفا الكوتشي الخارق «كوتشي أميجو بينور» ولكي أكون منصفا اللي بينور أول يومين بس..
ثم تغير البنطلون البنى الـ lee والقميص البيج المفتوح وتحته التي شيرت الـck راميا الشنطة أم سوست المنقوش عليها بيت وقدامه كام بقرة كده فاقع لونها..
تقابلك أمك باستماتتها المعهودة بأن تغسل قدميك.. أما أنت فلا تعبأ سوي بتشغيل ثامن عجائب الدنيا.. التليفزيون الناشيونال الياباني الأصلي صنع بلاده.. واللي غالبا بيبقي جايبه الوالد أو الخال أو العم من السعودية أو الكويت...
واللي دايما بيبقي (متعرفش تجيب زيه دلوقتي) تكبس زرار التشغيل فيقفز إلي ذهنك السؤال الملح: «هما عملينوا 8 قنوات ليه يا بابا مع أن عندنا 3 قنوات بس» «هما في اليابان عندهم 8 قنوات».

وبمجرد تغيير البكره على القناه الثالثه متسمعشى غير صوت الوش تسيب التليفزيون وتطلع تلف الاريال اياكان بقى ولما تنزل تلاقى الدعايه بتاع الشمعدان لسه شغاله وطاهر القويرى وشاى الجوهره فيطمئن قلبك ويهنأ بالك أن عالم الكارتون لم يبدأ بعد..
فتسرع إلي لبس الترنج الـ polo .. ابو استيك من تحت وتزق رجلك جوه الشبشب الـzeco المريح أملا أن يقلص تسرب المزيد من رائحة قدميك إلي أنفك المسكين.. متسربعا تعود إلي الشاشة فتعلم أن الوقت يداهمك وأصبح ضيقا للغاية
لكنه يتسع بالكاد للهرولة إلي التلاجة الإيديال البيضا الـ 14 قدماً الملزوق كام موزة علي كام ثمرة جوافة وتفتح درجها الأخير ساحبا خيارة (كان في زمان خيار والله)
تصبيرة علي ما والدتك تخلص الغذاء.. تراها منهمكة في طبيخها..ترزع باب التلاجة توفيرا للثواني اللي هتضيع أثناء توبيخها المتكرر ( أقفل باب التلاجة كويس عشان التلاجة متبوظش ومتعملش تلج بسرعة)
- تجرى في طريق الخروج فتقول لك.. «خد هنا رايح فين».. فتلتفت إليها وداخلك يصرخ «لا لا.. مش وقتك خالص» وتقولك «قولتلك مليون مرة أغسل الحاجة قبل ما تاكلها».... تجلس تتابع برامجك المفضله
والان مع مازنجر المارد الشجاع.. يضرب و يحطم ..
بعد أن ينتهي السجال بين بطلك وأعدائه والمعروف نتيجته دوما مسبقا.. ناخد شويه اعلانات برده وبعد كده نستنى بقى كابتن ماجد ياترى هيقابل مين النهارده بسام ولا الاخوين شوقى بعدها تفكر تطلع بقى من البيت علشان اصحابك هتلاقيهم يلعبوا قدام الجمعيه الشرعيه تستاذن بقى ..انا رايح اصلى ياماما ..تلاقى موافقه فوريه على طول تروح تلعبلك شويه بقى وتروح تلحق الجماعه بقى فى الركعه الاخيره
وبعد كده تروح بقى تتغدى وتناملك شويه فى القيلوله علشان الدرس بتاعك قبل العصر تقوم تمشى تروح درسك عند الاستاذ ..محمد عيد.. وانت برده مش فايق لسه تسمع صوت ميكروفون تانى ...ملحوظه الميكروفون الصبح كان الاستاذ محمد عيد ...تركز شويه تفاجا انه الاستاذ محسن عيد اخو الاستاذ محمد عيد يقول ..الى جماهير وعشاق ومحبى كرة القدم ببرمبال القديمه والرياض اليوم وعلى ارض ملعب التسويق تلتقون مع المهرجان الكروى الكبير مع مباراه كرة القدم بين فريقى مركز شباب برمبال القديمه المطور ونادى المنصوره الرياضى
تحتار بقى تروح للاستاذ محسن عيد ولا للاستاذ محمد عيد تعمل قرعه بينك وبين نفسك هتلاقيك رايح لمييييييييييييييييين للاستاذ محسن عيد
تروح على التسويق تلاقى الاستاذ محمد واقف هناك بيتفرج على الماتش يقولك انت بتعمل ايه هنا مش انت عارف انك وراك درس الوقتى خلاص انا هااجلها النهارده علشان خاطرك ولما يخلص الماتش وتروح تاخد عشاك وتنام وانت مرتاح البال لم تكن تعبأ لأي شيء.. ولم يكن يكدر صفوك في الحياة أي شيء قاموسك في الحياة لم يكن قد اتسع بعد إلي ما تتمني الآن بشده حذفه ولا تمتلك القدرة علي ذلك الحذف.. كانت كل أحلامك وطموحاتك يا شقيق تتلخص في اختراعات عبقرينو والقبضه المدمره لمازينجر وضربة النمر لبسام والباك ورد بتاع الاخوين شوقى
بعدها بشويه تلاقى صوت منبه تانى تفوق تلاقى نفسك كنت نايم بدون غطاء وتتصدم انا اللى حلمته ده كان يوم من ايامك بس صعب تعيشه تانى لانك اصبحت بعيد عن اهلك ووطنك واصحابك وعن صوت الميكروفونات وده حالى وحال كل اللى اتغرب وساب بلده
التوقيع
واحد عايش يحلم بيوم طفوله
(ياترى انت كمان حلمت الحلم ده)
نأسف للاطاله





 
الرجوع الى أعلى الصفحة اذهب الى الأسفل

أبو عمار

avatar

...::|برمبالى مميز|::...



جـنـسـى : ذكر

بــــــلادى :

هــــوايتى :

وظــيفتى :

عــــــمرى : 44

عدد مساهماتى : 375

تاريخ ميلادى : 30/01/1974





معاينة صفحة البيانات الشخصي للعضو http://www.shabab-bermbal.com/rss http://www.facebook.com/shabab.bermbal

مُساهمةموضوع: رد: يوم من طفولتنا   الأحد نوفمبر 15, 2009 4:27 pm

الاطالة ممتعة

وتمنيت لو كمان طولت شوية


مشكور يا أحمد ع الموضوع الجميل ده


وأنا من دولوقتي أرشحه للفوز (بمسابقة التميز )





 
الرجوع الى أعلى الصفحة اذهب الى الأسفل

ahmed yousef



...::|برمبالى جديد|::...



جـنـسـى : ذكر

هــــوايتى :

وظــيفتى :

عدد مساهماتى : 71





معاينة صفحة البيانات الشخصي للعضو http://www.shabab-bermbal.com/rss http://www.facebook.com/shabab.bermbal

مُساهمةموضوع: رد: يوم من طفولتنا   الأحد نوفمبر 15, 2009 5:54 pm

برمبالى قديم
شكرا على مرورك الكريم
وسعيد جدا بترشيحك بس ده مجرد موضوع خطر بالى سعيد انه حظى بقبولك





 
الرجوع الى أعلى الصفحة اذهب الى الأسفل

Hazem

avatar

...::|برمبالى أساسى|::...



جـنـسـى : ذكر

بــــــلادى :

جنسيتى :

هــــوايتى :

وظــيفتى :

عــــــمرى : 32

عدد مساهماتى : 1134

تاريخ ميلادى : 01/06/1986





معاينة صفحة البيانات الشخصي للعضو

مُساهمةموضوع: رد: يوم من طفولتنا   الأحد نوفمبر 15, 2009 6:19 pm

أخي صاحب الموضوعات المميزة...احمد يوسف


دائماً نحن للماضي ومن يقرأ هذا الموضوع يعود آلياً إلى الماضي ...

قد نختلف في تحديد الماضي الذي يحن كل منا إليه .. ربما كان أسابيع أو أشهر أو أعوام...

نحن لكل ذكرى جميلة جمعتنا بقريب أو صديق ... نحن للحظات سعادة ومحبة مررنا بها ... نحن لأيام الحياة البسيطة وتواضع الأحياء ...

نحن لقلوب كانت مليئة بالحب .. ونفوس ملأى بالعاطفة .. فاصبحت القلوب مجرد مضخات لتحريك الدورة الدموية .

نحن للأيام التي تبدأ مع زقزقة العصافير غادية تبحث عن أرزاقها .. ولليالي
التي نتجمع حول مصدر متواضع للضوء ... وكأننا بحاجة لمثل هذا الضوء
ليجمعنا من جديد .

نحن لأيام الطفولة حيث الحرية .. لا مسؤوليات ولا التزامات .. نلعب حتى نتعب ثم ننام ..

مجرد ذكريات .. وأتمنى لما فات أن يعود .

وفقك الله وبانتظار القادم من إبداعاتك .













 
الرجوع الى أعلى الصفحة اذهب الى الأسفل

أبو عمار

avatar

...::|برمبالى مميز|::...



جـنـسـى : ذكر

بــــــلادى :

هــــوايتى :

وظــيفتى :

عــــــمرى : 44

عدد مساهماتى : 375

تاريخ ميلادى : 30/01/1974





معاينة صفحة البيانات الشخصي للعضو http://www.shabab-bermbal.com/rss http://www.facebook.com/shabab.bermbal

مُساهمةموضوع: رد: يوم من طفولتنا   الأحد نوفمبر 15, 2009 7:00 pm

فعلا هو موضوع مميز

نفس الاماكــــن
نفس الاشخـاص
نفس الاحــــداث

أشياء مشتركة بيننا كأبناء بلد واحد ، وهو ده روعة هذا المنتدي

بلد واحد تاريخ واحد عائلة واحدة

وما أروع أن يعود الانسان بالذاكرة الي أيام الطفولة البريئة

حيث لا حاجة إلي حذف شيء _ كما تقول في ثنايا الموضوع _فالصفحة بيضاء نقية

لم يعكر صفوها هموم ولا أحزان

هموم للمستقبل ولا أحزان علي اللي فات

وما أكثرها تلك الاحزان





 
الرجوع الى أعلى الصفحة اذهب الى الأسفل

حسين باشا

avatar

...::|المشرف العام|::...



جـنـسـى : ذكر

بــــــلادى :

جنسيتى :

هــــوايتى :

وظــيفتى :

عدد مساهماتى : 3391





معاينة صفحة البيانات الشخصي للعضو http://www.shabab-bermbal.com/rss http://www.facebook.com/shabab.bermbal

مُساهمةموضوع: رد: يوم من طفولتنا   الأحد نوفمبر 15, 2009 7:01 pm



سلام الله علي الجميع



بأمانة وصدق شديدين انا لحد اللحظة دي عايش مع القصة الواقعية الرائعة وأتمني أفضل عايش معاها ومتخلصش زي ماقال برمبالي قديم , ونشكر الله بتواجد الأعضاء أمثال الأستاذ أحمديوسف علي طرحهم الرائع اللي خلانا افتكرنا ايام الطفولة وبالوصف الدقيق ويارب دايما مايحرمناش من ابداعاته, من الناحية التانية انا وبعض الأعضاء كنا في المشتركة وكانت لنا دورة تانية بس من حيث المشوار وطابور المدرسة الصباحي اللي كان بيقوم به الله يرحمه ويدخله جنات النعيم آمين يارب الأستاذ محمدحسن دويدار ربنا يغفر له كان مميز جدا فعلا ,

يااااااااااااااااااااه كل أحداثك كانت حقيقية والله ايام كانت جميلة جدا وفيها قصص كتير جدا ممكن تاخد صفحات وصفحات ,

شكرا علي الموضوع الجميل .







 
الرجوع الى أعلى الصفحة اذهب الى الأسفل

الامل موجود

avatar

...::|برمبالى نشيط|::...



جـنـسـى : انثى

بــــــلادى :

جنسيتى :

هــــوايتى :

وظــيفتى :

مـــــزاجى : الحمد لله

عدد مساهماتى : 697





معاينة صفحة البيانات الشخصي للعضو http://www.shabab-bermbal.com/rss http://www.facebook.com/shabab.bermbal

مُساهمةموضوع: رد: يوم من طفولتنا   الأحد نوفمبر 15, 2009 8:03 pm

موضوعك اكثر من رائع
كباقي مواضيعك يا استاذ احمد
قد نلمس بها الدقه والنظام والاهتمام
بارك الله فيك




تفائل بالخير تجده00000
برمباليه متفائله0000





 
الرجوع الى أعلى الصفحة اذهب الى الأسفل

ahmed yousef



...::|برمبالى جديد|::...



جـنـسـى : ذكر

هــــوايتى :

وظــيفتى :

عدد مساهماتى : 71





معاينة صفحة البيانات الشخصي للعضو http://www.shabab-bermbal.com/rss http://www.facebook.com/shabab.bermbal

مُساهمةموضوع: رد: يوم من طفولتنا   الأحد نوفمبر 15, 2009 8:37 pm

اخى حازم
شاكر جدا لمرورك
وزى ما حضرتك قولت نحن لكل ذكرى جميله خاليه من الصعاب
ولا شك ان فتره الطفوله دى الفتره الوحيده فى حياة الانسان اللى لو استعاد ذكراياتها هيلاقيها كلها فرح وسعاده





 


عدل سابقا من قبل ahmed yousef في الأحد نوفمبر 15, 2009 9:10 pm عدل 1 مرات
الرجوع الى أعلى الصفحة اذهب الى الأسفل

ahmed yousef



...::|برمبالى جديد|::...



جـنـسـى : ذكر

هــــوايتى :

وظــيفتى :

عدد مساهماتى : 71





معاينة صفحة البيانات الشخصي للعضو http://www.shabab-bermbal.com/rss http://www.facebook.com/shabab.bermbal

مُساهمةموضوع: رد: يوم من طفولتنا   الأحد نوفمبر 15, 2009 8:58 pm

حسين باشا والامل موجود
شكرا على مروركم
اعتقد انه موضوع بسيط
ولو يستحق اكبر من كده يبقى لاننا بنتكلم عن فتره هى الاجمل فى حياه كل انسان
وانا فكرت فى بدايه الموضوع ان كل واحد يطرح يوم من ايام طفولته بس لقيت ان كل شىء هيكون متشابه فيما عدا اختلاف الاشخاص فقط لاغير





 
الرجوع الى أعلى الصفحة اذهب الى الأسفل
 

يوم من طفولتنا

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1
  

 

  
 كلمات دلالية كلمات دلالية
 Konu Linki رابط الموضوع
 
  
Powered by ahlamontada ® phpBB
Copyright © 2009- 2014, Shabab Bermbal & Alriyad
حقوق التأليف والنشر © 2014 shabab-bermbal.com جميع الحقوق محفوظة
للتواصل المباشر مع الإدارة أو طلب المساعدة : i.eltouhami@yahoo.com
جميع المواضيع والمشاركات المكتوبه لا تعبر بالضروره عن وجهة نظر الموقع وإنما عن وجهة نظر الاعضاء وكاتبها

PageRank 

Alexa Certified Traffic Ranking for shabab-bermbal.com