| يوميات السطوحى الغشيم ومراته محاسن :الحلقه الرابعة عشر | |
|
كاتب الموضوع | محتوى الموضوع |
---|
| موضوع: يوميات السطوحى الغشيم ومراته محاسن :الحلقه الرابعة عشر الثلاثاء فبراير 15, 2011 8:04 pm |
| اخوتى الكرام متابعى يوميات السطوحى الغشيم ومراته محاسن اليوم موعدكم مع حلقه جديده ارجو ان تنال اعجابكم اليوم موعدكم مع الحلقه رقم
14
يا جماعه عمكم السطوحى بعد ما خلص مع الدكتور سامى هو والحاج دسوقى والحاج سيد اخدو عبده وروحو بس زى ما قلتلكم كان لازم يعملو حاجه مهمه الحاجه منيره طبعا انتم نسيتوها ’ وطبعا مش عارفين حالتها ايه دلوقتى وهى حاسه انها السبب فى ان الواد عبده وقع من على السطح وماهياش عارفه ايه اللى جراله وعشان كده كان لازم يروحولها عشان يطمنوها ويتطمنوا عليها مش كده وللا ايه اخدوا الجماعه بعضهم وراحوا قبل ما يروحو على بيتهم على بيت الحاجه منيره ام السطوحى ولما وصلو لقوها قاعده بره البيت ومقطعه نفسها من العياط وطبعا معاها معاها ام ابراهيم مرات الحاج دسوقى نزلو الجماعه من التك تك وقالها السطوحى السلام عليكم وعليكم السلام - خير يارب عملته ايه خير ان شاء الله حيبقى كويس باذن الله يا حبيبى هما جبسو رجله ايوه فيها شرخ بسيط كده وجبسها الدكتور وكلها كام يوم ويفك الجبس ان شاء الله معلهش يا سطوحى والله انا لو اعرف ان ده حيحصل كنت طلعت انا وانشاله حتى كنت اموت كان حيبقى عندى اهون الف سلامه عليك ياما انت مكبره الموضوع كده ليه ده قسمه ونصيب ونصيبه كده بقى والحمد لله على كل حال معلهش يا محاسن والله على عينى فداك يا نينه ربنا يخليك لينا ويديك الصحه
رد الحاج دسوقى وقالهم يللا بقى ان كنتم حتروحو مالهاش لازمه بقى الوقفه دى خلو الواد يستريح طيب بس فى موضوع مهم لازم اكلم امى فيه قبل ما نمشى خير يابنى فى ايه حتقعدى لواحدك فى البيت ازاى عادى ياسطوحى مهو انا لوحدى من يوم ابوك ما مات دلوقتى ما ينفعش يا اما انت لما بتتعبى وللا تجيلك غيبوبه مين اللى حيكون جنبك-لازم تيجى تقعدى معايا فى البيت ومافيش حل تانى غير كده وحسيب بيت ابوك لمين ياسطوحى يعنى ناجره اواى حاجه المهم تيجى معانا مش حسيبك تنامى لوحدك ابدا ويهون عليك بيت ابوك يتاجر ياسطوحى البيت يهون عليا لكن انت لا يا اما بس يابنى........ من غير بس يااما -طيب انا عندى حل ايه هو انا عندى بيتى تيجى تقعدى معانا فيه وبيت ابوك حنعمل فيه ايه انت مش كان نفسك تحجى يا اما ايوه طبعا نفسى ازور النبى قبل ما اموت طيب ايه رايك لو بعنا البيت بتاع ابويا وتروحى تحجى بتمنه بس ده بيت ابوك بيت ابويا وللا الحج يا اما ........ الحج يا سطوحى ده امنية حياتى بس هو انا فيا صحه للحج انوى انت بس يا اما وربنا حيقويك ويكرمك ان شاء الله ربنا يسهل بس انا مش هعرف اجى معاكم انهارده خليها بقى بكره ان شاء الله بس حتباتى لواحدك ازاى انهارده يا اما اهو يوم ويعدى يابنى وخلاص ما حينفعش دلوقتى لا وما ينفعش
طيب انا عندى حل كويس الحقنا بيه يا حاج دسوقى منى بنتى تيجى تبيت معاها الليله دى وبكره تبقى محاسن تيجى تلم معاها حاجتها وتيجى تقعد عندكم طيب وماله حل حلو- بس كده يا اما ما عدناش نتكلم فى الموضوع ده تانى خلاص اتفقنا يا سطوحى والله بكره حجيلكم بس ابقى ابعتلى محاسن تلم معايا حاجتى بكره حبعتلك محاسن والبنات يساعدوك لا ام لسان طويل لا انا مش ناقصه وجع قلب هههههه طيب ياستى تبقى تفضل تحرق دمى انا ولا يكون عندك فكر
وفى الوقت ده كان روح الحاج دسوقى بيته وبعت منى بنته تنام مع الحاجه منيره الليله دى والجماعه روحو البيت والسطوحى روح عبده ومحاسن وراح مع الحاج سيد بيته عشان يجيب البنتين من عنده نادى الحاج دسوقى على سنيه مراته تجيب العيال طلعت وقالتلهم خير ان شاء الله عبده جراله ايه بسيطه الحمد لله شرخ فى رجله والدكتور جبسها ربنا يشفيه ويزيح عنه ربنا يكرمك -فين البنات البنات نامو من شويه طيب صحيهم خلينى اروحهم بقى كفايه عليكم كده ما تسيبهم نايمين لبكره حيجرى ايه يعنى لا ياستى شكرا مش حتقدرى عليهم دول لبط وكفايه عليكم كده كتر الف خيركم ما تقلش كده يا سطوحى دا احنا اهل والجيران لبعضيهم ربنا يديم المعروف
واخد السطوحى البنات وراح على البيت هلكان ويادوب حط دماغه على المخده وغرق فى النوم وسكت البيت الا بس من انين عبده اللى لسه بيتوجع من رجله ربنا يشفيه بس كده عبده عنده مشكله جديده غير رجله بس المشكله دى حنعرفها فى الحلقه الجايه باذن الله انتظرونى
|
|
| |
| موضوع: رد: يوميات السطوحى الغشيم ومراته محاسن :الحلقه الرابعة عشر الخميس فبراير 17, 2011 6:50 am |
| هههههههههههههههههههههههههههه
لا ألف سلامة عليها
تسلم ياأبو حمزة منتظرين ياباشا
|
|
| |
| موضوع: رد: يوميات السطوحى الغشيم ومراته محاسن :الحلقه الرابعة عشر الخميس فبراير 17, 2011 2:28 pm |
| جميله بس احنا بقه عايزينهم يعيشوا في الأحداث اللي بتحصل في البلد عشان يكون فيه ربط
|
|
| |
| موضوع: رد: يوميات السطوحى الغشيم ومراته محاسن :الحلقه الرابعة عشر الخميس فبراير 17, 2011 4:51 pm |
| - SAAD.BASHA كتب:
هههههههههههههههههههههههههههه
لا ألف سلامة عليها
تسلم ياأبو حمزة منتظرين ياباشا
الله يسلمك يا حيلى ويخليك لمامتك
مرورك دايما بيزيدنى شرف ونور يا غالى
|
|
| |
| موضوع: رد: يوميات السطوحى الغشيم ومراته محاسن :الحلقه الرابعة عشر الخميس فبراير 17, 2011 4:58 pm |
| - seifelromy كتب:
- جميله
بس احنا بقه عايزينهم يعيشوا في الأحداث اللي بتحصل في البلد عشان يكون فيه ربط
اكيد اخى سيف لكن كان لازم انهى اليوميات اللى فاتت عشان يكون فى وصل فى الاحداث لان كانت الحلقه اللى فاتت ما انتهتش وكان لازم اكملها وان شاء الله فى الحلقات اللى جايه حيكون فى احداث ماشيه مع الحاجات اللى حصلت فى مصر اليومين اللى فاتو والاحداث اللى احنا فيها اليومين دول كمان
بس الاقى تشجيع من الناس وانتم طلباتكم اوامر
ابو حمزه 2
|
|
| |
| موضوع: رد: يوميات السطوحى الغشيم ومراته محاسن :الحلقه الرابعة عشر الجمعة فبراير 18, 2011 3:50 pm |
| - ابوحمزه الجمل كتب:
- seifelromy كتب:
- جميله
بس احنا بقه عايزينهم يعيشوا في الأحداث اللي بتحصل في البلد عشان يكون فيه ربط
اكيد اخى سيف لكن كان لازم انهى اليوميات اللى فاتت عشان يكون فى وصل فى الاحداث لان كانت الحلقه اللى فاتت ما انتهتش وكان لازم اكملها وان شاء الله فى الحلقات اللى جايه حيكون فى احداث ماشيه مع الحاجات اللى حصلت فى مصر اليومين اللى فاتو والاحداث اللى احنا فيها اليومين دول كمان
بس الاقى تشجيع من الناس وانتم طلباتكم اوامر
ابو حمزه 2 تمام الله ينور عليك منتظرينك تربط المواضيع ببعضها على مهلك
|
|
| |
| موضوع: رد: يوميات السطوحى الغشيم ومراته محاسن :الحلقه الرابعة عشر الجمعة فبراير 18, 2011 7:46 pm |
| ان شاء الله اخى سيف وربنا يقدرنى واكون عند حسن ظن الجميع وسامحونى لو اتاخرت عليكم لان ظروف شغلى ما بتسمحليش اتواجد فى المنتدى بشكل دائم وشكرا على مرورك اللى بينورنى دايما
|
|
| |
| موضوع: رد: يوميات السطوحى الغشيم ومراته محاسن :الحلقه الرابعة عشر السبت فبراير 19, 2011 1:45 pm |
| الشرف لي يا ابو حمزة وربنا ييسر لك واهم حاجة اهتم بشغلك واحنا نستحمل بعدك ولا يهمك بس يعني ما تبعدش قوي وانا عندي فكره لهذه اليوميات لسه برتبه حتى تكون لها شكل أقوى بس دي طبعا بتحتاج رسام كاريكاتير وطبعا انا ليس لي في رسم الكاريكاتير بحيث تكون قصص مصورة وممكت تطور بعد كده وتكون فيلم كرتوني يعني شوية اقتراحات رغم انها يعني كبيره شوية لكن معدش فيه مستحيل بعد اللي حصل في البلد وأنا شخصيا ما بدخل المنتدى إلا لهذه اليوميات
|
|
| |
| موضوع: رد: يوميات السطوحى الغشيم ومراته محاسن :الحلقه الرابعة عشر السبت فبراير 19, 2011 8:25 pm |
| اتشرف بكلماتك العطره ومرورك الكريم اخى سيف وافكارك جميله لكن دى محتاجه شركة انتاج وكمان نغير اسم المؤلف يعنى نخليه مثلا نبيل فاروق عشان يقبلو يعملو الافكار دى هههههههههههههههههههه شكرا لاهتمامك اخى الكريم جمعنى الله واياك على كل خير ان شاء الله
|
|
| |
| موضوع: رد: يوميات السطوحى الغشيم ومراته محاسن :الحلقه الرابعة عشر الثلاثاء فبراير 22, 2011 6:05 pm |
| اليوميات جمييييلة جداااااا واكتر من روووووعة
انا مش تابعتها حلقة بحلقة لاني مش كنت بدخل المنتدي بس الايام اللي فاتت دي كنت بدخل بس علشان أقرأها
ماشاء الله عليك اخي ابو حمزة ..انت مبـــــــــدع في انتقاء الحوار والقصة الجميلة الشيقة
ننتظر باقي الحلقات في شوق ونرجو ألا تطيل علينا اخي ابو حمزة
جزاك الله كل خير
|
|
| |
| موضوع: رد: يوميات السطوحى الغشيم ومراته محاسن :الحلقه الرابعة عشر الثلاثاء فبراير 22, 2011 7:36 pm |
| - *نجمة في سماء الاسلام كتب:
- اليوميات جمييييلة جداااااا واكتر من روووووعة
انا مش تابعتها حلقة بحلقة لاني مش كنت بدخل المنتدي بس الايام اللي فاتت دي كنت بدخل بس علشان أقرأها
ماشاء الله عليك اخي ابو حمزة ..انت مبـــــــــدع في انتقاء الحوار والقصة الجميلة الشيقة
ننتظر باقي الحلقات في شوق ونرجو ألا تطيل علينا اخي ابو حمزة
جزاك الله كل خير
يسعدنى انضمامكى اختى الكريمه واشكرك على كلماتك الرقيقه وارجو من الله ان اكون دائما عند حسن الظن واشكرك على مروركى العطر ابو حمزه 2
|
|
| |
| موضوع: رد: يوميات السطوحى الغشيم ومراته محاسن :الحلقه الرابعة عشر الأربعاء مارس 16, 2011 4:56 pm |
| حلقه جميله ومميزة بس السطوحى ده صعبان عليا حيقعد امه مع مراته فى بيت واخد الله يكون فى عونه تسلم ايدك يابو حمزة فى انتظار الجديد
|
|
| |
| يوميات السطوحى الغشيم ومراته محاسن :الحلقه الرابعة عشر | |
|
صفحة 1 من اصل 1 |
|