ابو رجل مسلوخه

رغم انك في الغالب لن تكون قريبي ،بمعنى ان جدتي لن تكون غالبا جدتك ،ومع ذلك من غير المعقول الا تكون جدتك قد أخبرتك شيئا عن ابو رجل مسلوخه .
ورغم انك لن تكون غالبا أيضا من نفس عمري ،الا انه من المؤكد انك سمعت عن ابو رجل مسلوخه ،لانها ببساطه حكايه كل الاعمار .
يعتبر ابو رجل مسلوخه من وجهة نظري شخصية برمبالية خرافيه إستخدمتها جدتي وجدتك في محاولة منهم لكبح جماح شقاوتنا عندما كنا صغارا ،تلك الشقاوة التي كانوا لا يستطيعون ايقافها إلا بمثل تلك الحواديت المرعبه.
عندما يحين وقت الظهيره بعد تناول وجبة الغداء يلجأ الجميع للنوم فيما يسمى وقت القيلوله ،إلا أنه في العاده وغالبا ما يرفض الصغار النوم في تلك الفتره ويفضلون اللعب طوال النهار وفي عز الحر والآياله كما يقال،
فيلجأ حينها الكبار والمتمثلين في جدتي التى كانت تقص علي تلك الحدوته المعروفه ب ابو رجل مسلوخه .
وعندما تشعر جدتي أنه لا طائل من الاغراء بالمال او بأى وعود أخرى فقط تقوم بالدق على الحائط أو الشباك ،ثم تقول فقط ابو رجل مسلوخه جاى.
عندها فقط تقوم باخفاء وجهك بالبطانيه وان لم تكن قد نمت حينها فسوف تنام بعد ثواني عندما تفكر كيف يكون شكل ابو رجل مسلوخه ،وهل رجله الشمال ولا اليمين اللى مسلوخه ،وهل يعض الاطفال ام يأكلهم ،..... الخ
وعندها تتمنى ان يأتيك النوم بأسرع مايمكن هربا من التفكير والتخيلات ،لتجد نفسك بالفعل قد صحوت من نومك بعد ساعتين او ثلاث ساعات .
ورغم ان تلك القصه تتكرر بشكل شبه يومي إلا أنها كانت تأتي بثمارها المرجوه من جدتي دائما .
رحم الله جدتي لأبي واسكنها فسيح جناته ،ورحم الله جميع اموات المسلمين .

ملحوظه : ان كنت قد مررت بتلك القصه فاكتب ذكرياتك فقط مع ابو رجل مسلوخه

ابو رجل مسلوخه
مين دا
دا انا لو امي او نينتي كانت قالت لي كدا كنت طبيت ساكت
مع اني لما كبرت بقي قلبي جامد واول ما دخلت المشرحه كنت همووووووووووووووووت
بس امي كانت بتحكيلنا حواديت جميله وكنا بردوا بنام
زي التلات غزلات
والشاطر حسن
وست الحسن
مش ابو رجل مسلوخه
ماتزعلشي يا منعم
تلاقيك كنت بتنام من الرعب
واوعي تحكي لولادك كدا
خليها احلام ورديه
كفايه اللي احنا فيه

تاريخ ميلادى : 13/01/1987

هههههههههههة فعلا عندك حق ياعبد الشكور انا كنت بخاف جدا لما اسمع سيرتة من جدتى لانة كان مشهور خالص بس مش عندنا فى البلد بس فى كل مكان على فكرة وبردة السلعوة هههههههههههههههة علشان ما اخرجش برة البيت وانا الصغير تقولى الراجل ابو رجل مسلوخة
واقف على الباب وطبعا الواحد كان بيبص من العين السحرية اشوف حد ولا لأ وطبعا الواحد كان خيالى شوية يعد يتخيل شكل الراجل دة اية والمشكلة انى لو كنت بفكر بس يعنى اية رجلة مسلوخة مكنتش هخاف منة لان اى واحد فينا رجلة عليها تتسلخ صح ولا اية ومشكور جدا يا عبد على قصتك الظريفة دى

تاريخ ميلادى : 22/09/1986

ابو جل مسلوخة كان عبارة عن مصدر الخوف الوحيدالى كنا نتزل بيه علشان ننام او نسمع كلامهم ...( ناموا احسن ابورجل مسلوخة بياخد العيال الى مش بتنام ) افلا رعب بقى وناخد بقى التخيلات من ورا الفكرة دى وشكله عامل ايه وشعرة ولبسه لحد ما نقرب نتجنن وبعدين نسلم امرنا ونام [ندعوك للتسجيل في المنتدى أو التعريف بنفسك لمعاينة هذه الصورة]

تاريخ ميلادى : 30/01/1974

فيه ناس تنام علي الشاطر حسن واتلات عزلات
وناس تنام علي أبو رجل مسلوخة
حسب شقاوة الطفل
ويبدوا إن الاخ عبد المنعم كان شقي شوية

أما بالنسبة لأطفال اليوم الوضع اتطور شوية

الان ابنتي ( جنا ) بتخاف مش من أبو رجل مسلوخة

من الوحش

أوالشبح

أنا عشان أخوفها بقولها الشبح بره هيأكلك وإن الشبح ما جاب نتيجة أقولها الوحش هيجيلك

وساعتها تلاقيها تحت البطانية ما تطلعش إلا الصبح .

والحاجات دي جايباها من أفلام الكرتون .

الدنيا بالتطور يا جماعة

تاريخ ميلادى : 19/01/1996

ابو رجل مسلوخة ده انا كنت بسمع عنه وما كنتش اعرف قصته اول مرة اعرفها

مشكور

عدل سابقا من قبل Marwa Smiley في الثلاثاء يونيو 08, 2010 1:08 am عدل 2 مرات

تاريخ ميلادى : 05/03/1988

اة لما كنت بسمع ابورجل مسلوخه دة كان بيجيلى تخيلات بحاجات كتير

انو وحش كدة ومخيف واول مانينه كانت تقولى تعالى نام ابو رجل مسلوخه

برة وتقوم مخبطالى على السرير تقول ارجع هو هينام خلاص هههههههههه

رعب بمعنى رعب ولا نيجى انا واصحابى اللى فى الشارع نتكلم فى الموضوع دة

واقولهم نينه بتقول انو كان فى البيت وكل واحد يقول قصته علشان والدة او مامته يخلوة

ينام بس كانت لازم اى حاجه تخوف بصراحه لاننا كنا اشقيه جدا تسلم ياعبد الشكور

على الموضوع الجميل والمميز دة

انا كنت بقرأ المدرسه المسكونه
لقيت النور قطع قلت اااااااااااااااااااة
ابو رجل مسلوخه هيطلع لي
وفضلت ادور علي المدرسه مالقيتهاش
تلاق الارواح اخدوها

مين بقي ابو رجل مسلوخه

هل هو واقع ام خيال

تحياتي لحضرتك

ابو رجل مسلوخه دا واقع يا جماعه
دا هو كان عازمني علي العشا امبارح
هههههههههههههههههههههههههههههههههههههههه
ملحوظه______. متخافش

طيب هوا رجلة مسلوخة كان بيمشي ازاي
عادي بقي وكدة استايل يعني هو كان عاملة
دراكولا برمبال مثلا

تاريخ ميلادى : 01/01/1996

يا ترى انهي رجل هي اللي مسلوخة اليمين ولا الشمال أنا أفتكر ان الحدوتة اللي كانت بتنيمنى كانت بتاعت الست الصغيرة الصغيرة اللي عندها فلوس كتير كنت بحبها أوي بس كنت بخاف من الجزء الاخير منها

رجلين معزة

احنا لما كنا صغار كنا بنلعب في السوق مكان الوحدة البيطرية كنا بنفرش قش والكهرباء كانت لسه

مدخلتش البلد

فكان معانا ولد قلبه جامد شويه كان بيحكى لنا كل يوم حكاية اسوأ من اللي قابلهاوالحكايه دي عن راجل من فوق جسم راجل ورجليه رجلين معزة وكانت الارض اللي في السوق مزروعه ذرة وكان منظر الذرة يخوفك بالنهار تخيل بالليل بقه وحظي ان بيتنا عاي ناصية الارض يعنى لازم امر علي معظم الذرة المزروع بالليل وكنت بشيل هم المرواح قبل الخروج من البيت للسهر بسبب الذرة( وفجأه الاخ بيحكي عن رجلين المعزةوفجأه واحد بيسأله هي عاملة ازاي رجلين المعزة دي واذا بالاخ رابط ايد مقشة في رجله وقام شاددالجلبية في الظلام الحالك وقال زي دهي ومع مقدمة الرعب اللي هوحكاها من البدايه كله طار محدش عارف هورايح فين ومحدش شايف التاني وكله بلغ فرار وعندما توجهت الي المنزل كان صوت احتاكك الذرة ببعضه في الشتاء والظلام كان بيزود الرعب عندي من كتر التخيلات كنت حاسس اني هيغمى عليه من كتر الرعب بس الحمد لله الوقت الكهربا موجودة ومعتش ذرة في الارض0

نفسي اسمع عن حاجة جديدة عن الحاجات اليي بترعب دي

كنا بنسمع الحكيات دي منمش طول الليل وكمان كنا بنتفرج على مثلثل ليلة القبض على فاطمة كانت اياك رعب بس والله ذكريات جميله ربنا يسعد الجميع اولدنا اتحرموا من حجات كتير

ههههههههههههههههههههههههههههههههههههههههههههههههههه