| يوميات السطوحى الغشيم ومراته محاسن .. الحلقة الثانية | |
|
كاتب الموضوع | محتوى الموضوع |
---|
| موضوع: يوميات السطوحى الغشيم ومراته محاسن .. الحلقة الثانية الأحد يناير 09, 2011 6:09 pm |
| دلوفتى يارجالة تعالو نشوف ايه اللى حصل مع عمكم السطوحى ومراته محاسن
قام عمكم السطوحى على صوت مراته محاسن بتقوله قوم ياحبيبى العصر اذن وللا مش حتصلى نعم بتقولى ايه ايه غريبه انى اقومك تصلى لا الغريبه انك تقولى يا حبيبى طيب وايه يعنى يا ابو عبده نعم وابو عبده كمان لخصى يا محاسن الاسطوانه دى ما بتنفعش معايا عايزه ايه يا محاسن انا عايزه اسالك سؤال يا ابو عبده انت بتبقى مبسوط وانت قايم الفجر تتوضى بميه ساقعه برده ما قلتليش عايزه ايه يا محاسن انا نفسى اجيب سخان للحمام بتاعنا يا سطوحى هو يعنى حرام لا مش حرام يا محاسن بس انت عارفه البير وغطاه بالتقسيط يا سطوحى وحياة عيالك ما تقول لا طيب اشوف امورى وربنا يعدلها يا محاسن
طلع السطوحى وراح على الجامع وصلى العصر وقابل صاحبهالسيد ابو احمد صاحبه وعمكم السيد لاحظ ان السطوحى سرحان
مالك ياسطوحى فى ايه ياجدع انت عامل فى نفسك كده ليه مافيش يا حاج سيد بفكر فى موضوع كده طيب تعالى نقعد على القهوه واحكيلى يللا بينا
ايه الحكايه بقى ياسطوحى قولى يمكن افيدك محاسن يا سيدى خير تعبانه لا تعبانى طيب مهو العادى بتاع كل يوم ايه الجديد يعنى محاسن ضرب فى دماغها تجيب سخان للحمام بتاعنا يبقى النسوان قعدو مع بعض يا سطوحى ليه ايه اللى حصل معاك انت راخر سنيه برضه طالع فى دماغها تشترى سخان ايوه يا حاج سيد بس انت عارف البير وغطاه وكل حاجه على ايدك دا ابو حمزه 2 بيديلى الفلوس بالقطاره طيب ياسيدى هاته بالقسط اهو حتدفع مثلا كل شهر 50 جنيه وتفرجها على العيال انت شايف كده يا حاج سيد ايوه وتعالى نروح سوا نشتري واحد ليك وواحد ليا طيب نعدى بقى على البيت الاول عشان اجيب البطاقه اكيد حنحتاجها
وراح عمكم السطوحى للبيت وطبعا محاسن كان هاين عليها تزغرط من الفرحه وراح السطوحى يجيب السخان وجه وقت مذاكرة العيال وموال كل يوم بقى
ومحاسن قالت لفاطمه يللا يافاطمه عشان تذاكرى انت واخواتك طيب يا اما والنبى اكمل المسلسل وبعدين اذاكر يابنتى قومى ذاكرى الامتحان مش حييجى من المسلسل طيب هما ربع ساعه بس ياما وحقوم والله ياعزيزه نادى لاخوك من الشارع قومى وقوليله كفايه لعب عشان ييجى يذاكر ويكتب الواجب مش رايحه اشمعنى انا ما انا عايزه اشوف المسلسل اشمعنى فاطمه يعنى ياهدة حيلى معاكم كل يوم قومى جتك قصفه نادى لاخوك وللا والله اقفل التليفزيون ولا تشوفى مسلسل ولا غيره طيب طيب مهو انا اللى حشيل همه لو سقط ياعبده امك بتقولك تعالى عشان تذاكر وتكتب الواجب طيب بس اخلص الدسته دهى وجاى انت حر يارب تسقط عشان تلعب حلو انت مالك يابنت انت مهو انا عارفاك بتحب الكحك وبالذات لما يكون احمر طيب والله ما انا عاتقك اااااااااااااااه الحقى ياما عبده عايز يضربنى تلاقيك طولتى لسانك عليه يا ام لسان طويل لا والله هو اللى ما كانش راضى ييجى
محاسن بقى مسكت عبده وعزيزه وفشت غلها فيهم وقفلت التليفزيزن وقالتلهم والله اللى ما حيذاكر لهو مضروب بالمقشه البلح وما عاد متفرج على التليفزيون تانى طبعا قامو العيال وخافو عشان عارفين امهم وبعدين اذا كان ابوهم بيخاف منها هما يعنى اللى حيعملو رجاله
السطوحى الغلبان رجع ومعاه السخان وشايله على كتفه ومعاه الكهربائى عشان يركب السخان العيال زقططو وامهم طايره من الفرحه ومحدش فيهم حاسس بعمكم السطوحى اللى شايل هم الاقساط بس حيعمل ايه ده الله ودى حكمته
والى اللقاء مع يوميات السطوحى الغشيم ومراته محاسن انتظرونا
|
|
| |
| موضوع: رد: يوميات السطوحى الغشيم ومراته محاسن .. الحلقة الثانية الأحد يناير 09, 2011 6:16 pm |
| يا رجاله احنا دلوقتى مستضعفين فى الارض شايفين النسوان عاملين فينا ايه احنا عايزين نعمل جمعيه زى ما هما عاملين جمعيه حقوق المراه وللا احا يعنى ما لناش حقوق اللى عايز ينضم للجعيه يديلنا صوته عشان ربنا ينصرنا عليهم المفتريين دول اللى مش حاسين بينا مين قال انا
|
|
| |
| موضوع: رد: يوميات السطوحى الغشيم ومراته محاسن .. الحلقة الثانية الأحد يناير 09, 2011 6:35 pm |
| أنا ياأبو حمزة معاك فى الجمعية دول معتش حد قدهم ياعم
تقولك هاتلى لاب تاب واشمعنا جرتنا وهتلى وهتلى وهتلى
يلا يارجال دول مش بيجوا اله بالعين الصفرة ههههههههههه
|
|
| |
| موضوع: رد: يوميات السطوحى الغشيم ومراته محاسن .. الحلقة الثانية الأحد يناير 09, 2011 7:42 pm |
| ما شاء الله يا جمل انت تنفع مخرج ... بس في غلطة كبيرة خلي بالك منها ينفع محاسن تقول المسلسل كده غلط لأن محاسن وجوزها عمرهم ميعرفوا يقولوا المسلسل ... حيقولوا التمثلية خلي بالك يا جمل من اللغة الدارجة
|
|
| |
| موضوع: رد: يوميات السطوحى الغشيم ومراته محاسن .. الحلقة الثانية الأحد يناير 09, 2011 7:48 pm |
| رررررررررائع يا ابو حمزه انا معاكم يا رجاله هههههههههه شكلكوا هتحبسونا احنا موش قدهم بس يلا ربنا يقدرنا عليهم أمثال الدلعدى محاسن [ندعوك للتسجيل في المنتدى أو التعريف بنفسك لمعاينة هذه الصورة]
|
|
| |
| موضوع: رد: يوميات السطوحى الغشيم ومراته محاسن .. الحلقة الثانية الأحد يناير 09, 2011 7:52 pm |
| - SAAD.BASHA كتب:
أنا ياأبو حمزة معاك فى الجمعية دول معتش حد قدهم ياعم
تقولك هاتلى لاب تاب واشمعنا جرتنا وهتلى وهتلى وهتلى
يلا يارجال دول مش بيجوا اله بالعين الصفرة ههههههههههه
ايوه كده يا سعد يا خويا ارفع من روحى المعدنيه الواحد صدى من الركنه حنا عايزين نشوف معانا كام واحد كده ونبدا بقى الجمعيه عشان نوريهم شغلهم
|
|
| |
| موضوع: رد: يوميات السطوحى الغشيم ومراته محاسن .. الحلقة الثانية الأحد يناير 09, 2011 7:59 pm |
| - أبو أدهم كتب:
- ما شاء الله يا جمل انت تنفع مخرج ... بس في غلطة كبيرة خلي بالك منها ينفع محاسن تقول المسلسل
كده غلط لأن محاسن وجوزها عمرهم ميعرفوا يقولوا المسلسل ... حيقولوا التمثلية خلي بالك يا جمل من اللغة الدارجة شكرا ابو ادهم على المجامله الجميله دى وبعدين بقى ياسيدى انت اللى فاتك حاجه مهمه يعنى تعدى عليك الmb3 بتاع عمك السطوحى وعايز مراته تقول تنثيليه هههههههههههههههههههههههههه يرضيك يعنى وبعدين انت شكلك كده خايف تنضم للجمعيه ياعم ماتخافش اول مايحصل مشكله انا اول واحد بيعرف يجرى ههههههههههههههههههههههه شرفنى مرورك يا ابو ادهم
|
|
| |
| موضوع: رد: يوميات السطوحى الغشيم ومراته محاسن .. الحلقة الثانية الأحد يناير 09, 2011 8:04 pm |
| - ابو تسنيم كتب:
رررررررررائع يا ابو حمزه انا معاكم يا رجاله هههههههههه شكلكوا هتحبسونا احنا موش قدهم بس يلا ربنا يقدرنا عليهم أمثال الدلعدى محاسن [ندعوك للتسجيل في المنتدى أو التعريف بنفسك لمعاينة هذه الصورة]
ومالك بتقول انا معاكم وخايف كده يا عم ان كانو هما الحكومه فاحنا الشعب بس يارب مراتى ما تقراش الكلمتين دول ربنا يستر علينا يارب
|
|
| |
| موضوع: رد: يوميات السطوحى الغشيم ومراته محاسن .. الحلقة الثانية الأحد يناير 09, 2011 8:35 pm |
| من خاف سلم يا عم ابو حمزه والا ايه ؟ ثانيا هما الحكومه واحنا الشعب طيب حد يقدر على الحكومه ههههههههه ومتخلنيش اخربط فى الحلل انا مراقب يا عم ههههههههه
|
|
| |
ابوحمزه...::| المراقب العام|::... جـنـسـى :
بــــــلادى :
هــــوايتى :
وظــيفتى :
عــــــمرى : 49
عدد مساهماتى : 3146
تاريخ ميلادى : 04/05/1975 | موضوع: رد: يوميات السطوحى الغشيم ومراته محاسن .. الحلقة الثانية الأحد يناير 09, 2011 8:57 pm |
| أكِن انت يا محمد يا ابوالسعيد واخد السطوحي هنا بَئَالك يومين وسايبني أاعد غودي منيش لائيلي شغله ولا مشغله ومعطلني حواليك كدهو طيب كَت شيعلي رسالة وأؤلي انك هتاخد السطوحي وبعدين هي محاسن روخره اللي تجضع هيجرالها حاجه يعني لو سخنت الميه علي باجور الجاز ولاهي عايزه تتأنزح زي النسوان وخلاص علي العموم ربنا يعين السطوحي علي ما بلاه ويعفي عنه
|
|
| |
| موضوع: رد: يوميات السطوحى الغشيم ومراته محاسن .. الحلقة الثانية الإثنين يناير 10, 2011 5:21 am |
| هههههههههههههههههههههههه شوف أبو حمزة 2
وأبو تسنيم قلك هنعمل جمعية والأخر خافوا جدااااااااااا
طب كل كلمة قولتوهاهوصلها للمدام علشان يومك مش هيبقة فايت
ونشوف بقة هتعملوا اية معاهم هتبقوا رجالة ولة هتقولو اغسلك الاطباق
وتسبنى والنبى والنبى
|
|
| |
| موضوع: رد: يوميات السطوحى الغشيم ومراته محاسن .. الحلقة الثانية الإثنين يناير 10, 2011 5:34 am |
| جميلة جدا أبو حمزة وفي انتظارك تاني مواضيعك جميلة
|
|
| |
| موضوع: رد: يوميات السطوحى الغشيم ومراته محاسن .. الحلقة الثانية الإثنين يناير 10, 2011 10:01 am |
| - اقتباس :
- أكِن
انت يا محمد يا ابوالسعيد واخد السطوحي هنا بَئَالك يومين وسايبني أاعد غودي منيش لائيلي شغله ولا مشغله ومعطلني حواليك كدهو طيب كَت شيعلي رسالة وأؤلي انك هتاخد السطوحي وبعدين هي محاسن روخره اللي تجضع هيجرالها حاجه يعني لو سخنت الميه علي باجور الجاز ولاهي عايزه تتأنزح زي النسوان وخلاص علي العموم ربنا يعين السطوحي علي ما بلاه ويعفي عنه هههههههههههه الاستاذ الفاضل حامد جنيدى ابو حمزه 1 عجبنى جدااااااااااااااا ردك الجميل واللهجه البرمباليه الاصيله التى افتقدناها يااااااااااااه فكرتنى بالناس الطيبه الجميله دمت لنا بكل خير يا غالى وفى انتظارك يا ابو حمزه 2 تكملنا بقيت الحكايه
|
|
| |
| موضوع: رد: يوميات السطوحى الغشيم ومراته محاسن .. الحلقة الثانية الإثنين يناير 10, 2011 5:17 pm |
| - ابوحمزه كتب:
- أكِن انت يا محمد يا ابوالسعيد واخد السطوحي هنا بَئَالك يومين وسايبني أاعد غودي منيش لائيلي شغله ولا مشغله ومعطلني حواليك كدهو طيب كَت شيعلي رسالة وأؤلي انك هتاخد السطوحي وبعدين هي محاسن روخره اللي تجضع هيجرالها حاجه يعني لو سخنت الميه علي باجور الجاز ولاهي عايزه تتأنزح زي النسوان وخلاص علي العموم ربنا يعين السطوحي علي ما بلاه ويعفي عنه
ياعم انا سايب غادى تشريده للى حيدور على السطوحى الغشيم وما كنتش اعرف انك لسه مستنى هناك بس ملحوقه بس تعرف يا اخى السطوحى ده طلع غلبان مش غشيم ربنا يعينه على محاسن وينتقم منها جتها حش وسطها وبعدين انت ما قلتليش انت ناوى تنضم للجمعيه وللا ايه يا ابو حمزه احنا عايزين كوادر للجمعيه فى انتظارك يا معلم
|
|
| |
| موضوع: يوميات السطوحى الغشيم ومراته محاسن 2 الإثنين يناير 10, 2011 5:20 pm |
| - SAAD.BASHA كتب:
هههههههههههههههههههههههه شوف أبو حمزة 2
وأبو تسنيم قلك هنعمل جمعية والأخر خافوا جدااااااااااا
طب كل كلمة قولتوهاهوصلها للمدام علشان يومك مش هيبقة فايت
ونشوف بقة هتعملوا اية معاهم هتبقوا رجالة ولة هتقولو اغسلك الاطباق
وتسبنى والنبى والنبى
شوف يا عم سعد انا طول ما النت مفصول من عند مراتى وانا معاكم فى الجمعيه لكن يوم ما يوصل انا ما اعرفش حد بالاسماء دى ياعم من خاف سلم ربنا يسترها علينا ياعم سعد
|
|
| |
| موضوع: رد: يوميات السطوحى الغشيم ومراته محاسن .. الحلقة الثانية الأربعاء يناير 26, 2011 8:47 pm |
| كدا اتنين لسه الباقي وفكر كويس في موضوع الجمعية
|
|
| |
| يوميات السطوحى الغشيم ومراته محاسن .. الحلقة الثانية | |
|
صفحة 1 من اصل 1 |
|