| يوميات السطوحى الغشيم ومراته محاسن .. الحلقة السابعة | |
|
كاتب الموضوع | محتوى الموضوع |
---|
| موضوع: يوميات السطوحى الغشيم ومراته محاسن .. الحلقة السابعة الجمعة يناير 14, 2011 7:28 pm |
| اخوتى الاحبه متابعى يوميات السطوحى الغشيم ومراته محاسن انتم على موعد الان مع الحلقه السابعه من يوميات السطوحى الغشيم ومراته محاسن اتفضلو معايا ويارب تعجبكم
7
والسطوحى الغشيم ومراته واولاده راجعين هما الخمسه من بيت الحاجه منيره ام عمكم السطوحى وهما مقربين على البيت لاحظ السطوحى حاجه غريبه ايه هى بت يا محاسن هو باب الزريبه مفتوح تصدق باين مفتوح اجرى يا عبده اسبق كده وشوفه جرى عبده ولقاه مفتوح وهنا كانت المفاجاه يا با يابا الباب مفتوح والعجل مش موجود جوه بتقول ايه ازاى طيب وامه لا امه هنا اهى جرى السطوحى على الزريبه بيضرب كف بكف العجل اتسرق طول بالك يا سطوحى يا خويا انت متاكد انك كنت قافل باب الزريبه مش فاكر انا لما كنت بعلف الجموسه نادى عليا الحاج سيد ابو احمد وكلمته ودخلت تصدقى ممكن اكون نسيت اقفله طيب يبقى كده خير ويكون العجل طلع مشى ما اتسرقش وبعدين العجل صغير ومش حيبعد كلامك صح بس احنا كده سايبين الباب مفتوح من زمان يعنى ممكن يكون بعد طيب بس طول بالك وصلى على النبى احنا كل واحد مننا يروح من شارع ويدور ويسال طيب يلا بسرعه احنا حنفضل نتكلم ونسيب العجل جرى كل واحد منهم فى جهه وفضلو يسالو وطبعا اكتر واحد زعلان فيهم هو الجموسه لان احساس الامومه عنها ما يفرقش عن احساس الامومه عند البنى ادمين وطبعا الجموسه بتنعر وعمرها ما تسكت الا لو شافت ابنها المهم راح السطوحى للحاج سيد ابو احمد يكون شاف العجل او حتى يدور معاه عليه فلقى سنيه هى اللى بترد عليه امال فين الحاج سيد يا ام احمد مش هنا والله يا ابو عبده امال فين عجلة العربيه اتخرمت وراح يصلحها عند السيد بتاع الكاوتش خير فى حاجه اصلى نسيت باب الزريبه مفتوح والعجل سايب وطلع ومشى لا حول ولا قوة الا بالله ومالقيتوش لا انا كنت عايز اسال الحاج سيد او ييجى يدور معايا طيب ما تزيع فى الجامع جايز يكون حد لقاه حلف لفه كده ولو مالقيتوش حروح بقى على الجامع واشوف وربتا يستر ان شاء الله ومايكونش حد خده لا ربنات يستر ان شاء الله يا ابو عبده شكرا يا ام احمد سلام عليكم وعليكم السلام ومشى السطوحى وشايف ولاده من بعيد بيدورو وبيسالو الناس وهو من همه مش شايف قدامه وكل ما يقابل حد بيساله ومافيش فايده فضلو حوالى ساعه كلهم بيدورو لحد ما زهقو واتقطع بيهم الامل انهم يلاقو العجل وعزيزه بقى فضلت تعيط وزعلانه لانها كانت متعلقه بالعجل ده زى ما انتم عارفين وامها اخدتها فى حضنها وبتفكر فى الجموسه اللى نفسها تاخد ابنها فى حضنها زى ما هى واخده بنتها فبدات تعيط هى كمان وتفكر لو كان حد من ولادها هى اللى تايه كان حيبقى حالها ايه المهم السطوحى قام وقال انا مش حقعد زى النسوان اولول انا رايح على الجامع اخلى الشيخ احمد يزيع عليه ومشى السطوحى والهم مالى ملامحه ومشناقص الا انه يعيط هو كمان ده اول عجل يتولد عنده ومشى واتوجه نحية جامع عطيه وراح قال مافيش غير كده وهو ماشى لقى الحاج سيد ابو احمد جاى من بعيد سايق العربيه الكارو بتاعته فعرف انه خلاص صلحها وراجع البيت بس استنو ده فى على العربيه حاجه !!!!!ايه ده ده شكله .......... هو....!!!!!!ده العجل !!!!!!!ازاى ده وايه اللى جابه مع الحاج سيد
ايه ياسطوحى ينفع منك كده ياراجل انت لقيته فين يا حاج سيد دا انا دخت عليه ياسيدى وانا طالع عشان اصلح العربيه وعلى اما طلعت على الاسفلت لقيته عيال ماسكينه وبيلفو بيه وبيسالو على صاحبه قلتلهم انتم لاقيينه فين قالولنا هناهو عند اول الشارع بتاعكم على الاسفلت فقلت ده حيبقى بتاعك واخدته وحطيته على العربيه بس قلت لازم اروح اصلح العربيه الاول قبل ما السيد يقفل فاخدته معايا وقلت ابقى ارجع بيه لو طلع بتاعك خير ولو ما طلعش بتاعك ابقى ازيع عليه فى الجامع ونشوف صاحبه مين كتر خيرك يا حاج سيد انت ما تعرفش العيال عاملين فى نفسهم ايه فى البيت وللا عزيزه دى لواحده عامله ميتم طيب اركب يللا خلينا نروحلهم بس قولى الاول هو طلع من الزريبه ازاى فاكر ياسيدى لما انت ندهت عليا العصر وانا فى الزريبه ايوه بعد ما كلمتك نسيت اقفل الباب بتاع الزريبه ومشينا ورحنا لامى كلنا ونسيته بقى خالص ولما رجعت مالقيتش العجل والحمد لله المال الحلال ما بيروحش ابدا الحمد لله انه ما وقعش فى ايد حد وطمع فيه قربو من البيت شافوهم العيال من بعيد وجم يجرو عليهم والفرحه مش سايعاهم وبقو حيشيلو العجل من على الارض شيل ولحد ما دخل العجل فى الزريبه وشافته امه كانت كانها بتموت واخدت الدواء مهو احساس الامومه مهوش بس بتاعنا احنا بس كبنى ادمين دى حاجه ربنا زرعها فى كل خلقه ومن حنية قلب السطوحى على العجل حلف ما هو حالب الجموسه انهارده وحيسيب اللبن كله للعجل ومحاسن ما عارضتش لانها ام وعارفه احساس الام حتى لو الام دى حيوان فهى برده!!!!!!!!!ام
وبكده الحمد لله ربنا كرم السطوحى وعيلته كرم مايحسوش غير اللى يعرف ربنا ويعرف نعمه وبكره ان شاء الله نشوف حيحصل ايه مع السطوحى الغشيم ومراته
ان شاء الله
|
|
| |
| موضوع: رد: يوميات السطوحى الغشيم ومراته محاسن .. الحلقة السابعة الجمعة يناير 14, 2011 7:44 pm |
| الحلقه دى اعطتنى احساس انها حقيقيه وحصلت بالفعل مش مجرد قصه من وحى الخيال لانى شفت بعينى اد ايه حزن الفلاح على الحيوانات بتاعته لو اصابها اى مكروه تتسلم ايدك يابو حمزة وفى انتظار الباقى
|
|
| |
| موضوع: رد: يوميات السطوحى الغشيم ومراته محاسن .. الحلقة السابعة الجمعة يناير 14, 2011 8:21 pm |
| تسلم ايدك يا بو حمزه جميلة جدا قصة السطوحي الغشيم
|
|
| |
| موضوع: رد: يوميات السطوحى الغشيم ومراته محاسن .. الحلقة السابعة الجمعة يناير 14, 2011 8:32 pm |
| صعبوا عليا والله بس الحمد لله لقوا العجل ههههههه كلنا اشتياق يا ابو حمزه لكل حلقاتك الجميله دمت لنا بكل خير يا غالى
|
|
| |
ابوحمزه...::| المراقب العام|::... جـنـسـى :
بــــــلادى :
هــــوايتى :
وظــيفتى :
عــــــمرى : 49
عدد مساهماتى : 3146
تاريخ ميلادى : 04/05/1975 | موضوع: رد: يوميات السطوحى الغشيم ومراته محاسن .. الحلقة السابعة الجمعة يناير 14, 2011 8:43 pm |
| الوئتي ياسي الاستاذ أني منيش لادد علي الحلم بتاع السطوحي علشان أني لا ممكن اكتب فيه بلاغ حتي لو سرق البهايم . أي نعم أني عارف ان هو حلم يعني كده وكده بس مهوش لادد علي علوله
|
|
| |
| موضوع: رد: يوميات السطوحى الغشيم ومراته محاسن .. الحلقة السابعة الجمعة يناير 14, 2011 9:01 pm |
| ملحوظة :- اللي بيزيع على حاجة ضايعة بيزيع في الجامع الكبير ( الطحنة ) بطل التحيز ده ياجمل اشمعنا جامع عطية جميع الحلقات مميزة وبالاخص الحلقتين 6و7 فيهم احاسيس طبيعية ومحسوسة موفق ياجمل
|
|
| |
| موضوع: يوميات السطوحى الغشيم ومراته محاسن 7 الجمعة يناير 14, 2011 9:19 pm |
| هههههههههههههههههههههههههههههههههههه
حبيب قلبى ياأبو دماغ مكلفة انتة
أتبن ياأخى كان فية هيصة عند جامع عطية امبارح
وأنا أقول الواد حمزة عمل حاجة .. ضرب حد
يلا حمدلله على سلامة العجلة ومن هنا نداء الى كل الناس
متسبش باب الزريبة مفتوح اصل يروح عجلك هههههههههههههه
تسلم والله ياأبوجمزة ... لقد أدخلت البهجة على المنتدى
[ندعوك للتسجيل في المنتدى أو التعريف بنفسك لمعاينة هذه الصورة]
|
|
| |
| موضوع: رد: يوميات السطوحى الغشيم ومراته محاسن .. الحلقة السابعة السبت يناير 15, 2011 11:42 am |
| - ابوحمزه الجمل كتب:
- ا
المهم راح السطوحى للحاج سيد ابو احمد يكون شاف العجل او حتى يدور معاه عليه فلقى سنيه هى اللى بترد عليه امال فين الحاج سيد يا ام احمد مش هنا والله يا ابو عبده امال فين عجلة العربيه اتخرمت وراح يصلحها عند السيد بتاع الكاوتش=DarkRed]color]
انا مش عارف إنت بتجيب الكلام ده منين ( ماشاء الله عليك )
جزاك الله خير .. من أجمل ما كتب في المنتدى ..
وفي إنتظار الحلقات القادمة ....
|
|
| |
| موضوع: رد: يوميات السطوحى الغشيم ومراته محاسن .. الحلقة السابعة السبت يناير 15, 2011 3:45 pm |
| أخي السيناريست والمبدع أبو حمزة الجمل لا تتصور فرحتي وأنا أقرأ حلقاتك الجميلة ولو لم يفرز المنتدي غيرها لكفتنا وبصراحة بتشبه مسلسل عيلة مرزوق في الإذاعة وإن شاء الله لما نفتتح إذاعة منتدي شباب برمبال يكون السطوحي الغشيم أولي المسلسلات التي بنبدأ بها وفي انتظار المزيد من ابداعاتك الرائعة .
|
|
| |
| موضوع: رد: يوميات السطوحى الغشيم ومراته محاسن .. الحلقة السابعة السبت يناير 15, 2011 5:58 pm |
| - العنقاء كتب:
- الحلقه دى اعطتنى احساس انها حقيقيه
وحصلت بالفعل مش مجرد قصه من وحى الخيال لانى شفت بعينى اد ايه حزن الفلاح على الحيوانات بتاعته لو اصابها اى مكروه تتسلم ايدك يابو حمزة وفى انتظار الباقى انا بفتكر مره عند جيراننا واحد مات عنده بقره عملو ميتم والناس لبست اسود وراحت تعزى وخصوصا الفلاح الغلبان اللى بتبقى المواشى هى راس ماله ودى فعلا حقيقة شكرا على متابعتك المستمره من اول اليوميات
|
|
| |
| موضوع: رد: يوميات السطوحى الغشيم ومراته محاسن .. الحلقة السابعة السبت يناير 15, 2011 6:02 pm |
| - خالد برمبالى كتب:
- تسلم ايدك يا بو حمزه جميلة جدا
قصة السطوحي الغشيم
اكشكرك اخى خالد على مرورك ومتابعة اليوميات
|
|
| |
| موضوع: رد: يوميات السطوحى الغشيم ومراته محاسن .. الحلقة السابعة السبت يناير 15, 2011 6:06 pm |
| - ابو تسنيم كتب:
صعبوا عليا والله بس الحمد لله لقوا العجل ههههههه كلنا اشتياق يا ابو حمزه لكل حلقاتك الجميله دمت لنا بكل خير يا غالى
مايصعبش عليك غالى يا ابو تسنيم ويسعدنى متابعتك لليوميات وارجو ان اكون عند حسن ظن الجميع
|
|
| |
| موضوع: رد: يوميات السطوحى الغشيم ومراته محاسن .. الحلقة السابعة السبت يناير 15, 2011 6:10 pm |
| - ابوحمزه كتب:
- الوئتي ياسي الاستاذ أني منيش لادد علي الحلم بتاع السطوحي علشان أني لا ممكن اكتب فيه بلاغ حتي لو سرق البهايم . أي نعم أني عارف ان هو حلم يعني كده وكده بس مهوش لادد علي علوله
عم الحاج السطوحى عنده كل المستندات اللى تثبت انك كتبت بلاغ فى الحلم وبخط ايدك وليك عليا فى الحلم الجاى ابقى اجيبهم منه واعرضهم على المنتدى ولو عايز رقم المحضر مش حجيبه عشان مافيش ارقام هههههههههههههههههههه شكرا على المتابعه
|
|
| |
| موضوع: رد: يوميات السطوحى الغشيم ومراته محاسن .. الحلقة السابعة السبت يناير 15, 2011 6:19 pm |
| - هاني البسطويسي كتب:
- ملحوظة :- اللي بيزيع على حاجة ضايعة بيزيع في الجامع الكبير ( الطحنة )
بطل التحيز ده ياجمل اشمعنا جامع عطية اهو انت عملت زى اللى وقع منه شلن فى شارع ضلمه را ح يدور عليه فى شارع فيه نور ههههههههههههههههههه ولا يهمك ياعم وعد منى لما يضيع العجل تانى حجبر السطوحى انه يجيب القمرى ويلف احسن هههههههههههههههههه شرفنى مرورك يا باشا وارجو ان تعجبك باقى اليوميات ان شاء الله
|
|
| |
| موضوع: رد: يوميات السطوحى الغشيم ومراته محاسن .. الحلقة السابعة السبت يناير 15, 2011 6:22 pm |
| - SAAD.BASHA كتب:
هههههههههههههههههههههههههههههههههههه
حبيب قلبى ياأبو دماغ مكلفة انتة
أتبن ياأخى كان فية هيصة عند جامع عطية امبارح
وأنا أقول الواد حمزة عمل حاجة .. ضرب حد
يلا حمدلله على سلامة العجلة ومن هنا نداء الى كل الناس
متسبش باب الزريبة مفتوح اصل يروح عجلك هههههههههههههه
تسلم والله ياأبوجمزة ... لقد أدخلت البهجة على المنتدى
[ندعوك للتسجيل في المنتدى أو التعريف بنفسك لمعاينة هذه الصورة] انت اللى منورنى والله يا عم سعد وببقى الاسعد بتعليقاتك الجميله شكرا على مرورك يا باشا
|
|
| |
| موضوع: رد: يوميات السطوحى الغشيم ومراته محاسن .. الحلقة السابعة السبت يناير 15, 2011 6:27 pm |
| - أبو عمار كتب:
- ابوحمزه الجمل كتب:
- ا
المهم راح السطوحى للحاج سيد ابو احمد يكون شاف العجل او حتى يدور معاه عليه فلقى سنيه هى اللى بترد عليه امال فين الحاج سيد يا ام احمد مش هنا والله يا ابو عبده امال فين عجلة العربيه اتخرمت وراح يصلحها عند السيد بتاع الكاوتش=DarkRed]color]
انا مش عارف إنت بتجيب الكلام ده منين ( ماشاء الله عليك )
جزاك الله خير .. من أجمل ما كتب في المنتدى ..
وفي إنتظار الحلقات القادمة .... والله يا ابو عمار الكلام ده من برمبال نفسها ويمكن اللى مخلى الناس يعجبها اليوميات انها ممكن تكون مع اى حد فينا لان كل برمبال فلاحين حتى اللى مش فلاح اصله فلاح واخوه فلاح او جده فلاح
واشكرك على كلماتك الرقيقه وارجو ان اكون عند حسن ظن الجميع واتمنى اراك دوما ابو عمار دمت بخير
|
|
| |
| موضوع: رد: يوميات السطوحى الغشيم ومراته محاسن .. الحلقة السابعة السبت يناير 15, 2011 6:31 pm |
| - المحامي كتب:
- أخي السيناريست والمبدع أبو حمزة الجمل
لا تتصور فرحتي وأنا أقرأ حلقاتك الجميلة ولو لم يفرز المنتدي غيرها لكفتنا وبصراحة بتشبه مسلسل عيلة مرزوق في الإذاعة وإن شاء الله لما نفتتح إذاعة منتدي شباب برمبال يكون السطوحي الغشيم أولي المسلسلات التي بنبدأ بها وفي انتظار المزيد من ابداعاتك الرائعة .
شكرا جزيلا اخى العزيز على كلماتك الرائعه التى اجلت تواضعنا بها واشكرك على مرورك واهتمامك
|
|
| |
| يوميات السطوحى الغشيم ومراته محاسن .. الحلقة السابعة | |
|
صفحة 1 من اصل 1 |
|