مواضيع جديده من واقع حياتنا العمليه وكيف نتعامل مع الدواء واستشارة الصيدلي قبل الذهاب الي الطبيب

يا رب

تنال الصيدليه ثقتكم ورضاكم

منتظركم

شاركوني في

طرح المواضيع

واختيارها وازاي نستفيد منها



منتظركم





وانتظروني في اول موضوع من واقع الحياة

تجربتي كصيدلي مع فيرس سي

اخوكم أحمد

يا رب انال حسن متابعتكم للموضوع

 

 

 

منور المنتدى والله يا دكتور


ممكن اسألك يا دكتور هو ليه اسعار الدوا غاليه في مصر

وازاى فيه دوا بسعر في صيدليه معينه وبسعر تاني في صيدليه تانيه

ينفع تقولنا هي الصيدليه بتحط نسبه ربح كام على اى دوا ولا مينفعش

شكرا ليك

 

ازيك يا دكتور

موضوع الدواء البديل يادكتور
احيانا نروح لدكتور اي تخصص وبعدين يكتب علي دواء معين وبعدين يأكد عليك الدكتور متجبش دواء بديل وفي الحقيقة الاقي الدواء ناقص بالصيدليات فيقوم الصيدلي بأعطائي دواء بديل وهي تقريبا نفس التركيبة
فهل بدائل الادوية تفي بالغرض ولا لازم اتباع اوامر الدكتور

مع العلم ان معظم الصيدلة بيتعاملوا مع الشركات بنسبة مربحة وكذلك الدكترة بمعني بيروح مندوب شركة للدكتور او الصيدلية مع شوية تخفيض مع شوية عينات مجنية واسلوبه مع الدكتر فيقوم الدكتر بكتابة الدواء للمريض

فما رأيك

 

ازيك يا دكتور

موضوع الدواء البديل يادكتور
احيانا نروح لدكتور اي تخصص وبعدين يكتب علي دواء معين وبعدين يأكد عليك الدكتور متجبش دواء بديل وفي الحقيقة الاقي الدواء ناقص بالصيدليات فيقوم الصيدلي بأعطائي دواء بديل وهي تقريبا نفس التركيبة
فهل بدائل الادوية تفي بالغرض ولا لازم اتباع اوامر الدكتور

مع العلم ان معظم الصيدلة بيتعاملوا مع الشركات بنسبة مربحة وكذلك الدكترة بمعني بيروح مندوب شركة للدكتور او الصيدلية مع شوية تخفيض مع شوية عينات مجنية واسلوبه مع الدكتر فيقوم الدكتر بكتابة الدواء للمريض

فما رأيك



اهلا بيك يا ابوعبدالرحمن



بالنسبه للدوا البديل اولا هسالك ليه تعددت الشركات المنتجه لان خط انتاج الدوا ونسبه المواد الفعاله الخام وكميه الشوائب فيها يعني الماده دي نقيه زاللي فيها نسبه شوائب اقولك تعتبر شركه سيد من اقدم شركات الادويه وشوف اسعار الادويه بتاعتها رخيصه وبيكون مفعولها اكيد لكن زي مانت بتقول مندوبين الادويه ودا كلام غلط دا علشان تداول الدواء ومعرفته الدكاترة بيه لكن الوقت الحاضر موجود تطور والشركات بقت بتستخدم تقنيات عاليه الجوده وخط الانتاج بقي كويس بس المشكله مش في الاطباء
المشكله الوقتي في الصيادله لانهم بيشغلوا معاه ناس مش فاهمه الدكتور دا كاتب الدوا دا ليه مع انه نفس التركيبه ونفس الماده وما يعرفوش ايه الفرق
وللاسف بقي الوقتي بيطلقوا عليه بديل


اما بالنسبه للنسب المربحه دي احيانا في ادويه نسبتها 30 لما يكون الدوا بكميه كبيره من الشركه فلازم تاخد خصم كويس وموضوع الدكاترة دا بيبقي قله ضمير والله اعلي واعلم



ومتشكر علي مرورك ويا رب اكون وصلت المعلومه

 

 

الافوكاتو بتاع بناتو كتب:

متشكر لك يا استاذ عبد المنعم المنتدي منور بيك
بالنسبه لاسئلتك
اولا
الدوا في مصر مسعر جدا جدا
ثانيا
مفيش الكلام دا جبته منين الدواء مسعر
ثالثا الصيدلي اللي يبيع الدوا سواء غالي او رخيص يكون خاين لمهنته وللناس وكمان الله اعلم بيجيب الدوا بتاعه دا منين
رابعا
مفيش حاجه اسمها نسبه ربح اسمها نسبه خصم ودا للصيدلي فقط وبيكون 10% فقط اما المريض مفيش حاجه زي كدا ولو الصيدلي عمل كدا يبقي بردوا غلط ولو من باب المجامله ويحطه تحت طائله القانون ولازم يتبلغ عنه
ومتشكر علي اسئلتك الرائعه
وبجد وحشتنا جدا وحشتنا ايامك

هو كدة عبد المنعم ديما بيجيب حكيات من دماغه يعني بيحلم وهو صاحي

وشكرا يادكتور وصلت المعلومة جزاك الله كل خير وزادكم علما

 

لو سمحت يا دكتور فيه واحد طلب مني اعرف الدوا اللى بيخده ده بتاع ايه لان الدوا ده نشرته بالانجليزي كلها وهو مرسوم عليه كبد بس مش عارف بينشط ولا بيعمل ايه بالضبط للكبد ممكن تفيده لو سمحت


الدوا اسمه pennel
كبسولات

 

 

الحقيقه فكره رائعه جدا عامله حاله كده من Interactive Pharmacy


موفق والى الامام يادكتور ويكفى اننا عارفين المصدر اللى هايجاوب وده كفايه لان الاجابه هاتيجى من مصدر موثوق منه
بس عندى سؤال لحضرتك


بالنسبه للعلاج بالاعشاب او Alternative Medicine
هل ده فعلا حقيقى ولا ده فيه مغالطه كبيره ؟

كثيرا مايقولون ان العلاج بالChemicals عمره مابيداوى مرض لانها وببساطه كل الادويه ماهى الا Pain killers او بنسكن المرض بس هل ده حقيقى؟
ولسه فيه بس كفايه الان عشان اعطى فرصه لغيرى
وشكرا لك مقدما

 

وكمان الحصول علي الاعشاب احيانا بيكون صعب جدا وبيكون فيها مركبات تانيه كتير وبناخد منها اكتر المواد مركزة فيها ومش كل المواد اللي في العشب دا

وثانيا ازاي الادويه هتكون مسكنات وما بتعالجشي يبقي العلم دا كله في الفاضي

يبقي علمائنا كلهم زي ابن البيطار وابن حيان وابن سينا وابو بكر الرازي كانوا بيضرونا وعلم الطب والدوا دا اساسه الاطباء العرب ولسه لحد الان بيتعلموا منهم

ومتشكر جدا علي سؤالك وهو فعلا سؤال كويس جد ا وان شاء الله نعمل موضوع جديد عن المعشبه الطبيه وفوائد الاعشاب واضرارها والمواد الكيميائيه المستخرجه منها والاسم التجاري لها والموجود منها في الصيدليه وفي الاسواق التجاريه







يا رب اكون وصلت المعلومه لحضرتك

 

طب شكرا على التوضيح يادكتور وانا كل كلامى فى اطار السؤال وليس المعلومه


وشكرا على توضيحك

 

 

عليكم السلام يا عبد المنعم كيف اخبارك
احنا قلنا في اول كلامنا ان الدواء في مصر مخفض ومسعر عن العالم الخارجي
وكمان الديباكين كان مستورد ومدعم لكن الوقتي بيتصنع في مصر والمواد الخام بيستوردوها علشان يوفرو المنتج في مصر وكمان السعر بيزيد علي المستهلك وبيكون قرار من وزير الصحه لكن احنا ما باليد حيله والموضوع دا من زمان جدا ولو انت عاوز نعمل احتجاج انا مستعد بس نبدا وانا معاكم [color=blue][/color][/b]

 

 

- زيت الخروع: مفيد ومغذي للشعر ويساعد على اطالة الشعر واستخدامه بشكل يومي للرموش يزيد من كثافتها.

- زيت الجرجير: مفيد ومغذي للشعر بالذات الجاف...

زيت اللوز: من افضل انواع الزيوت المفيده والمغذيه والتي تعطي لمعه للشعر بعد الحمام...

- زيت النخاع: مفيد ومغذي ومطول للشعر..

- زيت جوز الهند: معروف بفائدته

- زيت الصبار: من افضل الزيوت المفيده للشعر ويدخل في خلطات كثيرة للشعر

-

زيت السمسم : مغذي ومفيد لاطالة الشعر

 

 

 

 

 

abdelmun3em[size=29] كتب:

يلاحظ في الفترات الاخيرة انتشار الامراض المزمنة والمستعصية بين المصريين بدرجة كبيرة مثل والعياذ بالله لكل المسلمين السرطانات بانواعها والكبد وامراض القلب والانفلونزا بانواعها فما هو الاسباب الرئيسية لانتشار تلك الامراض بصورة ملحوظة

هل هي مافيا من شركات الادوية لبيع اكبر كمية من الادوية
ام هي نتيجة مبيدات زراعية ترش بها محاصيل الاراضي الزراعية
ام هي نتيجة لارتفاع معدل سكان مصر فزادات بالتالي نسبة الامراض
ام هي وعي ثقافي وقلة وقاية صحية
ام ماذا بالضبط نرجوا سرعة الرد مع التوضيح وشكرا لكم

السلام عليكم ورحمه الله وبركاته
اولا
الامراض المزمنه موجوده منذ قديم الازل ولكن مع كثرة المواد الكيماويه والاغذيه المسرطنه كما فعلت وزرارة الزراعه من جلب قمح مسرطن وغيرة حاجات كتيرة جدا
ومعظم المواد الحافظه والله اعلم بيحفظوا الاطعمه بايه وكثرة تناول الدهون يؤدي الي كثرة التعرض للامراض المزمنه مثل تشمع الكبد والقلب والفيروسات تلاقي مسرحها لتهاجهم الجسم
مافيا شركات الادويه ازاي دي هي الشركات هتعطي ادويه في غير موضعها او ادويه تؤدي الي زياده الامراض ام خفض نسبه المرض

المبيدات الزراعيه
هي الجزء الاكبر من زياده الامراض
زياده سكان مصر
اومال الصين تعمل ايه

الرسول صلي الله عليه وسلم قال تناسلوا تكاثروا فاني مباهي بكم الامم يوم القيامه
وعي ثقافي

اظن ان الوعي الثقافي بيقي من الامراض واللي ايه

 

ابو تسنيم كتب:

بارك الله فيك د احمد وجعله فى ميزان حسناتك
لى استفسار بسيط يا فندم وقلق فى نفس الوقت
انا بقالى كام يوم بحس بانتفاخ والله يكرمك غازات بطريقه غير عاديه
خايف ان يكون فى حاجه بخصوص القولون وياريت يا فندم
لو تقولى على اسم دواء يكون فعال للتخلص من الغازات دى وتظبيط عملية الهضم ويكون الدواء موجود فى السعوديه والف شكر يا د احمد

السلام عليكم ورحمه الله وبركاته

كل عام وانت بخير اخي
ومتشكر لحضرتك وان شاء الله تكون دايما بخير وسلامه
اما بالنسبه لسؤالك لا تقلق

اولا بالنسبه لانك خارج مصر اول حاجه بتعمل انتفاخ وعصر هضم هي التغذيه وطريقه الاكل وخاصه اكل السعودين دسم جداومسبك

المهم علشان نزيل الاعراض دي تتبع الاتي شرب النعناع الدافئدا مريح جدا وبيعمل علي اذابه الدهون وازاله الانتفاخ
اما لو حضرتك محتاج علاج في كتير جدا
مثل سبازموكانيولاز او سبازموديجستين او ديجست ايز والادويه دي لعصر الهضم والانتفاخ
اما الانتفاخ فقط فموجود ديسفلاتيل اقراص او فلاتيديل اقراص
اما القولون فمفيش قلق ان شاء الله اهم حاجه الاكل اللي بتاكله وبالنسبه للخضراوات ما تكترمن اكلها لانها اللي بتهيج القولون

ادويه القولون منها كولونا كولوسبازمين فورت اقراص

وان شاء الله بالشفا

ونورت الصيدليه يا ابو تسنيم