خطة مشروع كافيه Summer

تاريخ ميلادى : 09/12/1996

السلام عليكم ورحمة الله وبركاته

حبيت أقدم لكم خطتنا وهى مشروع الكافيه

الإسم:

كافيه Summer

(بمعنى الصيف)

دلوقتى خطتنا وقتها 30يوم

فهنقسم أيامنا على حسب المده
وهى (5أيام)

أولا:

الأيام:5

النشاط:دراسة إجتماعيه

الأفراد:5

**********

ثانيا:

الأيام:5

النشاط:تجهيز المكان المناسب

الأفراد:5

************

ثالثا:

الأيام:5

النشاط:البحث عن أشخاص ذو خبره

الأفراد:5

************

رابعا:

الأيام:5

النشاط:التمويل قرض بضمان المكان(100000)

الأفراد:5

****************

خامسا:

الأيام:5

النشاط:مكونات الكافيه

الأفراد:5

******************

سادسا:

الأيام:5

النشاط:طريقة المعامله والعمل فى الكافيه

الأفراد:5

&&&&&&&&&&&&&&

مكونات الكافيه

1-ركن عائلات
2-ركن الشباب
3-ركن البنات
4-سيبر
5-مشروبات

**************

وهذه كانت خطتنا

فما خطتك؟

تاريخ ميلادى : 28/05/1995

خطتنا كانت كاك كاك
ههههههههه
مشروع تربيه دواجن وده رابح ميه في الميه
وانشاء الله بسمه هتعمل موضوع بالخطه بتاعتنا

تاريخ ميلادى : 18/01/1992

انا من وجه نظرى الشخصيه ان الكافيه دى كخطه ميه ميه لكن كمشروع انا شايف انها مينفعش فى بلدنا ممكن ينفع فى مصيف فى مدينه كبيره كده يعنى ....تقبلوا مرورى

تاريخ ميلادى : 20/07/1987

هههههههههههههه

مشكورة يا مريم

اولا ..مشروع تربية دواجن ..وطلقنا عليه اسم ( كاك كاك ) عشان يكون عنوان جذاب ويلفت الانتباه

ثانيا في بداية الخطة ..انا اخترت موضوع مناسب للبيئة اللي انا فيها ..مشروع دواجن بما ان البيئة ريفية ..يعني مش هاتخد مننا وقت

المشروع تكلفته مش عالية ..هما 5000 بس .... وان شاء الله متوفرين

الخطة كالاتي مقسمه علي 30 يوم

10 أيام ...عشان نشوف مكأن مجهز لتربية الدواجن ( اي مزرعه )

وطبعا بعد ما نلاقيها لازم هايكون في صيانه وتطهير للمزرعة دي

5 أيام ...صيانة وتطوير للمزرعة

والتجهيزات اللازمة من أعلاف و تحصينات

5 أيام ..تجهيز الاعلاف والتحصينات

والعمالة اللازمة لرعاية المزرعة

5 أيام ..لتجهيز العمالة اللازمة للمزرعة

لسسسسسسسسسسه أهم حاجة ..الكتاكيت اللي هانجبها للمزرعة

5 أيام ..للكاكيت طبعا أهم خطوة للخطة

ولو عايزين تعرفوا الميزانة نقولها ..بس هما قالوا انها خطططططططة و ليست دراسة جدوي

ونتمني الربح الوفييييييييير للجميع

تاريخ ميلادى : 09/12/1996

شكرا مصطفى لمرورك
ويكا الشقى
أنا شايفه أن بلدنا خلاص عن قريب هتبقى مدينه
ولازم إحنا كمان نفكر فى الخطه دى للمستقبل علشان من خلالها بجد
بلدنا هتبقى جميله فعلا وكمان نعمل حاجه للمرأه مش كل حاجه هنا للشباب حرام كده
بسمه خطتكم عجبتنى بس فيها شويه حاجات كده مش حلوين
ويعنى أنا درست ورشة العمل دى أكتر من مره
المفروض إننا مش نكتب مكسبنا وخسارتنا لأن كمان ربنا عالم بالغيب وإحنا مش عارفين إيه هيحصل بعد ساعه فعشان كده بعض الحاجات مش معاكوا فيها
نورتونى ياجماعه شكرا ليكم

خطه كويسه وانا اول واحد هاجى بس مش هدفع فلوس طبعا هههههههههه

تاريخ ميلادى : 09/12/1996

شكرا لمرور حضرتك
بس طبعا مش هنسيب حد غير لما ناخد منه الفلوس
هههههههههههه
حتى من أبهاتنا وأمهاتنا
أومال هنكسب منيييييييييين

نورت التوبيك

تاريخ ميلادى : 20/07/1987

ويعني انت ضامنه ان الكافية هايفضل شغال طول الوقت

انا بصراحة بلاقي ان النوعية دي بتشتغل اول ما بتتفتح وبعدين بتهبط خالص

ثانيا انا لما اتكلمت عن الموضوع قولت مدته 45 يوم بببببس

يعني دورة واحدة

وكمان لو اتعمل هايكون في موسم مناسب

وبعدين وقت انفلونزا الطيور ..انت أكلت فراخ ولا لاء ؟؟؟

وبعدين يا مريومه يا سكر ربنا يقدركم وتقدروا تنفذووووووا

تاريخ ميلادى : 09/12/1996

مش قصدى يابسمه
بس اصل انتوا كتبتوا المكسب فى الوقت ذاته
يعنى محدش عالم
بعدين وزارة الصحه منعة اى مزرعة دواجن تتفتح بعد
ما سمعنا عن انفلونزا الطيور
ههههههههههه
ربنا يعينكم انتو كمان

تاريخ ميلادى : 03/03/1990

طيب الحمد لله مشروع الكافيه بتاعنا هو الى كويس

دا مش اعتراض منى على المزرعه طبعا

المزرعه كمشروع جميل جدا ومكاسبها كبيره لكن خسارتها بتبقى جامده جدا

اما الكافيه هيكون فى الصيف شغال بس فى الشتاء العكس شغله خفيف

وطبعا كل مشروع بيبقى له مواسم الدواجن مواسمها اكتر من الكافيه اكيد

فدائما ما نحتاج للدواجن فى المحلات والمنازل اما الكافيه صيفا فقط

وطبعا زى ما قالو حبايبنا حبيبى دائما و ويكا الشقى انهم هيقعدو ومش هيدفعو فلوس

كده نقفل المشروع من اوله يا رجاله وبلاش منه ان انتم مدفعتوش مين هيدفع

منورين التوبيك وشكرا لمريومه على التوبيك

تاريخ ميلادى : 20/07/1987

اوك يا جماعة

هانعمل موضوع منفصل لآي اسئلة

وكل صاحب مشروع يجاوب عن الاسئلة اللي عايزين حضراتكم تسألوها

"""""""""""""""""""""""""""""""""""""""""""""""""""""""
وطبعا أكتر موضوع هايبقي عليه الاسئلة مشروع الدواجن

انا مش عارفه لو مفيش مزارع دواجن اتعملت وكل واحد فكر زيكم كدا في المخاطر قبل المكاسب

يبقي محدش هاياكل فراخ خاااااااااااااااالص

فال الله ولا فالكم

ههههههه

تاريخ ميلادى : 09/12/1996

عندك حق يا عبدالله
بس وزارة الصحه دلوقتى بتمنع المزارع والحاجات دى
وخصوصا إن بلدنا من إنهارده ضاعت يعنى مشروع بعد ماكان كويس وجميع
ومضمون دلوقتى بقى مشروع فاشل محدش يزعل منى لكن دى الحقيقه
البلد باظت والله بجد
شكرا لمروركم

تاريخ ميلادى : 20/07/1987

هههههههههههههههههه

وزارة الصحة بتمنع.. انت شغالة في وزارة الصحة ولا ايه؟؟؟؟؟

ماااااااااشي يا ستي يقفلوها بالمرة

يا جماعة احنا بنتكلم فى ايه ؟ مشروع نغامر فيه ب 100 الف ولا مشروع تكلفته 5 الاف و دورة راس المال فى اسوأ الاحوال لا تتعدى 3 شهور

انا رائى اننا نعمل مشروع نشغل فيه شباب البلد العاطلين

لاء يا عبد الله مش تنسى ان احنا مشتركين فى مركز الدقهليه لتنميه يعنى وايه لو احنا مش دفعنا مين هيدفع دى انتا بتبسنا ولاايه
لازم نكون معاكوا وثانيا انا لما اقعد واشرب زى منا عايز ومش هتدفع فلوس هقول لصحابى دى الخدمه عندكم ممتازة وبكده اجبلكم ناس ولا ايه

ومتخافيش يا مريم انا هدفع بس تاتا تاتا ههههههههه

تاريخ ميلادى : 09/12/1996

بسمه
لا مش بشتغل بس مجرد معلومات يابنتى
هههههههه

**********
bnb
والله أنا مش فاهمه قصد حضرتك يعنى تقصد إيه؟؟؟؟

***********
على عيطه
والله نورت التوبيك
وده مجرد تفكير او عمل عصر ذهنى
لعقلنا وكمان ازاى نعرف نفكر
ويمكن يمكن المشروع يتنفذ [ندعوك للتسجيل في المنتدى أو التعريف بنفسك لمعاينة هذه الصورة]

***********
حبيبى دائما

لا مينفعش على فكره
الى مش هيدفع الفلوس لما المشروع يتعمل هينطرد بره [ندعوك للتسجيل في المنتدى أو التعريف بنفسك لمعاينة هذه الصورة]
يعنى معندناش رحمة فى الحاجات دى
بعدين احنا هنعمل اعلانات عنه يعنى مش عايزين من حد حاجه [ندعوك للتسجيل في المنتدى أو التعريف بنفسك لمعاينة هذه الصورة]

&&&&&&&&&&&
نورتونى ياجماعه

تاريخ ميلادى : 03/02/1989

ههههههههههه

أنا مع مشروع الكافية وموافق علية

بس المكان فين والناس المخلصة الى هتشتغل فية

وأنا هشترك معاكم فية لو هتعملوة فى الصيف انا معاكوا فية

ان شاء الله بس كوب النسكافية يبقة ب 2 جنية ولازم الى يشرب يسيب تبس

للشغال يعنى الراجل رايح جاى بالكوباية والمية وانتة مش عاوز تقدرة

تاريخ ميلادى : 09/12/1996

عمو سعد والله منور
وشكرا لحضرتك علشان وافقت عليه وعجبك
هيتعمل فى الارض الزراعيه الى جمب مدرسة كاميليا
ههههههههههه
ونبقى نشوف بقى الأسعار وقتها
وحضرتك هندخلك ببلاش
بشرط
تجيب زبائن من أمريكا [ندعوك للتسجيل في المنتدى أو التعريف بنفسك لمعاينة هذه الصورة]

نورت التوبيك