| يوم فى حياة عضو الاستاذ ( ابو حمزه الجمل ) | |
|
|
كاتب الموضوع | محتوى الموضوع |
---|
| موضوع: يوم فى حياة عضو الاستاذ ( ابو حمزه الجمل ) الجمعة مايو 27, 2011 2:36 pm |
| إخوانى وأخواتى الكرام أسعد الله أوقاتكم بكل خير نستكمل برنامجنا ( يوم فى حياة عضو ) تذكير بفكرة البرنامج - اقتباس :
- السلام عليكم
موضوع جميل وخفيف وياريت الجميع يشارك فيه الفكره عجبتني وحبيت اطبقها في منتدانا...
سنقوم باستضافة عضو..يحكي لنا عن مسار يومه منذ ان يصحو صباحاً حتى يحل الليل وينام...
متحدثاً بحريه تامة وبأسلوب..عفوي جداً.و جميل لو كان به بعض المــرح والإنطلاق والتحرر من قيود المواضيع الرتيبه
حتا لوكان التحدث عن يوم عادي وليس يوم إجازه وذكر التفاصيل ليكون الموضوع ممتع...
وفى نهاية اللقاء يتفضل الضيف باختيار عضو لكى يحكى لنا يوم من حياته ضيفنا اليوم أنا اعتبره فــــــاكــهة المنتدى يمتاز بالبساطه وروح الفكاهه ومتواضع جداااااا معنا ومعكم الشخصيه المتألقه فى سماء المنتدى ( ابو حمزه الجمل )
[ندعوك للتسجيل في المنتدى أو التعريف بنفسك لمعاينة هذه الصورة]
مرحبا بك اخى الحبيب ابو حمزه الجمل [ندعوك للتسجيل في المنتدى أو التعريف بنفسك لمعاينة هذه الصورة]وبص بقى يا عم الحاج ايااااااااااااك تسيب فسفوسه من غير متقولها انا منتظرك انت بالذات
|
|
| |
| موضوع: رد: يوم فى حياة عضو الاستاذ ( ابو حمزه الجمل ) الجمعة مايو 27, 2011 2:47 pm |
| مرحباً بك أخى العزيز أبــــــو حـــــمـــــــزة طبعاً دى فرصة طيبة أننا نتعرف عليك أكتر من خلال يوم من حياتك،دعوة إلى الله أن يبارك لك فى جميع أوقاتك،ويجعلها مليئة بالخير والسعادة بعد ترحيبى واعتزازى بوجودك معنا بصورة أقرب بطلب منك تحديد أرقام وعناوين لأهم أيام حياتك بصفة عامة،واليوم الأقرب إلى نفسك بصفة خاصة متأكدة -بمشيئة الله-هتكون استضافة ممتعة وشيقة، لأنها من شخصية يُعرف عنها أدبها الجم وذوقها الرفيع بانتظار ما تجود به علينا من أحداث أثق فى خيرها الوفير من شخصية متواضعة تقبل تحياتى واحترامى
[ندعوك للتسجيل في المنتدى أو التعريف بنفسك لمعاينة هذه الصورة]
|
|
| |
| موضوع: رد: يوم فى حياة عضو الاستاذ ( ابو حمزه الجمل ) الجمعة مايو 27, 2011 3:59 pm |
| نورت البرنامح ياأبوحمزة أن شاء الله نقضي وقت طيب معاك احكي لنا ياعم الحاج ملابسات السفر مين اللي ساعدك وجاب لك الفيزة مين قابلك أول ماسفرت وإنطباعك عن أول يوم في الغربة وكنت عامل حسابك انك تقعد أديه في الغربة وناوي تكمل أد إيه إحكي ياعم وراجع لك تان
|
|
| |
| موضوع: رد: يوم فى حياة عضو الاستاذ ( ابو حمزه الجمل ) الجمعة مايو 27, 2011 4:12 pm |
| ابو تسنيم الغالى بتقول عليا فاكهة المنتدى واكيد مستضيفنى فى البرنامج ده عشان تاكلونى بس خليك فاكر لك يوم يا ابو تسنيم
شكرا يا عم على المقدمه الجميله دى واتمنى انى اكون على مستوى البرنامج المميز ده
|
|
| |
| موضوع: رد: يوم فى حياة عضو الاستاذ ( ابو حمزه الجمل ) الجمعة مايو 27, 2011 4:35 pm |
| - فاطمة كتب:
مرحباً بك أخى العزيز أبــــــو حـــــمـــــــزة طبعاً دى فرصة طيبة أننا نتعرف عليك أكتر من خلال يوم من حياتك،دعوة إلى الله أن يبارك لك فى جميع أوقاتك،ويجعلها مليئة بالخير والسعادة بعد ترحيبى واعتزازى بوجودك معنا بصورة أقرب بطلب منك تحديد أرقام وعناوين لأهم أيام حياتك بصفة عامة،واليوم الأقرب إلى نفسك بصفة خاصة متأكدة -بمشيئة الله-هتكون استضافة ممتعة وشيقة، لأنها من شخصية يُعرف عنها أدبها الجم وذوقها الرفيع بانتظار ما تجود به علينا من أحداث أثق فى خيرها الوفير من شخصية متواضعة تقبل تحياتى واحترامى
[ندعوك للتسجيل في المنتدى أو التعريف بنفسك لمعاينة هذه الصورة]
الاخت الغاليه فاطمه اشكر لكى ترحيبك االجميل وهذا ليس جديد على شخصيه مميزه مثلك وتلبية لطلبك هذه هى قائمة الارقام الهامه فى حياتى 1-1-1984 عيد ميلادى15-7-2004 اعتبره اسوا ايام حياتى وهو يوم وفاة امى رحمة الله عليها5-5-2005 اول يوم لى فى الغربه28-10-2007 يوم زواجى5-8-2008 ولادة اسد العيله (حمزه)
وبالنسبه للمعلومات الشخصيهالاسم - محمد السعيد محمد على الجملالمؤهل الدراسى - دبلوم ثانوى صناعى قسم زخرفه واعلان سنه 2000العنوان - برمبال القديمه \المبانى \على سكة صعب مباشرةارجو ان تكون هذه المعلومات كافيه ولى عوده للتحدث عن يومى وايضا الرد على استفساراتكم
فى رعاية الله
|
|
| |
| موضوع: رد: يوم فى حياة عضو الاستاذ ( ابو حمزه الجمل ) الجمعة مايو 27, 2011 4:58 pm |
| - هاني البسطويسي كتب:
- نورت البرنامح ياأبوحمزة
أن شاء الله نقضي وقت طيب معاك احكي لنا ياعم الحاج ملابسات السفر مين اللي ساعدك وجاب لك الفيزة مين قابلك أول ماسفرت وإنطباعك عن أول يوم في الغربة وكنت عامل حسابك انك تقعد أديه في الغربة وناوي تكمل أد إيه إحكي ياعم وراجع لك تان مشرف الموضوع يا اخ هانى وامتعتنا فى استضافتك جدا
وبالنسبه لملابسات السفر هى جت بعد ما توفت امى مباشرة فبعد وفاة امى قد خلى البيت على واصبحت وحيدا الا مع اختى اللتى كانت تعيش معى فى البيت نظرا لسفر زوجها فعرض ابى على ان يزوجنى فى ذك الوقت فرفضت وقلت له ما ستصرفه على لتزويجى اصرفه لسفرى وبعد سفرى لا اريد منك شيئا وامام اصرارى وافق ابى وكان ابى واخى يعملون فى شركة (الخليج للقوالب الخرسانيه الجاهزه )فى الامارات وعندما اراد ان يخرج لى فيزا فواجهته مشكله انى فى ذاك الوقت كنت ابلغ 21 عام ولا يصلح ان يخرجو لى فيزا وعندها قال لى ابى لن استطيع ان اخرج لك الفيزا وفى ذاك الوقت قمت بانشاء منحل فوق بيتنا وقد اكرمنى الله فيه كثيرا حيث ان بيتنا يشرف على الاراضى الزراعيه مباشرة وفى يوم من الايام وجدت اخى يتصل بى قائلا اذهب الى السنترال وستجد لك فاكس هناك وعند ذهابى وجدت الفاكس عباره عن صورة فيزة زياره وكانت المفاجاه لانى كنت قد بدات فى التعود على الاستقرار لان المنحل لا يعطلنى عن عملى الاساسى وهو استرجى (دهان الاثاث) فكان مشروع مساعد لى وفى خلال ايام كنت قد انتهيت من اجراءات السفر وسافرت فى يوم الخميس 5-5-2005 ومن مفارقات هذا اليوم انه كان يوم عيد ميلاد والدتى ال 50 فكان اليوم كله خمسات والغريب ايضا انه عند وصولى الى المطار ولم اغادر الطائره حطلت الامطار وهذا غريب هنا فى هذا الوقت من السنه حتى انى عندما قلت لابى ذلك وهو كان ينتظرنى مع اخى الاكبر فى المطار فحسبنى امزح معه ولم يصدق الا بعد خروجه من المطار ولكن كما قال اخى هانى دعوات الام ففعلا وجدت دعوات امى بعد توفيق الله فى كل شئ هنا فقد دخلت الشركة فى ايام كانت الشركة ترفض كل الوافدين لطلب العمل بها واكرمنى الله
اما عند وصولى الامارات غلبنى انبهار شديد من نظافة الشوارع وتخطيط الطرق والزراعه على جانبى الطريق ولكن ما ان مكثت قليلا حتى خبى هذا الانبهار بسلبيات كثيره ليس هذا المجال لذكرها اما المده التى كنت انوى ان امكثها هنا فانى كنت انوى الا اجلس اكثر من 6 سنوات وهى مدة اقامتين ولكن ادمان الغربه يغلب دائما هنا وانت اعلم منى بذلك اما بالنسبه للمده التى ساظل فيها هنا ساقوم بتحديدها ان شاء الله بعد نزولى الاجازه القادمه بعد فتره وجيزه ولكن غير محدده حتى الان وارى ما هو وضع البلد وما يمكننى العمل به فى البلد ان شاء الله
ارجو ان اكون قد اوفيت فى الرد على استفساراتك اخى الفاضل وانا تحت امرك فى اى استفسارات اخرى تقبل احترامى وتقديرى
|
|
| |
| موضوع: رد: يوم فى حياة عضو الاستاذ ( ابو حمزه الجمل ) الجمعة مايو 27, 2011 5:08 pm |
| بسم الله حبيبى واااد خالى برحب بيك بين أهلك وناسك ,احبابك هسن سنانى بس وراجعلك لما أصلى المغرب أصلى معنديش ولا سؤال ههههه بس هرجعلك أن شاء الله ..إستعد
|
|
| |
| موضوع: رد: يوم فى حياة عضو الاستاذ ( ابو حمزه الجمل ) الجمعة مايو 27, 2011 5:16 pm |
| - محمد غنيم كتب:
- بسم الله
حبيبى واااد خالى برحب بيك بين أهلك وناسك ,احبابك
هسن سنانى بس وراجعلك لما أصلى المغرب أصلى معنديش ولا سؤال ههههه
بس هرجعلك أن شاء الله ..إستعد هتسن سنانك وحتصلى المغرب انا مش خايف الا منك انا عارف انك حتطلع المستخبى بس خلى بالك التاريخ ما بيتمسحش واهم حاجه الانصاف فاهمنى انت صحمنورنى يا ابو حمزه 3
|
|
| |
| موضوع: رد: يوم فى حياة عضو الاستاذ ( ابو حمزه الجمل ) الجمعة مايو 27, 2011 5:21 pm |
| اهلا وسهلا بك ياابو حمزة في هذا اللقاء الجميل وكلنا في انتظارك تحكي عن يومك يتقضيه ازاي وربنا يوفقك ويسدد خطاك
|
|
| |
| موضوع: رد: يوم فى حياة عضو الاستاذ ( ابو حمزه الجمل ) الجمعة مايو 27, 2011 5:26 pm |
| - يهمك في ايه كتب:
- اهلا وسهلا بك ياابو حمزة في هذا اللقاء الجميل
وكلنا في انتظارك تحكي عن يومك يتقضيه ازاي وربنا يوفقك ويسدد خطاك اشكر ترحيبك اختى يهمك فى ايه وان شاء الله ربنا يوفقنى واكون عند حسن ظنكم جميعا شكرا لمرورك
|
|
| |
| موضوع: رد: يوم فى حياة عضو الاستاذ ( ابو حمزه الجمل ) الجمعة مايو 27, 2011 5:58 pm |
| بسم الله الرحمن الرحيمودلوقتى يا جماعه ابدا اقولكم بقى على تفاصيل يومى اولا طبعا عايزين تعرفو انا بشتغل ايه المشكله انى ما اعرفش انا بشتغل ايه بالظبط يوم نجار- يوم حداد- يوم مشرف عمال -يوم سواق مع انى ما معييش رخصة سواقه-وغيره وغيره...............وكله على حسب حاجة الشغل لكنى دلوقتى شغال فى التحميل والتفريغ وده موضوع كبير ممكن ابقى اتكلم عنه فى وقت تانى
ا بدا بقى يومى بيبدا يومى كل يوم الساعه 5 الصبح يضرب المنبه اقوم واصحى اخويا وهى نايم معايا فى نفس الغرفه وشغالين مع بعض فى نفس الموقع لكن فى مكانيين مختلفين اروح بقى الحمام واللاذى منه واجهز الاكل اللى هخده معايا الشغل واطلع بره الساعه 5ونص وده ميعاد الباص اللى بيودينا الشغل اروح الشغل بفضل قاعد شويه كده على اما العمال يفكو القوالب اللى اتصبت امبارح والمكان اللى شغال فيه حاليا شغال فى تصنيع سور ل 2000 فيلا فى ابو ظبى تبع شركتنا وتبع شركة تانيه اسمها الجابر واحنا شغالين فى اعمدة السور تحديدا وعلى اما يفكو القوالب تكون التريلا وصلت ونطلع الاعمده من القوالب ونحملها على التريلا وننقلها فى مكان التصليح يعنى حته اتكسرت والونش شايلها عامود ما اتصبش كويس يظبطوه ويصنفروه ويدهنوه عازل للميه عشان يكون جاهز يتنقل مره تانيه للموقع ويتركب فى المكان المخصص ليه والكلام ده ممكن ياخد مننا لحد الساعه 11.30قبل الظهر وفى الوقت اللى بنكون نقلنا الاعمده بيكون العمال نظفو القوالب وركبو الحديد الخاص بالاعمده اللى حتتصب انهارده وجهزوهم للصب والعمليه دى بيسموها فيتنج يعنى تجميع القوالب ممكن توصل الخرسانه الساعه 1بعد الظهر بعد ما نكون ريحنا وصلينا الظهر واتغدينا ويبدا بقى المرحله التانيه من الشغل فانا مسؤول عن مجموعة صب خرسانه مكونه من 10 افراد بنصب 40 عامود وبكده نكون خلصنا شغل النهارده وممكن نخلص الساعه 3 او 3.30او 4 على حسب ما الخرسانه توصل للموقع المسافه بين الموقع والسكن بتاخد تقريبا من 35 الى 40 دقيقه اوصل وطبعا ما بقدرش استحمى من مية الخزان لانها بعيد عنكم عامله كانها عدت على جهنم فى طريقها للخزان وده من شدة درجاة الحراره هنا فبقعد شويه عشان جسمى يبرد واكون فاتح التليفزيون اشوف الاخبار ع السريع وبعد كده اخد الميه الساقعه واتوجه على الحمام وبعد ما ارجع بقى يبدا بقى التفكير فى اكبر مشكلاتنا هنا والسؤال بتاع كل يوم (حنتعشى ايه) اشوف بقى حنطبخ ايه اجهزه على اما يكون اخويا رجع من الشغل كمان لانه بيتاخر عنى فى الشغل وبعد ما نتعشى بتكون الساعه وصلت مثلا ل 7.30 مثلا او 8 وبكده بقى تبدا جولة النت ابدا اشوف الردود على موضوعاتى وايه الموضوعات الجديده وان كنت ناوى اكتب موضوع جديد او فى دماغى فكره ومن هنا بقى انتم عارفين الباقى وممكن بعد ساعه بيكون الجماعه فى مصر فتحو النت واكلم حمزه وممكن بكده اوصل للساعه 11 وده ميعاد نومى
لكن برده اكبر مشكله بواجهها هنا انى المصرى الوحيد فى شغلى والباقى اما هنود او باكستانيين او بنغال والبنغال دول هما اللى من بنجلاديش ودول لواحدهم بقى مصيبه يعنى الواحد يتكلم مع طفل عنده 3 شهور يستجيب معاك لكن دول ................ والواحد بيكلم نفسه هناك وممكن ده سبب انى بكتب مواضيع كتير انى ما بعملش حاجه غير انى بفكر مع نفسى وبكلم نفسى يعنى الموضوع اللى بكتبه ممكن افضل اخمر فيه طول اليوم وكفايه كده بقى عليكم ونشوف بقى لو فى استفسارات ابقى اجاوبكم عليها واعتذر على الاطاله
|
|
| |
| موضوع: رد: يوم فى حياة عضو الاستاذ ( ابو حمزه الجمل ) الجمعة مايو 27, 2011 7:17 pm |
| انا كنت فى انتظار استضافه حضرتك يابو حمزة بجد شخصيه بسيطه ومتواضعه ربنا يسعدك ويخليلك حمزة وتفرح بيه
|
|
| |
| موضوع: رد: يوم فى حياة عضو الاستاذ ( ابو حمزه الجمل ) الجمعة مايو 27, 2011 8:26 pm |
| معلش ياابو حمزة انا لسه شايفة الموضوع دلوقتى كان نفسى يبقى اول مشاركة تكون ليا عشان انا صاحبة فكرة ان يكون العضو الجديد هو حضرتك ، وانا متوقعة ان من اجمل الايام هيكون استضافتنا لشخص مثلك مع احترامى لباقى الاخوة الكرام ، اما بالنسبة لتاريخ 5 _ 5 _2005 يوم الخميس والعيد ميلاد ال 50 فانا حاسة انك بتخمس فى وشنا ياابو حمزة ههههههه ، اللهم لاحسد يعنى ياابو حمزة ماشاء الله دعاء السيدة الوالدة رحمها الله عامل شغل جاامد انا ملاحظة يعنى واللهم لاحسد خد بالك انا ملاحظة ان الشغل مش تقيل اوى على حضرتك يعنى يعنى كل شوية يكون العمال مش زى الاستاذ هانى اوى يعنى دا الاستاذ هانى ده ربنا يعينه شغله واضح ان هو صعب اوى بس المهم دلوقتى انك تتقن عملك عشان ربنا يبارك لك فى رزقك متفرقش بقى صعب او مش صعب ، وربنا يعينك مع اللى انت شغال معاهم دول طيب هو انت بتتعامل معاهم ازاى ياابو حمزة؟؟؟ ، انا بس استفسار بسيط لما كل ده امال بتنام امته لما بتخلص 11 وبتصحى 5 امال بتنام امته بقى ياابو حمزة ربنا معاك ، بس فعلا يوم جميل مع عضو بارك الله فيه واسعده فى دنياه . شكرا وتقبل مرورى
|
|
| |
| موضوع: رد: يوم فى حياة عضو الاستاذ ( ابو حمزه الجمل ) الجمعة مايو 27, 2011 8:37 pm |
| - العنقاء كتب:
- انا كنت فى انتظار استضافه حضرتك يابو حمزة
بجد شخصيه بسيطه ومتواضعه ربنا يسعدك ويخليلك حمزة وتفرح بيه اسعدنى مشاركتك جدا وبارك الله فيك وتقبل دعاءك وجعل لك نصيب منه
|
|
| |
| موضوع: رد: يوم فى حياة عضو الاستاذ ( ابو حمزه الجمل ) الجمعة مايو 27, 2011 8:47 pm |
| - الجيوكاندا كتب:
معلش ياابو حمزة انا لسه شايفة الموضوع دلوقتى كان نفسى يبقى اول مشاركة تكون ليا عشان انا صاحبة فكرة ان يكون العضو الجديد هو حضرتك ، وانا متوقعة ان من اجمل الايام هيكون استضافتنا لشخص مثلك مع احترامى لباقى الاخوة الكرام ، اما بالنسبة لتاريخ 5 _ 5 _2005 يوم الخميس والعيد ميلاد ال 50 فانا حاسة انك بتخمس فى وشنا ياابو حمزة ههههههه ، اللهم لاحسد يعنى ياابو حمزة ماشاء الله دعاء السيدة الوالدة رحمها الله عامل شغل جاامد انا ملاحظة يعنى واللهم لاحسد خد بالك انا ملاحظة ان الشغل مش تقيل اوى على حضرتك يعنى يعنى كل شوية يكون العمال مش زى الاستاذ هانى اوى يعنى دا الاستاذ هانى ده ربنا يعينه شغله واضح ان هو صعب اوى بس المهم دلوقتى انك تتقن عملك عشان ربنا يبارك لك فى رزقك متفرقش بقى صعب او مش صعب ، وربنا يعينك مع اللى انت شغال معاهم دول طيب هو انت بتتعامل معاهم ازاى ياابو حمزة؟؟؟ ، انا بس استفسار بسيط لما كل ده امال بتنام امته لما بتخلص 11 وبتصحى 5 امال بتنام امته بقى ياابو حمزة ربنا معاك ، بس فعلا يوم جميل مع عضو بارك الله فيه واسعده فى دنياه . شكرا وتقبل مرورى
الحمد لله انا ما بخافش من الحسد وبسيبها لله ومعمرى ما دورت لكن دى فعلا حقيقه يوم الخميس 5-5-2005 وعيد ميلادها ال 50
وبالنسبه للتعامل معاهم انا اتعلمت الهندى وهما بيتعلمو عربى وبنتكلم نص هندى على نص عربى على شوية بهارات انجليزى وبتمشى وبالنسبه للنوم انا بنام من 11 الى 5 ولن نمت ساعه بالنهار خير ما نمتش خلاص واتعودت على كده خلاص
بجد اسعدنى مشاركتك اختى جيوكاندا ويسعدنى اعادة المشاركه مره تانيه
|
|
| |
| موضوع: رد: يوم فى حياة عضو الاستاذ ( ابو حمزه الجمل ) الجمعة مايو 27, 2011 8:57 pm |
|
منور يا أبو حمزه الجمل البرنامج والدنيا كلها ، سؤالي هو متي وأين الصلاة تكون داخل برنامجك اليومي ؟ كونك لا تحمل رخصه قيادة هل تسير في الموقع فقط وما حوله ؟ أم علي الطريق العام وفي أي مكان ؟ ، هل تحب أنت العمل بهذه الشاكله صاحب مهام متعدده ؟ أم فرضه الحال عليك ؟ ، وبارك الله لك في ايامك وجعلها ميزان يصحبك إلي مرضات رب العباد .
|
|
| |
| موضوع: رد: يوم فى حياة عضو الاستاذ ( ابو حمزه الجمل ) الجمعة مايو 27, 2011 9:04 pm |
| على فكرة ياابو حمزة انا بهزر مقصديش حاجة والله وعلى فكرة انا كمان مبعتقش فى حاجة اسمها حسد مع انى عارفة انه مذكور فى القرآن بس ازاى اللى بيخاف من الحسد ده وبيقعد يقول الله اكبر ربنا هيحميه هو اصلا مش معتقد ان ربنا هيحميه من الاول فازاى ربنا هيحميه اصلا مع كل ده ، و اشكرك على اهتمامك على الرد علىّ ، وبما ان حضرتك بتكلم هندى فممكن تقول لنا يعنى ايه شكرا بالهندى. شكرا ياابو حمزة
|
|
| |
| موضوع: رد: يوم فى حياة عضو الاستاذ ( ابو حمزه الجمل ) الجمعة مايو 27, 2011 9:12 pm |
| - حسين باشا كتب:
منور يا أبو حمزه الجمل البرنامج والدنيا كلها ، سؤالي هو متي وأين الصلاة تكون داخل برنامجك اليومي ؟ كونك لا تحمل رخصه قيادة هل تسير في الموقع فقط وما حوله ؟ أم علي الطريق العام وفي أي مكان ؟ ، هل تحب أنت العمل بهذه الشاكله صاحب مهام متعدده ؟ أم فرضه الحال عليك ؟ ، وبارك الله لك في ايامك وجعلها ميزان يصحبك إلي مرضات رب العباد .
اهلا بيك اخى العزيز حسين وردا على استفسارك اجمل شئ فى شركتنا انها تنشئ مسجد فى كل سكن وايضا فى كل موقع عمل لان الطبيعه هنا صعبه فقد يجبرنا العمل ان نتواجد فى اماكن شبه مهجوره او بعيده عن العمران فهذه فعلا نقطه تحسب لشركتنا ولا يمنعك احد من اداء الصلاه حتى وان كان غير مسلم
اما بالنسبه للعمل فهذه فرضها على مديرين العمل على فانا عندهم بديل من ليس له بديل فقد قمت بمهنة السائق فتره كان السائق الخاص بالموقع قد غادر الى بلده فى اجازه ولم يجد المهندس من يحل محله فسالنى اتستطيع القياده فقلت له نعم فكلفنى بقيادتها فى داخل المواقع فقط وكنت ارفض الخروج لخارج المواقع اتقاء للمشاكل مع الشرطه وغيرها فقد عملت امين مخازن وسائق معده تسمى (G.C.P)وهى خليط بين اللودر والحفاره والشوكه وعملت تايم كيبر يعنى حساب حضور وانصراف العمال وتسجيل ساعات العمل ومشرف عمل وقائد ماكينتى صب وقص الهلوكور والهلوكور هذا هو الاسقف الجاهزه وهو موضوع يطول شرحه واعمال اخرى كثيره قد اعاننى الله عليها والفضل لله اولا واخيرا
|
|
| |
| موضوع: رد: يوم فى حياة عضو الاستاذ ( ابو حمزه الجمل ) الجمعة مايو 27, 2011 9:15 pm |
| - الجيوكاندا كتب:
حضرتك بتكلم هندى فممكن تقول لنا يعنى ايه شكرا بالهندى. شكرا ياابو حمزة
شكرا ابسط حاجه (SHOKRYA) هاتى حاجه صعبه شويه ههههههههههه يسعدنى مرورك اختى جيوكاندا
|
|
| |
| موضوع: رد: يوم فى حياة عضو الاستاذ ( ابو حمزه الجمل ) الجمعة مايو 27, 2011 9:36 pm |
| معلهش بقى يا جماعه يادوب انام واللى عنده استفسار ان شاء الله بكره ابقى ارد عليه بس كل واحد يعمل حسابه انه ليه يوم يعنى بلاش اسئله صعبههههههههههههههههههه السلام عليكم
|
|
| |
ابوحمزه...::| المراقب العام|::... جـنـسـى :
بــــــلادى :
هــــوايتى :
وظــيفتى :
عــــــمرى : 48
عدد مساهماتى : 3146
تاريخ ميلادى : 04/05/1975 | موضوع: رد: يوم فى حياة عضو الاستاذ ( ابو حمزه الجمل ) الجمعة مايو 27, 2011 9:43 pm |
| منور يا ابوحمزه وانا مش محتاج ارحب بيك في بيتك قولي بقي ياسيدي انت قولت ان انبهارك بالامارات تغير الان فهل تحدثنا عن مظاهر الانبهار اولا ولماذا تغير هذا الاحساس الان
|
|
| |
| موضوع: رد: يوم فى حياة عضو الاستاذ ( ابو حمزه الجمل ) الجمعة مايو 27, 2011 11:02 pm |
| يا هلا وغلا بالغالى العزيز (كيساهي ) ابو حمزه [ندعوك للتسجيل في المنتدى أو التعريف بنفسك لمعاينة هذه الصورة] بص بقى يا عسل هقولك كلمتين بالهندى ولو جدع اعرف معناهم ايه هههههه ( مي توم سي بيار كرتاهو )
بس اوعى تجيب واد هندى وتسأله هههههه انا عاوز اعرف مستواك فى الهندى اوك يا صديق
|
|
| |
| موضوع: رد: يوم فى حياة عضو الاستاذ ( ابو حمزه الجمل ) الجمعة مايو 27, 2011 11:08 pm |
| مسسسسسسسسسسسسسسساء الفل عليك يا ابوحمزه ومنور واجاباتك صريحه جدا لما بنشوفه فى الغربه بس قولى الشاى على مين فى الغرفه ولا واحد يشرب والتانى يبصوله ولا يقولك اعملى كعب معاك لان الكسل فى النقطه دى كتير ويدعى النوم ويشم الشاى يقوم انته من دول ولااااااا
|
|
| |
| موضوع: رد: يوم فى حياة عضو الاستاذ ( ابو حمزه الجمل ) السبت مايو 28, 2011 5:30 am |
| - ابوحمزه الجمل كتب:
- معلهش بقى يا جماعه يادوب انام
واللى عنده استفسار ان شاء الله بكره ابقى ارد عليه بس كل واحد يعمل حسابه انه ليه يوم يعنى بلاش اسئله صعبه هههههههههههههههههه السلام عليكم بسم الله
تقصد مين يا معلم بالكلام دة وبتهدد مين بالظبط ؟؟؟
|
|
| |
| موضوع: رد: يوم فى حياة عضو الاستاذ ( ابو حمزه الجمل ) السبت مايو 28, 2011 6:23 am |
| بسم الله حبيبى وااد خالى كيف حالك يا ريس ..عدنا من الفاصل نسمى يا ريس ونبدأ على طول من البداية : كان إية شعورك لما إنتقلتوا من بيت العائلة بيت جدك وجدى الى بيتكم المستقل اللى هو بردة قريب من بيتنا الوقتى ؟؟ وكان إية شعورك من الجيران الجدد وهل كانوا بيضربوك بردة زى ما سمعت ولا اية ؟؟( عائلة أبو شلبى ) ههههه قول قول متخزاش ثانيا :- أية رايك فى كل من الشخصيات التالية واية اللى استفدتوا من كل شخصية منهم ؟؟؟ 1 الحاج / السعيد الجمل خالى الحاج / على الجمل رحمة الله علية الأستاذ / ابراهيم الجمل عمك الاخ هانى الجمل ولازم تحكيلنا موقف مع هانى واية الدرس اللى إستفدتوا من الموقف دا ومازلت حاطة قدام عنيك للحين ..؟؟ اية را ريس نكمل ولا ترد على دول الأول يالله رد على دول وبعدين نكمل ...؟ علشان ندخل فى التقيل بقى
|
|
| |
| يوم فى حياة عضو الاستاذ ( ابو حمزه الجمل ) | |
|
صفحة 1 من اصل 3 | انتقل الى الصفحة : 1, 2, 3 |
|