| موضوع: دا كان دايما يقولى انا راجع ياامى الأحد يوليو 15, 2012 6:32 pm |
| قالوا شهيد وافرحى ياام الشهيد ازاى ونار جوه قلبى تقيد قالوا شهيد وافرحى ابنك شهيد ومكانه ف الجنة اكيد ياناس حرام دا ابنى الوحيد ابنى الوحيد وهوه كان ف الحياة ليه سند وكل واحد منكوا ماشى ف ايدوا ولد ضاع الولد ضاع الامل ضاع السند ازاى تقولوا راح الولد ازاى وهوه ف الحياة ليه سند يلى قلوبكوا زى الحجر بالله عليكوا تكدبوا ايوه الخبر راح اللى كان ف الحياه ليه سند راح اللى علشانه دقت انا مر الزمن دا كان دايما يقولى انا راجع ياامى دا كان دايما يقولى انا راجع ياامى كنت افتح الابواب واستنى عودة الاحباب يهل عليه اضمه ف حضنى بينسينى همومى وحزنى جالى ف مره حزين مكسور مليه دموعه الجفون خدته ف حضنى مسحت دموعه بعد اليوم بعد كلامكم ليه اليوم دمعة مين امسحها بكمى ومين يشكيلى واسمع همه مين يحضنى ف قلبى اضمه مين لما اكبر ياخد ايدى وينسينى ف الدنيا وعيدى دا كان دايما يقولى انا راجع ياامى دا كان دايما يقولى انا راجع ياامى انا راجع ياامى وارجوكى تستنينى ارجوكى تستنينى استنى مين دلوقتى وازاى اوفى بوعدى استنى مين دلوقتى وازاى اوفى بوعدى لا الميت بيرجع ولا الموت بيدى انا راجع ياامى دا كان دايما يقولى انا راجع ياامى دا كان دايما يقولى مش راجع ياامى كان المفروض يقولى كان المفروض يقولى معلهش اعذرونى دا دموعى مليه عيونى ابنى الحيله اللى ليه راح قدام عيونى راح قدام عيونى كل اما جراحى تهدى ينادونى ام الشهيد نار من تانى ترجع جوه قلبى تقيد كل اما جراحى تهدى ينادونى ام الشهيد وانا كنت وهمه نفسى انه ف السفر البعيد ياناس ارحمونى دا كان ابنى الوحيد دا كان ابنى الوحيد عشت احلم بيه ليالى كنت اشوفه وف خيالى شفته جاى مبسوط سعيد بيناولنى اول حفيد وقلى خلاص ياامى مبقتش انا الوحيد مبقتش انا الوحيد لكن انت حاجه تانيه انت دنيا غير الدنيا انت زهرة عمرى كله وانت الماضى اللى كان مش حاضر وجاى مش حاضر وجاى جالى ف مرة حزين مكسور
|
|
| موضوع: رد: دا كان دايما يقولى انا راجع ياامى الإثنين يوليو 16, 2012 12:40 am |
| تحية الى كل شهيد وصبرا يا اماه والله ابنك شرف الامه وعزتها وعلشان كده الثورة قامت على الدماء لازم نظل ثائرين عودوا الى مصر ماء النيل يكفينا 000 منذ ارتحلتم وحزن النهر يدمينا
|
|
| موضوع: رد: دا كان دايما يقولى انا راجع ياامى الإثنين يوليو 16, 2012 12:46 am |
| - اقتباس :
- بعد كلامكم ليه اليوم
دمعة مين امسحها بكمى ومين يشكيلى واسمع همه مين يحضنى ف قلبى اضمه مين لما اكبر ياخد ايدى وينسينى ف الدنيا وعيدى
تسلم الايادى رفيف الروح على الكلام الجميل
اللهم ارزقنا الشهاده
|
|