يعني إيه كلمة وطن
يعني واو وطاء ونون
يعني مصر تملي دايما في العيون
يعني مش ممكن تهون
يعني مش ممكن نخون
 يعني مصر بحبها وعشقها عشق الجنون
يعني قلب يضمنا
يعني همه يهمنا يعني حبه في دمنا
يعني واحة للأمان
يعني طاقة في الميدان
يعني نور للكون عشان
لجل نشكر ربنا
يعني وعد عشانه أضحي بالحياة
يعني أشوفه في كل لحظة عشتها طوق النجاة
يعني ناس بتحب ناس
مش بتكره بعضها
يعني ناس بتحب ناس
مش تدمر أرضها
يالل ننسى كل لحظة راح تدمر حلمنا
يعني إيه كلمة وطن
يعني مصر هي أمي
وإحنا فعلا مجدها
روحي ليها وروحي فيها
وإحنا دايما عزها
يعني  نصر باسم مصر
ياما خلد ذكرها
يعني إيه كلمة وطن
مصر أقوى من المحن
مصر أبقى من الزمن
يعني إيه كلمة وطن

 شعر أ/ محمد يوسف
أكتوبر 20113

 

مصر وطن يعيش فينا
وهى عندنا أغلى الاوطان

 

قالها الزعيم مصطفى كامل .. لو لم أكن
مصريا لوددت أن أكون مصريا .
وطننا أحلى الأوطان وأنا أحييك ياأخ محمد
على وطنيتك وأشعارك وربنا دائما يوفقك
وكما قالت أم خالد الوطن يعيش فينا
بس لازم نترجم دا لفعل مش كلام
ويكون العمل الجاد هو سبيلنا الى التقدم
ولكم جميعا تحياتى .

 

كلمات اكثر من رائعه تجسد معنى كلمه وطن فى وجدان مواطنيه
بس للاسف الايه اتغيرت
وزى ما قال الجخ
همشى ويا الشحاتين وابكى على حلمى اللى تاه
بس مش هشحت رغيف هشحت وطن لله

 

[ندعوك للتسجيل في المنتدى أو التعريف بنفسك لمعاينة هذه الصورة]