|
كاتب الموضوع | محتوى الموضوع |
---|
| موضوع: العمر مش بعزقه السبت أبريل 24, 2010 11:32 pm |
| العمر مش بعزقه
ابقو افهموها بقى
نص الحياة في الشقى
والباقي هايضيع فين
الباقي هايضيع كدا
هايتوه مابين دا ودا
وتقول انام بالرضا
ده العمر مش عمرين
راح اعيش حياتي نوم
واهو بكرة ييجي اليوم
اللي في صبحه هاقوم
وهاقول دماغي دي فين
أصل الحياة ملخبطة
ودماغنا متظبطة
والنومة من غير غطا
وادينا دفيانين
اليوم كأنه سنه
ولاعنت بفرح أنا
وعشان أعيش في الهنا
لازم أكون وشين
وش المواطن رضا
بيبات ما حيلته اللضا
وجيوبه متنفضه
هايجيب يا عيني منين
ووش المواطن عمر
أرمي الهموم عالقدر
وابوس دماغ البقر
والحس رجول وايدين
ماهي تايهة راحة البال
لكن مزاجي عال
والحمد عالأحوال
لازم نكون صابرين
لا هاجرب الفهلوة
ولاقلت هاصنع دوا
يمحي الهموم م الهوا
يعني هاجيبه منين
وامحي الهموم ازاي
والفقر رايح جاي
شكلي بقيت رغاي
هاسكت خلاص يا حسين
واهو بكرة ييجي البطل
اللي يصحي الأمل
يهتم باللي فضل
ويشغل العاطلين
معدنا يبقى قشية
ونهارنا يبقى فوشية
وارجع وأقول أهي ماشية
والحال هايبقى زين
وهاتصحي كل الناس
وهايرجع الأحساس
والعدل يبقى أساس
وتموت بقى الشياطين
دي القصة ياهل البلد
عايشين في أكبد كبد
مالناش نصيب في البلد
والاسم مصريين
|
|
| |
| موضوع: رد: العمر مش بعزقه السبت أبريل 24, 2010 11:56 pm |
| والله يا أستاذ أحمد كلام سليم وده حال المصريين
دمت بود ودامت موضوعاتك المتميزة أستاذ أحمد
تـــقــبــل مــروري[ندعوك للتسجيل في المنتدى أو التعريف بنفسك لمعاينة هذه الصورة]
|
|
| |
| موضوع: رد: العمر مش بعزقه الأحد أبريل 25, 2010 6:39 am |
| بسم الله
اية يا عم احمد الحلاوة دى والامتياز دا
ربنا يعينك يا ريس ويوفقك وياريت نتعرف اكتر على بعض
منتظر دعوتك للتعارف يا ريس ..ههه خد بالك معندناش الا ريس واحد وطبعا الكل عارفة ههههههه مش عاوزين غلط البلد متراقبة ياعمى .
تقبل مرورى وبارك الله فيك
|
|
| |
| موضوع: رد: العمر مش بعزقه الأحد أبريل 25, 2010 10:10 am |
| ايه الحلاوه دى ياباشا
ثوبيك هايل
|
|
| |
| موضوع: رد: العمر مش بعزقه الأحد أبريل 25, 2010 8:00 pm |
| للاسف ده حالنا
بس هانعمل ايه ربنا كبير انا بقيت بتكلم في الرياضه بقالي فترة ربنا يستر عليا وعلى المنتدى الجميل ده دمتي بكل خير يا [ندعوك للتسجيل في المنتدى أو التعريف بنفسك لمعاينة هذا الرابط] وشكرا على جمال التعليق
|
|
| |
| موضوع: رد: العمر مش بعزقه الأحد أبريل 25, 2010 8:03 pm |
| شكرا يا استاذ محمد على التعليق الجميل ولي الشرف أن نكون أصدقاء وهذا مما يعلو به شأني وبالنسبة ليا انا مش ريس خالص ولو انت قلت كده اوعى نكون اصدقاء ربنا يستر علينا وعليك هههههههههههههههه لك كل الشكر والتقدير
|
|
| |
| موضوع: رد: العمر مش بعزقه الأحد أبريل 25, 2010 8:08 pm |
| |
|
| |
| موضوع: رد: العمر مش بعزقه الأحد أبريل 25, 2010 8:24 pm |
| شكرا ليك يا استاذ محمد على التعليق الجميل ويسعدني ويشرفني ان نكون اصدقاء وبالنسبة لموضوع ريس ربنا يسترها معانا بس ما تجيبش سيرة الموضوع ده عشان انت عارف الودان ليها حيطان دلوقتي هههههههههههههههههههه كل الشكر والتقدير
|
|
| |
| موضوع: رد: العمر مش بعزقه الأحد أبريل 25, 2010 8:58 pm |
| مرحبا بك يا أستاذ أحمد
أبيات زجلية رائعة ومعاني أكثر روعة
دمت مبدعا....
وتحياتي لك ... وكل الأهل في شمال سيناء
|
|
| |
| موضوع: رد: العمر مش بعزقه الأحد أبريل 25, 2010 9:12 pm |
| مرحب بيك يا استاذ محمد صابر واتمنى تشريفك لنا في العريش على المجاملة الجميلة
|
|
| |
| موضوع: رد: العمر مش بعزقه الأحد مايو 02, 2010 2:42 pm |
|
هنا اصحابى هنا احبابى ... هنا حبيبى اللى دق بابى هنا شمسى هنا قمرى ... هنا نيلى وهنا هرمى هنا ابويا وهنا امى ... هنا عرضى وهنا دمى هنا بلادى وهنا اجدادى ... وهنا هيكونوا احفادى هنا ماضية ولياليه ... وهنا ذكرى كانت ليه
عش واقعك كما هو لاتكن اسيرا صامدا عاجزا عن العمل من اجل الماضي ، ولكن عش واقعك الذي انت الان فيه ،عش في حدود يومك ، ولكن لاتجعله حاجزا يمنعك من التفكير والتخطيط للمستقبل والرقى بنفسك، واعمل جاهدا لتطوير نفسك فلا يكن عمرك ثلاثون مثلما كان عمرك عشرون ؟ ولكن ابحث عن الافضل في عملك في منزلك مع اهلك واصدقائك ، تعلم فنون التعامل معهم اجذبهم لشخصك من خلال اسلوبك معهم في حديثك ، فلاتتكلم عن متاعبك فالناس عندهم متاعب ايضا، ولكن كن مرحا مريحا لغيرك (كن شخصا متفائل ولكن بحدود)
|
|
| |
| موضوع: رد: العمر مش بعزقه الإثنين مايو 03, 2010 5:10 pm |
| لقد قلت لما اطلخم الامر وانبعثت عشواءا تاليا غبسا دهاريسا !!! شكرا ليك يا فريدريك على التعليق والمتابعة المستمرة لك كل الشكر
|
|
| |
| موضوع: رد: العمر مش بعزقه السبت يونيو 05, 2010 4:33 pm |
| غلبتنا يا احمد الواحد مش عارف يقوللك ايه على فكرة انا قرات معظم اشعارك ولو بدالك اشارك في مسابقات الشعر على مستوى بلدنا يمكن تطلع انت الوحيد وتفوز
|
|
| |
| موضوع: رد: العمر مش بعزقه السبت يونيو 05, 2010 8:21 pm |
| تعليقك ده بمثابة المركز الاول ليا على مستوى العالم مش عارف اقولك ايه وارد بايه شكرا ليك من شروق الشمس لغروبها يا استاذ علاء شعيب دمت بكل خير
|
|
| |
| موضوع: رد: العمر مش بعزقه الأحد يونيو 06, 2010 4:45 am |
| |
|
| |
| موضوع: رد: العمر مش بعزقه الأحد يونيو 06, 2010 11:47 am |
| وهاتصحي كل الناس
وهايرجع الأحساس
والعدل يبقى أساس
وتموت بقى الشياطين
دي القصة ياهل البلد
عايشين في أكبد كبد
مالناش نصيب في البلد
والاسم مصريين والله احمد باشا كلامك جميل وفعلا بالاسم مصريين ودة حالنا
|
|
| |
| موضوع: رد: العمر مش بعزقه الأحد يونيو 06, 2010 10:38 pm |
| شكرا ليكي يا مروة كل الشكر
|
|
| |
| موضوع: رد: العمر مش بعزقه الأحد يونيو 06, 2010 10:48 pm |
| شكرا ليك يابو السيد على تعليقك الجميل وعلى اختياك للابيات لك كل التحية
|
|
| |
|
صفحة 1 من اصل 1 |
|