بتستهبل

موضوع: بتستهبل الخميس مايو 27, 2010 12:47 pm

وكل ما أقول أنا الغلطـــــــان تصدق كدبتـــي وتتقـل
وكل ما أقول ما بينا غرام تقولـي لو نموت أفضـــل
أقول طيب نعيش في سلام تقولي لـو سليــم بطــــل
أقول الآه وتسمعنـــي وتقــول إن البعــــاد أفضــــل
ساعتها أسكت وأقول هامشي تقوم هيا قوام تزعـل
وتبكي وأبكي علـى حالنا وفوق راسنا الهموم تتقل
وأرجع تاني وأندههــا ورغـــم عذابــي ما تســـــأل
ومهما الشوق يطمنـــــا ألاقــي الحــــب بيقتــــــــل
وبيصعب حاجات سهله وليه ما يخليهاش أسهــــل
نعود تاني ونفسي في يوم حبال الود دي تتطــــول
تعود تاني وتقول مين اللي بالأوهام دي راح يقبل
لادنيـا تسيبنـــا بهمومنــا ولا همومنـــــا بتتبــــدل
أقـــول يارب تسعدها ويــــــارب الحـال ده يتعــدل
مالو فرحــت أكيــد هافــرح واحزانـــي هاتتبــــدل
وبعـد كلامنا أدخـــل انــــام لأن الحــــــــــر بيبهدل
وأقوم وأجـري على الشبابيــك أقفلهـا ومـا تقفـــل
والاقي اني ماكنتش حتــــــــى بتكلـــم ولا بســــأل
ولا كان جنبي بني ادمين مفيش عاقل ولا اهبــــل
وأتاريني وبعـد ده كله انـــا اللـي كنــت بستهبـــل

موضوع: رد: بتستهبل الخميس مايو 27, 2010 1:06 pm

جزاك الله خيرا استاذى الفاضل
على تلك العبارات الجميلة

موضوع: رد: بتستهبل الجمعة مايو 28, 2010 12:49 am

وجزاك يا ابو السيد على التعليقات الجميلة

كل التحية والتقدير

تاريخ ميلادى : 03/02/1989

جامدةالكلمات دى...احمد باشا...استهبال جميل

يعنى كلمات وشعر...جميل جدا جدا

عاوزك بقة...تكتبلى كلمات عن حياتنا اليومية

كمثال...فقمت الصبح من النوم...وسمعت ..صوت العصافير..

تغرد احلى الالحان...وبعد الظهر سمعت ..بيب بيب أنابيب..هههههههههه...

بعد اذنك يعنى ياباشا

موضوع: رد: بتستهبل الجمعة مايو 28, 2010 1:34 pm

هحاول والله يا سعد عشان خاطر عيونك

ولو انها صعبه اني اقعد اكتب من غير ما تيجي الفكرة لوحدها بس هحاول ان شاء الله

بس في حاجه بنفس الشكل اسمها شاب عادي

ان شاء الله انزلها قريب لو ماكانتش نزلت

ان شاء الله

اسعدني مرورك العاطر

كل التحية والتقدير

موضوع: رد: بتستهبل الجمعة مايو 28, 2010 6:55 pm

بعيدا عن الانابيب
كلماتك رائعه ومعبره أ/ أحمد
كل يوم تثبت لنا أنك اضافه لمنتدانا
فشكرا لوجودك الكريم
نريد جميعا ان تسير علي نهج الارتقاء الفكري الذي تعودنا عليه من حضرتك
ننتظر مزيد ابداعاتك الراقيه

تفائل بالخير تجده00000
برمباليه متفائله00000

موضوع: رد: بتستهبل الجمعة مايو 28, 2010 11:15 pm

كلام كبير قوي يارب اكون قده

شكرا ليكي يا امل على هذا التعليق الجميل

واتمنى يارب ان اعمالي كلها تكون راقية دايما

واعتذر عن اي عمل فيه شيء من اللغط

لكنها مشاعر شاعر

كل التحية والتقدير

تاريخ ميلادى : 01/05/1981

بسم الله

احمد\ باشا سلمت اناملك يا شاعر
بجد ولا اروع انت فعلا زيادة حقيقيى للمنتدى ربنا يبارك فيك
اما الامل فمجاملتش حضرتك ولا حاجة دا اللى الكل حاسة من كتاباتك واشعارك
انك شخصية تتمتع بحس مرهف

ابقى شوف موضوع الانابيب لسعد هههههههه بهرج معاك يا سعد

تاريخ ميلادى : 20/12/1982

مشكور أحمد باشا كلمات راقية

لك مني كل تحية وتقدير

تاريخ ميلادى : 10/09/1986

اقتباس :: ساعتها أسكت وأقول هامشي تقوم هيا قوام تزعـل
وتبكي وأبكي علـى حالنا وفوق راسنا الهموم تتقل
وأرجع تاني وأندههــا ورغـــم عذابــي ما تســـــأل

استاذ احمد لقد صدقت مشاعرك
فهذا لم يكن استهبال قط
فانت تحدثت عن واقع يحدث معنا جميعا
بجد اصبحوا هم اللى بيستهبلوا وكمان بيجننوا
لو حبيت توجهها وتقلها ده صح وده غلط تقوم تزعل
ولما تحب تمشى امورك وتقول ماشى يبقى هى الصح وتقوم تسوق التقل
مالتقل ده صنعه زى مابيقولوا
ولما تنوى تبعد مقلكشعلى اللى بيحصل ،، طب هرجع تانى
الاقى كل شئ كما هو

اقتباس :: أقـــول يارب تسعدها ويــــــارب الحـال ده يتعــدل
مالو فرحــت أكيــد هافــرح واحزانـــي هاتتبــــدل

هذا هو قمة الحب الذى نتمنى ان نصل اليه جميعا

موضوع: رد: بتستهبل السبت مايو 29, 2010 11:04 pm

استاذ محمد غنيم

انا قريت التعليق حوالي 4 مرات

وكل ده بحاول الاقي رد يليق بتعليقك اللي شرفني مش لاقي

غير اني اقولك

أشكرك شكرا لا حدود له وجزاك ربي طيبا وجميلا

وان شاء اللع عشان سعد العمل الجاي يكون

شاب عادي

موضوع: رد: بتستهبل السبت مايو 29, 2010 11:06 pm

ومشكور يابو جنى على التعليق الاجمل

كل التحية والتقدير

موضوع: رد: بتستهبل السبت مايو 29, 2010 11:10 pm

أستاذ ابراهيم نعينع

تناولك التحليلي الرائع للأعمال يشعرني بأني شاعر

هما فعلا كده ما يعجبهمش العجب ولا الصيام في رجب

بس هانعمل ايه

الحب بيبهدل

لكن برضه هما روعة الدنيا دي

ومن غيرهم ولا نسوى

كل التحية والتقدير لكلامك الغالي وتحليلك الرائع