| موضوع: علشان تعيش وسط البشر..مع بعض الكلمات من سعد باشا جنيدى الثلاثاء يونيو 01, 2010 1:55 am |
| عشان تعيش وسط البشر لازم تكون سايس...تقدر تداوى الى انكسر وتراضى وتسايس
تلبس قناع فى وشوش الناس متقلعوش..ياما ورد بين البشر لكن مبنشموش
حب دارى...بتكره دارى...وشيل هموك واعوعه..تحكى للى بايع والى شارى
وقابل الناس على الحرير..وانته فى شوك دايس...علشان تعيش وسط البشر
لازم تكون..سايس
ياما ناس فى ضحكة فى وشها مرسومة..مش من قلبها
عشان تسايس دنيتها بتضحك عليها وتغشها
عشان تعيش وسط البشر لازم تكون سايس
|
|
| موضوع: رد: علشان تعيش وسط البشر..مع بعض الكلمات من سعد باشا جنيدى الثلاثاء يونيو 01, 2010 8:35 am |
| بسم الله
تسبم ايديك يا باشا
كلمات رائعة وممتازة
شوفت بقى لما بتاخد بالنصيحة حالك بيتظبط الزاى ...
سايس حماتك بردة فى المستقبل ههههههه
|
|
| موضوع: رد: علشان تعيش وسط البشر..مع بعض الكلمات من سعد باشا جنيدى الثلاثاء يونيو 01, 2010 9:47 am |
| سعد جنيدى يافنان اية الجمال دة اية يبنى انتا ناوى تبقى شاعر ولا اية ربنا يوفقك وتبقى امين شرطة الشعراء ودى اهداء منى ليك يابرنس هيجرى إيه لونتفق مع بعضنا؟ الحلم مهما بنفترق هيضمنا ننسج بإيدنا توب خضار على أرضنا نزرع أمل نجني العمار في قلبنا
نرويه أمل في كل لحظة في وقتنا هيجرى إيه لونتفق مع بعضنا؟ الحلم مهما بنفترق هيضمنا
الإختلاف في الرأي ميزة في شرعنا ده خلاف تنوع بيه نكمل بعضنا وماهوش تطوع إنه نقتل يأسنا نغزل لحاف نتغطى بيه من بردنا هيجرى إيه لونتفق مع بعضنا؟ الحلم مهما بنفترق هيضمنا نسمع خواتنا ونصغي لولاد عمنا الفتنة بتفرقنا والوحدة تجمع شملنا أبيض وأسود أم واحدة أمنا هيجرى إيه لونتفق مع بعضنا؟ الحلم مهما بنفترق هيضمنا هانخلي بكرة يبقى أحلى بعزنا خلوها فكرة تقوى تعلا بصرحنا هيجرى إيه لونتفق مع بعضنا؟ الحلم مهما بنفترق هيضمنا نقرا اللي فات نقدر نصلح نفسنا والذكريات بيها نفتح عقلنا هيجرى إيه لونتفق مع بعضنا؟ الحلم مهما بنفترق هيضمنا فكر براحتك كيف هننفع أهلنا؟ عاوز صراحتك تبقى مدعاة فخرنا هيجرى إيه لونتفق مع بعضنا؟ الحلم مهما بنفترق هيضمنا أمراضنا يامة مين يداوي جرحنا؟ يوم القيامة الحبيب يشفع لنا لو احنا بنداوي جراحنا بنفسنا هيجرى إيه لونتفق مع بعضنا؟ الحلم مهما بنفترق هيضمنا لو كنا بنرمم صدوعنا بجمعنا يأمة واحدة إمتى نسمع بعضنا؟ يأمة واحدة إمتى نسمع بعضنا؟
|
|
| موضوع: رد: علشان تعيش وسط البشر..مع بعض الكلمات من سعد باشا جنيدى الأربعاء يونيو 02, 2010 3:01 am |
| - محمد غنيم كتب:
بسم الله
تسبم ايديك يا باشا
كلمات رائعة وممتازة
شوفت بقى لما بتاخد بالنصيحة حالك بيتظبط الزاى ...
سايس حماتك بردة فى المستقبل ههههههه
منور الموضوع محمد باشا
حاضر ..هسايس...هههههه
|
|
| موضوع: رد: علشان تعيش وسط البشر..مع بعض الكلمات من سعد باشا جنيدى الأربعاء يونيو 02, 2010 3:03 am |
| سيد باشا منور الموضوع ياباشا
أمين شرطة الشعراء..ههههههههه
|
|
| موضوع: رد: علشان تعيش وسط البشر..مع بعض الكلمات من سعد باشا جنيدى الخميس يونيو 03, 2010 4:49 am |
| والله يا سعد باشا الكلام جميل بس التنفيز صعب ياريت الواحد يعرف يعمل كده على العموم موضوع هايل وربنا يخليك لينا وتظبطنا بواضيعك كده على طولor=blue]][/size]
|
|