|  موضوع: يا مصر حارسك ربنا  السبت ديسمبر 04, 2010 2:44 pm |
| مش حقيقي كل واحد فينا بيحب البلد
كل اللي فرط و باع ياما قال
أنا عمري ما نسيت البلد
كل اللي نهبوا البنوك كانوا بيحبوا البلد
كل اللي خانوا الغلابة كانوا بيحبوا البلد
آه يا بلد
ضاعت أمانة كل جيل فيكي اتولد
عرفت كم واحد فينا بيحب البلد
كل اللي حبوا مقدرتش أحصرهم عدد
شيلي يا أمة عين جيرانك م الحسد
الأمن ضاع آه يا بلد
والبنت خافت م الولد
والبلطجة من غير عدد
والأب يجري ع الرغيف
والأم تايهة للأبد
عمالة تصرخ في الولاد
فقدت نصيرها والسند
عرفت ليه أنا قلت عايزين المدد
من رحمتك يا ربنا إحنا عايزين المدد
عرفت ليه أنا قلت يا أمة
مش حقيقي كل واحد فينا بيحب البلد
بس فعلا أنا واحد م اللي بيحبوا البلد
ردك خلاص أنا عارفه يا أمة من زمان
عزاءنا يا ابني
أصل اتخلقنا في كبد
أصل اتخلقنا في كبد
لكن ورحمة ربنا
إن اللي فاضل عندنا
حبك بيجري في دمنا
وإن كان مصيرك هزنا
أو كان فسادك ضرنا
لأنك إنتي أمنا
يا مصر حارسك ربنا
يا مصر حارسك ربنا
إهداء إلى كل برمبالي مخلص أحب بلده وكل رياضي أخلص لبلده
إلى أبي خالد وأبي حمزة المخلصين
|
|
| | موضوع: رد: يا مصر حارسك ربنا الأحد ديسمبر 05, 2010 8:01 am |
| نسأل الله ان يحفظ مصرنا ،، وان يولى علينا خيارنا
وان يهدى ولاة امورنا الى مافيه الخير للاسلام والمسملمين
لا احد يستطيع ان ينكر حبه لمصر ، او ان ينكر مدى فضل مصر علينا
فمهما واجهتنا من مشاكل سياسية ومهما كان تعنت اجهزة الدولة الامنيه ضد
مواطنيها ،، ومهما واجهنا من ظلم واقع امام اعيننا وتغيير لارادة الشعب
وغيره وغيره الا اننا مازلنا وسنزال نعشق تراب مصر مهما حدث
اشتاذنا الفاضل محمد يوسف دُمت مبدعًا دائما ،، وزادك الله موهبة وعلما
وجزاك الله خيرا
|
|
ابوحمزه ...::| المراقب العام|::... جـنـسـى : 
بــــــلادى : 
هــــوايتى : 
وظــيفتى : 
عــــــمرى : 49
عدد مساهماتى : 3146
تاريخ ميلادى : 04/05/1975
  | | موضوع: رد: يا مصر حارسك ربنا الأحد ديسمبر 05, 2010 7:28 pm |
| الشكر كل الشكر للمبدع شاعر الرياض الاستاذ محمد يوسف علي ثنائه أولا وعلي ابداعاته التي يخص بها المنتدي وفي الحقيقه من خلال قراءتي لأشعاره أشعر بمدرسة المبدع فاروق جويده الذي أعتبر شاعرنا واحدا منها نسأل الله أن يبارك له في ابداعاته ويخصنا بها أيضا
أما بخصوص حب البلد فأنا قلت سابقا أن ما أخشاه هو اقتراب الشعب الذي طالما عشق وطنه متميزا علي باقي شعوب العالم في هذا الأمر أن يفقد انتمائه لهذا الوطن بسبب ما يحدث له فيه وهو الشئ الذي اذا حدث فلن تكون مصر هي مصر التي نعرفها والتي عشقنا ترابها وسوف تصبح فقط مكان للاقامه لو وجدنا افضل منه سوف نرحل في الحال دون تردد
نسأل الله أن يحفظ مصرنا ويحفظ شعبها ويظل محبا عاشقا لتراب هذا الوطن
|
|
