تذكير بمساهمة فاتح الموضوع :

اخواني أعضاء منتدي شباب برمبال القديمة والرياض
هنا سنقوم بعمل قاموس للالفاظ القديمة الدارجه مع التعريف بمعناها الحقيقي في اللغة العربيه وذلك لأن هناك الكثير من هذه الكلمات لم يعد يستخدمه احد الآن وحفاظا علي هذه الكلمات من الاندثار سنقوم بتجميعها هنا لأنها أيضا جزء من تاريخنا ومن هنا أود أن أتوجه بالشكر للأستاذ علي حسن داوود صاحب الفكره الاصليه منذ أكثر من خمسة عشر عاما والتي لم تري النور الا الآن لذلك نتمني أن يكون معنا في هذا العمل وتكونوا كلكم معنا ليخرج هذا القاموس الي النور باذن الله وياحبذا لو أدخلنا اللفظ في جملة حتي يكون سهل للجميع فهمه ساضرب مثالا
انهارده عندنا تصبين
بمعني أن اليوم سنقوم بغسيل الملابس

حامد علي خلف جنيدي

 

تعافي وتتهني يا حيلي



وكل سنة وانت طيب يا بو داود



وعلشان ان راجل غالي علينا عزمك علي بطاطس مقلية وطماطم محشية مع شوية كشري بفول علي كيفك ..

والحلو .. كباية ميه بسكر بلمون

 

لأ يا صبى أنا عندى شويه

خوبيزه

معموله من السلق والحميض

وكمان شوية رجله بشوربه

و يا سلام على عودين جلاوين ورور من الفول وياهم

وتؤعد فطولى او فريحى

نتحدت فى امور البلد

والناس الى عاوزين يبوظوها اتحاشو فى لغدهم

وجاتهم ضربة الدم تنحل وبرهم

عديك عليهم يا نضرى

دول وجعو راصنا وجابو لنا صداع

هههههههههههههههههههههه

صباح الفل

 

اولا حاجه جميله جدا والله انا اعت( فضلت)اكهكه(اضحك)لما مش قادر

هى فكر جميله حتى الواحد يسلى نفسه ويرجع للماضى شويه

ربنا يديكم العافيه

اما بالنسبه لمحمد الحداد فطلع منه كلام هلكنى من الضحك هههههههههههههههههههههههه

هنكس البيت (هنجدد البيت) الطاوله وهى الذى تطلق على مكان الجلوس وتسمى ايضا الكنبه

ابوك راح فين يا حمزة ادلى تحت يعنى ذهب الى مثل البلد او المركز
وشكرا للجميع ونتمنى المزيد

 

 

بصراحه انتم بكلامكم ده سرجتم نور المنتدى
ياخرابى على جمال الكلام
ياريت كل واحد يشأر على كلام زميله ويكمل الموضوع ده
ونفضل بقه نلت ونعجن فيه
علشان نعرف الكلام الحلو اللى بالهبل ده
ويا هوووو لو كنا اعدين مع بعض شلة على المصطبة اللى فريح دارنا

 

والله انا صعبان عليا حمزة تعبينو معنا بس دي حجاتت جميله كل ما بنفتكرها بننبسط طيب وكلمنة يا كاسي ويا ظهرتي معنها ايه بقا ياكاسي من حمزة

 

الله عليك يا ابو حمزة بتذكريك لنا بتراث بلدنا طيب حمزة بن عم احمد لحة

 

حمزه متعود علي وجع القلب وميصعبش عليك غالي بس هو مش مبسوط خالص مالص من اللي بيحصل في مصر

 

ههههههههههههههههههههههههههههههه
موضوع لذيذ جدا والله يا ولاد
وعقبال عندك الليلادى حنة إزدحمد بن أبوك معاطى يلا روحوا غودى هاتوا الكراويت( الكنب) وهاتوا الكبابى (الكوبيات) عشان الحنة وعقبال عندكواااااااااااااااااااااااااااااااااااااااااااااااااااا
ولما واحد يتنزنق كان يروح فين يا شباب الحمام طبعا كان إسمه أيه ؟
............
...........
الشاطر يكمل

 

هههههههههههههههه والله فكرة حلوه جدااااااااا وربنا يسعدكم زى ما اسعدتونى بس للاسف معنديش ولا كلمه اقولها وكلمات كتير جداا من دى كنت لما اسمعها اسال على طول على معناها بس خلاص مش هسال هفتح ع طول واشوف معناها بس بجد كويس ان الكلمات دى خلصت لشكل الكلام غريب

 

ياابو حمزه متعودين دائما وابدا ماتبدع والله الموضوع جميل وظريف جدا وحشتنا وحشتنا افكارك الجميلة ياريت ماتحرمناش منك

 

عاوز تتقولى ياابو حمزة ان القاموس ده اتلغى من البلد[b][quote]يعني معدش حداكم

 

سنكر الباب
امى بتقولك هات بعدش رز على ماتشترى

 

[ندعوك للتسجيل في المنتدى أو التعريف بنفسك لمعاينة هذه الصورة] فيه كلام معروف وفيه كلام لأول مره اسمعه تحياتى لصاحب الموضوع

 

يادة النور .. منورين هههههه

 

الأخ أبو حمزة
الأخ على حسن داود
أعدتمونى للبلد .. فكرة ظريفة
أضيف كلمة طبسية ... يعنى سلطانية شربة
وبأنت .. يعنى بقه
كلما يجد جديد سأوافيكم به
سلامى لكل الأسرة يا على
فلقد عاصرت جدك على الكبير وكان رجلا مرحا
وعاصرت أيضا عمك سيد وجدك محمد عندما كانوا معنا
فى حارة الدوايدة ، كل عام وأنتم بخير بمناسبة
شهر رمضان المبارك

 

عزيزى أبو حمزة
عزيزى على حسن داود
خذ عندك يا سيدى طبسية يعنى سلطانية شربة
بأنت يعنى بأه ( يقه ) تحياتى وكل عام وأنتما والأسلرة
ب خير وكلما أتذكر حاجة سأرسلها أكرر شكرى

 

معلهش كل ما أفتكر حاجة حقولها !!
كرسوع .. ضربه بالكرسوع يعنى بالكوع

 

موضوع رائع جدااا وبالنسبه للقاموس
1-شيرز     يعنى بلوفر
يا كاسى الكاس  يعنى ايه الا حصل
اللحوقى يعنى صنيه الفرن
الكرويته يعنى الكنبه
الحصيره يعنى الاياس
الكبانيه يعنى الحمام
المندره  او اوضه المسافرين يعنى حجره الجلوس
القرع يعنى الكوسه
طبعا الجلوين والخبيزه والبغليه

 

الأخ أبو حمزة
فاكر التعسيلة أمام المقعد بعد الغذاء
فوق السطوح يبقى المقعد هو الغرفة الموجودة فوق السطوح

 

كام لفظ سرقتهم من كفر علام
حكشحك يعنى حطردك
كنابيت يعنى بورى
محشره يعنى طبق الارز
كوبيبه يعنى كوبايه

 

 

استاذي سيد داود شكرا لكم علي المتابعه 
ونعم أتذكر المقعد وكان يسمي بالمقاعد اللي اللي فوق السطح 


وأتذكر الآن كلمه لا أعرف مصدرها وهي كلمة خولايا 
وكانت تستخدم هذه الكلمه عندما يتم الدعوه علي أشخاص مثلا بالفشل فيخرج أحد الناس يقول خولايا يارب وتعني ماعدا أنا 

 

الأخ أبوحمزة
نعم أتذكرها جيدا .. ولا تشكرنى على المرور
لعلك لم تعاصر ليلة الدخلة فى البلد عندما يقف أهل العروس
تحت شباك العريس وهو يفض بكارة عروسة ليلة الدخلة صائحين
شهًل ولا أجيلك بالدرس وأديلك ، وعندما يرمى لهم المنديل مدمما من الشباك
يصيحون الدم ساح يا صلاح ..  من هو صلاح .؟ لا أعرف أما الدرس
فهو الخشبة التى كانوا يضربون بها كومة القمح أو الأرز لينفرط عقده
    تحياتى وتمنياتى بالصحة والسعادة

 

عطشت جدا و قلت لاحمد اخويا املى ازازة الميه دهى من التلاجة اللى قدام الدسوقى ، راح شاوحها فىّ بردعنى بالميّه

قلت و الله منى عاتقه و روحت مالى كوز ميّه و بِشْنِنْتُه بيه

محمد الشرقاوى