| موضوع: يوميات السطوحى الغشيم ومراته محاسن الحلقه الثالثة عشر الجمعة يناير 28, 2011 7:55 pm |
| اخوتى متابعى يوميات السطوحى الغشيم ومراته محاسن الان موعدكم مع الحلقه الثالثة عشر من اليوميات ارجو ان تنال اعجابكم ان شاء الله الان موعدكم مع الحلقه رقم
24
عمكم السطوحى بعد ما حرق دم محاسن مراته والعيال خلصو مذاكره المفروض بقى ان البنات يروحو ينامو بقى لكن الكلام ده عند امه يا ادهم جتله ام لسان طويل وبتقوله يا با يا با ايه فى ايه يا عزيزه مجعوزه ليه امى عايزه تضربنى يا با والله ما انا عاتقاك يا بنت ...........
ايه فى ايه يا محاسن عايزه تضربيها ليه بنت .........::::::::........ بتكتب واجب الحساب وبقولها 10+10=كام تقوللى عشرتاشر هههههههههههههههههههههه طيب ما هى ناصحه اهى ناصحه والله ما حد حيبوظ البنت دى غيرك
طب وانت مالك انت سامع ام لسان طويل بتقول ايه عيب يا عزيزه تقولى لامك كده عيب ده اللى قدرك عليه ربنا ده بدل ما تلطشلها هو كل حد يعمل حاجه عايزانى الطشله هو حد قالك انى شغال ملطشاتى لا سيبها تشتمنى احسن
وهى الشتيمه بتلزق يعنى لا بيتلزقلها والله ما انا عاتقاك تعالى بقى هنا
خلاص يا محاسن بقى سيبى البت حتضربيها بالليل قبل ماتنام وترجعى تقولى البت ما بتعرفش تنام يعنى عاجبك يعنى لسانها الطويل معلهش ياستى عشان خاطرى بلاش تضربيها بالليل كده غلط
وهنا بقا دخلت فاطمه متغاظه منهم وبتقولهم ايوه ايوه دى سيبيها عشان تعرف تنام ولو انا اللى كنت غلطانه كان زمانى مضروبه بالمقشه وحياتك ما انا عاتقاها بكره الحساب يجمع طيب والله لو ضربتينى ما انا عدت رايحه المدرسه انت اخرك اصلا ابوك يجيبلك معزتين وتسرحى بيهم فى الغيطان ما تبس بقى يابت انت وهى والله لو سمعت صوت تانى لا انا اللى ضاربكم مش امكم وانتم عارفين لما بضرب بيبقى شكل ضربى ازاى
يللا بقى روحو عشان تنامو عشان تعرفو تقومو بكره للمدرسه
مشو البنات وهما بينهم وبين نفسهم بيحسدو عبده اخوهم انه مرتاح عند نينته منيره وخلص من مواويل امهم وابوهم ومايعرفوش ايه اللى مستخبى لعبده اخوهم
وصلت الساعه دلوقتى للساعه 10 بالليل وكده كان عمكم السطوحى سهر عن كل يوم بس لقى الحاج الدسوقى ابو ابراهيم بيتصل بيه ففكر ان امه جرالها حاجه وما كانش يعرف ان الاتصال ده عشان عبده
السلام عليكم وعليكم السلام ورحمة الله وبركاته ازيك يا سطوحى الحمد لله خير يا حاج دسوقى خير بس الواد عبده وقع من على السطح وانا معاه دلوقتى عند الدكتور خير حصل ايه وايه اللى فيه شكله كده رجله اتكسرت ياساتر يارب طيب انت عند مين دلوقتى انا عند الدكتور سامى الهوارى طيب انا جايلك دلوقتى اهو طيب يللا مع السلامه مع الف سلامه
سمعت محاسن المكالمه بس مش فاهمه السطوحى بيتكلم عن مين وعن ايه واستفسرت منه بقى خير يا سطوحى فى ايه الواد عبده وقع من على السطح بتاع نينته وهو فى العياده دلوقتى اه ابنى وجراله ايه بيقول رجله اتكسرت طيب انا جايه معاك حتيجى تعملى ايه بس وهو انت عايزنى اقعد هنا وابنى فى المستشفى اعمل ايه وهو انا حيجيلى تاتان اقعد طيب خلاص يللا بس البنات حيفضلو هنا لواحدهم فى البيت نعدى على الحاج سيد وسنيه نخليهم عندهم عما ربنا يسهل طيب يللا
مشى عمكم السطوحى ومحاسن متلهوجين وعدو على الحاج سيد وسابو البنات عنه وكان العيال طبعا عايزين يروحو يشوفو اخوهم بس السطوحى ما رضاش والحاج السيد ابو احمد اصر انه لازم يروح معاهم
وصلو هما ال3 للعياده قابلو الحاج دسوقى ولقوه مع عبده ابنهم وكان عبده لسه طالع من عند الدكتور ومجبس رجله قال السطوحى للحاج الدسوقى خير يا حاج دسوقى ايه اللى حصل الحمد لله جت سليمه شرخ فى رجله الشمال والدكتور قال انه لازم يفضل فى الجبس شهر وحيكون كويس ان شاء الله ومافيش حاجه تانيه الحمد لله وايه اللى وقعه من على السطح انا ما اعرفش انا كنت قاعد فى البيت لقيت الحاجه منيره جايه ومش لاحقه تتكلم وبتقول لى الحق عبده يا دسوقى وقع من على السطح طلعت اجرى لقيته ماسك رجله خدته فى تكتك وجيت على هنا وما اعرفش وقع ازاى لسه وهو لسه طالع دلوقتى اسالوه هو بقى
ساله السطوحى ايه اللى حصل يا عبده وايه اللى طلعك على السطح فى الوقت ده انا كنت طالع اجيب هدوم المدرسه من على السطح كانت نينتى غاسلاهم ونسيت اجيبهم وطلعت اجيبهم قبل ما انام وانا نازل رجلى اتزحلقت من على السلم ووقعت الحمد لله انها جت على قد كده ياسطوحى احمد ربنا الحمد لله على كل حال طيب وامى حالتها ايه زمانها مموته نفسها من العييط دلوقتى وهى مش ناقصه بسيطه ارن على ام ابراهيم تروحلها تطمنها انا مش عارف اودى جمايلك دى فين يا حاج دسوقى والله انت غرقتنا بجمايلك عيب عليك يا سطوحى دا احنا اهل وابوك الله يرحمه كانت جمايله مغرقانى وكان صاحب واجب الله يرحمه بقى كان راجل طيب تعيش وتفتكر يا حاج دسوقى
كل ده حصل طبعا ومحاسن مش قادره تمسك نفسها من العييط وواخده عبده فى حضنها وبتطبطب عليه ودخل الحاج دسوقى والحاج سيد والسطوحى للدكتور سامى كتبلهم العلاج اللى حيمشى عليه عبده وحاسبوه واخدو عبده وروحو
بس كان لازم يعملو حاجه قبل ما يروحو والحاجه دى ان شاء الله حنعرفها فى الحلقه الجايه ان شاء الله فتابعونا
|
|
| موضوع: رد: يوميات السطوحى الغشيم ومراته محاسن الحلقه الثالثة عشر الجمعة فبراير 04, 2011 12:35 pm |
| اخوتى اعضاء منتدانا الغالى احب ان انوه انه نظرا للظروف التى تمر بها البلاد ساتوقف مؤقتا عن كتابة يوميات السطوحى وذلك لعدم مواكبتها للاحداث الجاريه الان فى مصر ولكم منى فائق الاحترام والتقدير اخوكم ابو حمزه 2
|
|
| موضوع: رد: يوميات السطوحى الغشيم ومراته محاسن الحلقه الثالثة عشر الإثنين فبراير 14, 2011 7:09 pm |
| ايه رايكم يا جماعه نرجع نكمل يوميات السطوحى وللا ايه
بس ياريت ما فيش حد يطلع يقولى اخطاء مهنيه وشفافيه وكلام من اللى ..............
اللى عايزنى اكمل يقول واللى له راى تانى انا عندى استعداد اسمعه وهستجيب للاغلبيه فى انتظار اراءكم
ابو حمزه 2
|
|
| موضوع: رد: يوميات السطوحى الغشيم ومراته محاسن الحلقه الثالثة عشر الثلاثاء فبراير 15, 2011 5:23 am |
| كمل كمل كمل كمل جواز ابو حمزة من يومياتة مش باطل
كمل ياباشا وامتعنا تانى اتفضل مستنيك
|
|
| موضوع: رد: يوميات السطوحى الغشيم ومراته محاسن الحلقه الثالثة عشر الجمعة فبراير 18, 2011 7:52 pm |
| منورنى يا عم سعد ربنا يكرمك ويجبر بخاطرك زى ما بتجبر بخاطرى هههههههههه شكرا على مرورك يا باشا
|
|