رسالة إلى الرئيس

[size=18] كان يودي إني أشوفك صاج سليم
بس قل لي سبت إيه لجل اليتيم
هو لازم التظاهر لجل تمشي ع الصراط المستقيم
ولا لازم الضحايا والقضايا لجل إسقاط الزعيم
خمسة وعشرين يناير يوم في عمري ما يتنسيش
خلى كل الناس تعيش
ذل كل عميل وخاين اغتنى آه من مفيش
إوعى لك وتقول ما ليش
اللي باع وطنه وأهله هو علا ميساويش
ليه تداري ع اللي باعوا واللي خانوا متداريش
أنا جيل وائل غنيم مش عرابي أو فريد
كلنا خالد سعيد كلنا خالد سعيد
إحنا جيل البوك فس الكمب نت
قلها زي ماإنت عايز المهم تبى عايز
تبقى ناجح تبقى فايز
يا مبارك قم وفرق ملياراتك ع الغلابة المطحونين
ما أنا واحد م الشباب المقهورين
لسة نايبي هو فين بس سيبك م الأونطة
إوعى مرة تقول منين
وإن نسيت الكود بتاعك
هات علاء يحدف علينا أي حاجة م اللي لينا
وإنت مش حتهون علينا
وأنا حكتب شرم ليك كل شبر فيها فيك
قول مكافأة عى التنحي مش تشفي
وأنا مش حعتب عليك
بس مش لابنك جمال
ولا حتى سوزي أم العيال
التاريخ ضيع ملامحك
حتى لونك هو قمحك
المسرطن فينا لامحك
ياما شفنا الله يسامحك
يا جمال اطلع وقل لي
اللصوص اللي إنت منهم يبقوا كام
لجل أضرب لك وأيوك ألف تعظيمة سلام
ما أنت ضيعت تاريخه والسلام
بس أبوك صعبان علي مش عليك
والجشع كان مالي قلبك كان ماليك
حتى صوتك وف عنيك
هو ساب الدنيا ليك
لجل تخربها بإيديك
والمرارة المرة فيك
والفساد اللي إنت منه
عمره ما يطبطب عليك
كله راجع تاني ليك
كله حيشاور عليك
السفيه قالها بصحيح
القصير والطويل ضيعونا بالصريح
خلوا مصر ع الحديدة وع الصفيح
مش حديد عز الجبان اللي زور واللي خان
واللي باعنا من زمان
ويا عادلي ف الميدان
كل وقت وله أدان
نفسي أشوف أحمد نظيف
ويا صوت الشريف
ولا عاطف بيه عبيد
ويا فتحي بيه سرور
كله واقف ف الطابور
يكووا بطعم الرغيف
داخل السجن الظريف

يلعبوا حبة سياسة
بالأونطة وع الخفيف
يا جمال العز راح
انتهى عصر النواح
يا شبابنا الفجر لاح
قوموا حي على الصلاة
قوموا حي على الفلاح

شعر
أ/ محمد يوسف
شاعر الرياض
[/size]

تاريخ ميلادى : 06/06/1972

الاخ الحبيب الغالى ورفيق الدرب والايام الخوالى /

الاستاذ محمد يوسف

يالك من رائع حقا كلماتك تذهب للقلب دون وسيط كلماتك بسيطه

تخاطب الجميع وتصل للقلوب حقا ما اروعك

تاريخ ميلادى : 01/01/1996

فعلا يا استاذ محمد قصائد حضرتك جميلة جدا و دايما بتأثر فينا كلماتك

تاريخ ميلادى : 22/04/1983

شكر ا يااستاذ محمد علي الكلمات الحلوة دة

بس كان سياسي رهيب مع الدول الاخري بس علي حساب الشعب

[ندعوك للتسجيل في المنتدى أو التعريف بنفسك لمعاينة هذه الصورة] محمد محمد جاد

[ندعوك للتسجيل في المنتدى أو التعريف بنفسك لمعاينة هذه الصورة] من المملكة العربية السعودية