تذكير بمساهمة فاتح الموضوع :

 

الجيوكاندا كتب:

اللهم لاحسد يعنى ياابو حمزة ماشاء الله دعاء السيدة الوالدة رحمها الله عامل شغل جاامد انا ملاحظة يعنى واللهم لاحسد خد بالك انا ملاحظة ان الشغل مش تقيل اوى على حضرتك يعنى يعنى كل شوية يكون العمال مش زى الاستاذ هانى اوى يعنى دا الاستاذ هانى ده ربنا يعينه شغله واضح ان هو صعب اوى بس المهم دلوقتى انك تتقن عملك عشان ربنا يبارك لك فى رزقك متفرقش بقى صعب او مش صعب ، .
شكرا وتقبل مرورى

الاخت الغالية / الجيوكاندا

تسمحيلى أرد عليك أنا فى النقطة دى بالزات ...متتخيليش شغل تحت درجة حرارة ممكن توصل 40 درجة ورطوبة ممكن توصل لحد 75 % شكلها عامل الزاى بجد كان الله فى العون
الناس بتبقى مشغلة التكيف وأقسملك بالله بيبقى الجو حر وخصوصا مكيفات السيارة مابالك بقى بالهواء الطلق ومنك للشمس مباشرة ...مبقللش من شغل اخويا هانى البسطويسى لاء والله بس السيارة مهما كان فيها مكيف وان كان بيقطع مسافات كبيرة فهنا التعب انما الشغل تحت الشمس مباشرة كدة العذاب بعنية وخصوصا دول الخليج الرطوبة عالية جدا جداا

 

ياااااااااااااااااااااااااه ،، هو انا ديما باجى متأخر كده ،،
معلش معلش ياابو حمزه اسف جدا على التاخير المره دى .
منورنا ياريس بجد ،، كنا منتظرين استضافتك دى من زمان
بس ماشاء الله الشباب قاموا بالواجب وزياده اهو
ومحمد غنيم ابو حمزه برده الظاهر سن سنانه خلاص
واستعد لك استلقى وعدك بقى ،، طبعا بهدى النفوووووس

طبعا الشباب ماسبوليش اى اسئله خالص ،، ولكن بقى هم نسوا
حاجه مهمه جدا انت اتكلمت عنها ،، ( المَنْحَلْ )
ايه بقى قصة المنحل ده فى عجاله سريعه ،، وازاى بتعمل المشروع ده ؟
وياترى بتروح تشترى شوية نحل يعنى وتربيهم عندك ،، ولا ايه ؟
والنحل ده مكنش بيهاجم الجيران ولا اييييه ،، وكان بياكل اييييه برده ؟
يعنى عاوزين نبذه سريعه مختصره عن الموضوع ده ؟

 

ابوحمزه كتب:

منور يا ابوحمزه وانا مش محتاج ارحب بيك في بيتك
قولي بقي ياسيدي انت قولت ان انبهارك بالامارات تغير الان فهل تحدثنا عن مظاهر الانبهار اولا ولماذا تغير هذا الاحساس الان

اخى الغالى ابو حمزه 1
تشرفنى مشاركتك جدا
واحب احدثك عن الانبهار بالامارات
الانبهار ده راح بعد تقريبا اسبوع واحد من اقامتى هنا
الانبهار كان بنظافة الشوارع وتخطيطها والمظهر العام بالبلد فالبلد هنا فعلا شكلها جميل لكن جمال صناعى
حتى البحر اللى انت بتروحه ما تلاقيهوش طبيعى بيكونو ردمينه رمل عشان يناسب الناس
والمناظر الطبيعيه كلها صناعيه وده اكيد مجهود يحسب للقائمين عليه

لكن تخيل واحد مريض ولابس بدله اخر موديل ايه فايدة البدله دى
البلد هنا فيها حاجات كتير لكن ما ينفعش اقولها
لكن تخيل اللى كلنا بنسمعه بيحصل فى الغردقه او شرم الشيخ تلاقى هنا اكتر منه وافظع\
يعنى هنا لو مش ماسك على دينك تتوه
واسيبك تتخيل اللى موجود وصدقنى اى حاجه تيجى فى بالك فعلا موجوده
الا فى بعض الاماكن الشعبيه اللى ماسكه على عادتها وتقاليدها القديمه
زى الشارقه وعجمان مثلا يعنى
المكانين دول ممنوع شرب الشيشه فيهم وتمشى فيهم كانك ماشى فى منية النصر او دكرنس
ارجو ان تكون قد وضحت الصوره

ولو فى استفسارات تانيه انا تحت امرك

 

ابو تسنيم كتب:

يا هلا وغلا بالغالى العزيز
(كيساهي ) ابو حمزه [ندعوك للتسجيل في المنتدى أو التعريف بنفسك لمعاينة هذه الصورة]
بص بقى يا عسل هقولك كلمتين بالهندى ولو جدع اعرف معناهم ايه هههههه
( مي توم سي بيار كرتاهو )

بس اوعى تجيب واد هندى وتسأله هههههه انا عاوز اعرف مستواك فى الهندى اوك يا صديق[ندعوك للتسجيل في المنتدى أو التعريف بنفسك لمعاينة هذه الصورة]

(تيجاهي بي)ابو تسنيم

يعنى كده يا ابو تسنيم تجيبلى سؤال من بره المقرر
ماشى حردهالك
على العموم الكلمه دى ياسيدى حفصصها حته حته عشان اريحك
مى يعنى انا
توم يعنى انت
سى بيار يعنى حب
كرتاهو زى ماتقول كده هى الفعل اللى يحول كلمة حب الى فعل مستمر
تبقى الكلمه كلها معناها انا بحبك
بس مش انت يا ابو تسنيم انت بقالك نقطه سوده فى قلبى
ههههههههههههههههههههههه

 

redaaswelam كتب:

مسسسسسسسسسسسسسسساء الفل عليك يا ابوحمزه ومنور واجاباتك صريحه جدا لما بنشوفه فى الغربه بس قولى الشاى على مين فى الغرفه ولا واحد يشرب والتانى يبصوله ولا يقولك اعملى كعب معاك لان الكسل فى النقطه دى كتير ويدعى النوم ويشم الشاى يقوم انته من دول ولااااااا

شوف ياعم رضا انت كده جيت فى حيطه سد
ولو كنت عايزنى ارغى فانا فى دى مش حقدر ارغى والسبب بسيط
(انا اساسا ما بشربش الشاى)
واللى عايز يشرب شاى ههههههههههه يعمل
وبكده بيكون مزاجى فى السما ياعم
سبب مقنع صح
منورنى يا ابو احمد

 

محمد غنيم كتب:

بسم الله

تقصد مين يا معلم بالكلام دة وبتهدد مين بالظبط ؟؟؟

طبعا
مهو انت بتتكلم بقلب جامد عشان نفدت منى
بس ياسيدى نردهالك فى الافراح
منور يا ابو حمزه 3

 

محمد غنيم كتب:

بسم الله

حبيبى وااد خالى كيف حالك يا ريس ..عدنا من الفاصل نسمى يا ريس ونبدأ على طول

من البداية : كان إية شعورك لما إنتقلتوا من بيت العائلة بيت جدك وجدى الى بيتكم المستقل اللى هو بردة قريب من بيتنا الوقتى ؟؟ وكان إية شعورك من الجيران الجدد وهل كانوا بيضربوك بردة زى ما سمعت ولا اية ؟؟( عائلة أبو شلبى ) ههههه قول قول متخزاش

ثانيا :- أية رايك فى كل من الشخصيات التالية واية اللى استفدتوا من كل شخصية منهم ؟؟؟
1 الحاج / السعيد الجمل خالى
الحاج / على الجمل رحمة الله علية
الأستاذ / ابراهيم الجمل عمك
الاخ هانى الجمل ولازم تحكيلنا موقف مع هانى واية الدرس اللى إستفدتوا من الموقف دا ومازلت حاطة قدام عنيك للحين ..؟؟

اية را ريس نكمل ولا ترد على دول الأول

يالله رد على دول وبعدين نكمل ...؟ علشان ندخل فى التقيل بقى

اولا ارحب بحبيبى وابن عمتى ابو حمزه 3
ونمسك ياسيدى اسئلتك واحده واحده
ملخص السؤال الاول (ايه هو احساسى يوم ما انتقلت النعانعه للمبانى)
ياسيدى كان احساس ملخبط فرحان عشان هيكون للمشاكل اللى انت اكيد عارفها نهايه وحنكون مع نفسنا واسياد نفسنا
بس برده كنت حاسس انى بسيب حته منى ولحد دلوقتى لما بروح البيت القديم عند عيلة خالك محمد اول ما بدخل بسرح فيه الاماكن اللى الواحد كان بيلعب فيها والطفوله
فعلا ايام اتمنى ارجعلها لو يوم واحد
وكمان جيراننا القدام (عيلة بروم - عيلة عبد العظيم حجازى -وعمى حسن الجمل - وعيلة رزق -.............وغيرهم كتير )مابنساش يوم ما كنا بننقل وهما جايين يسلمو علينا وبيعيطو
فعلا والله احلى جيران
اما ياسيدى بالنسبه لعيلة ابو شلبى فده ما حصلش هههههههههههههه
وكمان كنت مصاحب 3 منهم وائل وعبده ووليد
وبجد والله جيران جدعان وقفو معانا فى مواقف كتير اكيد تعرفها واخرها وفاة امى الله يرحمها كانو مش عارفين يعملو ايه بس
وبجد بجد بحترمهم والله

اما بقى بالنسبه للسؤال التانى بتاع الشخصيات
اولا ابويا ,خالك السعيد \اهم حاجه ممكن تتعلمها من ابيويا باختصار (مايمسح دمعك افضل من كفك)
والصفه اللى اتمنى انى اخدها منه همته فهو مايكسلش فى مصلحه ابدا
ربنا يخليه لينا ويطولنا فى عمره
ثانيا عمى الحاج على الجمل \اهم حاجه اتعلمها منه التاريخ
فهو يعرف كل تاريخ برمبال وتاريخ العيله وكان مرجع لينا واكيد ليك برده
وتتعلم منه هدوء الاعصاب فى وقت الشده فهو تلاقيه فى احلك الظروف هادى وبيفكر صح

ثالثا عمى ابراهيم الجمل\ فعلا اتعلم منه حاجه مهمه جدا وهى ان فى وقت الطوارئ مافيش مكان للمشاكل القديمه
واهم حاجه الواجب بصرف النظر عن الخلافات ودى حاجه انا شايفها مهمه جدا

هانى ابن عمى\ اهم حاجه تتعلمها منه ان اهم حاجه تعملها بعد ما تقع انك تقف تانى
واكيد انت تعرف الصفه دى فيه انت ورفيق دربه هانى البسطويسى

اما بقى بالنسبه للموقف اللى ما بنساهوش ابدا معاه فبعد شويه ابقى احكيلك عليه
انتظرنى

 

شوف بقى يا ابو حمزه 3 وقبل ما احكيلك على الموقف بتاعى انا وهانى احب احكيلك على موقف كان بيحصللى كل يوم بعد ما نقلت جنبكم فى المبانى
كان فى واحد اسمه الدسوقى اللى هو قبال بيت عيلة العزب فى شارعنا انا مش فاكر اسمه الدسوقى ايه
وفى الايام دى كنا شكل بعض قوى
كان الاخ دسوقى ده كل مايقابلنى فى الشارع يقوللى ايه يا غنيم فين (الحمام ) بفتح الميم مش التواليت يعنى
اقوله انا مش محمد غنيم انا ابن خاله
وتانى يوم نفس احكايه وتانى يوم نفس الحكايه لحد ما قابلتك فى يوم لو انت تفتكر يعنى وقلتلك
الا قللى بقى يا حمام هو ايه حكايتك مع حمام الراجل ده

ودلوقتى مع موقف هانى ابن خالك
الموقف ده الفضل انى عايش لحد دلوقتى يعود لهانى ابن عمى بعد ربنا
كنت فى الوقت ده فى سن 9سنين او 10 وكنت انا وهانى ابن عمى فى الغيط سوا واتاخرنا فى اليوم ده لحد ما الدنيا قربت تليل علينا والمغرب بياذن خلاص
وكنت خلصت شغل فى ارضنا وكان لسه قدام هانى 10 دقايق شغل ويخلص ونروح على بيوتنا
وانا مستنيه فى دماغ الارض بتاعته وهو خلاص كان بيعمل اخر حاجه وكان الوقت ده تقريبا فى شهر 8 وكان الرز عالى قوى فوانا واقف لقيت حاجه جايه عليا انا مش عارف هى ايه ديب تعلب ما اعرفش كانت اول مره اشوف حاجه بالشكل ده لكن جايه عليا التعلب بيخاف وانا اعرف كده
انا مش خايف لكن مش شجاعه لكنه جهل منى لانى ما اعرفش ايه ده
فناديت وقلت يا هانى ايه ده اللى جاى ده تعلب ده وللا ايه
فطبعا كان الرز مدارى عليه ومش شايف حاجه
فجه نحيتى وكان باقى بينى وبين الحاجه دى حوالى 10 متر بس وساعة ما شاف هانى خاف ووقف
فقاللى هانى ده مش تعلب ولا ديب
فقلتله امال ايه ده
قالى تعالى ورايا وطلع يجرى وانا وراه لما لقانا بنجرى عليه خاف وجرى
اللى بيقرا دلوقتى حيقول لحقتوه
حقوله نلحق مين يا با ده طلقه وكان بينط اقل حاجه على ارتفاع 2.5 متر تقريبا
وفى لحظه كان اختفى وبرده لسه مش عارفين ايه ده
لكن واحنا مروحين البيت وقبل ما نوصل عند المجموعه قابلنا الاستاذ مجدى المندوه الله يرحمه
وكنا بنحبه قوى الله يرحمه فوقفنا نسلم عليه وهو كان لسه رايح الغيط عشان حيروى ارضه وحيبيت فى الغيط
فحكينا ليه على الموضوع فقالى طيب احمد ربنا ان انتم كنت 2 مش واحد ده قط براوى ومن يومين جرى ورى ابن اخويا ولولا الحمار اخده وجرى وهو ما كملش جرى وراه لانه لو كان كمل وراه كان لحقه
لكن القط ده بيخاف لما بيلاقى شخصين مع بعض وطبطب عليا وقالى يعنى لو كنت لواحدك دلوقتى كان زمانك الله يرحمك
فطبعا الحمد لله اولا وعلى فضله وطبعا الفضل بعد ربنا لهانى ابن عمى
وحتى هو ما بينساش الموقف ده وكنا لسه بنفكر بعض بيه الاجازه اللى فاتت

وفى انتظار باقى اسئلتك بس اعمل حسابك ممنوع اسئله من بره المقرر

 

محمد غنيم كتب:

الجيوكاندا كتب:

اللهم لاحسد يعنى ياابو حمزة ماشاء الله دعاء السيدة الوالدة رحمها الله عامل شغل جاامد انا ملاحظة يعنى واللهم لاحسد خد بالك انا ملاحظة ان الشغل مش تقيل اوى على حضرتك يعنى يعنى كل شوية يكون العمال مش زى الاستاذ هانى اوى يعنى دا الاستاذ هانى ده ربنا يعينه شغله واضح ان هو صعب اوى بس المهم دلوقتى انك تتقن عملك عشان ربنا يبارك لك فى رزقك متفرقش بقى صعب او مش صعب ، .
شكرا وتقبل مرورى

الاخت الغالية / الجيوكاندا

تسمحيلى أرد عليك أنا فى النقطة دى بالزات ...متتخيليش شغل تحت درجة حرارة ممكن توصل 40 درجة ورطوبة ممكن توصل لحد 75 % شكلها عامل الزاى بجد كان الله فى العون
الناس بتبقى مشغلة التكيف وأقسملك بالله بيبقى الجو حر وخصوصا مكيفات السيارة مابالك بقى بالهواء الطلق ومنك للشمس مباشرة ...مبقللش من شغل اخويا هانى البسطويسى لاء والله بس السيارة مهما كان فيها مكيف وان كان بيقطع مسافات كبيرة فهنا التعب انما الشغل تحت الشمس مباشرة كدة العذاب بعنية وخصوصا دول الخليج الرطوبة عالية جدا جداا

طبعا اشكر اخى محمد غنيم على الرد
ولكن احب اوضح حاجه بسيطه
وهى ان لما درجة الحراره تكون 40 ونسبة الرطوبه 75% بتكون درجة الحراره فى ترمومتر الغرفه حوالى 62 درجه تقريبا
يعنى احساس واحده قاعده قدام الفرن بتخبز
وهو ده احساسنا هنا فى شهر 7 وشهر 8

 

ابراهيم نعينع كتب:

ياااااااااااااااااااااااااه ،، هو انا ديما باجى متأخر كده ،،
معلش معلش ياابو حمزه اسف جدا على التاخير المره دى .
منورنا ياريس بجد ،، كنا منتظرين استضافتك دى من زمان
بس ماشاء الله الشباب قاموا بالواجب وزياده اهو
ومحمد غنيم ابو حمزه برده الظاهر سن سنانه خلاص
واستعد لك استلقى وعدك بقى ،، طبعا بهدى النفوووووس

طبعا الشباب ماسبوليش اى اسئله خالص ،، ولكن بقى هم نسوا
حاجه مهمه جدا انت اتكلمت عنها ،، ( المَنْحَلْ )
ايه بقى قصة المنحل ده فى عجاله سريعه ،، وازاى بتعمل المشروع ده ؟
وياترى بتروح تشترى شوية نحل يعنى وتربيهم عندك ،، ولا ايه ؟
والنحل ده مكنش بيهاجم الجيران ولا اييييه ،، وكان بياكل اييييه برده ؟
يعنى عاوزين نبذه سريعه مختصره عن الموضوع ده ؟

اخى الغالى ابراهيم نعينع اهلا ومرحبا بيك
ياسيدى مش مهم انك اتاخرت الاهم انك جيت
وربنا يخليك لينا كده تهدى النفوس كمان وكمان ههههههههههههه

شوف ياسيدى انا طبعا اول ما فكرت فى موضوع المنحل ما كنتش اعرف حاجه عن النحل ولكن طول عمرى كنت نفسى اعمل واحد ومكان بيتنا الحالى سهل الموضوع شويه لانه جنب الاراضى الزراعيه
ولما فكرت انى اعمله فعلا لجات للاستاذ حمدى منصور وهو يبقى اخو زوج اختى وهو صاحب خبره فى المجال
وسالته اعمل ايه قاللى اول حاجه افضل معاه شهر او اتنين اتبع معاه المنحل بتاعه عشان اتعلم وده اللى حصل فعلا
ومن المعلومات المهمه بقى عشان تعمل المنحل
تبدا بشكل مبداى ب 10 خلايا والخليه بتتباع ازاى بقى
بيكون فى خليه كاملة الاقراص وتكون خليه نشيطه وتتقسم الخليه وناخد منها 4 اقراص بالنحل اللى عليهم ونحط معاهم ملكه واحده لان لو حطيت ملكتين فى خليه واحده بيحص حاجه من حاجتين يا اما واحده بتقتل التانيه وتكون الخساير بسيطه او بيقسمو الخليه بينهم وملكه تاخد نص النحل ونهاجر او بالبلدى تتفش ودى الخساره الاكبر لانك بتخسر نص الخليه
وبتسد فتحة الخليه اللى بتكون تحت بالطين عشان وانت بتنقل الخليه مايطلعش منها ويهرب
ولما تحط الخليه فى المكان بتاعها فى المنحل بتاعك تفتحها وتشيل الطين منها لكن بحزر لان النحل بيكون هايج واسال مجرب على حصللى يوم ما نقلت المنحل
واعمل حسابك ان النحله اللى تطلع من فوق من عند غطاء الخليه مش راجعه تانى لانها لسه ما تعرفش مكان الباب يعنى لازم النحل يعرف مكان الخروج عشان يعرف يرجعله
والنحل ياسيدى بيقدر يطير 5 كيلو ويرجع لكن على مراحل يعنى يبدا بمتر ويرجع ومترين ويرجع وكل مره يزيد عشان يفضل عارف خريطة باب الخليه
والغريب انك لو نقلت الخليه من مكانها 10 سنتى بس ما يقدر يوصلها او لو لفيتها مثلا ما يعرفش يدخلها تانى ويتوه عنها

و اجاوبك عن اخر سؤال
اكل النحل
النحل اساسا اكله هو العسل وبيخزنه لنفسه لكن احنا طبعا بناخده منه
فتونه يعنى ههههههههههههههه
وبنغزيه ميه وسكر واى حاجه تعمل ريحه ونكهه زى اللمون مثلا او البرتقال الموجود منهم يسد
وده بيكون بنسب مختلفه على حسب الموسم اللى انت بتغزيه فيه
وبالنسبه للجيران الله يكون فى عونهم واهم حاجه تكون علاقتك بيهم كويسه كده او مش حيتحملوك انت ونحلك طبعا

انا عارف انى طولت عليك بس اتمنى ان يكون باستفاده
وتقبل احترامى وتقديرى اخى ابراهيم

 

على فكرة ياأبو حمزه أريد فقط الاجابة بنعم أم لا ولا أريد ذكر أسماء

 

ام بودى كتب:

على فكرة ياأبو حمزه أريد فقط الاجابة بنعم أم لا ولا أريد ذكر أسماء

اولا يا اخت ام بودى انا لما قلتلك تذكرى الاسماء ما فكرتش غير فى انى اتاكد فقط من الاسماء
وبالنسبه للاسماء اعتقد ان الاسمين الاولانيين تقصدى بيهم بنات عمى
اما الاسمين التانيين فانا مش متاكد منهم عشان اجاوبك عليهم

اتمنى انى اكون كده جاوبتك على سؤالك
يسعدنى مرورك

 

بسم الله

وااد خالى ..أقولك انا على موقف مضحك وغريب ...فى فرح أخوك إبراهيم أتصورت صورة على المسرح ولما الصورة طلعت بقيت مش عارف دا أنا ولا إنت ؟؟والله حصلت وبقيت متردد وأبص جامد فى الصورة لحد ما إتأكدت إنى أنا هههههه
لانها كانت جاية بالجنب شوية

 

بسم الله

نكمل يا ريس أسئلة ولا إية ؟

من حق مفيش حد عبرك حتى بكباية مياة يا محمد يا أخويا شوفت بقى الناس حبايبنا مقدرينك قد أية ؟؟ على العموم هانى البسطويسى هيجيبلك حتة من الكوارع اللى إتقدميتلوا دا على فرض أن لسة فيها حاجة هههه


أحكيلنا ياريس على المنشية وأصدقاءك هناك وظروف شغلك فى الاستورجى وأية اللى إستفدتة من المهنة دى ؟



وفاصل ونواصل

 

محمد غنيم كتب:

بسم الله

نكمل يا ريس أسئلة ولا إية ؟

من حق مفيش حد عبرك حتى بكباية مياة يا محمد يا أخويا شوفت بقى الناس حبايبنا مقدرينك قد أية ؟؟ على العموم هانى البسطويسى هيجيبلك حتة من الكوارع اللى إتقدميتلوا دا على فرض أن لسة فيها حاجة هههه


أحكيلنا ياريس على المنشية وأصدقاءك هناك وظروف شغلك فى الاستورجى وأية اللى إستفدتة من المهنة دى ؟

وبعدين أبو حمزة جنيدى سأل سؤال أعتقد إنك مردتش علية ؟ وهو إية السلبيات اللى شفتها فى الغربة وخصوصا بلد الامارات ؟؟

وفاصل ونواصل

وهو لسه فى فواصل ومواصل كمان طيب يا سيدى ربنا يستر
وبالنسبه للشبه على فكره لينا شخص ثالث كان برده يشبهنا واحنا صغيرين
حماده الرفاعى ابن خالى الرفاعى الشافعى برده كان فى ناس بتتلخبط فينا

اما بالنسبه لسؤال ابو حمزه 1 فانا جاوبت عليه لكن فى الاول ممكن فى الصفحه التانيه او التالته

وبعدين بالنسبه للناس اللى ما عبرتنيش .............اذا كان ابن عمتى منشف ريقى من امبارح هم حيعبرونى
هههههههههههههههههههههه
لنا الله

اما بالنسبه للاسترجيه ياسيدى فهى احب شغله اشتغلتها عندى
وكان ليها الفضل الكبير فى تعرفى على ناس جديده
وكمان عرفتنى على ناس قرايبنا انا ما كنتش اعرف عنهم غير اسمهم فقط لا غير
والسبب انى كنت شغال فى ورشه فى بيت خالتى بنت عم امى وما كنتش اعرفها غير بس ان ليا خاله بالاسم ده والبيت المقابل ليها يبقى بيت عمتى اللى ما كنتش اعرف اساسا انها موجوده واتعرفت عليها بالصدفه لما شفت اخوها واخوها كان قابلنى انا وابويا مره وعرفنى عليه
واما بقى الاصدقاء فكل الاصدقاء اللى اعرفهم دلوقتى كلهم اتعرفت عليهم بعد ما اشتغلت فى الاسترجيه لان مدرستى كانت فى منية النصر وكل اصدقائى كانو من بره البلد
وعلى راس اصحابى دول عاصم الصبرى الناغى ومحمد ابو الفتوح

والمنشيه بقى كان فيها اتنين توام هما ولاد خالتى عماد طاهر وصلاح طاهر ولاد الاستاذ احمد طاهر
الاتنين دول يطلعو الشعر الابيض فى راس الطفل اللى لسه بيرضع
كانو هابليننا والواحد يعمل المصيبه ويرميها على التانى وفى الاخر ما تعرفش تمسك عليهم حاجه

كفايه عليك كده يا عم بقى واخد فاصل عشان اقدر اتواصل

 

محمد غنيم كتب:

بسم الله
من حق مفيش حد عبرك حتى بكباية مياة يا محمد يا أخويا شوفت بقى الناس حبايبنا مقدرينك قد أية ؟؟ على العموم هانى البسطويسى هيجيبلك حتة من الكوارع اللى إتقدميتلوا دا على فرض أن لسة فيها حاجة هههه

كوارع إيه يابوحمزة غنيم
وضح ياعم محدش قدم لي أي كوارع
وبعدين ماشاء الله واضح إن أبوحمزة الجمل زايد في الوزن ومحتاج يعمل رجيم مش يأكل كوارع

 

هاني البسطويسي كتب:

كوارع إيه يابوحمزة غنيم
وضح ياعم محدش قدم لي أي كوارع
وبعدين ماشاء الله واضح إن أبوحمزة الجمل زايد في الوزن ومحتاج يعمل رجيم مش يأكل كوارع

انا مع انى شامم فى كلامك كده شوية حقد طبقى كده بس حعديها
ههههههههههههههه
وبعدين ياسيدى احنا هنا عاملين زى الزبده بنسيح فى الحر والحر داخل وربنا يستر
وبعدين انا فضلت ادور على الكوارع دى ومالقيتش حاجه هى ايه حكاية الكوارع دى يا غنيم

 

منذ فتره وجيزه وانا اتأمل هذا الحوار الممتع الشيق الذى لايخلو

من القفشات الجميله وخصوصا مع شخصيه جميله مثلك ابو حمزه

ومع اعضاء لا اجد الوصف الذى يستحقونه فعلا جميعكم تستحقون

التحيه والاعتزاز والتقدير واستكمالا للفقشات الجميله التى تميز

الحوار الجميل كلمنا يا عم ابو حمزه عن الاوبيج بتاخد فلوس كام

وانت بتقول انك مش بتخاف من الحسد

 

نهاد سليم كتب:

منذ فتره وجيزه وانا اتأمل هذا الحوار الممتع الشيق الذى لايخلو

من القفشات الجميله وخصوصا مع شخصيه جميله مثلك ابو حمزه

ومع اعضاء لا اجد الوصف الذى يستحقونه فعلا جميعكم تستحقون

التحيه والاعتزاز والتقدير واستكمالا للفقشات الجميله التى تميز

الحوار الجميل كلمنا يا عم ابو حمزه عن الاوبيج بتاخد فلوس كام

وانت بتقول انك مش بتخاف من الحسد

ايه يا جدعان
هههههههههههههه
انا فعلا ما كنتش بخاف من الحسد بس شكلى كده غيرت راييى خلاص
ههههههههههههه
انت تعرف سؤالك شكله كده سؤال جامد بس المشكله ان انا ما بعرفش اقرا اللون الاحمر
غير اللون وانا تحت امرك
هههههههههههههههههه
منور والله يا عم نهاد

 

على فكره انا بهرج وده من روح الدعابه التى تميز

جميع اعضاء المنتدى رزقك الله رزقا وفيرا وبارك لك فيه

 

طيب ياعم ما دام انت رجعت فى كلامك كده
تابع معانا كويس عشان محضرلك مفاجاه
منور يا عم نهاد

 

 

 

[quote="الجيوكاندا"]
يللا كل واحد يرح على بيته
يا اما حرش مية على البرنامج ده
ههههههههههههههههههه

الجيوكاندا كتب:

اشكر الاستاذ نهاد على طرحه سؤال يشغل تفكيرنا ليلا ونهارا مثل هذا السؤال
ههههه

انتم كده محسسنى انى فى الامارات شغال الشيخ خليفه بعد الظهر
هههههههههههههههههه

كان معكم خميس ابو العافيه \ابو ظبى \قطاع الاخبار