تذكير بمساهمة فاتح الموضوع :

 

 

 

الاخت الغاليه الحبيبه لقلوبنا جميعا / الاستاذه فاطمه

كم انا سعيد لمتابعتك الحوار الشيق الممتع وان كان متابعتك عن بعد

دون اى مداخلات واود ان اضيف لحضرتك الخير والشر موجود فى كل مكان

وهنا فى الغردقه كل شيئ متاح وممكن الوصول له ولكن طبعا مخافه الله

تقف حائلا بينى وبين اى خطأ والحمد لله فأنا فى الغالب لا اخرج من بيتى

الا للصلاه او للعمل واحيانا للفسح مع الاولاد وده يعود للبيئه التى تربينا

فيها فكل ما اقوم به صلوات واوراد يعود فيه الفضل لامى عليها رحمه الله

فلقد نشأنا ووجدناها قريبه جدا من الله جعله الله فى ميزان حسناتها

 

الاخت الغاليه جدا وقطه المنتدى الشقيه

الجايزه دى كانت وبال على ولم افرح بها بسبب ما كان يقال عنها

مره تسمعى اللى يقول انها حرام لانى لم اتعب فيها واللى يقول

بمكالمه تليفون كسب 1000ج يعنى الحمد لله

وارجوكى متتأخريش عن مساعدتى لان ابو حمزه بيسن سنانه

 

احم
(انت بتعمل ايه على الجهاز ياد يا عوض يخرب بيتك)
معلهش يا جماعه الواد دخل على البرنامج من ورايا
فى انتظارك يا عم نهاد
انا لسه معاك اهو
ههههههههههههههه
سلام عليكم

 

[b]كل التحية والتقدير للاستاذ نهاد فانت مثال رائع للجهاد والكفاح
ثبتك الله على الطاعة ووفقك الى كل خير[/b]

 

شكرا جزيلا اختنا فى الله صافى

على المشاركه والثناء ونتمنى منكى المزيد دائما

 

الاخ الجميل والمحترم فليسوف المنتدى الاستاذ حسين باشا

اود ان اسجل اعجابى وتقديرى لشخصك الكريم فأنت حقا مثال رائع

العقلانيه والكلام المتسم دائما بالنضج العقلى فعلا حضرتك حد جميل

واولا ان ان اسجل لك اسفى للتأخر فى ردى على استفسارك

احب ان اعرفك ان الغردقه كلها مرتبطه بالسياحه حتى لو لم تكن

تعمل بالسياحه لان الغردقه ليس بها اى دخل غير السياحه بمعنى

ان الغردقه ليس بها مصانع او اراضى زراعيه كل ما فيها عباره

عن شركات سياحيه وفنادق وقرى سياحيه يعنى لو فيه اجانب فى

الغردقه العائد يكون على كل اهل الغردقه حتى ولو لم يكن عائد مباشر

بمعنى ادق لو فيه اجانب وسياحه فالسائح يقوم بجولات التسوق

فينتعش السوق وايضا عندما يكون فيه اجانب يكون الكل مبسوط

ماديا فأنا مثلا اعمل بأحد الفنادق راتبى الاساسى 300 ج لا يفعلوا

شيئ انما بالحوافز ونسبه الاشغال فى الفندق ممكن راتبى يصل

2000 ج فاذن هصرف لان فيه دخل وهصلح عربيتى لان فيه دخل

وهمسح الجزمه عند الجزمجى لان فيه دخل ولو مفيش اجانب

هخلى عربيتى مش هصلحها وهشترى احتياجاتى من السوبر ماركت

فقط دون اسراف بمعنى اخر ان السياحه هى حلقه وصل يرتبط بها

الجميع حتى ولو لا يعملوا فى المجال السياحى

اما عن الحركه الاقتصاديه قبل وبعد الثوره طبعا البلد تأثرت جراء

هذه الثوره المباركه وقامت الفنادق بتصفيه العماله مثلا الفندق

الذى يعمل به 700 موظف يصفيهم على 200 موظف ويقسم ال 200

موظف نصفين نصف موجود والنصف الاخر فى اجازه اجباريه

بس الحمد لله الان الوضع احسن وبدأت السياحه تعود رويد رويدا

بس بجد هى بلد جميله بس محتاجه اللى يصبر فيها يجنى جزاء

صبره وانا امامك خير مثل فأنا بدأت فيها من تحت الصفر

والحمد لله الان فى حال محمود وكويس جدا

مره اخرى شقيقى الحبيب اسف للتأخير

 

الاخوه الاحباء

لقد حدث معى لبس وخطأ غير مقصود عندما قلت ان

من بين الاوراد التى اقوم بها كل ليله قرأه سوره الجن لتقينى

ضمه القبر فالصح هو سوره تبارك ( الملك ) فهو خطأ غير مقصود

فأنا بالفعل اقرأ سوره الملك رجاء تقبل اسفى

 

الاخ الجميل فاكهه المنتدى او شرلوك هولمز افندى الشهير

بأبو حمزه

لقد تكلمت معى عن فتره هى من اجمل فترات حياتى مع انى

كنت مجبس ذراعى فيها لمده عام ولكنها كانت فتره جميله

كنا نقضى معظمها عند حسنى طاهر بس اللى وصلك تلك المعلومه

اخطأ لانى مكنتش باخد حاجه غير لما احاسب عليها لانى مؤمن

بحديث رسولنا الكريم ما اخذ بسيف الحياء فهو حرام

صلى الله عليه وسلم

عموما حسنى طاهر من الشخصيات المحببه لقلبى جدا

حتى اسأل ابراهيم الجمل

 

 

السلام عليكم ورحمة الله
الاخ العزيز نهاد
بعيد عن اى هزار او مجاملات
انا فعلا بجد اتشرفت بمعرفتك وبحترم مشوارك فى الحياة واللى كان سبب فى انى افكر فى استضافتك من الاصل
وطبعا المعلومات اللى عندى معظمها كانت من اخويا (ابراهيم الجمل)لانى فعلا ما كنتش اعرفك معرفه شخصيه وحتى لما عرفتك فى المنتدى ما افتكرش ان كان فى شئ جمعنا قبل كده
وكمان لما تحب تعرف حاجه عن واحد فى الغردقه طبعا اسال واحد فضل فى الغردقه 8 سنين
والشخص ده كان زوج اختى (حسين فهمى)
يعنى معلوماتك كان سهل الوصول اليها
واتمنى انى ما اكنش ضايقتك او قلبت عليك المواجع
واتمنى انى كنت ضيف خفيف عليك
اما بالنسبه للب بقى احنا علينا نسال حسنى نفسه بس انا عارفه لو كنت حاسبته برده حيقول ولا شفت منه حاجه
هههههههههههه
انا عارف حسنى
ههههههههههههههههههههه
وربنا يديم المعروف بيننا دايما ان شاء الله وربنا يكتب لنا اننا نتعارف على الطبيعه بره المنتدى
وان كنت بتحضر الاعياد فى البلد ففى العيد الكبير باذن الله حكون موجود فى البلد
يشرفنى نتقابل
ارجو انى ما اكنش تقلت عليك اخى الفاضل
تقبل فائق احترامى وتقديرى
وعلى فكره انا طردت الواد عوض لو يهمك الامر يعنى
هههههههههههههه
اخوك ابو حمزه 2 (محمد الجمل)

 

اخى العزيز نهاد

ارجو ان تكون فى احسن صحه وعافيه طبعا انا استمتعت بالحوار الجميل واعزرنى لانى كنت المخبر لانى علمت من اخى انه يسال عن شخص عزيز فقلت له شوية بينات عنك طبعا فى الخير لكن اللب وموضوعه انا عارف انك انسان محترم لكن كنا بننكشك بس وياريت انى فعلا زى موصفت وان الاخباردى ميعرفهاش الا ناس عزاز عليك ياريت اكون منهم وسلامى ليك وللاهل
وطبعا متناسش السؤال بتاع اخويه مجوبتش لسه بتاع الموقف اللى ما بتنساهش بينك وبين حسنى

تقبل تحياتى اخوك ابراهيم الجمل

 

الاستاذ الجميل / سعد باشا

انت فين يا راجل انا كنت منتظرك منذ فتره ليه حرمتنا منك

ومن كلامك الجميل الذى لا يخلوا من خفه الدم التى اعشقها

بس بسرعه متتأخرش لانى خلاص هسلم الرايه لزميل اخر

دومت بكل ود

 

الاخ الجميييييييل المحترم جدا ابراهيم الجمل

كم كانت مفاجأه جميله وانا اتلقى منك تلك الرساله الجميله وكم كانت

مفاجأه ان اعرف انك شقيق ابو حمزه ( فاكهه المنتدى ) وكنت فى

حاله استغراب من اين توصل ابو حمزه لتلك المعلومات التى لا يعرفها

غير احد قريب منك بس انا بجد سعيد بك جدا وحبى واحترامى لابو حمزه

قد زاد لحبى واحترامى لك فأنت من الناس الجمال اللى عفتهم وتقربت منهم

عند حسنى طاهر فأنت حد جميل ومحترم ومؤدب وهذه ليست مجامله انما

انت اهل لها اتمنى لك كل التوفيق والتواصل دائما

 

طيب ياعم بما انك رجل اعمال فى الغردقه وعدت واصل يعنى
المفروض بقى ياعم تعملى زياره مجانيه للغرده
واهو يبقى يوم ليك ويوم لحسنى واليوم التالت انت عارف فين
بلاش نفسر بقى عشان الفضايح

وعلى فكره انت رده بتهرب من السؤال وللا تحب ابعتلك محمد اخويا يتصرف معاك
ههههههههههههههههه
تقبل تحياتى ياريس

 

حبيب قلبى الاستاذ / ابراهيم الجمل

اتمنى طبعا ان اقدر اعمل معاك واجب هنا فى الغردقه بس انت

تعطينى فرصه وتشرفنى بس واجب مش زى بتاع حسنى طاهر

كفايه عليك حسنى انت هتنهب متكونش طماع هههههههههههههههههه

انت فعلا اسان جميل ومرح وذو اخلاق طيبه وانا يشرفنى معرفتك

دومت بكل ود

 

الانسان الجميل ابو حمزه الجمل فاكهه المنتدى

بجد انا مش لاقى الكلام الذى يوفيك قدرك وعجز لسانى وقلمى عن التعبير

لك عما اكنه لك حب وتقدير ولجأت لعلماء اللغه عسى اجد عندهم كلمات

جديده تعبر لك عما بداخلى فلم اجد اتمنى ان تكون انت حاسس بما اكنه

لك من حب وتقدير كفايه بس نشاطك الملحوظ فى جميع اقسام المنتدى

ويكفينى فخرا ان اكون خلفك فى هذا الباب يوم فى حياتى واشكر اخى

وحبيبى الاستاذ هانى البسطويسى لانه اختارنى لهذه المهمه مع انك قلت

لى انك محضر لى مفاجأه ولكنى لم اتوقعها وشكرا جزيلا لك لانك بحثت

وسألت عنى وبسبب ذلك واسئلتك الجميله عرفنى اعضاء المنتدى عن قرب

وتعرفوا على جانب من حياتى واقسم بالله انى كنت صادق ولم ابالغ او ازين

واحسن هذه هى حياتى والحمد لله ربنا اكرمنى بعد كل هذه المحن واعيش

عيشه كريمه وهذا من فضل ربى سبحانه وتعالى

فشكرا لك ولكل من شارك وساهم معى فى يوم من حياتى

دومت بكل ود

 

شكر خاص اختنا الحبوبه القطه الشقيه الجيوكاندا

بجد انتى حد جميل وكانت دائما مشاركاتك تملآ الجو بهجه

وفرح ومرح وكفايه شقاوتك الجميله وكنت سعيد بكى جدا

ماشى يا حضره الافوكاتو شكرا جزيلا لكى

 

 

اختنا الفاضله فاطمه

اشكر لحضرتك دائما حضورك المميز واشكر لحضرتك كلماتك

الرقيقه التى اعتبرها تكريم كبير لا استحقه

شكرا جزيلا لكى فأنتى فعلا قيمه كبيره

 

الاخوه الاعضاء

انا شاكر لحضراتكم جميعا فلقد بينكم وقت طيب وفضفت

فيه عن اشياء كثيره لا يعلمها الا القليل واتمنى ان اكون

الا اثقلت على احد متمنيا للجميع كل السعاده

الاخو ه الاعضاء

بما ان حلقتنا قد انتهت والحمد لله وبما ان من قانون البرنامج

ان على اختيار العضو الذى يلينى فظللت ابحث وانقب لكى اجد

لكم شخصيه مثال للكفاح مثال للاحترام مثال لكل شيئ جميل

شخصيه تحب ان تجلس وتستمع اليها لما يتميز برجاحه عقل

قل ما تجدها شخصيه اليوم كل يتمنى ان يسير على دربه

شخصيه اثق ان الله يحبه ولذلك يحبه الناس

اخوتى الاحباء حتى لا اطيل عليكم شخصيتنا التى اتمنى ان يقبل دعوتى هو

الاستاذ / ابراهيم محمد السيد الامبابى

لكى يفضفض لنا على جوانب حياته المضيئه

واترك الان المهمه لابو تسنيم لبدايه الحوار معه

والسلام عليكم ورحمه الله وبركاته

 

 

أستاذ نهاد خالص شكرنا وتقديرنا لشخصك الكريم على تلك الفضفة الرائعه
فلكم استمتعنا بالحوار معك على مدار ثمان صفحات ،، كانوا من امتع
الحلقات ،، تطرقنا فيها لحياتك البسيطه المتواضعه ،، ولما لاقيته
فى بداية حياتك من صعوبات وابتلاءات ثم جاء الفرج من عند
الله عز وجل فى النهايه
" انه من يتق ويصبر فان الله لايضيع اجر المحسنين "
فى النهاية لايسعنا الا ان نرفع لك اسمى عبارات المحبة فى الله عز وجل
الى ان نلقاك على ارض الواقع فى القريب عاجل
خالص الدعوات لك بحياة سعيده مُباركه دنيا وآخرة