كاتب الموضوع | رسالة |
---|
| موضوع: رد: يوم فى حياة عضو الاستاذ (ابراهيم محمد السيد امبابى) الأحد يونيو 12, 2011 9:24 pm |
| الأخ الفاضل هاني البسطويسي 0000 و يوم في المقهى ( صبي قهوجي المعلم إبراهيم إمبابي ) كنت في الصف الرابع الابتدائي وكان عند جدي السيد ابو امبابي ثلاث قطع أرض زراعية في الإصلاح الزراعي ولازم يروح شخص نفر في الفرقة فر القطن على الأرض كل سنة والمهم كان حظي إنني الحفيد الأكبر وكان عمي الاستاذ السيد امبابي هو خولي الفرقة في ذلك الوقت وكان يتميز بالدقة حتى في خطوته على الطريق ومواعيد العمل وخلافه وما زال حتى الآن المهم روحت سنتين الفرقة وفي اجازة الصف الرابع قرر عمي محمود رحمه الله ترك العمل في القهوة تماما لانشغاله بالزراعة وجدي كان لا يستغنى عن القهوة لمزاجه الشخصي يقولك اقعد في قهوتي ومروحش قهوة حد وهو كان غاوي دخان وكورشينه المهم وقع الاختيار علي وابديت استعدادي بدلا من العمل في الغيط انني اعمل في القهوة وكان الاتفاق مع جدي على ذلك أما عن كيف كنت أقضي اليوم فاليوم في عمل المقهى يبدأ بالنسبة لي ظهرا استيقظ من النوم الظهر وبديت انظف أكثر برغبة شخصية مني كنت اقوم الظهر بغسيل كل الكوبايات والجوز أم غابة واقص المعسل وافركه بالميه واخمره كويس بالعسل واعينه لليوم التالي وهكذا واولع القلاويح النار للجوزة وامسح الطربيزات وادلق جردل الصرف الي بغسل فه الكوبيات واشترى لوح الثلج واستعد كمعلم واقف على النصبة كانت النصبة هي موقع الادارة في المقهى وانت واقف عليها انت مدير المكان كله بيشرب من تحت ايدك وانت المعلم 000 وكان الامكانيات بسيطة واذكر أنني وقفت ماسك الجوزة لواحد راكب على حمار وهو بيشرب وانا واقف ماسك له الجوزة وهنا ناداني جدي وكانت أول مرة يشخط فيه امام الراجل وقالي تعالى هنا وسيبهاله ينزل يقعد ويشرب وعلمني أول درس في احترام نفسي وشخصي بطريقته العفوية وكنت بنزل الشاي لاول مرة معاه كوباية ميه كنا لسه منعرفش السكر بره لغاية ما جه واحد من بور سعيد مع عمي زكريا رحمة الله عليه وعلمني السكر يكون بره ومعاه ملعقة 000 وكان فيه راجل كنت بحترمه معاه بندقية على كتفه كنت فاكره دا اهم واحد في البلد وكان بيسيبني اتفرج على البندقية واشيلها في كتفي كدا وبعدين لقيت جدي في يوم بيقولي متنزلوش الا بعد ساعة ولا تحط له صنية ولا ميه ولا تهتم بيه كوباية الشاي في ايده ولا عنه ما شرب مثلا وطنشه ليه لأنه مش بيدفع علشان شيخ غفر ساعتها إلا أنني فضلت احترمه وابصيله على انه اهم واحد في القهوة لغاية ما لقيته بيجري ادام واحد راكب حصان ويمسك له الحصان ويجري قدامه بعدين عرفت ان دا مش رئيس برمبال وان الي راكب الحصان اهم كمان كان على كتفه زراير جميلة كدا وبدلته جميلة عرفت ساعتها إن دا أهم من كل الي عرفتهم وان دا هو الريس هنا على كله 0000 ولما كان يجي جدي يحلق شعره ودقنه كنت اقف على كرسي القهوة وامسك الجلدة في ايدي علشان الحلاق يسن عليها الموس بتاع الحلاقة وفي يوم جه واحد بعد جدي يحلق فاني زهقت من الوقفة قمت رايح رابط الجلدة في الشباك وسيبهاله وعملتلها مسمار بعد كدا الي يحلق يربط الجلدة للحلاق في المسمار علشان يسن عليها الموس ولما كان واحد يتعور لاي سبب شقرف مثلا قطع رجله نصفين يجي القهوة ويبعتوني للحلاق بسرعة يجي ساعتها ونبدأ نعمل العملية للمريض لكن انا كنت مبحبش مناظر الدم والجروح حروق دمامل قطع المهم كان الحلاق ساعتها يقوم بدوره وكله يقف مساعد له الي يمسك مكان البنج والي يربط والي يغسل والحلاق واقف يعطي تعليمات ويشخط في الناس ومعاه شنطته بتاع العدة فيها كل الأدوية ما عدا كاتم الدم كان عندي انا في النصبة الي يتعور ويحتاج يتخيط يجيلي احطيله بن يكتم الجرح ويلفه بفانلة متقطعه دايبه ويغير عليه كل كام يوم وخلاص وميجيش ناحية الميه ولا يشرب لما الجرح يروق ومرة جدي كان عايز موس يقطع حاجة رحت جبتيله موس بيقولي منين اجبت من على شباك جارنا كان بيحلق ويحط فلقة الموس القديمة في الشباك علشان متعورش حد وكانت إلي طفلها يسخن تيجي القهوة تاخد حتة تلجه من اللوح الي بنشتريه وقبل الكهرباء كان عندنا ماكينة نور كانت بتدور لما جدي يجيب المسحة ويقعد يعج فيها تشتغل بطاقة الضرب وشد الحبل 000 وكان لنا جار أول واحد يجيب فيديو في برمبال وكاميرا كان راجل فنجري اول تلفزيون وتسجيل ابيض واسود شفته عنده كان بره لما كان يجي من بره كان يلبس الجلبية البيضة ويقعد على القهوة ويحاسب للناس وتحس انه يده عليا على الجميع ويتكلم خليجي اش تبي واشلونك وطال عمرك وكدا وانا معجب انه بيتكلم لغات دا لازم خبراته عاليه وكنت بكتب جوابات في الوقت دا للحارة كلها الرجالة في العراق والحريم ينادوني اكتب لهم ومرات يجوني في القهوة قبل الرجالة ما يوصلوا اكتب لهم خطابات كنت اعرف كل بيوت الحارات المجاورة وظروفهم واسرارهم ومكنتش ابوح بها ابدا وكان فيه واحدة ست بتشرب جوزه كل كام يوم تيجي كدا اعمل لها المعسل وتشتريه وكنت استغرب جدا انها بتشرب جوزه واعتبرها يعني شخصية قيادية راجل وكانت احيانا بتشرب بن ودا كان مشروب الأكابر ساعتها وكان جدي بيشرب سجاير صوبر اطول من الكليوباترا ومرة اشتريتله بالغلط كليوباترا وخلاني لفيت البلد كلها علشان اجيب له الصوبر لغاية ما اتشاكلت معاه قلتله كلها سجاير بلاش وجع دماغ اشرب دي يا تروح تلف انت كنت الحفيد المدلل ممنوع عم او ام او حد يزعلني ارجع لجدي وبعدين اني الوحيد الي ممكن يشد على جدي وستي ام شادلي انا الي بيتعامل كويس معرفش ليه يمكن علشان والدي توفي وانا 8 سنوات وجدي اعتبرني مكان والدي وكان بيعاملني كافضل ابناءه والجميع كدا اتعلمت في القهوة كثير لاني كنت بسمع كل حاجة في الزراعة في التجارة في مشاكل البيوت في اسرار العائلات في نصح راجل لابنه والاثنين كبار سن وهكذا في تحقيق الرجالة لبعض في مشكلة كنت بحضر اجتماعات مجلس ادارة أي موضوع وانا بنزل الطلبات واتعلم من المواقف واحيانا اقول لجدي رأي في بعض الأمور وكان بيسمعني ويحب يتكلم معايا كثير ويسمع لي 000 وفي مرة لقيت واحد بيدور على جدي المهم كان في الغيط العصر فالراجل قالي قوله الدفنة الليلة فانا لما وصل جدي وقلت له قال ماشي ومراحش الدفنة فضلت وراء جدي لغاية ما حكالي ان الراجل دا كان بيدله على حملات الشرطة والدفنة يعني الضابط جاي الليلة يخلو المشاريب وخاصة الجوزة نظيفة من الحشيش كان مشروب الزمن ساعتها مكان ا لبانجو الان مكنش معروف البانجو وكان لعب الكورشينة يتم بفلوس وكل ما واحد يكسب من الاربعة الاخرين كل واحد شلن في الدور القهوة تاخد شلن مقابل الطلبات والخدمة واخر الليل كل يوم واحد يطلع كسبان وواحد خسران ومرة صعب عليه راجل جدا باع بالطوا علشان يلعب كورشينه بثمنه وخسره وروح زعلت علشانه قوي ( قلت لو أنه تراجع ) ومرة راجل كبير جت امه ضربته بالشبشب وخدته من القهوة بالليل 000 ودا راجل شرب لما داخ كدا وروح بيتهم جعان جدا جاب حلة الاكل واكل كل الطبيخ الرز في العتمه وبعدين لما خلص فكر ينور لاي سبب وجد ان الحلة كلها نمل فاكتشف انه اكل حلة نمل وكان الرهانات كلها رهانات جهل مثلا الي يشرب عشرين زجاجة كوكاكولا ( طبعا الكوكاكولا دي الصغيرة كانت بتتشرى بس لما يكون واحد مريض قوي ومرتاحش لمدة اسبوعين كدا يبقه يستحق يشرب كوكاكولا علشان يروق وهو بيشربها حواليه عشرين عيل صغير ومطلوب منه يشربها ويعطي كل عيل شفطة والباقي دا نصيب الي هيرجع الإزازة ويجيب شبشبه من البقال كان سيبه لما يرجع الازازة 000 الي اكل فرخ صغير حي الي يشرب كوباية شاي بدون ايديه سخنة نار بشفايفه بين العقل الراجح والطيش بل والغباء احيانا بين الاستماع لكلام نصوح ومفيد وبين الاستماع لكلام تافه لا يجب ان يحكيه واحد عن اهله كانت عيني رقابة على الحدث بين التعليم والنقد بين الموافقة والرفض بين ما هو كائن وما يجب أن يكون مرة كان فيه رهان ان واحد ياكل قفص عنب بناتي كامل وطبعا في الليلة دي كان عندي فرح اصلي بحب البطيخ والعنب البناتي موت بس مش قفص يعني كان فيه فريق ناس قادرين كدا بتوع أخر الليل دول كانوا كل يوم يعملوا دماغ في الكيف والاكل بطرق فعلا فيها ترف واسراف كل شيء كان ملام من وجهة نظري البخيل الي بيقعد يتلفت ويلف علشان يلاقي واحد بيشرب دخان يقعد جنبه يمكن يعطيه كان يسقط من نظري فمبقدور المرء أن يستغنى عن أي شيء فيه مذلة له أي كان ويجب أن يكون المرء وسطا في كل شيء تعلمت الكثير من مواقف الرجال وما زلت طفلا حتى معاملة الرجل لأهله أو لزوجته كانت تعرض على مسامعي بالتفصيل واحيانا كنت أكره من الرجل التجاوز في ذلك وكنت اسمع منهم الرأي والرأي الاخر بين من يكرم زوجته ومن يهينها عمدا لاثبات رجولته بين من يعطي ومن يبخل وهكذا تعلمت السياسة في القهوة فقد كان البعض يتابع الأخبار وينتقد ويحلل ويتكلم خاصة رواد أخر الليل وتعلمت السياسة في شغل الأحزاب في المقهى إذ كانت هناك فرقتين او ثلاثة كل فرقة تعامل الأخرى معاملة الند في مهنة ما أو موقف ما مثلا فرق الشتل فرق الصبة فرق النجارة الحدادة وهكذا 000 بدأت أتعلم التفريق بين الكذب والنفاق والتملق وانا أتابع وأراقب البعض في مواقفهم ويحكى كل شيء أمامي بلا تحفظ على أني طفل لكني كنت أعي الأحداث ومرة أخدت سجارة وطلعت على السطح أدخنها كنت أحب أجرب كل ما اسمع أو أري غير أن الله رعاني إذا تخيرت بين الصواب والخطأ فاختار الله لي أن أتبع الطريق الوسط البعيد عن الإسراف في اللهو أو الحرمان من متع الحياة المختلفة فمثلا كنت مستمعا جيدا لام كلثوم وفريد من خلال حب بعض الناس لهم واهتمامهم وتفتح عيناي على الاستماع معهم 000 وكانت الشرايط التسجيل السائدة في ذلك الوقت شرايط مدح / قصص وكانت كلها بتدور حول معاني مثل أكل حقوق اليتامي والتجبر والظلم ومن تكرارها كنت احفظها عن ظهر قلب إلا أنني كنت أعود واميل بيني وبين نفسي للاستماع لأم كلثوم دونما أفهم معظم ما تقول كنت أحب فيها ذلك الشموخ وتلك الثقة التي تقف بها وذلك الصوت الشجي وتلك الموسيقى المرتبة المتناسقة والتي تتطلب منك فقط الإنصات 000 للاسف كان حظ القرآن قليل فلم يكن هناك الا ثلاثة أشخاص كلما جلسنا معا طلبوا مني القرآن وكنا نسمع التلاوت خاصة لسورة يوسف ومريم وقصار الصور لما يتمتع به القراء فيهم من مهارات الصوت وتفتح وعي على الاستماع للشيخ عبد الحميد كشك وكان موضع اهتمام لفرد او اثنين وكنت أرقب وصول شريط له بين الحين والحين 00 ربما كنت لا أملك القرار أو الشيء لكني كنت أشارك مع مالكه بالحظ الأكبر إذ من الممكن أن يبقى عندي الشريط للاستماع مرات ولحفظه لصاحبه ومستمعيه حتى يعودوا 000 كنت اتعجب لسلبية الناس إذ يعرفون ان فلان كذا غشاش غالي السعر كذاب فشار ولا احد يواجهه عرفت أنها أمور لا ينفع فيها ذلك القطع الذي كنت اصبوا إليه وهو المواجهة فمثلا لا يمكنك ان تقول لفلان ان زوجتك حرامية بتبيعلي رز مثلا أو ابنك حرامي بيجي يصرف كل يوم ربع جنيه مثلا كنت اطلب من جدي فعل ذلك وكان يعلمني أنه ليس بمقدورنا ذلك التدخل لانه ربما يجر خراب وانت تهدف للاصلاح فمثلا هذا الرجل لو قلت له مراتك بها كذا او ابنك ممكن يترتب طلاق يقوم الي واخد اخته كمان يطلقها وتتبع هذه الحالة حالات كثيرة من الخراب نتيجة لنفس المشكلة وفعلا اقتنعت فقد كانت الحقيقة ان تداخل وتشابك الأمور وتعقدها يتطلب الصمت أحيانا لأن فائدته أفضل من المصارحة أو التحدي أو الموجهة ليس عن جبن فانت لن تخسر في كل الحالات لكنك قد تتدخل للاصلاح وتجد أنك أفسدت دونما قصد 000 تعلمت الكثير الذي ما زالت بصماته في ذاكرتي حتى اليوم 000 تعلمت أن اسمع واستفيد لنفسي وأن اتحاور مع من يسمعني وليس مع من اريده أن يسمعني 000 تعلمت ألا أتدخل فيما لا يعنيني تعلمت أن أراهن على ما هو في مقدوري فقط 000 تعلمت ألا أقامر 000 لكني في المقابل خسرت الكثير فقد كان بمقدور مثلي حفظ القرآن كاملا وبسهولة إلا أنني انشغلت بالقهوة والغيط عن المكتب القهوة عالم مغلق على نفسه لكنه مفتوح في تمثيله للمجتمع على مصرعيه وحتى الأن لا أدرك إن كان هذا النصيب حظا طيبا أم عكس ذلك لأنه على الأقل لم يكن اختياري وإنما فرضته ظروف حياتيه لا دخل لي فيها وفي هذا الشأن فأنا لا أحمل على أحد وضعته الظروف في عمل ما أو إطار ما إن لم يكن يملك الخروج منه بنفسه ولست أدري هل هو إفراط في التسامح 000 أم إحساس بالمثيل المهم أنه في النهاية خبرات حياة لا يستطيع احد إنكارها أو توجيه دفتها برغبته فمثلا كنا حتى الرجاله بيجروا في الشوارع علشان يفكوا خنقة القمر بالطبل والحريم بالحلل والأطفال وانت مضطر تجري لحسن القمر ميتفكش وبعدين تبقه تفكر لما تدرك ولما تدرك تقتنع ولما تقتنع تقابلك أكبر مشكلة اقناع الآخرين وهكذا تحولك المقهى لو امعنت الفكر في كل تصرف من صبي قهوة إلى فيلسوف وأي طلب أنا تحت أمركم واحد شاي كرسي دخان فنجان قهوة 000 والشكك ممنوع والزعل مرفوع 000 وحتى لقاء 000 وأي أوامر يا عم هاني يا بسطويسي علك ترضى عني وشكرا لكم جميعا 0000
|
|
| |
| موضوع: رد: يوم فى حياة عضو الاستاذ (ابراهيم محمد السيد امبابى) الأحد يونيو 12, 2011 10:32 pm |
| - ابراهيم محمد السيدامبابي كتب:
-
000 وأي أوامر يا عم هاني يا بسطويسي علك ترضى عني وشكرا لكم جميعا 0000 [/font][/center] الأستاذ ابراهيم امبابي أشكرك على هذه الفضفضة وعلى ردودك ومشاركتك لنا هذه الجملة التي انهيت بها كلامك توحي إلى أنك تحمل في نفسك شيء من ناحيتي صح ولا أنا فهمت غلط رجاء التوضيح إذا تكرمت
|
|
| |
| موضوع: رد: يوم فى حياة عضو الاستاذ (ابراهيم محمد السيد امبابى) الأحد يونيو 12, 2011 11:36 pm |
| أخي الفاضل / الاستاذ هاني البسطويسي بعد التحية ،،،، لا يا راجل انت وانا اكبر من كدا 000 انا بسجل لك لاهتمامي بك وحرصي على تحقيق شيء 000 علشان ترضى عني لما انسحبت من نخلة الخير يعني مجرد مداعبة وهزار وانا بس بحاول اقرب منك لكن يظهر قربت قوي مرة واحدة 000 ولو فيه حاجة كلمني 0167723052 لكن دا كل الي عندي والله كل الي بيسأل سؤال بحاول أكون وفي في الشرح له قدر الإمكان وتوجيه الكلام له بس تقبل تحياتي ودام الحب بيننا ولا مجال لاي حاجة نحملها على بعض اطلاقا وشكرا على اهتمامك الكبير والله هو انت قرأت الكلامده كله 000 وايه رأيك
|
|
| |
| موضوع: رد: يوم فى حياة عضو الاستاذ (ابراهيم محمد السيد امبابى) الإثنين يونيو 13, 2011 12:00 am |
| من المفترض أنه ما زال ف جعبتي الكثير والكثير لأقدمه لكم وهناك بعض الرسائل ما زلت لم أكتب ردا عليها بعد اعتذر لأصحابها جميعا رغما عن إرادتي ويرجع سبب تعذر الرد أنه داهمني وقت البرنامج ونظامه الذي يجب أن أحترمه معكم جميعا فالان تحديدا وفي هذه اللحظة وصلتني رسالة من الأخ أبو تسنيم يطلب مني فيها اختيار الضيف القادم وبكل الحب والود وما أحمله لكم جميعا من تقدير وامتنان وشكر وأخص الأخ الفاضل توأم حياتي ورفق دربي الاستاذ نهاد سليم على اختياره لي واشكر كل من ساهم أو قرأ أو علق أو كتب أو استفسر في هذا الحوار الرائع والآن يتوجب علي الطاعة وافساح المجال لأخي الفاضل الذي اتمنى ان اتعرف عليه معكم عن قرب وأرى فيه نموذجا هادئا محبا وديعا جذابا مكافحا وطموحا إنه أخي الفاضل / نبيه طه من سباب رابطة برمبال القديمة النشطاء وأحد أبناء برمبال المخلصين له مني كل الاحترام والتقدير ولكم جميعا الشكر الواجب وخالص الحب والتقدير والاحترام أخوكم / إبراهيم محمد السيد إمبابي 0167723052
|
|
| |
| موضوع: رد: يوم فى حياة عضو الاستاذ (ابراهيم محمد السيد امبابى) الإثنين يونيو 13, 2011 3:50 am |
| شكرا استاذنا الجميل المبدع والفنان ابراهيم الامبابى لقد امتعتنا بكتاباتك الجميله التى اشبهها بالكنوز او بمعنى ادق تراث فلقد استمتعنا معك بالتلقائيه فى سرد الاحداث والبساطه فى التعبير والاسلوب فشكرا جزيلا لك واحب ان ان ارحب بضيفنا القادم الاستاذ /نبيه طه فارس العمل العام وخدمه بلدنا من اى موقع فأهلا به
|
|
| |
| موضوع: رد: يوم فى حياة عضو الاستاذ (ابراهيم محمد السيد امبابى) الإثنين يونيو 13, 2011 8:23 am |
| انت كده مطلوب لعلمك فورا حيا أو ميتا ..... الناس الى قلت أسرارهم مستحلفين لك .. واستلقى وعدك ..
|
|
| |
| موضوع: رد: يوم فى حياة عضو الاستاذ (ابراهيم محمد السيد امبابى) الإثنين يونيو 13, 2011 10:52 am |
| حبيبي ابو داود يبقوا كشفوا نفسهم ياباشا دا إن كانوا موجودين وبعدين حقهم القانوني في حفظ السر خلص دول بقالهم كام وثلاثين سنة 000 والي منهم هيتكلم يبقه جنى على نفسه هجيبه من أول ما حط رجله في الغرزة لغاية ما مات غالبا كلهم ماتوا 000 انت حضرتك عارف دي دماغ مكلفة وهما الي صنعوها يتحملوا بقه 000 وبعدين دي أمانة 000 ممكن تكبر في دماغي وانزلها في كتيب صبي قهوجي 000 يوميات في الجامعة 000 صبي مترجم في السعودية 000 مترجم في العراق 000 أحداث بين مكتبة ومطبعة ومصنع كراس الاسراء ومكتبة الامبابي 000 يوميات الفرقة وجمع القطن 000 وان كبرت قوي هنزل يومياتي مع محمد داود 0000 شوف هتدفع كام واسكت وحتى لقاء تقبل خالص حبي وتقديري 000 عايزين نبسطكم بس ونقول شهادة حق بس والله 000
|
|
| |
| موضوع: رد: يوم فى حياة عضو الاستاذ (ابراهيم محمد السيد امبابى) الإثنين يونيو 13, 2011 9:46 pm |
| - ابراهيم محمد السيدامبابي كتب:
- أخي الفاضل / الاستاذ هاني البسطويسي
بعد التحية ،،،، لا يا راجل انت وانا اكبر من كدا 000 انا بسجل لك لاهتمامي بك وحرصي على تحقيق شيء 000 علشان ترضى عني لما انسحبت من نخلة الخير يعني مجرد مداعبة وهزار وانا بس بحاول اقرب منك لكن يظهر قربت قوي مرة واحدة 000 ولو فيه حاجة كلمني 0167723052 لكن دا كل الي عندي والله كل الي بيسأل سؤال بحاول أكون وفي في الشرح له قدر الإمكان وتوجيه الكلام له بس تقبل تحياتي ودام الحب بيننا ولا مجال لاي حاجة نحملها على بعض اطلاقا وشكرا على اهتمامك الكبير والله هو انت قرأت الكلامده كله 000 وايه رأيك الأستاذ العزيز إبراهيم إمبابي أنا الذي تشرفت بمعرفتك وبالحديث معك من خلال المنتدى وطبعا يسعدني الاقتراب منك أكثر فكل ماتكتب يستحق المتابعة والاهتمام وبالنسبة لنخلة الخير نحن لم نغضب منك ولكن صعب علينا مشروع كنا نأمل فيها الخير مثل غيره ولكن هي دي بلدنا لن تتغير أخيرا أشكرك على وجودك في هذا البرنامج وعلى سعة صدرك وتواضعك وحبك للخير
|
|
| |
| موضوع: رد: يوم فى حياة عضو الاستاذ (ابراهيم محمد السيد امبابى) الإثنين يونيو 13, 2011 10:56 pm |
| - هاني البسطويسي كتب:
- ابراهيم محمد السيدامبابي كتب:
- أخي الفاضل / الاستاذ هاني البسطويسي
بعد التحية ،،،، لا يا راجل انت وانا اكبر من كدا 000 انا بسجل لك لاهتمامي بك وحرصي على تحقيق شيء 000 علشان ترضى عني لما انسحبت من نخلة الخير يعني مجرد مداعبة وهزار وانا بس بحاول اقرب منك لكن يظهر قربت قوي مرة واحدة 000 ولو فيه حاجة كلمني 0167723052 لكن دا كل الي عندي والله كل الي بيسأل سؤال بحاول أكون وفي في الشرح له قدر الإمكان وتوجيه الكلام له بس تقبل تحياتي ودام الحب بيننا ولا مجال لاي حاجة نحملها على بعض اطلاقا وشكرا على اهتمامك الكبير والله هو انت قرأت الكلامده كله 000 وايه رأيك الأستاذ العزيز إبراهيم إمبابي وبالنسبة لنخلة الخير نحن لم نغضب منك ولكن صعب علينا مشروع كنا نأمل فيها الخير مثل غيره ولكن هي دي بلدنا لن تتغير يعنى يا استاذ هانى احنا بنحاول نعلى من عزيمتهم ونرفع من روحهم المعنوية تيجى حضرتك وتقول كده ،، معلش والله انا مقصدش حاجة ولا قصدى اغلط حضرتك بس كلنا عمالين نعلى من همتهم يعنى وحضرتك بتقول لن تتغير ،، تقبل فائق تحياتى
|
|
| |
| موضوع: رد: يوم فى حياة عضو الاستاذ (ابراهيم محمد السيد امبابى) الثلاثاء يونيو 14, 2011 6:23 am |
| لأ ياعم الطيب أحسن ... احنا غلابه مش أد الناس الى دماغها متكلفه دى .. تحياتى للغالى .....
|
|
| |
| موضوع: رد: يوم فى حياة عضو الاستاذ (ابراهيم محمد السيد امبابى) الثلاثاء يونيو 14, 2011 8:46 pm |
| يوميات و تحديات الزمن الجميل ----------ومقاومة الزمن الحديث بالعلم والدليل شكرا للك استاذ ابراهيم لقد امتعتنا بحوارك واسلوبك الشيق والصراحه العارمه وبالتوفيق دائما وفى حفظ الله رضا سويلم السعوديه
|
|
| |
| موضوع: رد: يوم فى حياة عضو الاستاذ (ابراهيم محمد السيد امبابى) الثلاثاء يونيو 14, 2011 8:49 pm |
| هو فين الاستاذ ابراهيم مش بيدخل على طول ليه ؟؟؟؟؟
|
|
| |
| موضوع: رد: يوم فى حياة عضو الاستاذ (ابراهيم محمد السيد امبابى) الثلاثاء يونيو 14, 2011 9:57 pm |
| عزيزتي الجيوكاندا اعزائي كل من يشارك معنا اعزائي المسئولين تحية طيبة وبعد ،،، مش عارف انا موجود وتحت امركم بس مش عارف هل اتوقف لتوجب ذلك علي فور اختيار العضو الفاضل القادم أم أستمر في الرد على الرسايل بترتيبها لانه ما زال عدد كبير بدون رد 000 ارجوا الافادة ثانيا : - ارجو تحمل دخولي الغير منتظم لانشغالي في الفترة السابقة بأمور تهم الصالح العام ودعواتكم جميعا ربنا يكلل جهودنا للم سمل الجميع في برمبال وهو الهدف الذي نسعى له والذي نعتبره أسمى الاهداف من وجهة نظرنا 000 مازالت جهود قيمة تبذل هدفها لم الشمل كله في صف واحد وعلى قلب رجل واحد والله من وراء القصد 000
|
|
| |
| موضوع: رد: يوم فى حياة عضو الاستاذ (ابراهيم محمد السيد امبابى) الثلاثاء يونيو 14, 2011 11:23 pm |
| - ابراهيم محمد السيدامبابي كتب:
- عزيزتي الجيوكاندا اعزائي كل من يشارك معنا اعزائي المسئولين
تحية طيبة وبعد ،،،
مش عارف انا موجود وتحت امركم بس مش عارف هل اتوقف لتوجب ذلك علي فور اختيار العضو الفاضل القادم أم أستمر في الرد على الرسايل بترتيبها لانه ما زال عدد كبير بدون رد 000 ارجوا الافادة
ثانيا : - ارجو تحمل دخولي الغير منتظم لانشغالي في الفترة السابقة بأمور تهم الصالح العام ودعواتكم جميعا ربنا يكلل جهودنا للم سمل الجميع في برمبال وهو الهدف الذي نسعى له والذي نعتبره أسمى الاهداف من وجهة نظرنا 000 مازالت جهود قيمة تبذل هدفها لم الشمل كله في صف واحد وعلى قلب رجل واحد والله من وراء القصد 000 الاستاذ الفاضل الاستاذ ابراهيم امبابى نحن مقدرين تماما انشغالك بأشياء اخرى كثيرة ، ولكنى اراك كثيرا فى الاعضاء الموجودين ومع ذلك لم ارى لك فى ذلك الوقت اى مساهمة فى الموضوع ،، فأحببت لو انك تتابع معنا للأستفسار عن اى اسئلة موجهة اليك من قبل الاعضاء ،، وكم تمنيت تلك اللحظة التى ارى منك هذا الكلام بأن رجعت لك روح الحيوية والنشاط للعمل بعدما رأيناه منك فى موضوع كلمة نخلة الخير الاخيرة وانا الآن فى قمة السعادة لم قلته ،، واشكرك على اهتمامك على ردى ،، شكــــــــــ تقبل مرورى ـــــــــــــرا
|
|
| |
| موضوع: رد: يوم فى حياة عضو الاستاذ (ابراهيم محمد السيد امبابى) الأربعاء يونيو 15, 2011 4:15 am |
| الأخ العزيز الغالي الفاضل / أبو حمزه الجمل السلام عليكم ورحمة الله وبركاته وبعد ،،، إنت شرفت على بال ما الواد عوض يروح يجيب المسن التانى 000 المسن ده بتاع يوم ابو تسنيم 000 يكون جاوبت عليك علشان يبقه اعتراف من غير ضغط ولا تهيديد الله يشرفك ويعزك انت والاستاذ الفاضل نهاد وانت تغيب براحتك وتتأخر زي ما انت عايز طول ما في ايدك عوض والمسن جاهز تقدر تحقق اهدافك فالمال والقوة من أعظم وسائل تحقيق مكاسب 000 ما بالك لو معاهم مخابرات ميبقاش لهم حل غير ثورة 55 يناير 2041م على التوتر و الديتكشن ليزر ميسدج ( بعد ثلاثين سنة ) مخابراتك مبتستخدمش أجهزة حديثة 000 اكيد مخابراتك أمن مركزي نصيحتي تشغل طقم مخابرات بالهيدين كام و الماجك ترانز ساوند ونرجع بقى للاجابة سؤالك لذيذ برغم انه بيطرح تحت وطأة السلاح الأبيض ( المسن ) أحيانا بيطة بتكون مشحونة لكن مش الغالب اه زبون لذيذ جدا دا بتاع الخمسمائة كارت شخصي ( المعلم قال كدا ) الراجل دا عايز كارت فصل الوان وكارت فصل الالوان مبيتعملش نهائيا إلا بالالف وفي المنصورة فقط حاول اخي عيد التفاهم مع هذا الرجل مرارا وتكرارا الا انه رفض يعمل الف كارت ويدفع 50 جنيه وطلبه انه يعمل يعمل 500 كارت بس ويدفع 50 جنيه برده مش مشكلة بالنسبة له واخي عيد يحاول معه مرارا وتكرارا 000 دقعني الفضول لحل الموقف فخرجت وطلبت من اخي انه يسيبني اتفاهم معاه وقلتيله الموضوع ايه كاني مسمعتش حاجة شرحلي طلبه قلتله موافق وعل الفور دفع الخمسين جنيه وسجلت عندي 500 كارت فصل ألوان وواصل خمسين جنيه 000 لم أريد أن استغله ولما جه ياخد الكرت قلتله بالنص 500 كارت بخمسين جنيه وخمسمائة هدية عليهم فرفض الهدية وقال لأ أنا هاخد 500 كارت فقط بقوله ليه انت مصمم قال المعلم قال كدا 000 فيا ريت تجيب المسن والواد عوض وتساعدوني في التعامل مع الزباين الي زي كدا لاني ساعات بعجز عن الحيلة في التعامل مع بعض النوعيات 000 قلة قليلة 000 للأمانة والحقيقة 000 الغالبية كويسين 000 بس الخوف من العدوى 000 اقولك هات معاك كام واد عوض وكام مسن احتياطي يمكن نحتاجهم 000 وشكرا أما عن حبيبى بجد المحاسب عاصم الصبري فدا انسان تواق متطلع طموح وبجد لذيذ والله بيفكرني بفيلم الكيت كات ومحمود عد العزيز بيقول لابنه في الفيلم 000 انت مش عايز تلمس الأرض 000 انت عايز تطير 000 اللأخ الاستاذ عاصم الصبري دا كان يتعد على الأصابع لو صادف انه عاش في مجتمع غربي يسمع لافكاره وينفذها في وقتها 000 الراجل طاقته العملية عالية بس 00 التيار في مصر للأسف ثابت ولا يقبل التغيير في الفولتات لذلك أي واحد بيسخن ترومستاته بتتحرق بدري بدري 000 كان عايز يعمل كارت 1000 فصل ألوان وعايز يكتب مهنة معينة قلت له لأ طبعا اكتب المحاسب عاصم الصبري وتلفوناتك 000 ومتكتبش المهنة 000 بس اعملها مرة واحدة لاي حد وقوله دي لك انت في السر ( ويا ريت تحلفه على المصحف ميقولش لحد ) مش بعملها لحد تاني وبس 000 خلصت 000 الباقي مفهوم طبعا 000 وقف ساكت شويه ولقيته بيقولي اه 000 يا سلام عليك 000 طق طق طق صوت وتك تك تك دي بالاصابع وبعدين نطقا فوق 000 وميل عليه كدا وابتسم بطريقة لا تنسى بقوله فيه ايه يا عاصم قال والله عجبتني الفكرة جميلة هو بيفكرني بالاجانب الي على قلبه على لسانه سهل تعرف هو مبسوط منك ولا زعلان من او ل ما تبص في عينيه لانه براه يعبر عن كل ما بداخله بالتمام 000 والله وحشني هو فين دالوقتي من زمان مشفتهوش 0000 عود يا أبا حمزه تانيه امنحتب قصدي برمبال تناديك ان شاء الله بس بلاش الواد عوض احنا بعد الثورة معدناش بنخاف وللأمانة فيه ناس مكنتش بتخاف قبل الثورة كمان بس دول قليلين قوي ونادر لما حد بيعرفهم 000 اقولك هات عوض قليل من النظام لا يضر 000 فللحرية قيود من عوض 000 من حديد وفي انتظارك بكل ترحيب والسلام عليكم 000 تقبل تحياتي ،،، يا ريت يا رب أكون وفيت
|
|
| |
| موضوع: رد: يوم فى حياة عضو الاستاذ (ابراهيم محمد السيد امبابى) الأربعاء يونيو 15, 2011 4:36 am |
| - الجيوكاندا كتب:
سؤال رفيع للأستاذ ابراهيم .... هو ليه حضرتك بتتكلم بالعربية الفصحى ممكن كلامك يكون بالعامية لو سمحت يعنى احنا هنا مش هنمتحن والله احنا بندردش مع بعض بس ... وبارك الله لك فى اولادك وزوجتك ونفع الله بهم الامة يارب ... شكرا ولى عودة مرة اخرى عزيزتي ( نهر الأمل في المنتدى ) الجيوكاندا والله ما خايف إلا منك انت 000 لانه مبيوقفش الاستاذ غير سؤال التلميذ الشاطر ولا يتفوق على الاستاذ إلا تلميذ نجيب ( سنة الله في خلقه ) انا هعمل خلطة يارب تعجبك ( نصف كيلو عامية ونصف كيلو فسحة بالسين وهضربهم في بعض وعلى الله أكون عرفت اجاوبك 000 على فكرة كنا في مكتب الترجمة في الخبر بنعمل قاموس بس مش للكلمات العامية لا لحاجة اقدم شويه يمكن انت صعب تتعرفي عليها كان زمان الواحد يفوت على واحده ست يقولها مساء الخير تقوله سعيدة جليلة يا حيلي فاحتنا طاقم المترجمين المصريين كنا عايزين نعمل قاموس للحاجات دي عافيتين يلبسوا بدنك عندكش شفتيشي لقتش معرفش ديكلها كان اصلها عندك شيء شقفت شيء ما عرفت شيئ وهكذا وبعدين فيه مصطلحات كانت بتتعمل بالفم وبالأنف واحيانا بالاشارات خاصة في الجوانب السيئة من المعاملات بس انا مش هتكلم إلا عن نماذج من الجانب الجيد يعني واحد راكب حمار تلاقيه بيهز رجليه وعمال يقول كككككككك اشمعن حرف الكاف مش عارف واحد بيصطاد سمك بالسنارة تلاقيه بيقول بكبكبكبكبكبكبك اشمعنا مش عارف واحد بيسقي حماره تلاقيه بيصفر اشمعنا بيصفر واحد بينادي على غنمته يقول هررررر اشمعنا هررررر
جاوبيني بقه على الاسئلة دي علشان تبقي تطلبي العامية علشان تعرفي اني حايش عنكم لغة ثالثة مش العامية لا العمية قصدي لغة روادها بسطاء وفيالختام عافيتين يلبسوا بدتنك يا حيلي واقعدي بالعافية وابقي بدري شويه
ترجمي بقهههههههههههههههه
|
|
| |
| موضوع: رد: يوم فى حياة عضو الاستاذ (ابراهيم محمد السيد امبابى) الأربعاء يونيو 15, 2011 4:57 am |
| يابختك بحماتك بجد يااستاذ ابراهيم ،، على فكره احنا مش بنحسد احنا بِنأُر بس ههههههههههه ، لو ام اسلام لها اخوات بنات لسه متجوزوش وعاوزين عرسان احنا موجودين اهو ،، بس اهم حاجه تشوفلنا موضوع العزومه ده
بجد احلى مافى الموضوع زى ماذكر الاستاذ محمد داواد هى التلقائية فى الحوار وعدم التكلف بالاضافة الى المصداقيه فى الكلام
شوف بقى يااستاذ ابراهيم عاوزينك تكلمنا عن مكتبة الامبابى كيف جاءت الفكره من البدايه ،، وهل حدثت مشكله مع مكتبة الاسراء لذلك جاءت فكرة الاستقلالية ،، وكيف حققت مكتبة الامبابى هذا النجاح ؟الأخ الفاضل الاستاذ / ابراهيم نعينع بعد التحية قول بقه انك انت والمشرفين بتجاملوا بعض ورسمين على العروسة من عندي ومستضيفيني علشان كدا على العموم حظك ممتاز اخت زوجتي واولاد خالتها كلهم اتجوزوا بس شوفحظك حلو مش بقولك عندي سلمى ابراهيم البنت الوحيدة في الاسرة كلها وانا هلاقي احسن منك فين اقولك انا هعملك عرض خاصة بعد الثورة ( تتجوز سلمى بنت هعطيلك عليها ولدين واحد من عندي وواحد من عند عيد ) بس خد بالك العرض محدود 000 هي رايحة رابعة ابتدائي 000 وانت بقه تعلم على كيفك وتأسس كما تحب الحق قبل نفاذ الكميةو معندناش غيرها 000 شكرا لكل من كتب كلمة شكر أومدح فاحنا بيكم اصلا لنا وجود وكيان وبدونكم محناش حاجة احنا كلنا في النهاية سمك لازم نعيش في ماء واحد بس فينا الي بيحب يطلع راسه فوق الميه وفينا الي بيحب يقعد تحت الميه في هدوء 000 بس كلنا بيتم صيدنا الي السنارة مبتجبوش الشبكة بتجيبه ما علينا اخي ابراهيم سؤالك عن المكتبات هستاذنك احكيهولك بكره 000 لانه دا عايز نشغل الميموري تاني لكن هحاول اكلمك عنه باجمالي التفاصيل لانه دا كشكول 40 ورقة مثلا المهم حاضر هلخصلك ان شاء الله تقبل تحياتي واعتذر لانه عندي رسايل على الميل الخاص تتطلب الرد الان وشكرا لك على كلامك الرقيق والجميل [/quote]
|
|
| |
| موضوع: رد: يوم فى حياة عضو الاستاذ (ابراهيم محمد السيد امبابى) الأربعاء يونيو 15, 2011 12:59 pm |
| - ابراهيم محمد السيدامبابي كتب:
- الأخ العزيز الغالي الفاضل / أبو حمزه
الجمل السلام عليكم ورحمة الله وبركاته وبعد ،،، إنت شرفت على بال ما الواد عوض يروح يجيب المسن التانى 000 المسن ده بتاع يوم ابوتسنيم 000 يكون جاوبت عليك علشان يبقه اعتراف من غير ضغط ولا تهيديد
الله يشرفك ويعزك انت والاستاذ الفاضل نهاد وانت تغيب براحتك وتتأخر زي ما انت عايز طول ما في ايدك عوض والمسن جاهز تقدر تحقق اهدافك فالمال والقوة من أعظم وسائل تحقيق مكاسب 000 ما بالك لو معاهم مخابرات ميبقاش لهم حل غير ثورة 55 يناير 2041م على التوتر و الديتكشن ليزر ميسدج ( بعد ثلاثين سنة )
مخابراتك مبتستخدمش أجهزة حديثة 000 اكيد مخابراتك أمن مركزي
نصيحتي تشغل طقم مخابرات بالهيدين كام و الماجك ترانز ساوند
ونرجع بقى للاجابة سؤالك لذيذ برغم انه بيطرح تحت وطأة السلاح الأبيض ( المسن ) أحيانا بيطة بتكون مشحونة لكن مش الغالب اه زبون لذيذ جدا دا بتاع الخمسمائة كارت شخصي ( المعلم قال كدا ) الراجل دا عايز كارت فصل الوان وكارت فصل الالوان مبيتعملش نهائيا إلا بالالف وفي المنصورة فقط حاول اخي عيد التفاهم مع هذا الرجل مرارا وتكرارا الا انه رفض يعمل الف كارت ويدفع 50 جنيه وطلبه انه يعمل يعمل 500 كارت بس ويدفع 50 جنيه برده مش مشكلة بالنسبة له واخي عيد يحاول معه مرارا وتكرارا 000 دقعني الفضول لحل الموقف فخرجت وطلبت من اخي انه يسيبني اتفاهم معاه وقلتيله الموضوع ايه كاني مسمعتش حاجة شرحلي طلبه قلتله موافق وعل الفور دفع الخمسين جنيه وسجلت عندي 500 كارت فصل ألوان
وواصل خمسين جنيه 000 لم أريد أن استغله ولما جه ياخد الكرت قلتله بالنص 500 كارت بخمسين جنيه وخمسمائة هدية عليهم فرفض الهدية وقال لأ أنا هاخد 500 كارت فقط بقوله ليه انت مصمم قال المعلم قال كدا 000
فيا ريت تجيب المسن والواد عوض وتساعدوني في التعامل مع الزباين الي زي كدا
لاني ساعات بعجز عن الحيلة في التعامل مع بعض النوعيات 000 قلة قليلة 000 للأمانة والحقيقة 000 الغالبية كويسين 000 بس الخوف من العدوى 000
اقولك هات معاك كام واد عوض وكام مسن احتياطي يمكن نحتاجهم 000 وشكرا
أما عن حبيبى بجد المحاسب عاصم الصبري فدا انسان تواق متطلع طموح وبجد لذيذ والله بيفكرني بفيلم الكيت كات ومحمود عد العزيز بيقول لابنه في الفيلم 000 انت مش عايز تلمس الأرض 000 انت عايز تطير 000 اللأخ الاستاذ عاصم الصبري دا كان يتعد على الأصابع لو صادف انه عاش في مجتمع غربي يسمع لافكاره وينفذها في وقتها 000 الراجل طاقته العملية عالية بس 00 التيار في مصر للأسف ثابت ولا يقبل التغيير في الفولتات لذلك أي واحد بيسخن ترومستاته بتتحرق بدري بدري 000
كان عايز يعمل كارت 1000 فصل ألوان وعايز يكتب مهنة معينة قلت له لأ طبعا اكتب المحاسب عاصم الصبري وتلفوناتك 000 ومتكتبش المهنة 000 بس اعملها مرة واحدة لاي حد وقوله دي لك انت في السر ( ويا ريت تحلفه على المصحف ميقولش لحد ) مش بعملها لحد تاني وبس 000 خلصت 000 الباقي مفهوم طبعا 000
وقف ساكت شويه ولقيته بيقولي اه 000 يا سلام عليك 000 طق طق طق صوت وتك تك تك دي بالاصابع وبعدين نطقا فوق 000 وميل عليه كدا وابتسم بطريقة لا تنسى
بقوله فيه ايه يا عاصم قال والله عجبتني الفكرة جميلة هو بيفكرني بالاجانب الي على قلبه على لسانه سهل تعرف هو مبسوط منك ولا زعلان من او ل ما تبص في عينيه لانه براه يعبر عن كل ما بداخله بالتمام 000 والله وحشني هو فين دالوقتي من زمان مشفتهوش 0000
عود يا أبا حمزه تانيه امنحتب قصدي برمبال تناديك ان شاء الله بس بلاش الواد عوض احنا بعد الثورة معدناش بنخاف وللأمانة فيه ناس مكنتش بتخاف قبل الثورة كمان بس دول قليلين قوي ونادر لما حد بيعرفهم 000
اقولك هات عوض قليل من النظام لا يضر 000 فللحرية قيود من عوض 000 من حديد وفي انتظارك بكل ترحيب والسلام عليكم 000 تقبل تحياتي ،،،
يا ريت يا رب أكون وفيت
انا فى خدمتك يا استاذ ابراهيم انا وعوض كمان هههههههههههههههههه وبالنسبه لعاصم ياسيدى عاصم اتجوز خلاص حيفكر فينا برده انا مش بحسد انا بقر بس ولو محتاجه ابعتلك عوض يجيبه من ...........البيت
شكرا على الرد يا استاذ ابراهيم وكان نفسى تكون مداوم شويه معانا وربنا يوفقك ويكرمك
|
|
| |
| موضوع: رد: يوم فى حياة عضو الاستاذ (ابراهيم محمد السيد امبابى) الأربعاء يونيو 15, 2011 3:11 pm |
| - ابراهيم محمد السيدامبابي كتب:
- الجيوكاندا كتب:
سؤال رفيع للأستاذ ابراهيم .... هو ليه حضرتك بتتكلم بالعربية الفصحى ممكن كلامك يكون بالعامية لو سمحت يعنى احنا هنا مش هنمتحن والله احنا بندردش مع بعض بس ... وبارك الله لك فى اولادك وزوجتك ونفع الله بهم الامة يارب ... شكرا ولى عودة مرة اخرى
عزيزتي ( نهر الأمل في المنتدى ) الجيوكاندا
والله ما خايف إلا منك انت 000 لانه مبيوقفش الاستاذ غير سؤال التلميذ الشاطر ولا يتفوق على الاستاذ إلا تلميذ نجيب ( سنة الله في خلقه ) انا هعمل خلطة يارب تعجبك ( نصف كيلو عامية ونصف كيلو فسحة بالسين وهضربهم في بعض وعلى الله أكون عرفت اجاوبك 000 على فكرة كنا في مكتب الترجمة في الخبر بنعمل قاموس بس مش للكلمات العامية لا لحاجة اقدم شويه يمكن انت صعب تتعرفي عليها كان زمان الواحد يفوت على واحده ست يقولها مساء الخير تقوله سعيدة جليلة يا حيلي فاحتنا طاقم المترجمين المصريين كنا عايزين نعمل قاموس للحاجات دي عافيتين يلبسوا بدنك عندكش شفتيشي لقتش معرفش ديكلها كان اصلها عندك شيء شقفت شيء ما عرفت شيئ وهكذا وبعدين فيه مصطلحات كانت بتتعمل بالفم وبالأنف واحيانا بالاشارات خاصة في الجوانب السيئة من المعاملات بس انا مش هتكلم إلا عن نماذج من الجانب الجيد يعني واحد راكب حمار تلاقيه بيهز رجليه وعمال يقول كككككككك اشمعن حرف الكاف مش عارف واحد بيصطاد سمك بالسنارة تلاقيه بيقول بكبكبكبكبكبكبك اشمعنا مش عارف واحد بيسقي حماره تلاقيه بيصفر اشمعنا بيصفر واحد بينادي على غنمته يقول هررررر اشمعنا هررررر
جاوبيني بقه على الاسئلة دي علشان تبقي تطلبي العامية علشان تعرفي اني حايش عنكم لغة ثالثة مش العامية لا العمية قصدي لغة روادها بسطاء وفيالختام عافيتين يلبسوا بدتنك يا حيلي واقعدي بالعافية وابقي بدري شويه
ترجمي بقهههههههههههههههه
ههههههههه خلاص يا استاذ ابراهيم لازم يعنى اقول لحضرتك انى مش عارفة ولا
واحدة منهم ،، لكن انا سألت والدتى فهمتهم لى بس برده عشان معاصرتش
الحاجات دى مش قادرة استوعبها ،،، خلاص ممكن حضرتك تتكلم بالفصحى
تانى ههههههه ،،
شكـــ لى متابعة اخرى ــــ فائق تحياتى الى الاستاذ ابراهيم امبابى ـــرا
عدل سابقا من قبل الجيوكاندا في الأربعاء يونيو 15, 2011 3:31 pm عدل 2 مرات |
|
| |
| موضوع: رد: يوم فى حياة عضو الاستاذ (ابراهيم محمد السيد امبابى) الأربعاء يونيو 15, 2011 3:26 pm |
| الأخ أبو حمزه الفاضل الاخت الجيوكاندا تحياتي لكما ردوردكم مبهجة وجميلة ولذيذة اشكر كل من شرفني في هذا الحوار الذي اضاف علينا روح البهجة في وقت ضاقت فيه الصدور بما يحدث على المستويى العام مصر كلها والخاص برمبال القديمة والرياض 000 وحاضر ان شاء الله اداوم في الرد على الباقي بس بالله عليكم اعني ادارة الموضوع لو كان فيها تجاوز من عندي في الوقت وانا عارف ان فيها يبقه الحل الأمثل نكتفي بكده ونبدأ الحوار الجديد مع الضيف القادم حتى لا أسبب اي اختلاف في وقت ونظام البرنامج وتقبلوا جميعا تحياتي 000 وشكري لكم جميعا وربنا يوفقكم ويوفقنا لما يحبه ويرضاه ،،،
|
|
| |
| موضوع: رد: يوم فى حياة عضو الاستاذ (ابراهيم محمد السيد امبابى) الأربعاء يونيو 15, 2011 3:36 pm |
| كم سعدت بهذا اللقاء الجميل معك استاذى العزيز الاستاذ ابراهيم امبابى ،، وادعو الله ان يوفقك فى حياتك وان يبارك لك فى اولادك وان يرزقك الرزق الحلال بإذن الله ،، وأشكر الاستاذ نهاد على اختياره الموّفق لعضو متميز مثلك ....تقبل تحياتى وسلام عليكم ورحمته وبركاته
|
|
| |
| يوم فى حياة عضو الاستاذ (ابراهيم محمد السيد امبابى) | |
|
صفحة 2 من اصل 2 | انتقل الى الصفحة : 1, 2 |
|