السلام عليكم ورحمة الله وبركاته

اعضاء المنتدي الكرام كل سنة وانتو بخير ورمضان كريم علي كل المسلمين
في الاول وقبل اي حاجة رمضان طبعا مش شهر اكل زي ما كلنا عارفين ده شهر عبادات وتقرب الي الله بس مفيش مانع يعني نطري علي روحنا شوية بالاكل والحلويات [ندعوك للتسجيل في المنتدى أو التعريف بنفسك لمعاينة هذه الصورة] ولا ايه ؟؟؟؟؟؟؟؟؟؟؟؟؟؟؟؟

انا طبعا عارفة الرد علشان كده ان شاء الله كل يوم في رمضان بقدر المستطاع هحاول اجيبلكو وصفة جديدة سواء حلويات او اكل عادي ومتخافوش مش هفتكس عارفة البرمبالوية مش بيحبوا الافتكاسات بتاعة اليومين دول بتحبوا التقليدي بس برده مش هيبقي تقليدي اوي يعني مش هعمل رز ولحمة وبطاطس وشوية شوربة [ندعوك للتسجيل في المنتدى أو التعريف بنفسك لمعاينة هذه الصورة]
واقلب يامعلم بس هيبقي ان شاء الله مفيش فيه حاجات غريبة علشان كل بنوتة تبهر مامتها او باباها او اخواتها واكييييييييييييد خطيبها او جوزها باكلات محصلتش باذن الله وياريت كل بنوتة في المنتدي تساعدني في عمل اكلات جديدة ونستفيد من بعض ان شاء الله

رمضان كريييييييييييييييييم واستنوني الحصري بجد عندنا ومش عند اي حد
[ندعوك للتسجيل في المنتدى أو التعريف بنفسك لمعاينة هذه الصورة]

 

الحصري بجد عندنا ومش عند اي حد
حلوة الجمله دى

موضوعك رائع وفكرته اروع
واكيد صحبته اروع واروع

مستنين اكلاتك يا قمر

ميرسى ليكى

كل سنه وانتى طيبه

 

موضوع جميل جدااااااااااااااااااا شكرا وكل سنة وانتى طيبة

 

ميرسي يابنات علي ردودكو الجميلة ومستنية همتكو وشطارتكو في المطبخ ورونى الشغل

وكل سنة وانتو طيبين النهاردة اول رمضان وزى ماقلتلكو هنحاول نعمل كل يوم اكله جديدة تساعد اللي مش بيعرف يطبخ اوى علي الطبيخ

 

[/right]

طريقة التحضير :

 

الارز البريانى

المقادير :

دجاجتان منزوعتا الجلد ومقطعتان

3 علبة لبن زبادي

2 حبة بصل

5 فصوص ثوم

البهارات (قرفة ، قرنفل ، هيل ، كركم ، شطة حمراء ، زعفران)

3 كاسات رز

طريقة التحضير :

يتبل الدجاج باللبن الزبادي مع قرفة وقرنفل وهيل وملح ويترك لمدة ساعة.	.1
تحمر بصلتين متوسطتين الحجم مقطعتين شرائح حتى تصبح ذهبية اللون ويوضع عليه الثوم ثم يـرفع مــن على النار ويصفى من الزيت.	.2
يوضع نصف البصل في قدر ويضاف إليه مسحوق الكركم والملح والشطة الحمـراء مع ملعقة من الزيت ثم توضع عليها خلطة الدجاج ويوضع الجميع على نار هادئة حتى ينضج.	.3
يسلق الرز نصف سلق ثم توضع طبقة من الرز فوق خلطة الدجاج وفوقها نصف البصل المتبقي ثم توضع طبقة رز أخرى ويوضع عليها الزعفران بعد أن يحل بالماء ويغطى جيداً ويترك على نار هادئة.	.4
يقلب القدر على صحن دائري وتزين باللوز والزبيب والفلفل الأخضر.	.5

 

[ندعوك للتسجيل في المنتدى أو التعريف بنفسك لمعاينة هذه الصورة]














قطايف بالمكسرات





المقادير:

• 1/2 كيلو قطايف عصافيري "صغيرة"
  
• كوب بندق مجروش
  
• كوب لوز مجروش
  
• كوب سوداني مجروش
  
• 1/2 كوب سكر
  
• معلقة كبيرة ماء زهر أو ماء ورد
  
• زيت للقلي
  
• شربات
  

مقادير
الشربات:

• 1/2 كوب سكر
  
• 3/4 كوب مية
  
• عصير ليمونة
  
• فانيليا
  

الطريقة:
1-
هاتي طبق واخلطي فيه البندق واللوز والسكر، وضيفي ليهم ماء الزهر أو
الورد.

2- هاتي القطايف واحشيها معلقة كبيرة من خليط المكسرات اللي
عندك، خدي بالك إن الحشو ده يكون في وسط قرص القطايف، واقفلي قرص القطايف
بالضغط عليه بإيدك، وخدي بالك إنك تتأكدي من عدم وجود أي حشو ظاهر.
3- بعد ما تخلصي حشو القطايف كلها هاتي طاسة وسخني فيها الزيت كويس،
وبعد كده اقلي القطايف على درجة حرارة متوسطة، لغاية ما تلاقي إن لون
القطايف بقى ذهبي شيليها من الزيت وحطيها في الشربات، وبعد كده طلعيها من
الشربات وحطيها في مصفاة علشان تتخلصي من الشربات الزيادة، وبعد كده حطيها
في طبق الحلويات.

طريقة عمل الشربات:
حطي السكر والمية كلهم مع
بعض في إناء على نار هادئة لمدة ربع ساعة، وبعد كده ضيفي الليمون وسيبيه
لمدة 5 دقائق لغاية ما يغلي، وحطي الفانيليا وشيليه من على النار وسيبيه
لغاية ما يبرد.

 

[ندعوك للتسجيل في المنتدى أو التعريف بنفسك لمعاينة هذه الصورة]
















الريش البتلو بالخضراوات

المقادير:

• كيلو ريش بتلو أو ضاني
  
• بصلة كبيرة مقطعة شرائح
  
• ثمرة فلفل أخضر صغيرة مقطعة قطع صغيرة
  
• 2 معلقة كبيرة عصير ليمون
  
• 1/2 كوب بسلة
  
• 3 ثمرات جزر
  
• 3 ثمرات بطاطس
  
• حزمة روزماري
  
• معلقة كبيرة بهارات
  
• 1/2 كوب مية مغلية
  

الطريقة:
1-
قطّعي أوراق الروزماري، واخلطيها بالفلفل الأخضر وعصير الليمون والملح
والفلفل وقلبيهم مع بعض كويس وضيفي إليهم الريش وقلبيهم كلهم مع بعض
وسيبيهم لمدة 3 ساعات علشان اللحمة تتبل كويس.

2- بعد مرور الـ 3
ساعات هاتي صينية الفرن وحطي فيها شرائح البصل ورصي من فوقها الريش، وضيفي
ليهم باقي الخليط السابق اللي إنت عملتيه.

3- حطي الصينية على نار
متوسطة، وسيبيها لغاية ما اللحمة تخرّج المية الموجودة فيها وتشربها تاني
مع التقليب من وقت للتاني.

4- لما تلاقي اللحمة شربت المية بتاعتها
ضيفي ليها المية مغلية وغطي الصينية وسيبيها على النار لمدة ساعة ونص كمان
أو لغاية ما تلاقي إن اللحمة استوت.

5- بعد مرور ساعة من وجود
اللحمة على النار اسلقي البسلة وقطّعي الجزر والبطاطس لقطع كبيرة، وضيفيهم
إلى اللحمة بعد ساعة من مدة طهي اللحمة سيبيهم على النار لغاية ما الاتنين
يستووا.

6- بعد ما اللحمة والخضار يستووا اغرفيهم في أطباق التقديم،
ممكن مع الطبق ده تعملي طبق رز أبيض أو طبق مكرونة.

 

بط محشى بالفريك

	[ندعوك للتسجيل في المنتدى أو التعريف بنفسك لمعاينة هذه الصورة]

المقادير
:
- 1 بطة
- ½ 1 كوب فريك
- 2 بصلة
متوسطة
مفرية
- ½ ملعقة سمن
- 1 ملعقة صغيرة صلصلة طماطم
- ملح

- فلفل
لتغطية الوجه
:
- 2 ملعقة كبيرة زيت
- 1 ملعقة كبيرة
مربى مشمش مصفاة
- 1 ملعقة صغيرة صلصة طماطم
- 2 ملعقة كبيرة عصير
برتقال

للتزيين :


- وحدات من البطاطس المسلوق
- أوراق
بقدونس

- 2 تفاحة حمراء
الطريقة :
تنظف البطة وتغسل جيدا ويتبل داخلها بالملح
والفلفل .

تشوح الكبد فى ملعقة صغيرة سمن، ثم تتبل بالملح والفلفل وتقطع بعد أن
تبرد
مكعبات صغيرة .
يغسل الفريك جيدا ، ثم تشوح البصلة فى 1/2 ملعقة كبيرة

سمن حتى يصير لونها ذهبياً، يضاف الفريك ويقلب المقدار على نار هادئة ( 3 -
5 دقائق
) .
يضاف قليل من الماء وصلصة الطماطم ويتبل المقدار ويغطى ويترك على
نار هادئة
مع رفع الغطاء من حين لآخر وإضافة قليل من الماء كلما احتاج الأمر حتى تلين
حبات
الفريك ، يرفع الحشو من فوق النار ويضاف إليه مكعبات الكبد ويترك حتى يهدأ
.
تحشى البطة بالحشو المعد وتكتف وتسلق مع إضافة بصلة لماء السلق وملح
وفلفل
ومستكه وحبهان وورق لورا .
ترفع البطة من ماء السلق وتترك حتى تبرد .
تعد

الصلصة بخلط زيت مع مربي المشمش وصلصة الطماطم وعصير البرتقال .
توضع
البطة فى صينية مدهونة خفيفاً بالزيت ، وتصب الصلصة فوق البطة بحيث تغطيها
تماماً
ويوضع معها البطاطس المسلوقة والمقشرة .
توضع فى فرن متوسط الحرارة أو
تحت شواية
الفرن حتى تأخذ لوناً وردياً .
توضع فى طبق التقديم وتجمل بحبات
البطاطس
وأوراق البقدونس والتفاح والبطاطس المقلية .

 

[ندعوك للتسجيل في المنتدى أو التعريف بنفسك لمعاينة هذه الصورة]

[size=24]












كنافة بالقشطة




المقادير:

• 1/2 كيلو كنافة
  
• كوب سمن
  

مقادير القشطة:

• 3 أكواب لبن
  
• 5 معالق كبيرة دقيق
  
• كوب قشطة
  

مقادير الشربات:

• 1/2 كوب سكر
  
• 3/4 كوب ماء
  
• عصير ليمونة
  
• فانيليا
  

طريقة
عمل الكنافة:
1- هاتي الكنافة وقطعيها كويس وبعد كده افركيها
بالسمنة، بعد كده هاتي صينية وادهنيها بالسمنة، وبعد كده حطي نصف مقدار
الكنافة في الصينية مع الضغط عليها كويس بإيدك أو باستخدام صينية أخرى،
وده علشان الكنافة ما تكونش هايشة في الصينية، بعد كده رشي شوية سمنة
فوقها وشوية قشطة من اللي إنتِ عاملاها، بس خدي بالك إنك تبعدي عن
الأطراف.

2- بعد كده ضيفي النصف الباقي من الكنافة واضغطي عليها زي
المرة اللي فاتت، ورشي فوقها شوية سمنة علشان الوش يحمر، وبعد كده دخليها
الفرن على نار هادية.. بعد ما تلاقيها استوت خرجيها من الفرن، ورشي عليها
الشربات اللي إنتِ عملتيه، وسيبيها لغاية ما تبرد، وبعد كده قطعيها
وقدميها.

طريقة
عمل الشربات:
حطي السكر والمية كلهم مع بعض في إناء على
نار هادئة لمدة ربع ساعة، بعد كده ضيفي الليمون وسيبيه لمدة 5 دقائق لغاية
ما يغلي، وبعد كده ضيفي الفانيليا وشيلي الشربات من على النار وسيبيه لغاية
ما يبرد.

طريقة تحضير القشطة:
دوّبي
اللبن والدقيق مع بعض، بعد كده حطيهم في إناء على النار وقلبيهم كويس
لغاية ما تلاقي الخليط بدأ يتماسك، بعد كده شيليه من على النار، وضيفي ليه
القشطة وقلبيهم كويس مع بعض لغاية ما تلاقي الخليط بدأ يتجانس، وبكده تبقى
القشطة جاهزة.

[/size]

 

قشطااااااااااااااات ياام سيف وربنا يخليكي للشعب ..... كل سنه وانتي طيبه ياسنووايت [ندعوك للتسجيل في المنتدى أو التعريف بنفسك لمعاينة هذه الصورة]

 

موضوع رائع
كل سنة وانتى طيبة

 

 

أولا كل عام وأنمت بخير
ويتقبل الله منكم ومنا صالح الأعمال
ثانيا لو أنت من برمبال كان لازم تعرفي أن أهم أكلة في برمبال وهي شعار البلد
(الأرز والسمك)
فين السمك
وشكرا

 

سمك مشوي علي الصاج
المقادير :
كيلو سمك فيليه ( شرائح )
ملعقة متوسطة ثوم مطحون
فنجان شاي عصير ليمون
نصف فنجان شاي زيت زيتون
ملعقة زعتر مطحون
ملح - فلفل أبيض - كمون - كزبرة ناشفة

الطريقة :
يغسل السمك جيدا ويوضع في صينية زجاج
يتبل بالملح والفلفل والبهارات والثوم والليمون
يوضع الصاج على النار وتوضع قطع السمك
ترش بزيت الزيتون ثم يرش الزعتر
يقلب على الجهتين حتى ينضج تماما

ملحوظة :
يقدم مع الخضار المشوحة على الصاج أو الأرز حسب الرغبة

 

الله عليكى يا ام سيف


تسلم الايد اللى رفعت

 

روز الجنه كتب:

قشطااااااااااااااات ياام سيف وربنا يخليكي للشعب ..... كل سنه وانتي طيبه ياسنووايت [ندعوك للتسجيل في المنتدى أو التعريف بنفسك لمعاينة هذه الصورة]

ميرسي روز وكل سنة وانتى طيبة ياقمر وابقي اطبخى حاجة بقي ودوقينا[ندعوك للتسجيل في المنتدى أو التعريف بنفسك لمعاينة هذه الصورة]

 

السيد ابو اليسر كتب:

موضوع رائع
كل سنة وانتى طيبة

نورت التوبيك استاذ سيد وكل سنة وحضرتك طيب

 

موضوع رائع
حبيت أشارك في العزومه دي

طريقة عمل الفراخ المشوية في الفرن


تقطع الفرخه علي اربع ارباع وتتبل

التتبيلة:

بصله كبيرة مفريه+2طماطم مبشورة بمبشره البصل+عدد عصير 2 ليمون+رشه زعتر حوالي معلقتين كبار قليل من الملح

الطريقة

تتبل الفراخ بالتتبيله السابقه وتوضع علي ظهرها في الفرن وتسقي بالميه حبه بحبه وتتغطي بورق فويل

بعد ما تستوي وشها الاولاني تقلب علي الوش التاني وتكمل تسويتها ثم يفتح الشوايه لتحمير وش الفراخ

من الممكن اضافه شرايح بطاطس علي ارضيه الصينيه او قليل من البسله والجزر
تقدم مع ارز ابيض +سلطه خضرا او سلطه طحينه
الزعتر في الفرن بيدي ريحه جميله جدااا لو مش بتحبوا البطاطس في ارضيه الصينيه ممكن تحمري بطاطس عاديه معاها...
.ملحوظه:

الصوص بتاعها حلو جدا البصل والطماطم والزعتر مع مزازة الليمون بيدي طعم رائع

 

ابو تسنيم كتب:

الله عليك يا ست الكل تسلمى وتسلم ايدك
الكنافه طلعت تجنن ام تسنيم بتشكرك

]size=18]الله يخليك ابو تسنيم بس اكيد ام تسنيم بتعرف تعمل حاجات احسن من دى بكتيييييييييييييييييير
نورت التوبيك وسلامى لتسنيم ومامتها[/size]

 

سامي جاد كتب:

أولا كل عام وأنمت بخير
ويتقبل الله منكم ومنا صالح الأعمال
ثانيا لو أنت من برمبال كان لازم تعرفي أن أهم أكلة في برمبال وهي شعار البلد
(الأرز والسمك)
فين السمك
وشكرا

استاذ سامى كل سنة وحضرتك طيب وتقبل الله منا ومنك ان شاءالله
معاك حق ان اهم اكله في برمبال الرز والسمك وانا اسفة انى مكنتش عملت اكله للسمك بس حضرتك سبقتنى وملحوقة برده
بس علي فكرة طريقة السمك دى متنفعش هنا احنا ممكن نعملها واحنا في السعودية علشان مش بيبقي فيه فرن نشوى فيه انما في برمبال السمك في الفرن بيبقي طعمه غير ولا ايه؟[ندعوك للتسجيل في المنتدى أو التعريف بنفسك لمعاينة هذه الصورة]

نورت يافندم

 

عاشقة الهدوء كتب:

الله عليكى يا ام سيف


تسلم الايد اللى رفعت

نورتى عاشقة الهدوء ومستنية مساهماتك في الموضوع وكل سنة وانتى طيبة

 

الحياه أمل كتب:

موضوع رائع
حبيت أشارك في العزومه دي

الحياة امل مشاركتك اسعدتنى ومستنية المزيد ياقمر كل سنة وانتى طيبة

 

[ندعوك للتسجيل في المنتدى أو التعريف بنفسك لمعاينة هذه الصورة]






عصير جوافة بالليمون

المقادير:

• 1/4 كيلو جوافة
  
  
• مية
  
  
• سكر
  
  
• عصير ليمونة
  
  
• ورقة نعناع "للتزيين"
  

الطريقة:
هاتي الجوافة واغسليها وقطعيها قطع
صغيرة، بس خدي بالك إنك تشيلي منها البذر، وبعد كده حطيها في الخلاط وضيفي إليها
المية وعصير الليمون والسكر واضربيهم مع بعض كويس، وبعد كده صبيها في أكواب
العصير.

 

[ندعوك للتسجيل في المنتدى أو التعريف بنفسك لمعاينة هذه الصورة]






أرز صيادية مع سمك فيليه

المقادير:

• قطعة سمك فيليه
  
  
• كوب أرز بسمتي
  
  
• 2 بصلة مفرومة فرمًا ناعمًا
  
  
• معلقة صغيرة كمون
  
  
• 1/2 معلقة صغيرة قرفة
  
  
• 2 كوب ماء
  
  
• معلقة صغيرة ملح
  
  
• 1/4 كوب صنوبر
  
  
• زيت زيتون
  

الطريقة:
1- نغسل السمك كويس، ونقطعه لقطع
صغيرة، ونقليها في الزيت لغاية ما تستوي.

2- نجيب البصل ونشوّحه في كمية من
الزيت لغاية ما لونه يبقى بني، وبعد كده نضيف عليه الماء والكمون والقرفة ونسيبهم
يغلوا لمدة 10 دقائق.

3- بعد كده نضيف الأرز، ونسيبه يستوي على نار هادية
لمدة ربع ساعة تقريبًا.

4- نجيب الصنوبر ونحمصه في الفرن.

5- هاتي
طبق التقديم وحطي فيه الأرز وبعد كده غطّيه بالسمك وزيّنيه بالصنوبر.. وبالهنا
والشفا.