|
|
كاتب الموضوع | محتوى الموضوع |
---|
| موضوع: ثروه الشوارع السبت سبتمبر 19, 2009 3:46 am |
| كثيرا ما حفلت شوارع برمبال القديمه بزخم كبير من الالعاب الشعبيه.منها على ما اتذكر 1-الواحد مليم 2-السبعه 3-الموس 3-الحمار الطويله 4-الطبليه 5-الجواعير 6-الورق 7-الاساتك و.....إلخ وعلى صعيد اخر كانت هناك المصانع القائمه على المصاطب. وكانت تنتج فى فصل الشتاء(بوابير الطين)وفى فصل الصيف كانت تتنافس على صناعه (العجل ابو كزايز).ولهذه المصانع يرجع الفضل فى القضاء على البطاله .فكنا نجوب الحارات بحثا عن (الكزايز)وخاصه امام المقاهى ومحلات البقاله ونحوه.واتذكر ان احدنا سافر ذات مره لجمع(الكزايز ) من المنصوره. لذالك نرجو من كباتن الالعاب السابقه .ومن مهندسى هذه المصانع موافاتنا بالمزيد
|
|
| |
| موضوع: رد: ثروه الشوارع السبت سبتمبر 19, 2009 10:41 am |
| موضوع حلو يا محمد
كنا حنعمل ليه قسم خاص باسم ألعاب برمبالية بس نسخن معاك علي ما ننشيء القسم تقدر تقوللي خطوات لعبة الموس
|
|
| |
| موضوع: رد: ثروه الشوارع السبت سبتمبر 19, 2009 11:39 am |
| ياااااااااااااه يامحمد فكرتنا بالذى مضىالا ليت الطفولة تعود يوماانا بقى ياسيبدى كنت محترف لم كزايزوبعدين بقى كنا بنتفنن فى عمل العجله ام كزايزونعملها دركسيون ونعلق عليها بعض الزينه لتبدو رائعهوبعدين بقى انت لو جيت تشوف احنا كنا بنقضى اليوم ازاى هتستغربنصحى من النوم نفطر اى حاجهننزل الشارع نبدأها بكرة القدم طبعا اى حاجه وخلاص اصلا مش بنعرف نلعبوكنا مسمينها الخشة نفضل نقطع فى بعض لغاية لما نتعب وبعد كده نقلبها اصطاد سمك وبعد شويه ممكن نقلبها السبعه ولما نزهق من الكرة بقى نخش على باقى الالعاب الترفيهيهبداية من واحد مليم ثم الى الطبليه ومنها الى الحماره الطويلهوفى موسم الجواعير انا بتفرج عليهم لانى مكنتش بعرف العب جواعير كانت الكسوه بتسلت منى اما عن الورق والاساتيك فحدث ولا حرج اخوك استاذوفى الليل بنجمع كل اطفال الحاره من اولاد وبنات ونلعب استغمايه وكان فى لعبه تانيه كده بتاعة البنات حاجه كده زى بدون كلامواكيد بتنتهى بالخناق مع البنات وهم يسيبونا ويروحوا يلعبوا لوحدهمنقوم احنا بقى نقلبها بوليص وحراميه لغاية لما نتعب ونيجى نبص نلاقى اهالينا بتنادى عليناواروح البيت واخد العالقة المحترمه وبعدها اخش انام وابقى نايم على السرير وبحلم فى العالقه بتاعة بكره هيبقى شكلها ازاى بجد ولا يوم من ايام الطفولة
|
|
| |
| موضوع: رد: ثروه الشوارع السبت سبتمبر 19, 2009 2:19 pm |
| السلام عليكم ههههههههههههههههه حلو الموضوع دا يا حمام.. بالاضافة للالعاب دي انت نسيت اهم لعبة و هي ( القرد و صاحبه ) اللعبة دي انا كنت حريف تزويغ فيها.. هي المفروض واحد بيقعد في الارض علي ( افَزُه ) و دا بيكون ( القرد حفظنا الله ) و ليه واحد ( صاحبه ) المفروض انه بيحميه من ان اي واحد يقرب ليه علشان يديله ( الطريحة هههههههههه ). و باقي اللاعبين بيجروا حواليه علشان يحاولوا يضربوه . المفروض اللي هيتمسك هيبقي ( القرد ). انا بقي كنت احسن واحد لما اتمسك احاول اجري علي بيتنا او استغيث بأي واحد ماشي في الشارع و اقول الحقني يا عم الحاج العيال دول عايزين يضربوني. ههههههههههههههه كانت ايام.
|
|
| |
كاتب هذه المساهمة مطرود حالياً من المنتدى - معاينة المساهمة |
| موضوع: رد: ثروه الشوارع السبت سبتمبر 19, 2009 2:26 pm |
| هههههههههه والله موضوع جميل جدا
أنا فاكر إنى لفيت شوارع برمبال القديمه شارع شارع وحاره حاره بسبب الجواعير
|
|
| |
| موضوع: رد: ثروه الشوارع الأحد سبتمبر 20, 2009 3:18 am |
| *يا أستاذ على:نسخن بخطوات الواحد مليم أحسن طبعا بعد ما سعيد الخظ يتحط فى الارض .والطابور يقف علشان يقفز من فوقه كان القفز له مراحل متتاليه.ونفسك معنا علشان انا ناسى (واحد مليم-خمسه مليم-عشره مليم-خمسه عشر مليم-السكينه -المعلقه- الشوكه-الشلوط-الوقفه----واخر حاجه حرامى هارب فى المدينه) *يا عم إبراهيم اهم حاجه إنك تاخد العلقه المتينه بالمقشه البلح طبعا . وتغسل رجليك وتنام بتفكر فى علقه بكره.بالمناسبه لى تجربه مع علقه ساخنه . *اما حضرتك يا كابتتن شرقاوى فكرتنا بالقرد وصحبه .والجرى نص المجدعه .(إلحقنى يا عم الحاج العيال دول عاوزين يضربونى ) *المهندس محمد بالمناسبه اما مكنش لى فى الجواعير كتير. لانى كنت بفر سلاتى بس ,ومعرفش افر عزامى, ولا انشل فى التيرو
|
|
| |
| موضوع: رد: ثروه الشوارع الأحد سبتمبر 20, 2009 7:25 am |
| يا عم محمد نسيت خطوات في الواحد مليم
فين الحكة التقيلة والخفيفة دي من أهم المراحل وفين عسكري واقف ومتدور وعسكري قاعد ومتدور وعسكري نايم إيه يا جماعة هتبوظوا الألعاب الأوليمبية البرمبالية كل سنة وانتم طيبين
|
|
| |
| موضوع: رد: ثروه الشوارع الأحد سبتمبر 20, 2009 8:29 am |
| حلو بجد اسلوب الموضوع محسسنى اننا فى نشره الاخبار مشكور ع الاسلوب والتوبيك طب الواحد مليم والاساتك والقرد وصاحبه ماشى انما ايه الطبليه والحمار الطويله والموس والسبعه دى وفى الليل بنجمع كل اطفال الحاره من اولاد وبنات ونلعب استغمايه وكان فى لعبه تانيه كده بتاعة البنات حاجه كده زى بدون كلام تقصد لعبه الافلام والمسلسلات اللعبه الوحيده اللى فاكراها كهربه
|
|
| |
| موضوع: رد: ثروه الشوارع الأحد سبتمبر 20, 2009 2:28 pm |
| برافو يا استاذ على خلينا نفتكر مع بعض تعرف انا كنت ناسى .ممكن نعرف من مهندسى المصانع فرده العجل ام كزايز فيها كام كازوزه. وبالنسبه للعبه المسلسلات والافلام نرجو التوضيح. وبوسع الجميع المشاركه.
|
|
| |
| موضوع: رد: ثروه الشوارع الأحد سبتمبر 20, 2009 5:53 pm |
| هههههههههههه بس يا ريت اصحاب المصانع والمهن دى يقوللنا ايه هى خطوات تصنيع العجل ابو كزايز لحد ما تنزل السوق المصرى وايضا اسعارها بالدولار
|
|
| |
| موضوع: رد: ثروه الشوارع الإثنين سبتمبر 21, 2009 4:41 pm |
| طيب يامحمد مين ده الله سافر المنصورة ونسيت انت لعب علي ورق اه من حق ايه صحيح الموس دي لعبتها امتي ومن ورايا كمان
|
|
| |
| موضوع: رد: ثروه الشوارع الأربعاء سبتمبر 23, 2009 6:41 pm |
| شوف ياعم ياسر انا كنت بلعب موس فى الشوارع .وإنت كنت موس فى المذاكره اللهم لا حسد
|
|
| |
| موضوع: رد: ثروه الشوارع الأربعاء سبتمبر 23, 2009 7:14 pm |
| طيب ايه هو الموس ده اشرحلنا يا أستاذ محمد
|
|
| |
| موضوع: رد: ثروه الشوارع الأربعاء سبتمبر 23, 2009 7:29 pm |
| شوف ياعم ياسر اهى لعبة الموس دى ماسمعتش عنها الا فى المنتدى بتاعنا ده وادينا منتظرين محمد يقلنا ايه هى لعبة الموس دى
|
|
| |
| موضوع: رد: ثروه الشوارع الأربعاء سبتمبر 23, 2009 7:30 pm |
| - ياسر شلبي كتب:
طيب ايه هو الموس ده اشرحلنا يا أستاذ محمد
السلام عليكم الموس يا عم ياسر هو انك تكون حاد في طابعك و بتقطع في جَدَي الناس. ههههههههههههههه علي فكرة الموس دي يمكن اللعبة الحيذ هي و البلي اللي عمري مالعبتهم.
|
|
| |
كاتب هذه المساهمة مطرود حالياً من المنتدى - معاينة المساهمة |
| موضوع: رد: ثروه الشوارع الخميس سبتمبر 24, 2009 8:43 pm |
| يا جماعه إنتم إختزلتم اولمبيات برمبال فى الموس بس.فين مهارتكم. وعلى فكره بوسع الجميع المشاركه
|
|
| |
| موضوع: رد: ثروه الشوارع الأحد أكتوبر 18, 2009 1:44 pm |
| موضوع حلو يامحمد كانت ايام جميله بريئه عارف احسن حاجه في الالعاب بتعتنا بتاع زمان انها كانت العاب جماعيه تعالى يامحمداليوم نشوف جيل الانترنت و GAMES
|
|
| |
| موضوع: رد: ثروه الشوارع الإثنين أكتوبر 19, 2009 2:30 pm |
| لعبه جديده يجماعه انتو نسيتو تقولوها فكرين لعبه الحنجل كنا ديما نلعبها فى حاره سويلم انا حاره الطحنه عرفينها دى كانت عباره عن مربع كبير وفرقين فريق داخل المربع والفريق التانى بره وفى كمان لعبه انتو نسينها لعبه شد المنديل ودى كانت احسن لعبه ويبخت ال يشد المنديل كان بيطحن
|
|
| |
| موضوع: رد: ثروه الشوارع الخميس أكتوبر 29, 2009 11:17 am |
| الله يامحمد ياعبدالله على زمان وموضوعك ذات الطابع الخاص فعلا كانت العاب أولا بتفرع الشحنة والطاقة اللي عند الأطفال والفتيان والشباب وكمان بتقضي على البطالة ، وأعتقد ياجماعة كزايز كانت على أيامنا بالقاف قظايظ)، بالنسبة للعبة السبعة طوبات عبارة عن سبع طوبات من البلاط ترص على بعضها ويكون هناك فريقين وكل لاعب يحاول ايقاعها بكرة صغيرة معينة لهذه اللعبة والفريق الذي نجح في ذلك يمسك بالكرة ويناولها أفراده لبعض والفريق الثاني من خلفهم يحاولون اخذ الكرة عن طريق الرأس فقط لما واحد تاني من نفس الفريق يرص السبع طوبات ...
|
|
| |
| موضوع: رد: ثروه الشوارع الخميس نوفمبر 19, 2009 11:55 pm |
| فعلا يا طارق كانت العاب جماعيه وتعمق الروابط بيننا إنت بأه فاكر لعبه الورق زميلى على الباز ممكن تشرح لنا لعبه الحنجل استاذى الفاضل على الحسينى باالنسبه للقظايظ لما وصلت لنا كانت مرققه
عدل سابقا من قبل محمد السيد محمد عبد الله في الخميس فبراير 11, 2010 9:22 pm عدل 1 مرات |
|
| |
| موضوع: رد: ثروه الشوارع الجمعة نوفمبر 20, 2009 9:48 am |
| مشكور على الفكره الجميله دى وانا اول مره فى حياتى اسمع عن لعبه الموس دى انا عارف الجواعير والورق والاساتك والواحد مليم والحماره والطبليه ما عدا الموس
|
|
| |
| موضوع: رد: ثروه الشوارع الخميس فبراير 11, 2010 7:25 pm |
| السلام عليكم ورحمه الله وبركاته فكرتنا يامحمد بالايام الجميله بس يامحمد انت ذكرت لعبه الموس اتضحلى انى مكنش حد بيلعبها الابتوع المنشيه وحاره المستشفى الا انت فاكر لسه المسميات بتاعتها لفوا وودنوا فاكر حاجه منها ولا لعبه الصياد الى الفريق التانى يتحط فى النص والى الكوره تيجى فيه يطلع والى يشقط بيض كتير اما لعبه الحنجل دى ياسيدىالى احنا كنا مسمينا ملتك افتكرتها كان يومه اسود الى يتمسك بس كان بيلحق نفسه ويقول اشهد ولا لعبه الورق وفى اخر الاجازه نعملها كشاكيل فى اى مكتبه ولعبه المنقله الامريكى والعاديه حاره المستشفى على فكره كان فيها جميع اللعب دى والى انت ذكرتها بس ياسر وابراهيم ميعرفوش لعبه الموس ازاى بفكرك تانى انت لسه فاكر اسماء الحركات بتعتها لو قولتها تبقى ميه ميه وشدالكوبس هههههههههههههههههههه
|
|
| |
| موضوع: رد: ثروه الشوارع الخميس فبراير 11, 2010 9:50 pm |
| الحقيقه ايام جميله بجد وبتبان اكتر لما بتحطها فى كفه مقابل PS والعاب الPalm PCs والجيمز اللى موجود بشكل بيفرض نفسه عليك فى كل مكان فيها مافيها من الانيميشن والجرافك وقد ايه Life-like ولكن يبقى عنصر مهم الا وهوه الجماعيه اللى ربتها فينا العاب الشارع وقد ايه بعيده كل البعد عن الMachine-masterعمليه التوحد مع اللعبه سواء كمبيوتر او غيره لدرجه ممكن تصيبك بامراض نفسيه وامراض فى الشخصيه
فياسلام لو ان هذه دعوه لعودة الالعاب هذه لمجتمعنا بعيد عن الحاجات الجديده دى شكرا ياحماده
|
|
| |
| موضوع: رد: ثروه الشوارع الثلاثاء فبراير 16, 2010 4:48 pm |
| ههههههه ماشاء الله بجد دا تراث اطفال برمبال القديمة مشكورررررررررررررررر
|
|
| |
| موضوع: رد: ثروه الشوارع الأربعاء فبراير 17, 2010 8:34 am |
| بسم الله
بجد يا ابو عبدالله انت موضوعك مجرد ما الواحد قرأة وعااااااااد بالزاكرة لوراا قوى قوى حيث لا توجد مسؤلية ولا اى ارتباطات للواحد غير اللعب والجرى والتنطيط من هنا هنا والشكل مع الحارة التانية ودة اتضرب النهاردة لازم ناخد حقة ..يااااااااااااه بجد ايام كلها براءة والعاب كلها سلاسة من غير تعقيد ولا ولا .....زى ما قال الكابتن طيار اول اركان حرب قائد معركة المصريين على التتتار فى موقعة تحتموس الرابع عشر الكابتن ( عمرو العدوى ) والله وحشنى يا عمورة واوعى تزعل زى العادة
شكرا لطرحك الموضوع بالصورة دى يا حمااام ..بس انا ناسى لعبة الموس دى !! تصدق
|
|
| |
|
صفحة 1 من اصل 2 | انتقل الى الصفحة : 1, 2 |
|