تذكير بمساهمة فاتح الموضوع :

كثيرا ما حفلت شوارع برمبال القديمه بزخم كبير من الالعاب الشعبيه.منها على ما اتذكر
1-الواحد مليم
2-السبعه
3-الموس
3-الحمار الطويله
4-الطبليه
5-الجواعير
6-الورق
7-الاساتك و.....إلخ
وعلى صعيد اخر كانت هناك المصانع القائمه على المصاطب. وكانت تنتج فى فصل الشتاء(بوابير الطين)وفى فصل الصيف كانت تتنافس على صناعه (العجل ابو كزايز).ولهذه المصانع يرجع الفضل فى القضاء على البطاله .فكنا نجوب الحارات بحثا عن (الكزايز)وخاصه امام المقاهى ومحلات البقاله ونحوه.واتذكر ان احدنا سافر ذات مره لجمع(الكزايز ) من المنصوره.
لذالك نرجو من كباتن الالعاب السابقه .ومن مهندسى هذه المصانع موافاتنا بالمزيد

 

شكرا لك ياغنيم بس ازاى ياريس مش عارف الموس عيب عليك


اقولك لعبه الموس دى كنا بنجيب قالب طوب ونوقفه على الارض .....قشطه

وبنجيب الكوره الشراب وبنشن فى القالب من على بعد وبيتحدد المكان اللى بترمى منه على حسب اللى ضدك مارمى الكوره ليك بس بشرط له قيود فى الرميه مش مفتوحه لو مفتوحه ممكن يرميها لو فى المبانى تجيبها من الصوابر وابقى نشن بقى ومنها بتنشن على القالب الطوب واجمل لحد ماتوقعه واجمل مافيها هيا خطواتها اللى بتصعب على اللى بيرمى الكوره مش يرميها بحريه زى مثلا كان يمسك ودنه يايد ويدخل التانيه من بينهم ويرفع الكوره باليد الحره دى ويرميها بيد واحده وانا مش فاكر باقى الخطواه كمان كويس... اصل من زمان الكلام ده

طب حاد فاكر لعبه اسمها الرد بكسر الراء

 

 

 

طيب هنا برده حجيبلكم لعبه كنت بلعبها فى مصطاح النعانعه وهى لعبة( الصينيه)وكنت بحبها جدا
واللى عايز شرح يطلب وانا تحت امره
نعانعاوى سابقا ومبانى حاليا
واشهدلكم ان احلى فتره عشتها فى حياتى كانت فى النعانعه
اخوكم ابو حمزه الجمل