بسم الله

احب اشارك معاكم فى الموضوع دة يا شباب اهوو من باب التسلية والترفية كما قال ابو عمار

اولا الساقية دى اعتقد انها ساقية ارض الحصة اهم حاجة كانت بتميزها تلات شجرات توت مرتفعة قوى وكثيفة واغصانها متماسكة ومتدلية على الساقية وبجد دى كانت بتخوف جامد الواحد وهو صغير لان كان لنا ارض هناك فكان الواحد بيبقى مش شايل هم حاجة الا انة يعدى من قدامها يمكن علشان الواحد سمع عنها كلام كتير وخصوصا انها مقابل الدوار اللى كان اتقتق فية راجل هناك او مزازية لية يمكن ؟؟
انما من ناحية الاساطير فاعتقد ان الحاجات دى مش اساطير دى بتبقى حقيقة لان الجن والعفريت مزكور فى القران انما مع قلة النور وقلة السكان بردة كما زكرت روز الجنة دا كان سبب فى ظهروها او ظهور اشياء مخالفة للعقل شوية
عاندى قصة لاحد جيرانى ودى قريبة قوى مش من زمان يمكن كام سنة بس الراجل اتعودنا علية فى المسجد باستمرار فى معظم الصلوات وخصوصا العشاء فتغيب كام يوم فقلنا نسأل علية لقناه مريض وملازم الفراش .. اتفقنا نزورة لانة واجب فرحنا نزورة فى اية مالك اخبارك اية ؟والف سلامة ...الراجل فى حالة صدمة مبيتكلمش ولا بينطق حرف ؟؟ فى اية يا جماعة ؟ اية اللى حصل اهلة قالوا ان الناس لاقوة واقع من على حمارة قرب الكوبرى بتاع البحر الجديد ومبيتكلمش جبوة على البيت وابو رزق شافوا قالهم دا عاندة صدمة دا شاف حاجة او طلعلوا حاجة لانة جسمانيا مفيش مرض واضح ... يفضل كدة شهر زمن او اكتر شوية لغاية لما ربنا كرم وقام وقالنا الحكاية كان بيروى فى الشراقى وطبعا الكل عارف ان القراميط بتطلع على مية الشراقى بكثرة رهيبة المهم صاحبنا لقى قرموطة كبيرة جدااا بدرجة من وصفها صعب نتخيلها..المهم صاحبنا جاب شوال ونط عليها فى الاناية واستطاع انة يمسكها ويدخلها فى الشوال وكانت مالية الشوال كلة وركب حمارة وجة على البلد ولما قرب على النور ملقاش حاجة فى الشوال وجالة صدمة ووقع من على الحمار لحد ما ناس جاية لقوة فى الحالة دى روحوة ؟؟؟ هل نصدق الراجل دة مع العلم انة من رواد المساجد يعنى ملوش صالح انة يكذب .. انا بصراحة صدقتة
لنا تكملة