تذكير بمساهمة فاتح الموضوع :

مين في الشباب يعرف معلومات عن ساقية علي الترعة اللي في بدايتها كوبري برهام يقولو كانت تدور بالليل ويسمعوا صوت تصفيق وزغاريد
افيدونا

 

والله اللى انا اعرفه بصفتى يعنى لنا ارض فى المنطقه دى ان الساقيه المقصوده دى هى ساقية رياش مش الحصه وهى اللى جنب الدوار اللى اتقتل فيه راجل كان غفير فى ارض السوالمه واللى قتله مراته وعشيقها بس حكاية الدوران دى حكايه قديمه قبل القتل بكتير لان حادثة القتل دى ممكن من 15 سنه والحكايات دى كنت بسمعها انها حصلت قبل ما اتولد بس انا كنت بعدى من جنب الساقيه دى دايما وعمرى ماشفت فيها حاجه غريبا مع العلم انى كنت ببيت فى الغيط على طول وكنت بعدى احيانا من هناك فى نص الليل
هذا والله اعلم
تقبلو مرورى وتحياتى للجميع

 

شكراااااااااا

 

مشكور ابو عمار على فتح باب النقاش فى هذا الموضوع
بيقولوا من فات قديمه تاه

 

كان جدى الله يرحمه بيحكيلى انا واخواتى حكايات زى دى زى اللراجل اللى لقى ارانب كتير وقعد يلم فيهم ولما وصل بيته لقاها لفات من القش مع انها كانت بتتحرك
وحكايةالراجل اللى لقى حمير او غنم مش فاكره بالظبط كانوا كتير شدهم بالحبال ولما قرب من بيته ملقاش حجه فى الحبال
الله يرحمك ياجدى كان بيقول ان كان الكلام ده كتير ايام زمان بسبب ان البلد كان معظمها زراعه وبدون كهرباء

 

برده يا ابو عمار

 

ايه الرعب دا

الحمد لله اننا في رمضان

مابلاش الكلام في الحاجات دي

 

مشكووور جداا ع الموضوع الجميل ده وانا من الردود اللي بتتكتب متشوق اعرف اكتر عن الحاجات دي يعني بموت في شغل العفاريت والجناني ويا ريت كل اللي عنده حكايه ولا حاجه عن العفاريت يكتبها ومشكووور تاني ع الموضوع

 

حلو الموضوع
مشكوووووووووووور