يوم فى حياه الاستاذ محمد جاد ( أبو تسنيم ) فأهلا به

تاريخ ميلادى : 06/06/1972

تذكير بمساهمة فاتح الموضوع :

الاخوة والاخوات أعضاء أعظم وأجمل منتدى

اليوم وكعاده برنامجنا نطل عليكم بضيف جديد

تذكير بفكره البرنامج

[ندعوك للتسجيل في المنتدى أو التعريف بنفسك لمعاينة هذه الصورة]
ضيفنا اليوم فارس من فرسان المنتدى

ضيفنا صاحب أجمل ابتسامه ضيفنا يتسم

بطيبه قلب غير معهوده ضيفنا مهندس المنتدى

ضيفنا اليوم أعرفه عن قرب ضيفنا اليوم

له من الاحترام والتقدير الكثير فى قلوبنا جميعا

ضيفنا يحب بلدنا الحبيب لدرجه الولع والعشق

ضيفنا عنيييييييييييييد جدا جدا واسألونى

ضيفنا هو أبو تسنيم

[ندعوك للتسجيل في المنتدى أو التعريف بنفسك لمعاينة هذه الصورة]

فأهلا به

تاريخ ميلادى : 01/01/1984

وبس؟؟؟؟؟؟؟؟؟؟؟؟؟؟؟؟؟؟؟؟
دا شكله خايف من الحكومه ياعم

الجيوكاندا كتب:: والله إنتو حرام عليكم ينفع كده يعنى

ها يا أبو تسنيم حضرتك بتقضى اليوم إزاى هههههههههههه

ههههههههههه ماشى يا جيوكاندا انتى انضميتى للحزب ماااااااشى
يومى بيبدأ يا ستى كالأتى :-
بصحى من النوم حوالى الساعه 7 صباحاً اخد حمام موش دايماً يعنى ههههه المهم بتوضأ وأصلى الصبح وألبس وأخرج أفضل الف فى البلد هنا خميس مشيط على العمال والمراقبين والسواقين وكده انا مشرف عمال على فكره وافضل الف وادى كام ملاحظه كده للمراقبين واخد ملاحظات بردو من مدير المشروع واروح بوفية المصريين أضرب سندوتش فول وطعميه (مكس) وأضرب كوب شاى حلو كده وارجع أطلع تانى الف والف بالعربيه لما الساعه تيجى 12 اقوم ماشى مروح طبعا دى موش ساعات دوامى بس انا ببلطج هنا بقى هههههه المفروض دوامى بيبدأ 6 وينتهى 2 بعد الظهر بس ده مبيحصلش طبعاً ههههههه ربنا يسترها ومحدش يسيحلى فى المنطقه وارجع يا ستى اغير واخد حمام وموش دايما بردو هههه واصلى الظهر واجلس امام الجهاز لحد بالليل لما أنام .
وتوته توته خلصت الحدوته حلوه والا ملتوته ههههههههههه
ودى قصة حياة الامير محمد والاميره سميحه ههههه

ابوحمزه الجمل كتب:: وبس؟؟؟؟؟؟؟؟؟؟؟؟؟؟؟؟؟؟؟؟
دا شكله خايف من الحكومه ياعم

اسكت يا عم خلينى اكمل والنبى
هههههههههههه انا متراقب اسكت هتودونا فى داهيه

ابراهيم الجمل كتب:: كل عام وانت بخير انتا واصدقاء المنتدى والمسلمين اجمعين اعاده الله علينا بالخير والبركات اخى العزيز انا سؤالى هو كيف كان يومك فى شهر رمضان وانت فى الصغر والفرق بينما كنت صغير وانت كبير لان لكل وقت له رونقه وجماله

استاذ ابراهيم الجمل منورنا يا فندم .. كل سنه وحضرتك طيب
جيت على الجرح يا عم ابراهيييييييييييييم رمضان زمان يا سلااااااااااااااااااام هى دى ايام تتعوض كنا نتسابق فى قراءة القرآن وكنا بنلعب لما يتقطع نفسنا ههههه والزينه ماليه الشوارع
كان أجمل شئ اللمه بتاعتنا على الطبليه والهيصه ال قبل الفطار دى والشعراوى واجرى يالواد واخدى يابنت حوش يا عم القرآن بيقول ههههههههه وكل واحد يعمل حاجه والكل يساعد بعضه والبيت كانت فيه روح جميله اوى وبعد الفطار كنت اخرج وتلاقى الحاره هايصه خالص والعيال ال هما اصحابى طبعا ملمومين ونجيب أزايز الزيت الفاضيه ونفتحها ونعملها باب ونحط فيها حتة طينه او شوية رمل مبلوليين ونحط فيها شمعه ويبقى احلى فانوس يا معلم ونلف بقى فى الشارع وبعدين نرمى الفوانيس دى ونبدأ اللعب بقى لمااااااااااااااااا للفجر وبكره نعمل غيرهم هههههه مهم ببلاش ... لكن الوقتى راح الاحساس بدفئ العائلة وكل واحد بقى له اهتمماته وبقى فيه فرقه
شرفتنى يا غالى وكل عام وانت بخير

فاطمة كتب:

ايه المفاجأت الجميلة دى
أخيراااااا أبــــو تـــســـنــــيــم معنا
بداية قوية للبرنامج فى رمضان
أهلاً ومرحباً بالضيف الذى طال انتظاره
أهلاً ومرحباً بالشخصية المعطاء المُحبة للخير دائماً
أهلاً ومرحباً بك
أبـــو تـــســـنـــيــــم
وطبعاً مش هيكون يوم ولكن أيام من حياتك
نلخصها فى مجموعة تواريخ ومناسبات هامة

اهلا وسهلاً استاذه فاطمه منورانا يا فندم
بالنسبه للتواريخ ذاكرتى تعبانه والله انتى عارفه الزهايمر ماشى اليومين دول بقى هههههههههه
لكن اجمل تاريخ ومناسبه هو 21/12/2007 وده تاريخ ميلاد الانسه تسنيم ده ال انا فاكره لان لو نسيته ام تسنيم بتفضحنى وتعمل بالو كبير اوى وربنا يجعل كلامنا خفيف عليهم ههههه

احمدالدسوقى كتب:: حبيب قلبى وقعت ولا حد سمى عليك هههههههه

دى الجيوكاندا وعوض والدنيا ناوينيلك انت تفطر وتجيلنا

احسن هههه .منور يا ابو تسنيم القلب الطيب الانسان

الخلوق جدا ماشاء الله ربنا يبارك فيك ويخليللك تسنيم

ويلا افطر وتعالى ههههه علشان تكون مفوق كدة

وشرفت ورنورت ياغالى ورمضان كريم وكل سنه وانت طيب

احمد بيه الدسوقى منورنى يا فندم الف شكر حبيب قلبى على كلماتك التى ان دلت فتدل على نبل اخلاقك العاليه بارك الله فيك يا جميل وكل عام وانت بالف خير ورمضان كريم

ابوحمزه الجمل كتب:: هع طبعا انتم عارفينى انا مش اللى فى بالكم انا التانى
ايه الحنيه دى
الاستاذه فاطمه بترحب بيه واحمد الدسوقى يقول افطر وتعالى هو البرنامج ده مالوش كبير وللا ايه
انت يا عم ابو تسنيم اطلع يللا خلينا نتفاهم
نتفاهم نتفاهم مين
فى الاول بقى ياعم الحاج ترجم
(توم سى ميلنا باتى كارنا باراتشا لاكتاهى )
بس الغش ممنوع وخليك فاكر انا عوض مش ابو حمزه يعنى مفيش عشان خاطرى

ههههههههههههههههه بالراحه علينا يا معلم عوض والنبى
ابو حمزه وصى الراجل ده علينا يا عم والنبى
زنقنى فى حتة سؤال
موش عارف الترجمه يا ابو حمزه بس اوعدك بكره هجيب سواق هندى واخليه يترجملى ههههههههههه

تاريخ ميلادى : 01/01/1984

ابو تسنيم كتب:

ابوحمزه الجمل كتب:: هع طبعا انتم عارفينى انا مش اللى فى بالكم انا التانى
ايه الحنيه دى
الاستاذه فاطمه بترحب بيه واحمد الدسوقى يقول افطر وتعالى هو البرنامج ده مالوش كبير وللا ايه
انت يا عم ابو تسنيم اطلع يللا خلينا نتفاهم
نتفاهم نتفاهم مين
فى الاول بقى ياعم الحاج ترجم
(توم سى ميلنا باتى كارنا باراتشا لاكتاهى )
بس الغش ممنوع وخليك فاكر انا عوض مش ابو حمزه يعنى مفيش عشان خاطرى

ههههههههههههههههه بالراحه علينا يا معلم عوض والنبى
ابو حمزه وصى الراجل ده علينا يا عم والنبى
زنقنى فى حتة سؤال
موش عارف الترجمه يا ابو حمزه بس اوعدك بكره هجيب سواق هندى واخليه يترجملى ههههههههههه

لالالالالالالالالالالا
البرنامج ده مش من مستوايا ياعم انا اجيبلك ابو حمزه حنين عليك
واشوف انا حد تانى الطم فيه ومش هغلب يعنى دول اكتر من الهم على القلب

الاستاذ الفاضل/محمد جاد ابو تسنيم
بعد الحيه
شهر رمضان شهر كريم عليك وعلى العائله وعلى جميع شباب المندي معلى امه محمد بالخير والبركات ويارب يحفظ مصر الغاليه من كل سوء ويجمعنا تحت رايه الاسلام
اخى الغالي /محمد
نحن جميعا نفتخر بك لانك من الشباب المخلص للبلد ودائما تعطينا لمحه جميله عن بلدنا العظيمه
ويارب من نجاح الى نجاح وطبعا نحن نشكر الاخ الغالي نهاد سليم والاخ نبيه طه وكل شباب الرابطه الا جمعت شبابها على هذا المندي
ماهي مشاريعك فى رمضان وفى اى وقت تقضيه فى ايام هذا الشهر الكريم

اخيك احمد احمد شلبي البسيوني السعوديه الرياض العليا العام

اقتباس :: لالالالالالالالالالالا
البرنامج ده مش من مستوايا ياعم انا اجيبلك ابو حمزه حنين عليك
واشوف انا حد تانى الطم فيه ومش هغلب يعنى دول اكتر من الهم على القلب

موش معقوووووووووووووووول المعلم عوض خليته يستسلم
دا انجااااااااااز كبير يحسب لى ههههههههههه

احمد شلبي كتب:: الاستاذ الفاضل/محمد جاد ابو تسنيم
بعد الحيه
شهر رمضان شهر كريم عليك وعلى العائله وعلى جميع شباب المندي معلى امه محمد بالخير والبركات ويارب يحفظ مصر الغاليه من كل سوء ويجمعنا تحت رايه الاسلام
اخى الغالي /محمد
نحن جميعا نفتخر بك لانك من الشباب المخلص للبلد ودائما تعطينا لمحه جميله عن بلدنا العظيمه
ويارب من نجاح الى نجاح وطبعا نحن نشكر الاخ الغالي نهاد سليم والاخ نبيه طه وكل شباب الرابطه الا جمعت شبابها على هذا المندي
ماهي مشاريعك فى رمضان وفى اى وقت تقضيه فى ايام هذا الشهر الكريم

اخيك احمد احمد شلبي البسيوني السعوديه الرياض العليا العام

الاستاذ احمد شلبى منورنى يا فندم وكل عام وانت طيب
احنا موش قدك يا عم والا قد بتوع حى العليا والورود والاحياء الجامده دى احنا غلابه ومساكين فى خميس مشيط
هههههههههه
مشاريعى فى رمضان انى احاول اتقرب من الله لعلا الله يغفر لى ذنوبى ويعفوا عنى هذا اكبر مشروع لى فى رمضان يا صديقى الغالى
اللهم تقبل صيامنا وقيامنا واجعلنا من عتقائك من النار فى هذا الشهر الكريم
آآآآآآآآآآآآآآآآمين

والله انت الا منور المندي ونحن نفتخر بك ياخى الغالي
وعلى فكره خميس مشيط جميله جدا
وهى غربه ياحج وخلاص نعمل ايه والله نفسى اجلس فى البلد وخلاص كفايه غربه ولكن قل اصحابى المخلصين يقولوا لسه شويه وانت عرف الغربه
المهم ربنا يبارك فيك ويعطيك الصحه وطوله العمر
والله المندى ته جميل باهله وكل اعضائه
اشكرك واشكر كل اعضاء المندي ودائما على الاتصال وهذا جوالي وانا فى اى خدمه حاضر
الجوال 0509077510

تاريخ ميلادى : 01/04/1980

الأخ العزيز / أبو تسنيم
كل سنة وانت طيب
رغم أني لم يتاح لي شرف معرفتك من قبل
إلا ان مجهودك الرائع في المنتدي وعلي النت
وعشقك الكبير لبلدك
جعلني أحس أني أعرفك منذ زمن طويل
أتمني لك استضافة ممتعة يا صديقي .

تاريخ ميلادى : 05/03/1988

اهلا اهلا بالغالى وحشتنى والله

انا مش عارف فيه ايه بعد ماعملت شويه اسئله كدة

وبسجل لقيت النت رخم نصيب ههه بس يلا هحاول اتذكر بعض الاسئله

قولى ياغالى

اول يوم رمضان اكلت فى البيت طبخت يعنى ولا جبت جاهز ؟

ايه احلى الاماكن اللى تحب تقعد فيها فى البلد قعدات عرب كدة؟

ايه رايه فى موضوع الرباط بين برمبال والرياض ؟انت شايف مين اكتر بيشجع

الموضوع اهل برمبال ولا اهل الرياض ؟

قولى اخر مرة حضرت رمضان فى البلد امتى ؟

مميزات الغربه فى رمضان وعيوبها فى الغربه بردة ؟

حاجه تتمنى تشوفها حالا او تتحقق ؟

يلا ياباشا رد على دول وجايلك تانى يا ابو تنسيم

تاريخ ميلادى : 06/06/1972

ابو تسنيم حبيب قلبى

بجد انا سعيد بك جدا وباستضافتك الجميله

ولكن حبيب قلبى قد لا يعلم الكثيرون ان لك تجربه

هنا فى الغردقه احكى لنا باستفاضه عن هذه التجربه

وماذا اضافت لمحمد جاد الانسان ورأيك انت فيها ايه

هل انت راض عن هذه التجربه وكمان كلمنا عن اجمل

الذكريات التى لا تنساها هنا واصعبها ايضا وكمان كلمنا

عن قرار ترك الغردقه جه ازاى وكمان كلمنا عن المشاحنات

بينك وبين التجار زملائك ودى نحط تحتها 100 خط

وبعدين اذا كان ابو حمزه معاه عوض انا معايا عوضين

يعنى انت عارف انى عارف كل حاجه بس عاوز الاعضاء

يعرفوا وهتدخل فى الوقت المناسب لو لقيت الكلام ناقص

او مش عاجبنى مفهووووووووووووووووووووم

تاريخ ميلادى : 01/05/1981

بسم الله

يا نهار أبيض ابو تسنيم حتة واحدة وانا ولا أكنى هنا خالص ...إخص عليا الف خصاية ههههههههه
منور يا غالى وربنا ...معلهش على التاخير بس ظروف الشغل بقى يدوب هما نص ساعة اللى بقدر ادخل فيها على المتتدى

المهم يا ابو تسنيم كل سنة وانت طيب يا حبيب قلبى ولنا عودة إن شاء الله

تاريخ ميلادى : 01/05/1981

بسم الله

ابو حمزة الجمل إنت واللى اسمة عوض بتاعك دة ....الراجل دا يهمنى قوى وممكن نخسر الظروف والجوابات العائلية اللى بتربطنى بيك أذا أى حد تعرض لة بسوء والكلام موجة لسعد باشا وااد عمى كماان ههههههههه

كل سنة وانتوا بالف الف صحة وسلامة

تاريخ ميلادى : 01/01/1984

ابو تسنيم كتب:

اقتباس :: لالالالالالالالالالالا
البرنامج ده مش من مستوايا ياعم انا اجيبلك ابو حمزه حنين عليك
واشوف انا حد تانى الطم فيه ومش هغلب يعنى دول اكتر من الهم على القلب

موش معقوووووووووووووووول المعلم عوض خليته يستسلم
دا انجااااااااااز كبير يحسب لى ههههههههههه

الكلام ده عند امه يا ادهم
انا بس اللى عايز حد من مستوايا
هههههههههههههه

تاريخ ميلادى : 01/01/1984

محمد غنيم كتب:: بسم الله

ابو حمزة الجمل إنت واللى اسمة عوض بتاعك دة ....الراجل دا يهمنى قوى وممكن نخسر الظروف والجوابات العائلية اللى بتربطنى بيك أذا أى حد تعرض لة بسوء والكلام موجة لسعد باشا وااد عمى كماان ههههههههه

كل سنة وانتوا بالف الف صحة وسلامة

تعرف ياغنيم
لو انا سبته الف واحد غيرى يمسك فى خناقه
اصله خيره سابق
ههههههههههه
وكل سنه وانت والعيله بخير

تاريخ ميلادى : 19/11/1996

ابو تسنيم كتب:

فاطمة كتب:

وطبعاً مش هيكون يوم ولكن أيام من حياتك
نلخصها فى مجموعة تواريخ ومناسبات هامة

21/12/2007 وده تاريخ ميلاد الانسه تسنيم

إيه عيد الميلاد ده الله يكون فى العون نحفظه إزاى إحنا بقى يا أبو تسنيم هههههههههه

تاريخ ميلادى : 01/05/1981

بسم الله

ابو تسنيم حبيبى ذكرت انك مش فاكر الا تاريخ ميلاد تسنيم بس ؟؟ يا ترى مش فاكر تاريخ جوازك ولا اية ؟
اعتقد ان هنا المشكلة مش انك تنسى عيد ميلاد تسنيم ؟ ولا اية ؟هههههه

ربنا يجعل كلامنا خفيف ...لاء مش خفيف ....نسمة عابرة عليهم !! واخد بالك ههههههههه

تاريخ ميلادى : 04/05/1975

طبعا بارحب ترحيب متأخر بأخي الغالي أبوتسنيم وبقوله كل سنه وانت طيب وبعدين أنا عايز أعرف هو الاستضافه دي خاصه بأبوتسنيم ولا خاصة بعوض

تاريخ ميلادى : 01/05/1981

بسم الله
وبعدين اية يا عم محمد اليوم اللى بيبدأ الساعة سابعة ويخلص سبعة دا بيخلص بسرعة قوى ههههههه

مذكرتش يا برنس بقية اليوم بتعمل فية اية ؟ فى اى مكان فى السعودية ؟ حجيت كام مرة علشان أأر عليك ؟ هو مهيبقاش أر بمعنى أر هو هيبقى حسد شوية يعنى ؟ بتأدى صلواتك فين ..فى المسجد ولا فى البيت ولا ...؟؟

يعنى شوية غضافة يا حماام خلى جيوكاندا تقدر تسألك ماشى يا حج محمد

تاريخ ميلادى : 10/09/1986

يعنى هو انا ديما كده باجى متاخر ولا اييييه
ومع مين ياشباب مع ابو تسنيم ،، يانهار ابيض ،،
معلش ياابو نسب غصب عنى انت عارف بقى رمضان
وعاوزين نقلل من النت خلال الشهر ،،
بس ازاى يعنى اسمع عن استضافة ابو تسنيم ومدخلش
انت عاوزنى اخد مخالفه ولا اييييييييه ياعم الحاج
منورنا ياابو تسنيم ،، والبرنامج ازداد شرفا بتواجدك فيه

هم الناس كلها عليك ولا ايييييييييييه ،، لاء بقى استنوا
بص بقى ياابو نسب انا جيييت يعنى من الاخر بقى ليك ظهر فى اليوم ده
ولا ينفع معانا عوض صديق ابو حمزه ولا عوضين صديق الاستاذ نهاد
خش عليا ياباشا
سمعتك كده وانت بتقول
المفروض دوامى بيبدأ 6 وينتهى 2 بعد الظهر بس ده مبيحصلش طبعاً
ههههههه ربنا يسترها ومحدش يسيحلى فى المنطقه
اعطينى بس انت رقم المدير بتاعك وملكش دعوه ،، سبلى انا الباقى بقى

احكيلنا ياباشا عن رمضان ده ازاى هتقضيه وخاصة انه بدون الجماعه
ولا يكون رجعوا وانا معرفتش ،، وايه اخبارك مع الطبيخ ؟

نيجى بقى لموضوع الغردقه اللى اتكلم عنه استاذ نهاد ،، رد على اسئلة الاستاذ نهاد اولا
وبعدين قولى بقى عن علاقتك بالاستاذ نهاد فى الغردقه ،، سمعت كده سمع خير انك كنت
بتقطع عليه ،، فاكر انت الايام دى ،، ايه حقيقة الخبر ده حقيقه ام مجرد اشاعه ؟

بقولك ياغالى عاوزك تفرد صدرك وتاخد راحتك ولا يهمك عوض ولا عوضين
انا ومحمد غنيم معاك اهو متقلقش ،، ولازم نخلى عوض يستسلم بجد ويحرم يخش كمان

تاريخ ميلادى : 19/11/1996

أستاذ إبراهيم وأنا هنا بعمل إيه ؟!