تذكير بمساهمة فاتح الموضوع :

 

 

الأخ العزيز / أبو تسنيم
كل سنة وانت طيب
رغم أني لم يتاح لي شرف معرفتك من قبل
إلا ان مجهودك الرائع في المنتدي وعلي النت
وعشقك الكبير لبلدك
جعلني أحس أني أعرفك منذ زمن طويل
أتمني لك استضافة ممتعة يا صديقي .

 

 

نهاد سليم كتب:

ابو تسنيم حبيب قلبى

بجد انا سعيد بك جدا وباستضافتك الجميله

ولكن حبيب قلبى قد لا يعلم الكثيرون ان لك تجربه

هنا فى الغردقه احكى لنا باستفاضه عن هذه التجربه

وماذا اضافت لمحمد جاد الانسان ورأيك انت فيها ايه

هل انت راض عن هذه التجربه وكمان كلمنا عن اجمل

الذكريات التى لا تنساها هنا واصعبها ايضا وكمان كلمنا

عن قرار ترك الغردقه جه ازاى وكمان كلمنا عن المشاحنات

بينك وبين التجار زملائك ودى نحط تحتها 100 خط

وبعدين اذا كان ابو حمزه معاه عوض انا معايا عوضين

يعنى انت عارف انى عارف كل حاجه بس عاوز الاعضاء

يعرفوا وهتدخل فى الوقت المناسب لو لقيت الكلام ناقص

او مش عاجبنى مفهووووووووووووووووووووم

حبيب قلبى الغالى نهاد باشا سليم ( ابو محمد ) كل سنه وحضرتك طيب يا فندم
ليييييييييييييييه هتقلب على الذكريات ...ماشى يا عمنا بص يا سيدى الغردقه دى كانت نقطة تحول فى حياتى هامه جدااااااا وتجربه رائعه بكل المقاييس ودخلتنى على عالم لم أكن ادرى عنه شئ وهو مجال التجاره والتوزيع والتعامل مع التجار واصحاب المحلات والعالم الحراميه والناس المحترمه هههههه الغردقه ياابو محمد غيرتلى حياتى فعلاً .
وبالنسبه للذكريات التى لا انساها فى الغردقه هو يوم مكنت بغرق واتكتب لى عمر جديد فى رحلة بحريه ال هى سنوركل وواحد سائح هو ال انقظنى من وسط البحر وبلاش تفكرنى بيها تانى والنبى لانى شوفت الموت بعينى وربنا كتبلى عمر جديد
وقرار ترك الغردقه جه بعد زهقانى من الوضع الشخصى بتاعى حيث طموحى كان اكبر من كده وجاء حلم السفر وسيطر على ذهنى فروحت اسأل على سفر عرضوا على الشغل فى المكتب واشتغلت فى المكتب لما سافرت على الشركه ال انا فيها الوقتى .
وبالنسبه للمشاحنات هههههههههههههههههههه انت حبيبى من ايام الجيزه والله ههههههههههههههه انت عارف يا ابو محمد ان ده كان سوق وال بيطول يقطع التانى بيقطعوا هنعمل ايه بس بس كان الخير كتير والكل بيشتغل والمكاسب كانت بالهبل ههههههههههههه وانت يا ابو محمد كنت رجل خطييييييير بدأت لواحدك وقابلت صعوبات كتير وانا الصراحه كنت سعيد جدا بك على المستوى الشخصى لكفاحك وعنادك فى حين كان بيقابلك عقبات كبيره ربنا يبارك فيك ياريس وانت عارف التجار والزباين مولد يا ريس وال بيطول حاجه بيعملها بس الطيبه وحسن النيه الدائم مينفعش فى مجالنا ده نهائى لانى متعلمتش ببلاش اتعلم على واتنصب على كتير وبصراحه الراجل ال كنت شغال معاه كان بيشجعنى ومصمم انى اتعلم من اخطائى
ويا جدعان ابو محمد نهاد باشا سليم كان المنافس بتاعى تخيلوا انتوا بقى اتنين بينافسوا بعض هيعملوا ايه ؟؟؟؟ هههههههه
حبيبى يا ابو محمد كل سنه وانت طيب ياغالى

 

محمد غنيم كتب:

بسم الله

ابو تسنيم حبيبى ذكرت انك مش فاكر الا تاريخ ميلاد تسنيم بس ؟؟ يا ترى مش فاكر تاريخ جوازك ولا اية ؟
اعتقد ان هنا المشكلة مش انك تنسى عيد ميلاد تسنيم ؟ ولا اية ؟هههههه

ربنا يجعل كلامنا خفيف ...لاء مش خفيف ....نسمة عابرة عليهم !! واخد بالك ههههههههه

هههههههههههههه حبيبى وصديقى الغالى محمد بيه غنيم ايه النور ده اتفضل ياراجل واقف على الباب ليه ههههه
طبعا ربنا يجعل كلامنا خفيف عليهم ونسمه وميحسوش بيها خالص
تاريخ زواجى يا فندم كان 2/2/2007 ومقدرش انساه طبعا بس تسنيم عندى اهم من الدنيا كلها فتاريخ ميلاد نيمه اهم تاريخ فى حياتى
شرفتنى يا غالى بمرورك وتشريفك الموضوع

 

ابوحمزه كتب:

طبعا بارحب ترحيب متأخر بأخي الغالي أبوتسنيم وبقوله كل سنه وانت طيب وبعدين أنا عايز أعرف هو الاستضافه دي خاصه بأبوتسنيم ولا خاصة بعوض

استاذ حامد جنيدى ( ابو حمزه ) منورنا يا فندم وكل سنه وحضرتك بخير انت والعائله الكريمه أعاده الله عليك بالخير واليمن والبركات وترجع بالف سلامه ان شاء الله
معرفش والله يا ريس والله الاستضافه خاصه بمين فينا انا والا عوض بس اجابة السؤال عند الجمل

 

محمد غنيم كتب:

بسم الله
وبعدين اية يا عم محمد اليوم اللى بيبدأ الساعة سابعة ويخلص سبعة دا بيخلص بسرعة قوى ههههههه

مذكرتش يا برنس بقية اليوم بتعمل فية اية ؟ فى اى مكان فى السعودية ؟ حجيت كام مرة علشان أأر عليك ؟ هو مهيبقاش أر بمعنى أر هو هيبقى حسد شوية يعنى ؟ بتأدى صلواتك فين ..فى المسجد ولا فى البيت ولا ...؟؟

يعنى شوية غضافة يا حماام خلى جيوكاندا تقدر تسألك ماشى يا حج محمد

بص يا سيدى انا انا باستهبل فى ساعات الدوام شويه بس بانتج شغل يعنى عشان كده محدش بيتكلم بس الايام ال فاتت كنت مطحووووووووون وبشتغل ساعات زياده كمان ومقدرش اقول لا ههههه وكان اغلب بقيت اليوم على النت
وانا يا ابو حميد بشتغل فى محافظة خميس مشيط ( جنوب المملكه ) بس افضل جو فى السعوديه عندنا هنا مفيش حر بس نقص اوكسجين هههه يعنى تمشى خطوتين تهبط العربيه نفسها بتهبط ما بالك بالبنى ادم ههههههههههههه
انا يا سيدى محجتش والا مره وده ال مخلينى منزلش الوقتى الا اما احج الحج القادم ده باذن الله لو ربنا احيانا وهنزل علطول وموش راجع تانى لكن عملت عمره كتير موش فاكر عددهم والله وبأدى صلواتى شويه فى البيت وشويه فى المسجد موش منتظم يعنى على مكان
كل سنه وانت طيب يا ابو حمزه وشرفتنى بمرورك الغالى يا غالى

 

ابراهيم نعينع كتب:

يعنى هو انا ديما كده باجى متاخر ولا اييييه
ومع مين ياشباب مع ابو تسنيم ،، يانهار ابيض ،،
معلش ياابو نسب غصب عنى انت عارف بقى رمضان
وعاوزين نقلل من النت خلال الشهر ،،
بس ازاى يعنى اسمع عن استضافة ابو تسنيم ومدخلش
انت عاوزنى اخد مخالفه ولا اييييييييه ياعم الحاج
منورنا ياابو تسنيم ،، والبرنامج ازداد شرفا بتواجدك فيه

هم الناس كلها عليك ولا ايييييييييييه ،، لاء بقى استنوا
بص بقى ياابو نسب انا جيييت يعنى من الاخر بقى ليك ظهر فى اليوم ده
ولا ينفع معانا عوض صديق ابو حمزه ولا عوضين صديق الاستاذ نهاد
خش عليا ياباشا
سمعتك كده وانت بتقول
المفروض دوامى بيبدأ 6 وينتهى 2 بعد الظهر بس ده مبيحصلش طبعاً
ههههههه ربنا يسترها ومحدش يسيحلى فى المنطقه
اعطينى بس انت رقم المدير بتاعك وملكش دعوه ،، سبلى انا الباقى بقى

احكيلنا ياباشا عن رمضان ده ازاى هتقضيه وخاصة انه بدون الجماعه
ولا يكون رجعوا وانا معرفتش ،، وايه اخبارك مع الطبيخ ؟

نيجى بقى لموضوع الغردقه اللى اتكلم عنه استاذ نهاد ،، رد على اسئلة الاستاذ نهاد اولا
وبعدين قولى بقى عن علاقتك بالاستاذ نهاد فى الغردقه ،، سمعت كده سمع خير انك كنت
بتقطع عليه ،، فاكر انت الايام دى ،، ايه حقيقة الخبر ده حقيقه ام مجرد اشاعه ؟

بقولك ياغالى عاوزك تفرد صدرك وتاخد راحتك ولا يهمك عوض ولا عوضين
انا ومحمد غنيم معاك اهو متقلقش ،، ولازم نخلى عوض يستسلم بجد ويحرم يخش كمان

ابراهيم باشا نعينع شخصيا يا هلا وغلا يا دى النور يا اولاد
ايه يا ابو نسب انت دايما بتيجى متاخر لييييييييييييييه هتاخد مخالفه انت حر قد اعزر من انزر
ااااااااااااااااااااه يا ابراهيم رمضان العام ده ملوش طعم خااااااااااااااالص الاولاد كانوا بيهونوا علينا الغربه شويه لكن مفيش نصيب يقضوه معايا العام
والاستاذ نهاد حبيبى يا عم ابراهيم انت شكلك جاى تهدى النفوس صح ؟؟ هههههههه بس كان بينا منافسه جامده سوق وتجاره ومفهاش رحمه ال يطول يعمل حاجه مبيترددش . طالما اشتغلت فى التجاره يبقى تجمد قلبك يا ريس
وانا معتمد عليكم يا رجاله فى موضوع عوض ده عاوزين نأخذ من كل رجل قبيله ونقطعهم
الواحد حاسس بعزوه وان بقاله ظهر يا جدعان ايوه كده يا وديييييييييييع اخيرا جيتوا يا ودعدع

 

الجيوكاندا كتب:

أستاذ إبراهيم وأنا هنا بعمل إيه ؟!

موش عارف بتعملى ايه يا ابله والله
لما تاريخ الميلاد بتاع نيمه موش عارفه تحفظيه يبقى هتعرفى تدافعى وكده !!!
طيب قولى ورايا كده بالراحه
واحد وعشرين اتناشر الفين وسبعه
تانى كده ..
واحد وعشرين اتناشر الفين وسبعه
واحد وعشرين اتناشر الفين وسبعه
واحد وعشرين اتناشر الفين وسبعه
هههههههههههههههههههههههههههههههههههههه حفظتيه يا ابله ؟

 

احم
لا انا مش عايز حاجه
انا بجرب صوتى بس
هههههههههههههههههههه

 

ابوحمزه الجمل كتب:

احم
لا انا مش عايز حاجه
انا بجرب صوتى بس
هههههههههههههههههههه

ههههههههههههه طيب يلا بيتك بيتك

 

 

حسين باشا كتب:

نور رمضان ثم نورك كثير علينا أبو تسنيم
شرفت أي مكان حط به قدمك ، وتحدّثت فكلامك يدخل القلوب من صدقك المعهود وطريقتك غير المصطنعه أدام الله عليك طيبتك وحبك لغيرك ، كل عام وأنت والجميع بخير .. رمضان كريم .

اخى وصديقى وزميلى حسين باشا منورنى يا غالى
بارك الله فيك والف شكر على كلماتك التى اثلجت صدرى دمت بكل خير يا غالى وكل عام انت والأسره الكريمه بكل خير

 

 

نهاد سليم كتب:

وبعدين ادخل المنتدى بدون طاقيه الاخفاء عشان لما بنشوف

اسمك كأننا نراك بالضبط مش نرى اثارك ولانجدك هههههههههههه

 

 

نهاد سليم كتب:

ابو تسنيم حبيب قلبى

انا سعيد بك جدا لانى اعتبرك من قمم المنتدى وانت اهل لذلك

ابو تسنيم الجميع يعرف عشقك للكمبيوتر وللبرامج

كلمنا متى تولدت عندك تلك الموهبه وكيف تنميها

وبعدين ادخل المنتدى بدون طاقيه الاخفاء عشان لما بنشوف

اسمك كأننا نراك بالضبط مش نرى اثارك ولانجدك هههههههههههه

ههههههههههههههههههههههه حبيب قلبى يا ابو محمد والله

اقتباس :

ابو تسنيم الجميع يعرف عشقك للكمبيوتر وللبرامج

كلمنا متى تولدت عندك تلك الموهبه وكيف تنميها

والله يا ابو محمد انا الكمبيوتر من زمان وانا اعشقه ولكن كنت بخاف دايما او بمعنى ادق مكانش فيه فرصه ان الواحد يستفرد بجهاز ههههههه المهم يا سيدى فترة الغردقه كان شغل طحن طبعا وعلى يدك وانت عارف مفيش وقت له خالص وكان الكمبيوتر لسه منتشرش اوى كده وكان غالى بدأت اما روحت شركة السفريات بعد الغردقه جلست فيها سنه بدأت اخربت مع نفسى كده وبعدين سافرت السعوديه وكنت بروح كافيهات وبعدين اشتريت جهاز وبدأت اتعلم فيه وكنت حابب جداااا البرامج وكنت بلف على المنتديات واشوف مشاكل الناس وحلولها واجرب مع نفسى وابوظ واصلح افتكر انى اول مره افرمت جهاز فيها كنت متردد جداااااااا وكنت خايف اوى مع انى كنت حافظ الفورمات صممممممم ولكن نظرى .. قمت واخد الجهاز وروحت لمحل صيانه وقولتله انت بتفرمت بكام قالى عشان خاطرك خمسين ريال قولتله اتفضل خد اهم بس لو سمحت انا هفرمت بنفسى وانت متقولش حاجه بس خليك جنبى عشان لو غلطت تعرفنى ههههههههه الراجل ضحك جدااااا وقالى ماشى اتفضل اشتغل وفرمت الجهاز وخلصت وثبت التعريفات والراجل بيقولى انت تمام والله قولتله وانا فرحان اوى بزمتك كله تمام موش نسيت حاجه قالى لسه البرامج قولتله منا عارف بسيطه دى بس الفورمات والدريفرات تمام قالى تمااااااااااااااااااااااااااااااام روحت البيت وانا فرحااااااااان وفرمت الجهاز تانى فى نفس اليله لواحدى ومن هنا بدأ قلبى يجمد وبدأت ادوس فى اى حاجه بس بعد معرفتها ومذاكرتها طبعا موش عافيه هى المهممممم فى نهاية كلامى علمت نفسى بنفسى والحمد لله ودخلت دورات كتير على النت والحمدلله تمام

 

فاطمة كتب:

أخى الفاضل
نـــــــــــهــــاد
هنعمل ايه بقى (برمجيااات)
أعطانا الله مما أعطاك
(اللهم لا حسد)
لا وكمان ايه أخى أبـــو تـــســـنــــيـــم
مطمئن ان خلاص كده الاستضافة انتهت
لا طبعاً اللى مش تعرفه أن استضافتك مُستمرة طول الشهر
ما صدقنا نلاقيك بقى
رمضان فى برمبال ثم الغردقة ثم السعودية
ما الفرق وأيهم افضل ؟
وبالسعودى كده

استاذه فاطمه منورانى يا فندم والله بس رمضان بالسعوديه بلاش تحكى عنه خالص والنبى لان الايام كلها شكل بعضها والله حياتهم هنا فى منتهى الكاءابه
لكن رمضان الكريم الواحد مبيحسش بيه غير اما يكون فى بلده ووسط اهله وناسه
وكل عام وحضرتك بخير يا فندم

 

 

يللا يا حبيبى لم فرشتك يللا واسرح بقى فى حته تانيه
كفايه عليك كده يا نن عين ماما من جوه
وللا تحب نعملك برنامج استضافه تمليك قوووووووووووول قووووووووووووول ما تتكسفش
يللا يا عم نهاد السوق اتفض
يللا يا شباب كل واحد يروح يلعب عند بيتهم ياما ارش ميه على الاستضافه دى
انت ياللى هناك مش بقولك فضيناها انت لسه بتعمل ايه عندك
وانت يا حجه خلاص ياللا ياماما
ايه الناس دى