تذكير بمساهمة فاتح الموضوع :

بعد أن اقدم الشكر الواجب للقائمين على المنتدى بأن خصصوا لى هذه النافذة كى أتشرف بالتواصل مع الأعضاء الكرام من خلالها .

أما هذا الموضوع عبارة عن نافذة يومية متجددة من خلالها أسجل إنطباعاتى اليومية فى لحظتها .
ربما تكون ببيت شعر وربما تكون عن شخص أو مقال أو جريدة أو أغنية أو لوحة أو غيرها
هذا الموضوع هو شخابيط وتسجيل إنطباعات لحظية ودفتر حضور وإنصراف لى .
هذا الموضوع متداخل ومتشابك ومتنافر ويحمل الكثير من الإختلاف ولذا إسمه شخابيط .
وأنتم بالطبع مدعون للتفاعل ولكم كامل الحرية فى تسجيل شخابيطكم مع شخابيطى .

 

رايحين شايلين ف إيدنــــــــــا سلاح
المجموعــــــــــــــــــــة
[ندعوك للتسجيل في المنتدى أو التعريف بنفسك لمعاينة هذا الرابط]

 

ما رأيك يا أستاذ أشرف نتطرق فى شخابيط طالما القعده هتحلو كده
نتطرق لموضوع مهم جدا فى حياتنا فى كل نواحيها وهو
الإيجابية أو إيجابية الإنسان المسلم المصلح الصالح النافع لنفسه ولدينه ولمجتمعه
تعريف بها .. .. كيف أكون إيجابى ... كيف أطور الإيجابية بداخلى .. كيف أدعوا غيرى لأن يكون إيجابى .. فى الحقيقة الثورة فى فترة بسيطة جدا أحييت بداخلنا جميعا أو معظمنا الإيجابية .. والمهم هى الإستمرارية
أترك المجال لحضرتك للتوضيح وسنتناقش فيها سويا والاخوة زوار الصفحة
شكرا سيدى الكريم

 

أشرف عبد العزيز كتب:

حسين باشا كتب:

أنا شاب غلبان وفـــ حالي
باكل اللقمة وأنام طوّالي
أصحي أصلِّي وأسعيَ لرزقي
وأبدأ سفري وأشد رحالي ،
يوم والتاني بدأت أنا أفهم
إن الدنيا عايزانا نحلم
ما فيـــ مشكلة بتدوم علطول
بكره وبعده مفيش وأنا مالي ،
-----
شخبوطة علي قدّي ،،،
وأحتفل وأهنئ الأستاذ أشرف عبدالعزيز علي نافذته الجديدة مع الحاضرون وجعلها الله خطوة للأمام في عمق آداء الجميع وأعانه الله علي نفعنا من خلالها .

العزيز حسين أضم صوتى لصوت الفاضلة فاطمة بأن تُجهز لك نافذتك
والتى بلا شك ستضم الكثير مما حجبته أنت عنا سابقاً
وكأنك كنت منتظراً لحافز يستفزك ويستفز إبداعاتك التى بدأت تأخذ شكلها النهائى
فلا تُحجم ولا تقيد قلمك دعه يكتب ويشخبط
واستمر يا صديقى

 

نبيه نبيه طه كتب:

ما رأيك يا أستاذ أشرف نتطرق فى شخابيط طالما القعده هتحلو كده
نتطرق لموضوع مهم جدا فى حياتنا فى كل نواحيها وهو
الإيجابية أو إيجابية الإنسان المسلم المصلح الصالح النافع لنفسه ولدينه ولمجتمعه
تعريف بها .. .. كيف أكون إيجابى ... كيف أطور الإيجابية بداخلى .. كيف أدعوا غيرى لأن يكون إيجابى .. فى الحقيقة الثورة فى فترة بسيطة جدا أحييت بداخلنا جميعا أو معظمنا الإيجابية .. والمهم هى الإستمرارية
أترك المجال لحضرتك للتوضيح وسنتناقش فيها سويا والاخوة زوار الصفحة
شكرا سيدى الكريم

شوف يا صديقى نبيه
إسمح لى أرد عليك برد سابق لى فى موضوع أخر
عن تساؤل لأخينا الأستاذ على عيد المحامى المثقف ولو رايت أنه غير وافى فلنستمر فى الشخبطة
والرد هو

أنظر يا أخى
إتفقنا سابقاً أن السنوات القادمة - قدرتها 5 سنوات - هى سنوات البزرميط السياسى العجاف
هى بزرميط ..... لأن كل من هب ودب اللى بيفهم واللى ما بيفهمش واللى بيعرف واللى مابيعرفش هتلاقيهم يشتغلوا سياسة ( وطبعاً البشاير ظهرت ولسه ) واللى بيحصل فى برمبال القديمة بيحصل فى كل مصر زنجـــة زنجــــة .

وهـــــــــى عجاف ..... لأنها لن تنجب كوادر سياسية ولن تفرز أية قواعد ديموقراطية للعمل السياسى وذلك على عكس المتوقع اللى و المفروض إنها تبقى فترة فوضى خلاقة ولكننا كالعادة سنعطيها خاتم الصناعة المحلية وتُختم بأكلاشيه البزرميط
فهى ببساطة بزرميط سياسى عقيم .

من هنا نقول إن اللى هينزل الشارع مفقود قصدى اللى هينزل يشتغل لشخصه يعنى بيطرح نفسه كلاعب يبقى نزل المفرمة لأن فترة البزرميط عبارة عن معارك تكسير وتكسيح عظام لن ينجو منها إلا ذو القوة القاسى .
ولكن اللى هينزل الشارع من الشباب أتمنى أن يسمع منى الأتى :
جرد نفسك عن أى طموح شخصى للعمل بإسمك حتى ولو كان سعى لمقعد فى المجلس الشعبى المحلى
جرد نفسك من أحلام اليقظة بأنك ستكون مؤثر تأثير شديد بل يكفى أن يكون تأثيرك ملحوظاً أن تكون أنت بمثابة الحجر الذى أُلقى فى البحيرة الساكنة فتحركت مياهها .
أهل الشارع لا ينتظرونك بالورد لأنهم فى كثير من الأحيان ستكون ألستهم معك وأصواتهم الإنتخابية ضدك
يكفيك أن تؤسس لطريقة جديدة للعمل بلا أى مقابل حتى ولو كان معنوياً يكفيك أن ترى التغيير يحدث حتى ولو كان على مستوى تفكير الناس .
إجعل فترة البزرميط هذه فترة تأسيس وتكوين وإكتساب وعى وخبرة وقوة كى تكون مستعداً بعدها للمنافسة بقوة وشرف
إتصل بالشباب المحيطين بك فى القرى المجاورة وإتفقوا على أرضية مشتركة تجمعكم سوياً كى تكونوا قوة واحدة وتجمع واحد لحظتها سيكون تأثيركم واحداً
والمهم لا تنزلوا الشارع وفى ذهنكم عداوات أو صداقات مسبقة إطرحوا فكركم وعملكم وهذا العمل هو من سيحدد من عدوكم ومن صديقكم


فترة البزرميط هذه لها قوانينها الخاصة أسميها قوانين البزرميط
فمن أراد أن يشارك فى العمل فى هذه الفترة عليه أن يتعلم قوانين البزرميط
الموضوع طويل وعلى أمل أن نتواصل فيه

 

لابد من يــوم معلــــــوم تترد فيه المظالــــــــــــم
أبيض على كل مظلـــوم واسود على كل ظالــــــم

 

ليه مش عارف كل ما أسمع أغنية أول همسة لفريد الأطرش على العود باحس إن الدنيا شتا والأرض كلها مبلوله ومع ذلك الجو دافى

 

( الحياة ﻋﻤﺮﻫﺎ ﻣﺎ ﺗﺸﻮﻑ ﺩﻣﻮﻉ ﻭﺗﺨﻒ
ﺍﻟﻌﻤﺮ ﻭﺍﻧﺖ ﻏﺮﻳﺐ ﻳﺸﺒﻪ ﺷﺮﻳﻂ ﺑﻴﺴﻒ
ﻭﺍﻵﻫﻪ ﻏﻨﻮﺓ ﻭﺟﻊ ﻳﺴﻤﻌﻬﺎ ﻣﻴﻦ ﻏﻴﺮﻙ
ﺩﺍﻳﻤﺎ ﺑﺘﺘﻠﻔﺖ ﻭﺗﻼﻗﻰ ﻧﺎﺱ ﺗﺎﻧﻴﻴﻦ ...
ﺷﻜﻠﻚ ﻏﺮﻳﺐ ﻭﺳﻄﻬﻢ ﻭﺍﻟﺒﻴﺖ ﻫﻨﺎﻙ ﻓﺎﺿﻰ
ﻛﻞ ﺍﻟﻠﻰ ﺣﻴﻠﺘﻚ ﺻﻮﺭ ﻣﻊ ﺿﺤﻜﺘﻴﻦ ﺑﺎﻳﺘﻴﻦ..
ﺑﻴﺠﺮﻭ ﺭﺟﻞ ﺍﻟﻮﺟﻊ ﻳﺎ ﺧﺪﻙ ﻋﻠﻲ ﺍﻟﻤﺎﺿﻰ
ﺩﻩ ﺍﻧﺖ ﺍﻟﻠﻰ ﻧﻔﺴﻚ ﺗﻌﻮﺩ
ﻭﺍﻧﺖ ﺍﻟﻠﻰ ﻣﺶ ﺭﺍﺿﻰ )



ميسرة صلاح

 

قالوا جننت بمن تهوى فقلت ما لذة العيش إلا للمجانـين !

 

مبرووووووووووووووك أستاذنا علي النافذة ....
واسمحلي بالشخبطة الصغيرة دي ...........
وبصراحة أول مرة أكتبها .............

قمر تشوفه تنسي اليوم والأمس
تتمني قربه ولو يادوب باللمس
معرفش ليه بعدت عنه ومشيت
يمكن لأني مبشوفش غير في الشمس .
............ ومليووووووون عجبي

 

المحامي كتب:

مبرووووووووووووووك أستاذنا علي النافذة ....
واسمحلي بالشخبطة الصغيرة دي ...........
وبصراحة أول مرة أكتبها .............

قمر تشوفه تنسي اليوم والأمس
تتمني قربه ولو يادوب باللمس
معرفش ليه بعدت عنه ومشيت
يمكن لأني مبشوفش غير في الشمس .
............ ومليووووووون عجبي

دى يا أخينا مش شخبوطة
دى رباعية فى منتهى الروعة
وفيها كل مقوماتها الفنية
روعة روعة بجد مش معقول تكون أول مرة تكتب
بجد حلوة قوى
فيها المفاجأة الجميلة فى النهاية
معانيها حلوة قوى عليا اقعد اشرح لك المعنى اللى وصلنى منها فى صفحة كاملة
عارف معناها العام اللى وصلنى إيه ؟
بتقول :
هاضحى بالقمر اللى نفسى فيه فى سبيل عدم التخلى عن النور
تمسكى بالنور أقوى من تمسكى بأى شىء سواه
أحسنت واستمر فى الكتابة بالعامة من فضلك ومش لازم تبقى رباعية

 

كما هي العادة أستاذي ..
لا أسلم من مجاملاتك الرقيقة
وتشجيعك المتواصل والمليء بالتفاؤل
وتستخرج من كلامنا ما لم نصل إليه
لأننا لم نرتقي بعد لموهبتك الأدبية
فشكرا لك ولقلمك الذي يقطر أدبا وأدبا .

 

المحامي كتب:

كما هي العادة أستاذي ..
لا أسلم من مجاملاتك الرقيقة
وتشجيعك المتواصل والمليء بالتفاؤل
وتستخرج من كلامنا ما لم نصل إليه
لأننا لم نرتقي بعد لموهبتك الأدبية
فشكرا لك ولقلمك الذي يقطر أدبا وأدبا .

عمرى ما جاملت فى النقد
مستحيل أجامل أى حد على حساب الأدب والقفافة والفن
مفاية التهريج اللى فيهم
هنيجى إحنا نزوده بالمجاملة ؟
فيه عيوب أه فى المقطع لكن اللى يهمنى إنها مش عيوب فى الصياغة أو الموسيقى أو تركيب الجملة
ربما يكون العيب فى إنك ما جبتش قالب خاص بيك
ولكن اللى يهمنى مواصفات قلمك اللى مع بعض الجهد البسيط هيبقى قلم مميز وله تأثير
عرفت بقى
أنا باصص على قدرات فى قلمك
مش باصص على المعنى بتاع الكلام بس
مساءك زى الفل
ولا أقولك
إحلم ده اللى بيحلم بيطير
وبيبقى كتير

 

 

الجيوكاندا كتب:

معلش يااستاذ اشرف انا عارفة ان ردى جه متأخر شوية ، لكن اسمح لى بان احييك .. وارحب بك

فكم يسرنا ويسعدنا انضمامك لنا ، وكم اتمنى ان تتسع صفحات منتدانا لقلمك وما يحمله من عبير

مشاعرك ومواضيعك واحب ان اقول لك:

لو علمت الدار بمن زارها فرحت ............ واستبشرت ثم قبلت موضع القــــدم

وانشدت بلسان الحال قائـــــــــلةً ............اهلا وسهلا باهل الجود والكـــــــرم

مع خالص دعواتى لك بقضاء وقت ممتع ومفيد

الجيوكاندا
منور بيتك ونافذتك فى كل الأوقات
فأنت مرحب بك على الدوام
ولكِ كل الشكر على الشعر وبصراحة لو تعرفى مين اللى كتبهم يا ريت تعرفينى
لأنى متصور حاجة من إتنين اللأولى إنها للإمام الشافعى وده إحتمال ضعيف
والتانى من الشعر العباسى
ومتهيألى إنى عمرى ما عرفت صاحبها رغم إنى قريتهم من زمان وأعتقد إنهم من الشعر اللى بيتكرر فى حواديت ألف ليلة وليلة ومش معروف صاحبه .
يا ريت لو حد يعرف يعرفنى
أشكرك مرة أخرى الجيوكاندا

 

حاجة تنرفز ومستفزة
إنك تلاقى كل واحد فاتح محل أو مشروع أياً كان
وتلاقيه مسميه بإسم إنجليزى
تلاقى الحلاق مسمى الصالون ( هابى دريمز ) مثلاً
وكأنه مش عارف يسميه ( أحلام سعيدة )
وزى أخونا الحلاق تلاقى البقال وغيرهم

اللغة العربية لم تهن حتى وإن كان أهلها هانوا حتى على أنفسهم
إزاى قاعدين نطالب بالحرية والعدالة وكل الحاجات الجميلة قوى دى
وإحنا مش واثقين ولا معتزين بلغتنا وبنتكسف منها
طيب ياريت الأخوة دول يتكلموا بالإنجليزى بالمرة وبلاش يتكلموا عربى
الحكاية دى مطلوبة لها حملة توعية للناس
وكمان حملة فى المحليات بحيث يكون شرط الترخيص لأى مشروع إنه يكون له إسم باللغة العربية الفصحى ويمتنع ترخيص أى مشروع له إسم أجنبى
أقول هذا وأستغفر الله لى ولكم ولأصحاب المشاريع بأسماء أجنبية

 

حاسس إن فيه حاجة بتتطبخ بقى لها كام يوم وقربت تستوى ربنا يستر
ويكون أكلهم دلع أوناقص ملح بس وعلى الله ما يكونش شايط

 

الفيديو ده مهم ويا ريت تشوفوه

[ندعوك للتسجيل في المنتدى أو التعريف بنفسك لمعاينة هذا الرابط]

 

الدنيا بحر البشر

هايج وواسع سر

تلاقى ناس ف الغرق

وتلاقى ناس ع البر

وأنا كت قاطع نفس

مديت إيديا بعبث

مالقيتيش فاعل خير

وأنقذنى فاعل شر





غريق وجانى المدد

وقبلته وانا مش حر

كان نفسى اموت م الغرق

على انى اعيش مضطر

ميدو زهير

 

لو هزم الصمت جواك الكلام
وغرقت مشاعرك ف بحور الملام
تتمني يوم القرب وتخاف التداني
وتبني أحلام باهتة علي شط الأماني
عمرك يوم ما حتتقدم
وحتفضل عمرك تتندم
علي لحظة تاه منها الفرح
وعلي قلب مليان بالجرح
وهتعيش بأحلامك مع روحك
هتعيش بأوهامك وجروحك .

 

allmassy كتب:

لو هزم الصمت جواك الكلام
وغرقت مشاعرك ف بحور الملام
تتمني يوم القرب وتخاف التداني
وتبني أحلام باهتة علي شط الأماني
عمرك يوم ما حتتقدم
وحتفضل عمرك تتندم
علي لحظة تاه منها الفرح
وعلي قلب مليان بالجرح
وهتعيش بأحلامك مع روحك
هتعيش بأوهامك وجروحك .

حلوة قوى الشخبوطة دى
أشكرك عليها
ويا ريت تداوم معانا على الشخبطة

 

شكرا لحضرتك
وليه ما نسيمهاش
حائط الحرية

 

allmassy كتب:

شكرا لحضرتك
وليه ما نسيمهاش
حائط الحرية

يشرفنى وإسم جميل ومعبر كمان وفيه بردو معنى من نوع خاص للشخبطة
إيه رأيك نسميه حائط الحرية الشهير بشخابيط ؟
أو العكس ؟

يبهجنى التواصل
برجاء الدوام

 

شوفوا عمر بن أبى ربيعة بيقول إيه ؟


يَقولونَ أَنّي لَستُ أَصدُقُكِ الهَوى
وَإِنِّيَ لا أَرعاكِ حينَ أَغيبُ
فَما بالُ طَرفي عَفَّ عَمّا تَساقَطَت
لَهُ أَعيُنٌ - مِن مَعشَرٍ- وَقُلوبُ
وَما النُسكُ أَسلاني وَلَكِنَّ لِلهَوى
عَلى العَينِ مِنّي وَالفُؤادِ رَقيبُ

 

لا تأسفـــنَّ على غدر الزمـــان لطالما
رقصت على جثث الاسود كــــــــلابُ
ماقصدها تعلو على أسيادها لكــــــن
تبقى الاسود أسود والكلاب كــــلابُ

 

(دعوه للبسمه)

تبسمت لك الدنيا فمالِك واجماً
وتبسمت فعلام لا تتبسمُ
إن كنت مكتئباً لعزٍ قد مضي هيهات يرجعه إليك تندمُ
أو كنت تشفق من حلولِ مصيبةٍ هيهات يمنع أن تحل تجهمُ